خادمكم علي محسن الزيادي

#ابوذيات شهادة السيده الزهراء عليها السلام

اعيون ام بيتـــي مدمعهن خفتهن
الأمس من ثگلت اهمومي خفتهن
ضلعها وعينها عنــــــــــــي خفتهن
عمت عيني انلجم خافت عليه
ــــــــــــــــــــ
بثگل همي البسمها ماصيح اتلي
ردت موتتي اوياها ماصحتلي
انولت والهاظمتني ماصاحتلي
كسر بضلوعها وضمته اعليه
ــــــــــــــــــــ
الليله ام المحنـــــه ماهي يمنه
وغير افراگها المُــــــــر ماهيمنه
يمن تنشد على امنه ماهي امنه
دفناها ورجعنه انون سويه
ــــــــــــــــــــ
يلايم ضيم گلبـــــي ماتحسبه
بكثر شيب البراسي ماتحــسبه
اليدفن بيده روحه مات احسبه
وانا الميّت بدفن الزجيه
ــــــــــــــــــــ ــــــــــــــــــــ

علي محسن الزيادي

نعي السيده زينب عليها السلام عند نعش امها فاطمه عليها السلام


انا بحلم لو صدك يمـــــــــي
المطروحه هاي اجنازة امي
يعني اليتيمه صــــار اسمي
واسود يظل للموت هدمي
ــ
فلو الچفن خل احــاجيها
زينب اگلها ياهو ليــــــها
نار البضلعج دوت بيـــها
يم المحنه جاوبيـــــــــها
ــ
طلعت ثوبــــــــــج گمت اشمه
مضموم يم زينب بدمــــــــــــه
الصدري امن ادنيه ظل يلجمه
ماشفته كون العيــــــــــن تعمه
ــ
حاجيني يمه جلمه وحـــــده
الماعنده ام جفنه اشيســـده
خليني انا اونينــــــي اهوده
لاجن ونين حسين شـــــــده
ــ
شتصير زينب بالله شتصير
بوالدها لو بخوانها اتحيــــر
للباب من اعيونها اتديـــــــر
تسمع بضلعج صوت تكسير
ــ
اتطشر شملنه واشيلمــــــه
شوفي اشعملتي بينه يُمــه
ياهو الفراگج ما مهدمـــــــه
ظل زلمه يتوجه اعله زلمــه
ــ
طحتي يخيمتنه الجبيــــره
ويتّمتي زينب واهي ازغيره
اخوتها يمها وجنها اسيــــره
حيرة اوداعج والله حيـــره
ــ
روحي بريت الذمه روحي
ماراح ابطله اعليج نوحي
بس مري بالعاشر يروحي
بيّه تره يكثرن اجروحــي
ــــــــــــــــــــ ــــــــــــــــــــ

علي محسن الزيادي

يازهراء ياسِر نوحــي
يازهراء ام اجروحــي
ـ&&&&&&&&&&&&&&&&&
من ياهي ابدي واسولف عطايه
افضالج اعليّه واعله البـــــــرايا
الهه بدايـــــــه لجن لانهايــــــــه
يارحمة الله
لو ماانتي اشهد مامخلوق احــــد
علّه الكل وجود انتي وسر الصمد
دنيا واخره مالي غيـــــــــرج سند
يارحمة الله
بسمج دوم تعله اصروحي
يازهراء ام اجروحــــي
ــ& &&&&&&&&&&&&&&
جم باب ادگه يذلنـــــــــي وطردني
ومحترگه بابج لجــــن ماتردنــــــي
صبح ومسه اتصيح هلا بالگصدني
بابج كرامه
اول ماجهبته انترست گصتـــــــــي
غيره وللثريـــــــــــا ارتفعت هامتي
بسجداتي اعله بابج اعرف قيمتي
بابج كرامه
يالفردوس بعطرج فوحي
يازهراء ام اجروحـــي
ـ&&&&&&&&&&&&&&&&&&&
عمري گضيتــــه عزيه ومنــاحه
غير المجالس فلا عنـــدي راحه
وكل دمعي منج اكول الصراحه
ياام دموعي
لو ما نظْرتج ماصبّت دمعتــــــــــي
ولو مالطفج اخســــر ديني ودنيتي
ليج اهدي حسرْتي اودمعي وونتي
ياام دموعي
ليج انذور گلبي وروحي
يازهراء ام اجروحـــي
ــ& &&&&&&&&&&&&&&&
رب العرش بيج الاعمـال قبلها
بيديج الاعمار والارزاق جعلها
يامن ابوها انتــــي امي يگلها
ياعلة الكون
تاخذ رحمه منج كل ام وحنـــــــــــان
لو ماانتــــــي ظلمه ابلا نــــور الجنان
ماخاف الحساب وعندي انتي الامــان
ياعلة الكون
لايذج بيج ام مذبوحـــي
يازهراء ام اجروحـــي
ـ&&&&&&&&&&&&&&&&&&
مالي جرح دوم سواكم واعشـــگه
بنارج دليلي اذا يطفه احــــــــرگه
ابلا مجلس اليوم اذا يگضي خنگه
يم المجالس
كم من ثناء جميل المااستحقـــــــه
ناشرته اليــــــــه عبدج يتباها حقه
عونه اللي دمعه حمره عينج ترزقه
يم المجالس
دمعي السال الجرحج يوحي
يازهراء ام اجروحـــــي
ــ& &&&&&&&&&&&&&&&&&

علي محسن الزيادي

فاطمه ايموت العشگ من نفترگ
گلبي يدگ اه وحرگ يافاطمه
ــــــــــــــــــــ ــــــــــــــــــــ
ياباب للطف انفتح شيب وجــروح
واليرد روح الموتى ظل ابلايه روح
وخلّه اليسكْت النايح ايون وينــوح
طحتي ياخيمة علي وطشر العيله الزمـــان
والمعين ابلامعيــــن ابلايه حيل الحيل جان
دمّج الماخله لـــــون بعلي ايشوفه بكل مجان

فاطمه حيدر هوه ايدوّر هَوه
وظهره التوه وراح الدوه يافاطمه
ــــــــــــــــــــ ــــــــــــــــــــ
ماي وتبده بصحـــــــــره شيلمهم بعـــد
يام الحسن دمع الحســـــــن ماخله خد
مدفونه روحه ويمشي ظل بس الجسد
حيدر ايسكته ويـــــون وكلشي صار بعينه ليل
گلـــه سولفلـــي اشّفت گله بويه اعذرني حيل
اگبال عيني امي انولت ومنها شفت الدم يسيل

فاطمه شبعت هظم رفس ولطم
ليش انظلم ليش انحرم يافاطمه
ــــــــــــــــــــ ــــــــــــــــــــ
يازهرة وايشمها علي من يختنــــگ
واتبدلت ريحتها من جوري الحــرگ
والشالن حسين وحسن صارن زرگ
سوط واسيوف وعصي والجذع ماكلته نار
ما استأذن بالصــــــــدر من گعد بسمار حار
طاحت ودمـــها اليصب غيّـــــــر الوان النهار

فاطمه بين الغرب طاحت صعب
دمها يصب ذاب الگلب يافاطمه
ــــــــــــــــــــ ــــــــــــــــــــ
وين الجفوف القلعن الباب الثگيـــــــل
عجزن يشيلن فاطمه ام جسم النحيل
حيدر يدوّر تجوه لا لا مستحيــــــــــل
مو علي ابـــلا فاطمه علي صار اسمه اليتيم
يقره (يس) وينـــوح محد ايرحمه الرحيم
جمّع اولاده ويگـــول الدنيا بعد امكم جحيم

فاطمه ناده علي راحو هلي
بعمري شلي محد الي يافاطمه
ــــــــــــــــــــ ــــــــــــــــــــ
ردي اعله بيتج ساعه يم بيت الشموع
صبح ومسه الوَن مستمر بي والدموع
من صدرج اكثر كســــرو بدارج ضلوع
حسين شابگ عالحسن ايگله خويه اتمنه اموت
وزينب بحضن الغريب علي وتبجي ابلايه صوت
مگبره دارج عليــــــــج مظلمه وعمها السكوت

فاطمه فگدج يشِل گلب الطفل
لا مو سهل ما ينحمل يافاطمه
ــــــــــــــــــــ ــــــــــــــــــــ

علي محسن الزيادي

عن شيبي عن لوني
عن دمعة اعيـــوني
اصحابي نشــدوني يافاطمه
ــ& &&&&&&&&&&&&&&
علي بعدج نوح گاضــي ايامه
وكثر شيبه وخذت لونه الامه
ليل مابـــــــي فاطمه شينـامه
واليسكت ايتامه بجّه ايتـامه

ياهو اليسكتنـــي
وام بيتي عافتني
اصحابي لامتنــي يافاطمه
ــ& &&&&&&&&&&&&&&
غبت گالو ليش هيج اعلينـــه
جازع انشوفه اليصبّـــــر بينه
يابو صوت الحلو صوتك وينه
گلت كل فاگد جوابه بعينـــــه
من دمعي اصحابي
عرفو شنو اجوابي
ياجرحي واصوابي يافاطمه
ــ& &&&&&&&&&&&&&&&
جاوبت ليش الدموع الســـــاحت
دوه اجروحي بجرح ينزف راحت
بشده روحي وياعلي ماصـــاحت
انعصرت بهذا المجــــان وطاحت
سألوني عن نوحــي
احجيتلهم اجروحي
يالماخذه روحـــــي يافاطمه
ــ& &&&&&&&&&&&&&&
ما تخضب شيبتك سألـــــــوني
امصاب عندي من گلت عذروني
مانسيتج لحظه وايعرفونـــــــي
الصبّرتهم ظلو ايصبــــــــــروني
ساعه ابجي يم بابج
ساعه اشبگ اترابــج
ساعه اشتم اثيابـــج يافاطمه
ــ& &&&&&&&&&&&&&
علي يالزهره اليعدْل الميـــله
مال ظهره ومحّد ايتجّيـــــله
اخيال من صرتي تهدّم حيله
ماكدر نعش الخيـــال يشيله
عمار شافـــــــــاني
اعله النعش عاناني
ياقبلة احـــــــزاني. يافاطمه
ــ& &&&&&&&&&&&&&&&

علي محسن الزيادي

عَنْ سَعِيدِ بنِ جُبَيرٍ عَن ابنِ عَبَّاسٍ عَن النَّبِيِّ الأَكرَمِ (صَلَّى اللهُ عَلَيهِ وَآلِهِ) فِي خَبَرٍ طَوِيلٍ، قَالَ: ((... وَأَمَّا ابنَتِي فَاطِمَةُ فَإِنَّهَا سَيِّدَةُ نِسَاءِ العَالَمِينَ، مِنَ الأَوَّلِينَ وَالآخِرِينَ، وَهِيَ بَضعَةٌ مِنِّي، وَهِيَ نُورُ عَينِي، وَهِيَ ثَمَرَةُ فُؤَادِي... وَإِنَّي لَمَّا رَأَيتُهَا ذَكَرتُ مَا يُصنَعُ بِهَا بَعدِي، كَأنِّي بِهَا وَقَد دَخَلَ الذّلُّ بَيتَهَا، وَانتُهِكَتْ حُرمَتُهَا، وَغُصِبَ حَقُّهَا، وَمُنِعَتْ إِرثَهَا، وَكُسِرَ جَنبُهَا، وَأَسقَطَتْ جَنِينَهَا... (الرِّوَايَةُ) (فَرَائِدُ السِّمطَينِ 2: 36)

#لعن_الله_ظالميكِ_يافاطمه

يابو الفاتحه الماتنكضــي احزانه
نبجي اوياك اجينه وتبجي ويانه
ــــــــــــــــــــ
الرايد يحجي عن احزانك اشيحچي
يالمحد يشبهك دوم دم تبچــــــــــي
شاب امن المصايب تمشي متوچّــي
گلبك خيمه ماظن تطفه نيرانه
ــــــــــــــــــــ
ناصب جادرك سيدي امن اصيارك
وفاتحتك جبيـــــــره والعزه بدارك
جينه بدمع ننشـــــــد ياوكت ثارك
وانگلك غيابك حيــل ذلانه
ــــــــــــــــــــ
الله ايعظم اجرك والدك شفتــــــه
مسموم وبديك بگبره نزلتـــــــــــه
هاي التعزيه وذوله احنه وين انته
روَي بشوفتك جم عين ذبلانه
ــــــــــــــــــــ
لا تكفي البواجي ولا لطم يكفــي
دين الكم علينه اهواي شنــــوفي
من ينكسر صدري وينگطع جفي
امقصر ما اگول الكم وفيت انه
ــــــــــــــــــــ
علّمتونه نبقه اويه الحزن صحبه
وموصاحبكم المامشتعل گلبـــــه
والويّاك رايـــــــــد ثارك ايطلبــه
كون الحزن دوم امغيَـر الوانه
ــــــــــــــــــــ
يالصبح ومسه الدم يجري من عينه
من نيران گلبك نار شب بينــــــــــــه
عطّشنه فرح واحزان روينــــــــــــــه
وخل واحدنه ذكرك دوم بلسانه
ــــــــــــــــــــ
ذوله احنه عبيدك وانت مالكنه
ندري بكل مآسينه تشاركنــــــه
بكل امصايبك ياسيدي اشركنه
وخل بلواك دوم تصير بلوانه
ــــــــــــــــــــ
فوگ الحزن ندري بحالنه معذبك
رغم اذنوبنه وتقصيرنـــــه انحبك
كلما نبعد انت اتجيبنــــــه الدربك
نشكر ربنه الك خدام خلانه
ــــــــــــــــــــ

علي محسن الزيادي

يالرايح تگضّي العمر نــــــازح
هاي اوصيتي يبني وانا رايح
اسكن بالصحاري وانســــه الفياي
واتحسر گبل لاتشرب المـــــــــاي
ــــــــــــــــــــ ــــــــــــــــــــ
موسهله عليّه اوحيـــــد اشوفك يبني مكروب
مهدور الدمه امن اصبـاك ليش وبيش مطلوب
لا اخ لا اخت وياك وعن العين محجـــــــوب
بين امصيبتي وفراگاك شمعة امـــك اتذوب
امك نرجس اتصير الغريبه
الله يعينها بهاي المصيبــــه
بلسم صير لجروح امك اهواي
واتحسر گبل لا تشرب المــــاي
ــــــــــــــــــــ ــــــــــــــــــــ
وحدة جدك بعاشـــــــور يبني اذكرها لو روح
يالوحدك غريب اتعيش سر وبحزنه مفضوح
من گد ماتلم اجروح تغدي انفاســـك اجروح
انسه الراحه مايرتاح بويه الجــــده مذبــوح

حرام اينامله نومــــه هنيه
الحرگو داره والعمته سبيه
حگ دم تبجي يالبلواك بلــواي
واتحسر گبل لاتشرب المـــــاي
ــــــــــــــــــــ ــــــــــــــــــــ
محد بينه يسلم دوم من اسهام الاشـــــرار
لو مقتول لو مسموم كون انخلص الاعمــار
هذا السم يفت بحشاي مو بي بيك محتـار
لا تنغدر وانت ازغيـــــــــر ومتانيك جم ثار

من تخلص صلاه يبني اعله نعشي
لاتنتظر ناصر وحدك امشــــــــــــي
دايك مايطيب ويشفه كل داي
واتحسر گبل لاتشرب المـــــاي
ــــــــــــــــــــ ــــــــــــــــــــ
كل ايامنه الصعبات هينه اتخف الهمـــــــــوم
عمك گال يوم حسين مامثله ابــــــــد يـــوم
السمو جبده والمطبور ون والضلعه مهشوم
مظلومين بس حسين محد مثـــــله مظلوم

عگب ماروّو بنحره الخناجر
صار الجسد ملعب للحوافــر
خليني اموتن لجله  بضمـــــاي
واتحسر گبل لاتشرب المـــــاي
ــــــــــــــــــــ ــــــــــــــــــــ
ماتتوصه بس اوصيــــــك رايد يابو الاحزان
يبني استوطن الصحراء ولا تستقر بمجـــان
لاتگعد تحت ظل بيت وابجي وانت عطشان
واسي الظل ثلث تيام بالحر جسمه عريــــان

من الشمس عماتك بلا لــــون
صاحب ثار بالفي تگعد شلون
الله يحرسك ابني اوصيتي الك هاي
واتحسر گبل لاتشــــــــــرب المـــــاي
ــــــــــــــــــــ ــــــــــــــــــــ

علي محسن الزيادي

لسان حال الامام الحسن العسكري مع ولده الامام الحجه صلوات الله عليهما 👇👇

اليختار النبي ايعيْــن الخليفه
موشورى الخلافه ولا سقيفه
ــــــــــــــــــــ ــــــــــــــــــــ
گال الباري هوّه بدينــه كافــــــــل
انّــــي في الارض خليفه جاعـــــل
وبهذا الخبــــــــــر قران نـــــــــازل
امن اتنصب علي اصبح دين كامل
وتشهدله الاحاديث الشريفه
ــــــــــــــــــــ ــــــــــــــــــــ
هذا امر الله مو كلمن ورايـــــه
مو شورى الخليفه اتنصبه ايــه
المعصوم الزكي وللعدل رايــــه
الباري امفصله اله ثوب الولايه
ومايرهم ابد للمو نضيفه
ــــــــــــــــــــ ــــــــــــــــــــ
مو للگضه عمره يعبد اصنـــــام
ويحفظ دمه رايد طب للاسلام
خالي امن الفضائل بس للاثــام
وانا اقسم عليـــه لاصله لا صام
يتعين خليفه بياصحيفه
ــــــــــــــــــــ ــــــــــــــــــــ
وينه الثابت الايمانه مامــــال
وينه المايغيره الذهب والمال
خل ايگول ياجف النبـي شال
وبيوم الغدير اشوصه وشگال
وياهو الشهد جبريل اعله سيفه
ــــــــــــــــــــ ــــــــــــــــــــ
ياهو المثل حيدر وبصفاته
رافض للظلم خلص حياته
وبذات العلي ممسوسه ذاته
وتشهد ايه اله مزكي بصلاته
وحتى الطير ياكل من مضيفه
ــــــــــــــــــــ ــــــــــــــــــــ
الحيدر بالخلافه الله شاهد
وكافر صار عند الله المعاند
القائد بالحرب للدين قائد
يحتاجونه مايحتاج واحد
ياهو اگباله مابين رجيفه
ــــــــــــــــــــ ــــــــــــــــــــ
كلا للسقيفه ولعنـــــــــــــــة الله
عالمواله حيـــــــدر واعله مولاه
حيدر فاز كل واحــــــــــد تولاه
والعافاه خســـــــــر دينه ودنياه
وماتثگل موازينه الخفيفه
ــــــــــــــــــــ ــــــــــــــــــــ

علي محسن الزيادي

من غاب المختار
منحرم && منهظم && ظل وحده الكرار
والزهره ابلا روح
لا عمر && والصدر && بي طعنة بسمار
ــــــــــــــــــــ
بده غيـــم الحزن يلتم على دار الوحي وتظلم
وبدت من كلمة اليهجر علامات الغدر والدم
(ما منا) صريح القول لو مقتول لو منسم
معناها النبي مسمــوم والحق مايظل مبهم

من بيته السموه && الداوته && سمّته
تنقلها الاخبار
معروفه الاسباب && والعقل && والنقل
تكشفها الاسرار
ــــــــــــــــــــ
بس ماغمضت اعيـونه الجانو يدّعون اصحاب
بسقيفه اجتمعو وكفرو وابتشرو محمد غـــــاب
الخلافه بكيفهم صارت وعزلو عنها داحي الباب
بعده الهادي مامدفون وانقلبو على الاعقاب

بس حيدر ويّــــــاه && غسّله && ونزّله
بگبره وماله انصار
صارت ضده الناس && وانّكر && كل خبر
نصّب حامي الجار
ــــــــــــــــــــ
بعد ماي الگبــــر ماجف امن الغيره الگصص جفّت
الكفار بحطب وبنــــــار على باب الطهر وگفــــت
درت بالمرتضى امجتف بوصيه وبالغدر زحفت
تحاججهم وخلف الباب عنهم فاطمه اتخفّت

سبّــــاها الملعون && ما خجل && وارتجل
شبو الدار بنـــــار
صاحت وابتاه && مارجع && رد دفع
الباب اعليها وثار
ــــــــــــــــــــ
نسه اعيون النبي وفضله بسوطه الزهره اذاها
بكل حيله يدفعه البــــاب عليها تموت راداها
غصُب دار الطهاره شلون الرجس بالنار طباها
الوصيه الكضت الكـــــرار جان اجدامه گصاها

گالوله الزهــراء && رَد (وإن) && مايحن
گلبه اعليها وصار
يرفسها برجليه && اعله البطن && وعالوجن && ظل يسطرها العار
ــــــــــــــــــــ
اليفگد والده اهمــــومه تخف لو صبت اعيونه
وتخفف وحشته احبـــــابه اذا مرو يواسونه
ماصارت گبــل فاگــــــــد عليه بيته يحرگونه
واذا يبجي اعله ابوه ايريد يذمونه ويمنعونه

الفَي اعله ام حسين && ينمنع && وتنقلع
الشجره بچف اشرار
يابيت الاحــــــــزان && إحتمل && لاتمل
وَن ام الاطهار
ــــــــــــــــــــ ــــــــــــــــــــ

علي محسن الزيادي

اعظم الله اجورنا واجوركم واحسن الله عزائكم بشهادة سيدنا ونبينا وشفيعنا رسول الله محمد صلى الله عليه وآله رزقنا الله واياكم زيارته في الدنيا وشفاعته في الاخره

عگب اربعين ايـــــــــام خلصن بالالام
گومولي اصيحن جيت ماواحد الگام
ــــــــــــــــــــ ــــــــــــــــــــ
انا الگضيته افراك عمري وبجي ونوح
وايامي مو ساعات احسبهن اجــروح
الجســــد عنكم راح بس يمكم الروح
مافارگِتكم يوم لو ما هالايتام
ــــــــــــــــــــ ــــــــــــــــــــ
من كثر نار الشـــــــوگ دلالي هايم
كل ديره اطبها تگول وين الهواشم
فوك الفراك ام عون شبعت هضايم
يسمع هلا يم عون دلالي محتام
ــــــــــــــــــــ ــــــــــــــــــــ
مسبيه ميته افراك والنـــاگه تابــــــوت
كربله وكوفه وشــــــام تردوني ماموت
فزّعت صحت الغوث محد سمع صوت
سكتتكم اعله الروح امضه امن الاسهام
ــــــــــــــــــــ ــــــــــــــــــــ
من رحتو ماظل حيل وي الخـــدر راح
يمكم ادعولي المـــوت ياخذني وارتاح
شم ريحتك يحسين گبلي الگلب طاح
سولِف اوياه واجروح شوفه شكثر ضام
ــــــــــــــــــــ ــــــــــــــــــــ
اشبگ اخو رديت مااشبــــــــك اتراب
لو صحت ملگه يريـــــد دلالي يحباب
تتسابگون اركاض ليّه احسب احساب
يهل الشيم جاليش خيبتو الاحلام
ــــــــــــــــــــ ــــــــــــــــــــ
گد ماركضت ابيوم عاشــــــــر بعاشـــــور
اركض گضيت اليــــــــــــوم مابين الاكبور
مامش هله اختي اتريح گلب اخت مكسور
واتجبره واتنسّيه لوعاته بالشام
ــــــــــــــــــــ ــــــــــــــــــــ
كل اخت همها يزول من تنخه اخوها
وزينب اخوتها اهموم شـــــو زودوها
لا كامو امرحبين لا من سبـــــــــــوها
لو بيهم ايفزعون من حرك الاخيام
ــــــــــــــــــــ ــــــــــــــــــــ
ايّسِت والحســــــرات طحنن دليلي
يم گبر اخوي حسين خلصته حيلي
للگومه ماظل حيل وامشي الكفيلي
بادت اعظامي ونار من جدمي للهام
ــــــــــــــــــــ ــــــــــــــــــــ

علي محسن الزيادي

يمهيج احزان الطفــوف     هيج احزاني
مثل الخيم خلها تطوف     بيّــــه نيراني
يابوجفن المنقرح            افتح بگلبي جرح
مروتك يسلطاني
ــــــــــــــــــــ ــــــــــــــــــــ
انا ضايع        ابّحر دنيه
موجه تاخذني اعله موجه
كافي الهو       كافي اسهو
ردت من رحمتك روجـــــه
مدلي جفك انا نادم وانتــــــم بيوت الحنان
خايف وبس صحت بسمك خيّم اعليّه الامان
عبدك وخل حبلي بيدك ليّه لاتطلق عنـــــان
ضامن اعرفتك واجيتك رايد العمري ضمان

عمري المضه عشته بظلام    والعمــر دارك
اجذبني ياجف الســــــلام     الضفة انوارك
ردتك الليلي صبح                افتح بگلبي جرح
مروتك يسلطاني
ــــــــــــــــــــ
الغربه الكم        وانتم الهه
تگول زينب عنها صعبه
وانا مُترف        امدلل اهلي
ورايد اتعيّشني غربــــه
اليحب لازم يضحي يعيش ماعاشه الحبيب
شلون اگولن انا احبكم وانا ماعايش غريب
ابعيد عنكم فرحي دايم وانجرح صح بس اطيب
الينتمي الكم بي علامه معاشر الون والنحيب

رايد جمر مايطفي دوم       يحرگ بجبدي
عالمنذبح اگعد واكــوم        دمعتي بخدي
دوم خل دمعي يسح          وافتح بگلبي جرح
مروتك يسلطاني
ــــــــــــــــــــ
نظره منك        وحده تكفي
اطهر امن اذنوبي كلها
كافي اذنب       كافي اعصي
نوت نفسي تعوف ذلها
عزّتي يمك شفتها والدمع ليّــــــه طهور
نار المخيم ردتها بجسمي مو دم اليدور
الله گايل (وقليلٌ من عباديَ الشكــــور)
امن القليل اتمنه اصير وبيك اعوذ امن الكفور

بالشكر كــل نعمه تدوم      وانت سيدها
والما رخص دمعاته يوم     النعمه يفقدها
بدمعي خليني انفضح        وافتح بگلبي جرح
امروتك يسلطاني
ــــــــــــــــــــ ــــــــــــــــــــ
شفت حزنك      وجمر دمعك
وصحت يامولاي زدني
اسبي روحي     وگلبي احرگه
واخذ بيدي ولا تهدني
اوصيّتك لبن شبيب اقريتها وگتــلك دخيل
العالم اجروحك اخذني ماكو عندك مستحيل
هيّج اعله الضامي حزني  وعالمشن فوك الهزيل
بكافل الحره احلفك صير لجروحي كفيل

من عينك انطيني دموع    اوياك بجيني
من اسمع بكسر الضلوع     يمها وديني
اذبحني يم المنذبح           وافتح بگلبي جرح
مروتك يسلطاني
ــــــــــــــــــــ
مالي غيرك     وطن آمن    اشعر اوياه بالسعاده
والسعاده        رضه الزهره    والمحب هذا مراده
وين ماينعقد مجلس ودني اله وسويني عين
وجرح بيّه افتح وإلجمه ويّه كل صرخة حسين
وخلني اشوف بعين گلبي فاطمه وگفتها وين
حتى اگابلها واگلها الجمره صارت جمرتين

صاحب جرح خليني اصير      وحزني عنواني
جرحي الذي انلم بحصيـــر      وما اله ثاني
بدل اسمي المنجرح           وافتح بگلبي جرح
مروتك يسلطاني
ــــــــــــــــــــ

علي محسن الزيادي

عظم الله اجورنا واجوركم واحسن الله عزائكم بشهادة سيدنا ومولانا غريب الغرباء السلطان ابوالحسن الامام علي بن موسى الرضا صلوات الله عليه رزقنا الله واياكم خدمته ورضاه وزيارته وشفاعته

ردت ام عون الكربله
گومو الضعن نسقبله

لخوانها مشتـــــــاگه اجت
راحت سبيـــــــــه وعودت
شگد سولفت وشگد بجت
اتون واتلوع    تجري ادموع      تعبانه محنيه اضلوع  
ماسمعت احجاية هله
ــــــــــــــــــــ ــــــــــــــــــــ
نحّــــلها يانـاس الدرب
وماظال عد زينب گلب
من كبل لا للطــف تطب
من الشام     بيها اسهام      متكفله خدر وايتام
خلونه نروي العايله
ــــــــــــــــــــ ــــــــــــــــــــ
صيحو يبت حيدر جوِي
روّوه  گلبها المنچــــــوي
بحجايه زينب ترتــــــوي
لاخوان    لا وليان       وبعد الگمر والعطشان
ضيم شكثر متحمله
ــــــــــــــــــــ ــــــــــــــــــــ
زين العباد اويــــــــاها رد
ابلا روح راجع بس جسد
يحمل هظــــــم مابي بعد
والمظلوم     رد ملجوم       العمّه وابوه يشكي اهموم
باهضته حيل السلسله
ــــــــــــــــــــ ــــــــــــــــــــ
حفاي گومو اتراكضــــو
لو شفتو زينب غمّضــــو
اصدور بلطمكم رضرضو
يبسو ارياگ     شگو ازياگ      لاگوها ملگه المشتاگ
ونوحو نيـــــــــاح الثاكله
ــــــــــــــــــــ ــــــــــــــــــــ
صيحولها احنه بخدمتج
دمعتنه ليـــــــج ولخوتج
كل عــــــام ننطر رجعتج
متحزمين     مفجوعين     واليال الج سهرانين     
والخدم كلها مشچّــــــــله
ــــــــــــــــــــ ــــــــــــــــــــ
ماعدنه غايه ولا هــدف
ترضون نخدمكم شرف
كل واحد يخدمج حلف
ماينساج      يبجي اوياج      لوعينه الج حلفناج
بخدرج الغالي وكافله
ــــــــــــــــــــ ــــــــــــــــــــ

علي محسن الزيادي

مو للمدينه      اتريد للطف ام عون


مشت گوه اعليها بت عقد الوله
ظلت اويه حسين لوما العايـــله
مشت واتصد عينها اعليه هامله
روح زينب ظلت ابطف كربــــله
واليوم ردت        ليها مخطوفه اللون


زينب اتفارك اخــــوها بيا وكت
لحد ماللكـــــــوفه طبت تلتفت
ردت المشتـــــاگه والدمعه تكت
افراگ مايحمل تره گلب الاخت
زينب واخوها       تفاركو مدري شلون



اشد نار الشوگ من نار السبـــــي
حسين شافت راسه بيد الناصبي
بالعصه ايضربه ويگلها اتعذبــــي
وكافلج سكته اويه راسه اتعاتبي
معذور صاحت لو عدل ماتحجون


اتمنت الحره عكب هذا الســـــــفر
اخوَه تتلگاها ويطش الخبـــــــــــر
اتلگه زينب ابو الاكبــــــــــر والگمر
امحسبه هيج حساب واتدير النظر
يخواني اجينه اتصيح بلكي ايكومون


گالها السجــــــــاد عمه النيه ويــــن
الشوگ گبل الصوت ناده للحســــين
اتگله لخواني گطع گلبــــــي الحنين
الغير درب الطف تصد ماعندي عين
لو ما نمرْهم عمه اخوتي يزعلون


عفيه گلبج يالغريبـــه اشصبراه
ضامّه روس اخوتِج حدر العباه
علي عينيه امس محـــد عاوناه
يرد راسه البالحصيــــــــره نزلاه
ومهشوم راسه الگمر نزلوه بالهون


نشدت السجاد والمهجــــه جمر
گبر ابوك حسين عمه بيا كتـــــر
اشّرلها بجفه والمدمع يــــــــــدر
ومن على الناگه هوت فوك الگبر
واتصيح اموتن       واندفن يمك كون


جزعت الشافت الشــــــــام وكابرت
وسولفت لحســــــــين يسمعها درت
اتگله ماتجري الجرتلي ولا جــــــرت
اوجوهنه من الشمس خويه اتگشرت
ولا حيل خله             السوط لا خله امتون

ــــــــــــــــــــ ــــــــــــــــــــ

علي محسن الزيادي

هاي الردت من الشام        زينب           
مو حرمه اجروح وآلام     زينب
محد ويّاها امن اخوتــــــــــــــــها           
وايموت اليسمع ونّتــــــــــــــــــها
                     &&&&&&&&&&&&&&&&&&&&&&
تتلافت يمين ايســــــــــــار                       
تنادي يابعد عينـــــــــــــــي
أختك آنــــــــــــــه بت أمك                        
خويه حسين حاجينــــــي
بروح امنه الزجيه اعليــــك                        
بكَبرك كَوم دلينــــــــــــــــي
من دهـــــري أجيت  اشكي                      
وغيرك من يشكّينــــــــــــي

جثّه وغابت عنــها الروح       زينب            
ماتت من بعد المذبـــــوح      زينب
والطف ناحت من شافتــــــها                    
وايموت اليسمع ونّتـــــــــــــــها
                          ****
ضعن هاي أربعين اعليـــه                         
من سار بيسر للشــــــــــام
طلع من كربله بنســــــوان                          ويتامه بوليــــــــــة الظلاّم
بس واحد عليل اويـــــــاه                         
يباري وكلبه كلّه اسهـــــــام
وهاي المِن بعيد اتـنـــــوح                         
زينب بت علي الضرغــــــــام

تتلافت واتدير العيـــن   زينب                   
بلكت تشتم عطر حسين   زينب
واتهد اجبال بحسرتـــــــــــــها                   
ويموت اليسمع ونّتــــــــــــــــــها
                      ****
من فوك الهزيله أشّـــــــــــــر  
العليل وناره حرّاكَـــــــــــــــه
دلاّها اعله كَبر حســـــــين                           بخوها شلون تتلاكَـــــــــــه
امن الناكَه وعليه طاحــت                          
أخت من حكَها مشتاكَـــــه
حنيت أرد أشبكَك جيـــت                           تصيح وبجّت الناكَـــــــــــه

تاخذ منّه اتشــــم تراب   زينب                  
ماتسمع من كَبره اجواب     زينب
تشكيله وذبّت شيلتـــــــــــــها                    
ويموت اليسمع ونّتـــــــــــــــــــها  
****          
لاتسكت تكَله أرجـــــــوك                          
لو بس كلمه سمّعنـــــــــي
بعد شحمل صبر ملّيـــت                           
كوم ولهلي رجّعنـــــــــــي
لو بس كَلّي أهلاً بيــــــج                           
من تسكت تروّعنـــــــــي
ماأكَدر أشيل اهمـــــــوم                           
يخويه متوني توجعنــي

تقسم بمها الزهره اعليــــــه. زينب                    
بلكت يحجي امن اتحاجيـــــه      زينب
تقسم من جمرة لوعتــــــــــها                     
ويموت اليسمع ونّتــــــــــــــــــها
                     ****
كَامت من أخوها حسين                           
امأيسه وللنهر راحــــــــت
تلكَّه أختك يبعد أختــــك                            يعباس الكمر صاحـــــــت
مثل طيحة أخوها حسين                           
من مهره عليه طاحـــــت
من اترابه تشتم ريـــــــح                           
بوفائه وغيرته فاحــــــت

عالكفّال تصيح شلـــون              زينب                     
شتجاوب من ايسألون              زينب
مد جفّك وامسح دمعتــــــها                      
ويموت اليسمع ونّتـــــــــــــــــــــــها
                    ****
احتارت تظل يم عبـــاس                           
لوترجع لخوها حســـــين
تخاف ايكَلها لــــو رجعت                           
رقيه عنها أسألج ويـــــــن
واذا يم الكَمر ظلّـــــــــت                           
تخاف ايكَلها لتعتبيــــــــن
عتابج يختي ياذينـــــي                             شسوّي امكَطّع الجفّيـــــــــن
من ترجع شتگل للناس     زينب                     
حيره وشتگل لم عباس    
زينب
وين حسينج لوسألتــــــــــها                       ويموت اليسمع ونّتــــــــــــــــها 
                  
****

علي محسن الزيادي

يالگلت لايوم يشبـــــــه يومــــك
ذابل اشغيّـــــرها خويه ارسومك
ـ&&&&&&&&&&
ياضوه اعيوني اشجرالك وانطفيت
يالحسن مو بس اخو ليّـه انت بيت
من شفت وجهك المصفـــر حدبيت
ناوي عني تروح شنهي اعلومك
ــ& &&&&&&&&&&&&
اخوه عندي وكلهم الظهري حزم
لجن منك حيلنه وبيــــــك العزم
يالحســــــن يالماكو مثلك بالزلم
ياالكريم ويالمشيّم گومك
ـ&&&&&&&&&&&&&&
بيّــــــــــه بالك دوم مشغول وتـــون
ومحد بكثرك الي شايل حـــــــــــزن
تحجي للناس اعله صدري الينطحن
شكثر مجروح وعليه اهمومك
ـ&&&&&&&&&&&&&&&
عطر ابوي بصدرك اشتمه وگلت
يالحمل هذا اليسنـــــدك ماملت
تدري بيّــــــه اتعذبت واتحملت
وانسه كلشي من اشــــــم اهدومك
ـ&&&&&&&&&&&&&&&
جفنك امن اتســــده ينفك ليّه باب
للمصـــــايب والفراك وللعــــــــذاب
ماكو عندي اجفوف واتهيل التراب
اعليك وابجي اتگلي اي مالومك
ـ&&&&&&&&&&&&&&
اغروب جنك ليش خافت ياضواي
گلبي فته وداوي جرحـــك يادواي
ليش گبل الطف ردت تكسر گفــاي
جنت تجوه وياي عايش دومك
ـ&&&&&&&&&&&&&&&
طحت ياحيلي افه اعليّه انتجي
گلبي گطعته اسكت وبطل البجي
يبو اسوالف مالحه وين الحجي
گلي شنهو الواگف بزردومك
ـ&&&&&&&&&&&&&&&
صدك جبدك خويه هذا البالطشت
ليش ماتشرب المـــــــــاي وتلتفت
وفي مثلك يبو القاســــم ماشفت
اموصي تذكرني اللسن واتصومك
ـ&&&&&&&&&&&&&&&&&

علي محسن الزيادي