" أتأمرون الناس بالبر وتنسون أنفسكم "

الآية دى بعد ما سمعتها أنا بطلت انصح الناس ،أصل ليه أنصح وأنا مش بعمل الحاجة

الجملة السابقة أكتر حاجة منتشرة وأكتر حاجة غلط ولا تصح ،ولو كملت الآية هتلاقي الحل بتاع المشكلة واللى ربنا عز وجل حلَّها وذكر حلها

اقرأ قول الله تعالىٰ:
﴿وَاستَعينوا بِالصَّبرِ وَالصَّلاةِ وَإِنَّها لَكَبيرَةٌ إِلّا عَلَى الخاشِعينَ۝الَّذينَ يَظُنّونَ أَنَّهُم مُلاقو رَبِّهِم وَأَنَّهُم إِلَيهِ راجِعونَ﴾

هو ده الحل
بنصح الناس بالصلاة وأنا مش منتظم ،استعن بالله ولا تعجز ووكل أمرك لله واسأل الله التوفيق والثبات ،وابدأ خد خطوات علشان تعمل الحاجة

بلاش تاخد الآية وتجرى ❌
كمل الآية وعيدها واقرأ تفسيرها
ربنا عز وجل ساب الحل بعد الآية علشان لو الشيطان دخل وقالك بلاش تنصح بحاجة مش بتعملها

﴿وَاستَعينوا بِالصَّبرِ وَالصَّلاةِ وَإِنَّها لَكَبيرَةٌ إِلّا عَلَى الخاشِعينَ۝الَّذينَ يَظُنّونَ أَنَّهُم مُلاقو رَبِّهِم وَأَنَّهُم إِلَيهِ راجِعونَ﴾

ولو كان الناصح لازم يكون بيعمل الحاجة علشان ينصح ،ولازم يكون بلا ذنوب ،يبقى مينفعش حد ينصح إلا النبي ﷺ

لو لم ينصح غير معصوم من الزلل
فما نصح في العالمين غير محمد

احنا بشر مش ملائكة
احنا فينا ضعف وخلقنا ضعفاء ،وبالله والجهاد أقوى وأعز

*• قال الله عز وجل: ﴿وَالَّذينَ جاهَدوا فينا لَنَهدِيَنَّهُم سُبُلَنا وَإِنَّ اللَّهَ لَمَعَ المُحسِنينَ﴾