« طنز بایرام نغمه سی »
قیش باغلادی بوخجانی اسیر باد بهاری
بایرام توتکین چالدی گلیر، یولدا قطاری
بایرام دئمه، قدداره لی دیوانه نفس کش
چیرپار یکه دسمالینی قویموش لبه داری
اصلان اولا بیلمز بئله بایرامین حریفی
اصلانی دوا ائیلر آتار آغزینا ساری
قارون کیمی اربابین آلار گنجین الیندن
تاراج ائدر اربابی دولاندیرسا بازاری
بیلدیر بونی دیداره چاغیرمیشدی غضنفر
خرج ائیله دی رخسارینه قیرخ اللی داواری
یوخسول نئجه وئرسین دلی بایرامه سلامی
یارانه دن آرتیقدی مگر دار و نداری؟
چوخلاری بئلر شالواری بایرام آدی گلجک
چون یوخدی بو بایرامه قدر ذره چیخاری
آه اوسته چکیر آهی بو بیچاره جماعت
بستان پوزولوب یوخدی جیبینده دوهزاری
دیواری آشیر اوغری کیمی تازه قبیض لر
گاز قبضی مینیر برقی سو اوستونده سواری
دولت وئرن آیلیقلار اولوب بوز کیمی فانی
گون چیخسا اریر قالماز اونون جیبده بخاری
هی وعده ساتیر اولمه گولوم یونجا بیتین جک
یونجا بیچیلیر، دیلده قالیر قول و قراری
به به، گوزل ایرانلی عجب بخته ور اولدی!
قند اوسته گئدیر، یاغ چوخالیر، ییرمی فشاری!
دریای غم ایچره چابالار یوخسول آداملار
قان یاخشی دولانماز دوتولار گونده داماری
بیر کولگه سی قالمیش، اؤلی موم ایچره مثالی
قبرینده ده برپادی بونون آهیله زاری
بیر بؤیله فلاکت، قوجالیق، بیرده بهالیق
چه چه وورا بیلمز بیزیم ائللرده قناری
ایشلر گئچیب انصافیدن اندازه دن آرتیق
بیر عده سورار قانی نه قدرتله باشاری
یوز یئرده سفارشدی بو سؤز ختم نبی دن
رحم ائیله یره رحم ائله سین گویده کی تاری
سس سالما «مجیدی» یئنه بایرامه دولاشما
قارنون جیریلار ویرسا یئره آتسا یوخاری
دور دالدا داداش اولما قاباقیندا نمایان
تا دیمه سین اصلا سنه بایرامین آزاری
قوی بایرامی تحویل ائله سین لر آقالار کی
وار کارلی پولی، سکه سی یا چوخلی دلاری
شعر از: رضا مجیدنسب
قیش باغلادی بوخجانی اسیر باد بهاری
بایرام توتکین چالدی گلیر، یولدا قطاری
بایرام دئمه، قدداره لی دیوانه نفس کش
چیرپار یکه دسمالینی قویموش لبه داری
اصلان اولا بیلمز بئله بایرامین حریفی
اصلانی دوا ائیلر آتار آغزینا ساری
قارون کیمی اربابین آلار گنجین الیندن
تاراج ائدر اربابی دولاندیرسا بازاری
بیلدیر بونی دیداره چاغیرمیشدی غضنفر
خرج ائیله دی رخسارینه قیرخ اللی داواری
یوخسول نئجه وئرسین دلی بایرامه سلامی
یارانه دن آرتیقدی مگر دار و نداری؟
چوخلاری بئلر شالواری بایرام آدی گلجک
چون یوخدی بو بایرامه قدر ذره چیخاری
آه اوسته چکیر آهی بو بیچاره جماعت
بستان پوزولوب یوخدی جیبینده دوهزاری
دیواری آشیر اوغری کیمی تازه قبیض لر
گاز قبضی مینیر برقی سو اوستونده سواری
دولت وئرن آیلیقلار اولوب بوز کیمی فانی
گون چیخسا اریر قالماز اونون جیبده بخاری
هی وعده ساتیر اولمه گولوم یونجا بیتین جک
یونجا بیچیلیر، دیلده قالیر قول و قراری
به به، گوزل ایرانلی عجب بخته ور اولدی!
قند اوسته گئدیر، یاغ چوخالیر، ییرمی فشاری!
دریای غم ایچره چابالار یوخسول آداملار
قان یاخشی دولانماز دوتولار گونده داماری
بیر کولگه سی قالمیش، اؤلی موم ایچره مثالی
قبرینده ده برپادی بونون آهیله زاری
بیر بؤیله فلاکت، قوجالیق، بیرده بهالیق
چه چه وورا بیلمز بیزیم ائللرده قناری
ایشلر گئچیب انصافیدن اندازه دن آرتیق
بیر عده سورار قانی نه قدرتله باشاری
یوز یئرده سفارشدی بو سؤز ختم نبی دن
رحم ائیله یره رحم ائله سین گویده کی تاری
سس سالما «مجیدی» یئنه بایرامه دولاشما
قارنون جیریلار ویرسا یئره آتسا یوخاری
دور دالدا داداش اولما قاباقیندا نمایان
تا دیمه سین اصلا سنه بایرامین آزاری
قوی بایرامی تحویل ائله سین لر آقالار کی
وار کارلی پولی، سکه سی یا چوخلی دلاری
شعر از: رضا مجیدنسب