"هُواة ألشعر ألشعبي💜"


Гео и язык канала: Иран, Фарси
Категория: не указана


الشعر عندي هو سفر إلى الآخرين ..
.
لخدمة الشعر والشعراء💜🌿..
.
قناتنا الأدبية @keyjan
.
_للتواصل : @Mrhussian_bot

Связанные каналы

Гео и язык канала
Иран, Фарси
Категория
не указана
Статистика
Фильтр публикаций


كون يمك
يا بخت جنحة اليذبه الريح يمك!
كون أشوفك ..
كون ويّ فجر السوالف تغبش عيوني عليك
اتشيل خطوة شوفها وتنكلها يمك
وديّ اشوفك ..
ودي أطيرن محترك واطفة عتب حار اعله دمك..
بلجن اباجي الطفو غيرة دفو وتذوب رسوم الشتة الصك اعله دمك !

ودي اغافل ليلهم و أبحر واذب كَلبي بشريعة
ودي ابوكن جسمي وابعد
وديّ افك باب السنين السودة واشرد

وديّ لاجن شدو برجلي جرس يشهد علية
وبس اشيلن خطوتي الحراس تكعد!

بس اشيلن خطوتي ايردهة الكزاز ..اعيونهم صارت كزاز
ابكل جفن يندله حلمك!
ظفروا رموشي حبل وتنطروا جية ظلام ..وصلبوا اعله عيوني حلمك!

وانت يا المجروح خاف احجي والجمك ..
لو تطاوعني الجروح تصير غيمة
وحتى اراويك شكثر ينزل مطر بالكاع دمك
فاهية الدنيا
طفت لذة طعمها
ولبست انكاب اعلة نجمك ..

كون يمــــــــــــــــــــــــك !

الخالد كاظم اسماعيل الكاطع


الدنيا ماتنفهم
مرات حلوه وتصح
مرات مو حلوه...

تارسني ضحك الجذب
ماتدري بي الخلك
عايشها بالكوه...

وكل الخساير كضت
والي يجني بعد
سميتهن كبوه...

مو ماي وطشرن
من عمري شكم سنه
جاليش ياهو اليجي
وصاحالهن فدوه...

الكتلتني من ابعدت
وجهي انسى وشبهو
اي هوه مو هوه...

ماانسى كلمن ضحك
من شاف جرحي نزف
واليمهم اتلوه...

لابيه اصدك الحجي
ولابيه اجذب الحجو
شو هي هم بلوه...

حسين ال حبتري


مدرسة العصافير

للشاعر جواد الحمراني

كون يموت كلمن رايد يموت
وكون أيظل عدل بس النريدة
وكون أيرد غني ومحمد أردود
ورحيم وبارق وروحه الشهيدة
وكون أنرد جهال التاتي توات
ويجينة الطنطل وصوت الرعيدة
أو..نداوم صبحي وي درس العصافير
ونقرة أبشامتچ يا ست وحيدة
ونركض من نحِّل حفاي للبيت
ونشاور بعض ها....شفتوا غيدة
شفتو أش..أشرت لبن ابو الدكان؟؟
حمامة سيد ورادت تصيده
ونسألها يعيِّدة الشوط ياشوط
أوشنحمله الهوى عيدة ونزيدة
أيييييياه أشرجع السبعين للبال
بخت ينراد للذكرى السعيدة
ياريحة مطر بخدود التراب
چن ريحة كتب ريحة جريدة


أفيش لو طوح عتابك
حتّى صبير البراري ينسى روحة ويطك
قداح عالبابك


- عبدالأمير العضاض


شيْء من سرحانيات الراحل ذياب گزار

وأضل أطفى وأشب أطفى
ويشب بيه الحريج أنوب يطفيني وأضل اطفى
وأگلك أي يحاديني
حلاة الموت لو مات الرجل وگفة
مثل موتت الشوف بعين
غفلة ولا ضوة اليلّمض
مثل موتت گلوب بساع سكته ولا نفس ينبض
مثل موت النخل بالگاع وگفة ولا عرج يغمض
ولا موت التموته الناس ، إموت وياك عگب
الموت ليله ، وأصيرن بالنعش جناز
وأمشي ويّ الحدوا بيه ..


- أبو سرحان


الليله طيف إبلاية جف دك باب گلبي
مثلما يفز الگطا أتگلگل بصدري
وأشتعل تنوره ، ليلة شتة
وطيف من ذاك الهوى الحايل إسنين
وحارة التسيورة

شاط مگطوب الرسن شيگضة گلبي ؟
سدوا باب البيت هام أطوير صدري
سدوا باب البيت لا عريان يطلع
سدوا باب البيت لا يطلع أمدّمة

لا المهرة اتشم عطر دمي وتجيني من النعسان
بلا سرح مذعورة ولا تطك روحي مثل محاره
لا أتضيع بليلة سودة وترگس
بظلمة شتة بلورة


- عبدالكريم القصاب


هذا اليجيك بشوگ ما بي حضن
مثل الغيوم الجايه بلا مطر

ـ علي طالب


لا هي سنة وسنتين ولا هيه صحوة موت
حسبة عُمر عطشان والماي حدره يفوت


- ذياب گزار


دسير الليله يمنه البيت خآلي ..
ووره هالليله آغمنها الليآلي !!
آريدن ذكره حلوه ويآك لـ الشيب ،
كبل لآ آموت آسولفها لـ جهآلي !!
شريط الموت من يمر بـ العيون ،
عآد آضحكلي ضحكه بـ صوت عآلي !!


مصطفى العتآبي


وانه گتلك تره التكثر اعذاره يروح
من يكثر الغيم مبينه سالفته

واذا تعرف بروحك ماتضل وياي
الحچي الـبـ أول ايام شجابرك گلته ؟!


عباس مراد


نـستني أوجوه .. يابو أوجوه
وانا بعز العشك كادود

ليـليه أعثر بنجمة
وطيح من الفجر موال

منو ؟ اليدري .. وره ضلوعي
حـزن نثيـه وحلم حمال

ناصر البدري


علّكت روحي نذر مابين شامة وخد
والقاسمه الله أجه
(سويت روحي شتل والصدك ماورّد)
همّ يلا أعيش بقفص
السجن مّره نبي
ومرّات يتفرهد
كون التريده نفهّ چا ماحسبلك گبر
جمدوب أصلي جذب عن لا كلب يحترك
صليت كصبه ابنهر والماي بيه كفر


عباس الغالبي


شوكت يندك علينا ويضحك الباب
ويترس بيتنة وصوتة يسرنة


وترد انتة ويجيني الراحن وياك
وتجيبة وياك يالماخذ عمرنة


جبار رشيد


اثاريك نهر مايعرف يتاني
جبت عمري حضن جرفين المن بيك
وانت شما يشم گلبك رخاوة گاع تنساني



عبد الوهاب الحمداني


أمس زرت السوالف والمواعيد
بعدهن عالجسر كلشي بمكانه
نظراتك
لهفتك
عرگة الأيد
خوفك لا عيون تطب سمانا

ونار أشواگنا الما تقبل أتهيد
وبير دموعنا وصحرة لقانا
أنتَ گبال عيني وچنك ابعيد
أكيد وي البعد يكبر هوانا...


سمیر صبیح


يا آخر ..
محطة بليل عمري
بطلت مابعد
احبك

والله احبك

مظفر النواب


هذوله إحنه
هذوله إحنه
للما عرفوا ملامحنه
ولانشدونه متغيرين تعبانين
لاميتين
صار سنين من متنه

-ضرغام لطيف


بَعْد شتفيد الندامه
وبَعْد شيفيد الأسف !

مادرينه الريح عالي لمنّ أهتز السعف
صدفه أجينه ، وصدفه رحنه
والعمر كلّه صدّف
گطرة گطرة ومادرينه ينشف الماي
ونشف !"

- كاظم الكاطع


ترخص واغليك وأحبك ...(مظفر النواب)

الغيم مد ايده على راسي والمطر شد حيله..(الكاطع)

صار العمر محطات..عديتهن ماضل عرف(زهير الدجيلي)

وشماله القره چفوفي بچه وغنه.. (شاكر السماوي)

- وتطفح البسمه على بال المبتلين..
الماي يضحك من تشك صدره السفن (عريان السيد خلف)

- كلما اگول ابعدت يتبعني حبل الصوت
حسبالي من ابتعد كل ذكرياتي تموت
( غني محسن )

من هويتك لمت روحي الماهوت
بسنين زغري...(زامل سعيد فتاح)

- ويضل بس حرف بالراس ماينگال
يالعشگك هني وجتال ...(علي الشباني)

- شـثگل هجرك ..سمه وطاحت ع متوني (ذياب كزار)

- أنت أول لافته تشككت من ثكل الشعار.. (لطيف العامري)

- يمتى الگاك اغنيلك (كاظم الرويعي)

- احنه طرزنه الستاير للشبابيج العبر منهه الضوه(غازي ثجيل)

- خاف بالبوس اشتعل واكشف اسرارك
خاف مانطفه بخدر من تنطبك ناري على نارك (القصاب)

- طيح ع اليهواك طيح
گبل لاتيبس حلاتك وانت فوك ...(عبد الاله منشد)

راسملي فرحة الزمن
كلمة اعلى ماي النهر
ويگلي ماتنمسح

سمير صبيح
وللشعر بقية…


بديت امسح واغير بالحچي وياك
اندم هسه حتى ارتاح بعدين

بس عيونك تغيّر القرارات !!!
آنة لوحّدي وعيونك اثنين

امير فاهم

Показано 20 последних публикаций.

4 989

подписчиков
Статистика канала