مروان الكردي.. فێربوونی زمانی عەرەبی

كەمێك پێش ئێستا لەگەڵ برایەكا باسی ئەم ڕەد و ڕدود و کێشمەکێشمانەمان ئەكرد، ئەم چەند بەیتەم كەوتەوە بیر موچوڕكە بە گیانما هات و گیانم لەرزی، بۆ ئەویشم خوێندەوە، بەپێوستم زانی بیری هەموومانی بخەمەوە:

يَا خَجْلَتِي مِنْ عِتَابِ اللهِ يَوْمَ غَدٍ
إِنْ قَالَ خَالَفْتَ أَمْرِي أيُّهَا الرَّجُلُ
عَلِمْتَ مَا عَلِمَ النَّاجُونَ وَاتَّصَلُوا
بِهِ إِلَيَّ وَلَمْ تَعْمَلْ بِمَا عَمِلُوا

ئەی خەجاڵەت خۆم بۆ سەركۆنەی خودا لە ڕۆژی قیامەتا
كاتێك پێم دەڵێت: سەرپێچی فەرمانەكانت كردم ئەی پیاو!
ئەو شتانەی كە بەندە ڕزگاربووەكان دەیانزانی تۆش دەتزانی
ئەوان كاریان پێكرد و گەیشتن بەلام تۆ كارت پێنەكرد و نەگەیشتی

زۆر جار وێنەی ئەم جیدالانە خودامان لەبیر دەباتەوەو دوورمان دەخاتەوە، دەمانخاتە شەڕی نەفس و سەرخستنی، ئەممان با ئاگاداری ناخ و دڵ و دەروون و وتەكانمانبین!

بەرگری لە حەق واجبە، بەڵام لەو واجبتر نەدۆڕانی خۆمان و لەدەستنەچوونی دڵ و دەروونمانە.

هەرکەس ڕوویکردە خوێندنەوەی قورئان و سوننەت و کتێبی سەلەف، بەبێ زانینی زانستەکانی زمانی عەرەبی و زانستی أصول الفقه، بەدڵنیاییەوە سەرەنجامەکەی گومڕابوون و گومڕاکردنە... ناکرێ و نابێ لە قورئان و سوننەت تێبگەین بەبێ زمانی عەرەبییەکی باش و زانستی ئوسوڵ، چونکە ئەو دوو زانستە کلیلی تێگەیشتنن. نوقتە.

هەر هەمان ئەو وتانەی سەلەف و کتێبەکانیان لەبەردەستی ئیبن تەیمیە و ئیبن قەیم و سەدان زانای تریشدابوون، بۆچی ئەوان ئەو تێگەیشتنە هەڵەی ئەمانەیان بۆ درووست نەبووە کە هەموو ئوممەت و زانایانی کافر دەکەن؟ چونکە ئەوان کەرەستەو ئالەتی تێگەیشتنیان پێبووە (لوغەو ئوسوڵ) بەڵام ئەمان خاڵین!

یانی زانایەکی وەکو ئیبن تەیمیە لەسەر نەهجی سەلەف و سەرخستنی دەیان جار زیندانی کرا، دەربەدەر کرا، لێیدرا، لە کەسایەتی درا، دووچاری ستەم بوویەوە، سەبری گرت تا مەنهەجەکە بگەیەنێت، جا ئێستا تۆ بڵێی ئەمانە لە ئیبن تەیمیە ئەمینتربن؟ ئەمان پارێزەری نەهجی سەلەف و ئیبن تەیمیەش خیانەتکاربێ لەو نەهجە؟ لەکاتێکا ئەمانە هیچ نارەحەتییەکیان نەبینیوە لەچاو ئیبن تەیمیا؟!

جا لێرەوە تەحەددای هەر کەسێک ئەکەم لەسەرانی ئەم فکرەیە بۆ دیبەیت و مونازەرەیەکی زانستی، ئەگەر جورئەتی رووبەرووبوونەوەی هەیە..

ئەمە سەرەتای دەرکەوتنیانە بۆیە ئەم تەحەددایە ئەکەم ، چەن سالە بێدەنگن و لە سوچە تاریکەکانا ئەم بانگەشانە ئەکەن ئێمەش بێدەنگین، مادام شتەکەیان هاتە ڕوو ئێمەش لێیان بێدەنگ نابین.

رەنگە هەندێک کەس بڵێن پێویست ناکات ئەم بابەتانە گەورە بکرێن:
ئەم باسانە لە خودی خۆیانا زۆر مەترسیدارن، چونکە بانگەشەیە بۆ بەکافردانانی هەموو ئوممەت و زانایانی، بەمەش کۆمەڵێک خەلکمان بۆ درووست دەبێ بێ مەرجع بەدلی خۆیان حەرام حەڵال دەکەن و حڵالیش حەرام، دەکەونە گیانی خەلک بە تەکفیر و حەلالدانانی سەرو مالیان، هەر وەک چەندین جار بوونەتە هۆکاری جیاکردنەوەی ژن و پیاو دوای سالانێکی زۆر ژیانی هاوسەرێتی، ژنەکەیان قەناعەت پێکردووە کە هاوسەرەکەی کافرە، ئیتر داوای جیابوونەوەی کردووە لە مێردی بێ خەبەر و داماو، رەنگە تا ئێستا ١٠ حالەتی وام هاتبێتە بەردەست... چەندین کچی هەرزەکاریان لە دایک و باوک و خێزانی کردووە، چەند ساڵێک پێش ئێستا کوڕێک کچێکی خواستبوو هەر لەڕێگەی فەیسبوکەوە، بەبێ وەلی و هیچ شتێک کەس نەیزانیبوو بەو بیانووەی هەموو کەسوکاری کافرن و خۆی وەلی خۆیەتی!!
بۆیە تکایە کەس نەلێ گرنگ نییە، ئەمانە میکرۆبن بۆ دین و ژینی خەڵک!

بەستەزمانێک ئەڵێ: (ئیبن تەیمیە کافرە، بەڵام تەقیەدینی باوکی پیاوی چاک و زانا بووە)، نازانێ کە تەقیەدین هەر خودی ئیبن تەیمیەیە و لەقەبەکەیەتی..
ئایینتان مەدەن بە دەست کەسی نەزانەوە بۆ ئەوەی هەر ڕۆژەو نەتانخەنە سەر پەتێک و جەهلی خۆیانتان لێ نەکەن بە عیلم.. خۆتان فێربن و خەمی قیامەتتانبێ بۆ خاتری خوا!

ببورن خۆشەویستانم بەهۆی ناساغی قوڕگمەوە دەرسەکانمان ڕاگرتووە، إن شاء الله زوو دەستپێدەکەینەوە، تکایە لە دوعای خێرتان بێبەشمان مەکەن 🌹

سەیری نیفاقی ئەوروپی و ئەمریکی بکەن چۆنە!

لەو ڕۆژەوە سوریا ئازاد کراوە بەردەوام باسی قەلەقی و خەمی خۆیان دەکەن لەوەی وڵاتەکە بەرەو شەڕو تۆقان بڕوات، یەک کۆمەڵ قسەی زل و ناقۆڵایان وتووە و لێدوانی بێفەڕیان داوە.

ئەمە لەکاتێکا وڵاتەکە کێشەی دەستکەوتنی نانی هەیە، سەرەتایی ترین شت ئاردە بەئاسانی دەست ناکەوێت، خەزێنەی وڵات چۆڵ و بەتاڵ بووە، لەولاشەوە ئیسرائیل ترسنۆکانەو بێ غیرەتانە لەکاتێکی وادا بەردەوامە لە بۆردومانی خاکی سوریا، کەچی ئەمانیش بەوپەڕی بێشەرمییەوە باس لەوە دەکەن کە مەرجیان هەیە بۆ مامەڵەکردن لەگەڵ ئەم دەسەڵاتە نوێیە...بابە گیان خۆ چەنێک خراپبن لە ئەسەد خراپتر نابن، گەر زەڕە هەستی مرۆڤ بوونتان هەبووایە پێش هەموو شتێک بە هانای ئەو خەڵکەوە دەڕۆشتن کە ئەسەد دایپڵۆساندوون، وەک چۆن مامەڵەتان لەگەڵ ئەسەد کردووە لەگەڵ ئەمانیش بیکەن.

ڕەحمەت لە گۆڕت شێخ ڕەزا بۆ ئەم دێڕەت:

چەرمی ڕووی هێند قایمە شمشێری میسری نایبڕێ

گەر بە کەوشی کەی دەمێنێ تا قیامەت نایدڕێ

ئەو بەڕێزانەی تازە هاتوونەتە نێو کەناڵەکەوە دەتوانن بۆ زانینی ڕیزبەندی دەرسەکانی فێربوونی زمانی عەرەبی و شێوازی خوێندنیان ئەمە بخوێننەوە 🌹:

marwan-kurdi.com/About.aspx?MapID=3