أروع سلسلة 🔗 للاستعداد لرمضان 💫

🌷اهم الأهداف اللي هتستعد بيها لرمضان

📌 ✅استغفار .✅..

🌟 الاستغفار يعني طلب العفو والمغفرة ..
👌 من مين ؟؟ من الله تعالي ، ملك الملوك الكبير المتعال ..
👌 على إيه ؟؟ على ذنوب ومصايب وبلاوي سودا إنت عملتها في حق الله تعالي!!!

🌷 طيب تخيّل ولله المثل الأعلى .. لما واحد يدخل على ملك أو رئيس وهو عامل جريمة كبيرة ويطلب منه المغفرة والعفو عن الجريمة دي .. عيش الموقف وشوف هيطلبه إزااااااي ؟؟!

▫️تخيل شكله وذلّه وانكساره؟؟
▫️تخيل طريقة كلامه ونبرة صوته ؟؟
▫️تخيل تكراره وإلحاحه في الطلب ؟؟؟
▫️تخيل دموعه وندمه حرارتهم قد إييييييييه ؟؟!
👌المفروض إن كل ده وأكتر يكون حالك وإنت بتستغفر ربك ؟! عرفت ليه دلوقتي إن استغفارنا اللي بنقوله بكل غفلة واستهتار ، في حد ذاته ممكن يكون ذنب أصلاً محتاجين نستغفر منه ?!!!

- هتقول : طيب أستغفر ربنا ليييييييييييه ؟؟!!
- هقولَّك : لأن الذنوب يا حبيب قلبي خطيرة جدااا.. ولكننا غافلين ! إبليس انطرد من الجنة بذنب واحد .. سيدنا آدم بذنب واحد خرج من الجنة .. وإنت بتعمل الذنوب دي كلها ومش فارقة معاك!!

👌 عارف إنت محروم بسبب ذنوبك من إيه وقد إيه ؟؟!!إنتي عارفة الذنوب عاملة فيكي إيه ؟؟؟!
👈 ياما ناس اتحرمت من القيام بسبب الذنوب ..
👈ياما ناس اتحرمت من صلاة الفجر بالذنوب ..
👈 ياما ناس اتحرمت من الخشوع في الصلاة بالذنوب ..
👈ياما ناس اتحرمت من الدعوة بالذنوب ..
👈ياما ناس اتحرمت من طريق الدين بسبب الذنوب !
✒️❌❌الذنوب بتمنع إجابة الدعاء وبتمنع الرزق وبتمنع التوفيق !!

🌷 الذنوب بتقفل كل الأبواب في وشَّك والعياذ بالله! علشان كده هتلاقي الاستغفار داخل ضمن معظم الأعمال اللي بنعملها علشان يفتح لنا الأبواب دي ..💚 شوف وإنت داخل المسجد ، أول حاجة بتقولها : (اللهم اغفر لي ، وافتح لي أبواب رحمتك) .. أبواب الرحمة كانت مقفولة والاستغفار هيفتحهالك ..

🌟 أول حاجة بنقولها في الصلاة :
(اللهم باعد بيني وبين خطاياي كما باعدت بين المشرق والمغرب ) ..
ده اسمه دعاء الاستفتاح .. كأن أبواب قلبك كانت مسدودة والاستغفار هيفتحها ما بينك وبين الخشوع في الصلاة ..

✅ سيدنا نوح بيقول : (فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ) الذنوب كانت قافلة الرزق .. كانت قافلة الأرحام .. كانت قافلة المطر .. والاستغفار فتح من الله لكل الأبواب دي ..
▫️الاستغفار هيفتحلك أبواب الدين والدنيا في حياتك ..
▫️الاستغفار هيعمل مفاجأت في حياتك ..
▫️الاستغفار هو المفتاح السحري لفتح أي باب مقفول في وشَّك..

👈👌 وأي حد مجرّب عارف الكلام ده كويس .. أي حد جرّب ، عرف قد إيه حلاوة وجمال وسحر الاستغفار ، وإن ربنا سبحانه وتعالي جعله سبب لتفريج الهموم والكربات ودفع العذاب ورفع العقوبات ومخرج لابتلاءات كتير جداً في حياتنا..👈بس استغفر بيقين وإنت هتشوف العجب ..

✋ وللأسف إحنا بنقعد مستنيين إننا نسمع أو نقرأ قصص عن عجايب الاستغفار علشان نتشجع ونستغفر !! مع إن ربنا تعالي وهو أصدق القائلين ، قال في القرآن في أكثر من آية إن اللي هيستغفر هياخد فتوحات وبركات وكرامات ورزق وزاج وذرية ومتعة وقوة ..
👌 كل ده وغيره أكتر للمستغفرين .. ولكن قلوبنا للأسف لسه مش مصدقة ومدخلهاش اليقين !!

- هتقول : بس أنا مش بحسّ بالمعاني دي وأنا بستغفر لأني مش عارف أصلاً إيه هي ذنوبي ، هستغفر على إيييييه بالظبط ؟؟!
👌- هقولِّك : ده إحنا عندنا معاصي متتعدّش !!!!! خد عندك :
▫️معاصي السر: زي عادة سيئة ، مواقع إباحية ، كل نظرة حرام خطفتها في الشارع ، كل معصية عملتها في خلوتك ..
▫️معاصي القلوب: زي تعلق القلب بغير الله ، الرياء ، النفاق ، سوء الظن بالله !!
▫️معاصي النفوس: زي الكبر والعجب والحسد !!
▫️معاصي الفرائض: زي صلاة الفجر اللي بتضيع ، وعدم الخشوع في الصلاة ، والصيام اللي ياما فرّطت فيه !!
▫️معاصي الأخلاق والمعاملات والحقوق: إيذاءك للناس بأي قول أو فعل .. عقوق والدك ووالدتك .. أرحامك اللي إنت قاطعها ، شغلك الدنيوي اللي إنت مقصَّر فيه ..

👈السيئات الجارية: علِّمت حد التدخين .. عرَّفت حد طريق المخدرات! دلِّيت واحد على موقع إباحي !! عملت شير لأغاني وصور حرام لسه الناس بتشيّرها لبعض بسببك !!

▫️معاصي في حق الاسلام: كل منظر شفته ومأنكرتهوش ولو بقلبك .. تقصيرك في الدعوة الى الله .. سيدنا كعب بن مالك رضي الله عنه تخلَّف مرة واحدة عن خدمة الدين ونصرته ؛ شوفوا اللي حصلَّه ؟! النبي صلى الله عليه وسلم والصحابة قاطعوه 40 يوم!! وإنت تخلَّفت عن خدمة دينك 1000 مرة ومرة ومش حاسس إنك عملت أي حاجة !!

📚وخد شوية النصايح دي لعلّها تنفعك بإذن الله :