يوميات صيدلاني💊💉

اطباء الاسنان هذه قناتكم
https://t.me/dentistdia

موضوع اليوم بيتناول أهم الإجراءات يلي لازم ننتبه لها لما نبلش بإدخال الطعام لطفلنا بعمر ٦ أشهر:

👶🏻 أول خطوة، مجرد ما نبدأ بالأكل، لازم ندخل الماء ضمن روتين الطفل اليومي.

👶🏻 نبدأ بـ الخضار، صنف أو صنفين فقط، ومنستمر عليهم ٣ أيام لنتأكد إنو ما في تحسس.
أمثلة: كوسا، جزر، يقطين... منسلقهم منيح ومنهرسهم، وبعدها ممكن نضيف الأرز المدعم بالحديد.

👶🏻 بعدها منبلش بـ الفواكه، ونفس القاعدة: صنف كل ٣ أيام.
أمثلة: موز، تفاح، كمثرى، بطاطا حلوة، مانجو.

👶🏻 طريقة الإطعام بتعتمد على جاهزية الطفل:
لازم يقدر يقعد ويسند راسه
نستخدم ملعقة من السيليكون أو بلاستيك طري (ما منستخدم زجاجة الإرضاع للأكل)

👶🏻 ممنوع إدخال السكر أو الملح أو الحليب البقري قبل عمر السنة.

👶🏻 العسل كمان ممنوع قبل عمر السنة لتجنب خطر التسمم الوشيقي.

👶🏻 ممكن نضيف حليب الأم أو الحليب الصناعي للطعام المهروس ليكون الطعم ألذ وأسهل للقبول.

👶🏻 بعد عمر ٧ أشهر، فينا نضيف التمر كمحلي طبيعي.

👶🏻 ولازم نضيف وجبة بروتين مرة بالأسبوع مثل اللحمة، الدجاج، أو صفار البيض (كمان بعد عمر ٧ أشهر).

👶🏻 بالبداية منبلش بملعقة صغيرة، وبالتدريج منزيد الكمية حسب تقبل الطفل.

👶🏻 علامات التحسس يلي لازم ننتبه لها:
طفح جلدي على الوجه أو الجسم
إسهال
إقياء
حبوب حمراء
صعوبة بالتنفس
(ووقتها لازم نوقف الأكل فورًا ونراجع الطبيب)


ملاحظة مهمة: كل طفل بيختلف عن الثاني، والمذاق يلي ما بيحبه اليوم، ممكن يحبه بعد أسبوع. لهيك بدنا نصبر، ونكرر المحاولة، والأهم نجهز الأكل بالبيت بطريقة صحية، ونتجنب أكلات مثل النشا، البسكويت، أو الشاي، لأنو ما فيها فائدة.

وأخيرًا، ما ننسى فيتامين D من أول يوم ولادة، ٤ نقط يوميًا، لحماية الطفل من الكساح لحد عمر السنة.
الصيدلانية ناديا علي الزربا
رابط القناة
https://t.me/Waelology2025

لحتى نعرف إذا كان وزنّا طبيعي، أو إذا عنا نحافة أو سُمنة، بنستخدم مقياس مؤشر كتلة الجسم (BMI)، واللي تصنيفه بيكون كالتالي:

✅نقص في الوزن (Underweight): أقل من 18.5

✅وزن طبيعي (Normal): بين 18.5 و25

✅زيادة في الوزن (Overweight): بين 25.0 و29.9

✅سُمنة (Obese): بين 30.0 و34.9

✅سُمنة مفرطة (Extremely Obese): بين 35.0 و39.9

وبهيك، صار فيكن تعرفوا إذا وزنكم طبيعي أو لا، من دون الحاجة لزيارة أخصائي تغذية!

ولا تنسوا تشاركوا القناة مع أي حدا بتعرفوه بيهتم بصحته وجسمه.
Ph. Nadia
رابط القناة
https://t.me/Waelology2025
الصيدلانية ناديا علي الزربا