رواياتي للراقين فقط 🔞

#أم_يزوني_للهدايا 🤝
(تهادوا تحابوا)
هديتك مننا تعني الفرح والسعادة😂
#تحت_شعار
تزعلك الدنيا و أراضيك أنا 🌹
#قفف_فرح
#برطمانات_سعادة
الأسعار مفاجأة 🔥
للطلب خاص
@omyazoni

النــــهــــايــــــــة💕
❀❀❀❀❀❀❀❀❀❀❀❀❀❀❀❀❀❀❀❀
الخلاصة من القصة دايما اختارو صح .م شرط حب حتى الاصحاب اختارو صح. زي صحبة تبيان وهتون دايما بقيفو مع بعض. الحب م غلط بس يكون بالطريقة الصح وحب هيثم وهتون م نجح لانو اصلا م كان حب كان مجرد تسلية. انا م بقدر اقول انو اي حب عن طريق مواقع التواصل م بينجح بس معظمهم حب فاشل. م كل زول بحب للتسلية بس في الناس البتحب من جوة قلبها .زي حب همام لهتون م لازم نفقد الثقة في الحب بس لازم نختار صح ونفتش الناس البتستاهل انو نحبها💕(وقبل م تختار طريقك ابقى واثق من رفيقك♥)ابقو عافية☺
💗

Mërö🐤💞

قال لي في زول م بغير ع حاجة بتخصو.قلت ليهو م في داعي للغيرة انا ليك براك قال لي تدوومي لي انتي .في يوم رجعت من الصيدلية ماما نادتني قالت لي جاك عريس قلت ليها ماما م عايزة قالت لي ليه. يعني قلت ليها بس كدا قالت لي دة زول كويس ونحنا بنعرفو قلت ليها حتى ولو م عايزاهو قالت لي. م عايزة تعرفيهو قلت ليها انا م عايزة اعرس ي ماما حتفرق في شنو لم اعرفو قالت لي حتي لو عرفتي انو هو همام? قلت ليها منو? همام قالت لي اي قلت ليها جادة. قالت لي ايوة جادة وجات حضنتني جو هيفاء وتبيان قالو لي هسع م رفضنا😉جا مهند قال ليهم بس دة همام 😜.ياخ خجلت خجل☺مهند قال لي هتون والخجل م اتعرفنا😂حضني قال لي مبروك ياخ😍اتصلت لهمام قلت ليهو ليه عملت كدا? قال لي شنو? قلت ليهو كيف تتقدم لي من غير م تكلمني قال لي حبيت افاجئك قلت ليهو عارف انا رفضت بالاول🌚قال لي ي شيخة😂.قلت ليهو وربي بعدها بدو التجهيزات وكنت بنزل مع البنات بنختار الشيلة وكدة. بعدها جا وقت الحبسة والموضوع العاضي.قلت ليهم اصلو حاجة اسمها دخان م بقعد فيها😐 لم اصرو علي اتصلت لهام عديل😂قلت ليهو انا م عايزة اقعد في الدخان اتكلم مع الناس ديل ضحك قال لي اديني امك اديت التلفون لماما قال ليها م في داعي انا عايزها كدا قالت ليهو البت دي مجنونة ي ولدي م تمشب وراها.واصرت الا تقعدني. همام قال لي اتوكلي واقعدي ساي😂عدت الايام وجا يوم العرس من الصباح هبة وتبيان وهيفاء ساقوني الكوافير وكان معانا حنين بدو يرسمو لي الحنة بعد خلصنا همام اتصل لي قال لي مبروك ي مرتي💗قلت ليهو مبروك لينا بعد قفل رسل لي صورتو بجلابية العقد ياخ يلخم😍م وصفت ليكم همام صح(يلا هو طويل جسمو رياضي عندو لحية كدة مرتبة بطريقة حلوة لونو قمحاوي♥)الظهر كدا رسل لي اطلعي انا برة الكوافير قلت ليهو جنيت انت? قال لي اقول ليك خليك. جاني داخل جوة تبيان قالت ليهو م في زول سبقك فيها طلعو وخلوني معاهو. قلت ليهو الجابك شنو? قال لي عارف م حتكوني اكلتي جيت اكلك. كان جايب لي بيتزا😋اكلني قلت ليهو يسلمو. قال لي لسه في حاجة طلع لي كتكات😍قلت ليهو يووخ بعشقك. قال لي انا ولا الكتكات 🌚قلت ليهو الاتنين😂.قال لي يلا اناحامشي من غير م اشعر قلت ليهو خليك 😬.ابتسم وعاين لي قال لي قربنا نكون مع بعض دايما💕قلت ليهو احلى حاجة. طلع بعدها البنات جو داخلين هبة قالت لي حظك ياخ وقعدو يشاغلوني بالمغرب كدة كانو خلصو لي من المكياج وبدو يلبسوني الزفاف. كان فاري وطويل كنت فاكة شعري ولابسة تاج طلعت فظيعة😍وشبايني كانو التلاتة مصايب ديل😂لبستهة فساتين لون زينب لماعة طلعو فظيعين♥همام جا داخل. و البنات طلعو باسني في راسب وقال لي اخيرا بقيتي حقتي💞مسك يدي وطلعنا اول م دخلنا الانظار كانت علينا بدينا نرقص اسلو .قال لي عارفة من اول م شفتك حبيتك لم جيتي المكتب وهجتي وطلعتي. ولم شفتك في الحديقة ولم جيت سقتك من الصيدلية ياخ كل موقف معاك بحبو💗قلت ليهو وانا بعشقك ياخ. كملنا الرقصة بعدها الحفلة كانت بي منتصر هلالية ياخ ما بي اني العروس رقصت رقيص وهمام برضو م قصر حتاهو حت😂بعدها مشينا غيرنا للجيرتق هو لبس جلابية وانا لبست توب احمر وختو لي الجدلة وطلعنا .طبعا الجيرتق كان بي انصاف انا قلعت شبشبي وبقيت برقص مع همام جو تبيان وهيفاء وهبة رقصو معاي. بعدها جات حنيني ورقصت معاي😂💗ومهند واسامة وخالو محمد وسارة مرتو كلهم رقصو مهند قال لي غايتو اليشوفك م يقول عروس نهائي😹بعدها جات غنية ديل مالم انا وهمام قلنا ديل حرقهم. ديل مالهم ديل حرقهم.حرقهم وين? في قلبهم😂.ياخ كانت حفلة من الموت. لاحظت في الحفلة تبيان ومهند اخر ضحك ورقيص .بعد الحفلة خلصت طيارتنا كانت الساعة11 كنا ماشين ماليزيا ودعتهم كلهم. وسافرنا وقضينا احلى ايام وبعد رجعنا كان بعدو بيوم عرس مهند وتبيان😍قلت لتبيان بعد دة كلو تبقي مرة اخوي😹 وهبة برضو عرسها حبيبها انور واسامة عرس صحبتو اسمها سماح وهيفاء رجعت لراجلها في دبي. وفي يوم الفلنتاين كنا كلنا في حديقة ناس حبوبة وكل واحد طلع قال لمرتو كلام.مهند كان قاعد جنب تبيان وهبة جنبها انور واسامة جنبو سماح. وخالو وسارة وولدهم لؤي😍 وانل وهمام.لما جا دور همام طلع وقف قدامنا وقال انا م محتاج لعيد حب عشان اهدي فيهو حبيبتي ومرتي هدية او اعبر ليها عن حبي كل يوم بمر علي انا بحبها اكتر واكتر م عارف اعبر كيف بس بالجد هي حاجة حلوة حصلت معاي .ربنا عوضني بيها.هي كل سعادتي وفرحتي هي نعمتي التي اعوذ بالله من زوالها💗كلهم صفقو ليهو وانا قمت وقلت ليهو وانتي سندي ووجهتي في الدنيا انت مختصر لمعنى الفرح في حياتي وانت الرجعت لي الثقة في الحب وفي نفسي .بحبك. قال لي بعشقك وحضني😍♥

قلت ليها بس انا م فيني حيل اني اتكسر تاني م بقدر وربي م بقدر ودموعينزلت😭 تبيان حضنتني وقالت لي اهدي طيب اهدي.عدا كذا يوم وم كان في تواصل بيني وبين همام كنا بنكون اون لاين الاتنين وم في زول برسل للتاني وفي يوم في الصيدلية كنت ماسكة التلفون ودخلت صفحة همام في الواتس. جات تبيان وشافتني قالت لي بتكابري ليه? قلت ليها اتفتحت بالغلط. قالت لي الكلام دا م علي ي هتون انتي بتحبيهو بس خايفة. قلت ليها ابدا قالت لي طيب راحتك ي هتون .يوم الجمعة الصباح زي الساعة6 الصباح تبيان اتصلت لي قالت لي قومي ارح الحديقة نجري. قلت ليها هسع? قالت لي اي قومي قلت ليها م بقدر ياخ اصرت علي قمت ونزلت لقيتها واقفة برة قلت ليها من متين ليك بتحبي تعملي رياضة انا كنت بسوقك غصب. قالت لي عشان تشوفيها حارة كيف لم تمشي غصب عنك🌚وصلت الحديقة ركبت سماعاتي وشغلت اغاني وبديت اجري. وتبيان كانت وراي. فجاة في شجرة كدا لقيت مكتوب. ILove you بورود حمر قلت لتبيان دة منو المجنون العامل لحبيبتو كدا.قالت لي عايني فوق رفعت عيوني لقيت مكتوب Htoon عاينتة لتبيان وواصلت جري. لقيت قلب كبير في شجرة تانية اول م لمستو في ورود كتيرة نزلت فيني. تبيان قالت لي لسه م غيرتي رايك? قلت ليها لاا.جريت تاني لقدام لقيت دبدوب فوق شجرة كدة اول م شلتو بدا يغني الغنية بتاعت احمد امين (اشرب دواي من وجنتيك ازيد عيا واتعب وراك♥)صراحة عجبتني حركتو ابتسمت لقيت همام واقف وبعاين لي جريت طوالي وانا شايلة الدبدوب. قلت لتبيان ارح. ركبنا العربية قالت لي والله بالغتي معاهو حرام عليك ياخ منو في الزمن دة بعمل لحبيبتو كدا. م رديت عليها وصلنا البيت دخلت استحميت. وغيرت جيت مسكت الدبدوب وبديت افكر. تلفوني ضرب لقيتو (استاذ غياظ ♡)رديت. قال لي عارفة ابتسامتك بس عندي بالدنيا انتي بس كوني مبسوطة كدا وانا حاكون بخير. قلت ليهو شكرا وقفلت منو. فكرت هو كيف عرف اني بحب الورود والقلوب والحاجات دي. اتصلت لتبيان قلت ليها انتي كنتي متفقة معاهو صح? قالت لي ااي بس انتي م تستاهلي وقفلت الخط. بالليل كدة ماما نادتني قالت لي خالك في التلفون شلت التلفون واتكلمت معاهو. قلت ليهو انت الموضوع الكنت عايزني فيهو هو همام. قال لي ايوة الود بحبك. وبعدين انتي م تفكري في الاسم هيثم والعملو. همام مستحيل يكون كدة. وبعدين همام م اتدسى زي م هيثم عمل قبل يعترف ليك كلمني انا ومعناها بالجد عايزك. قفلت من خالو وفكرت في كلامو بعد كم يوم كدة اتصلت لتبيان قلت ليها تعالي لي في البيت. جات وقالت لي مع ااني زعلانة منك بس احكي. قلت ليها طيب عايزة اعترف ليهو قالت لي جادة? قلت ليها يب نطت وحضنتي قالت لي واخيرا نطقتي. قلت ليها بم انك متواصلة معاهو قول ليهو انك عايزة تقابليهو قالت لي ليه? قلت ليها وانا حامشي بدلك. قالت لي نظام مفاجاة يعني. قلت ليها يب نحنا قاعدين اسامة اتصل لي قال لي همام صاحب خالو عمل حادث قلت ليهو كيف قال لي نحنا هسع في المستشفى قفلت الخط وانا دموعي جارية قلت لتبيان همام عمل حادث قالت لي شنو? قلت ليها اسامة قال كدا. قالت لي اصبري م تبكي بكون كويس ان شاء الله لبست لي عباية ونزلت كلمت ماما قالت لي نمشي هسع رجعت لاسامة وصف لي المستشفى. مشينا لقينا اسامة وتقريبا امو وابوهو وكم واحد من اصحابو. الدكتور جا قال هو كويس بس يدو فيها شوية رضخ. دخلنا لقيناهو راقد وعاملين ليهو شاش في راسو. ويدو ملفوفة. كنت بحاول امسك دموعي بس اول م هو عاين لي م قدرت امسك نفسي طوالي طلعت تبيان جات وراي قالت لي هو كويس اهدي. رجعنا البيت رسل لي في الواتس انا كويس م تخافي. قلت ليهو متاكد? قال لي ايوة تاني يوم الصباح ركبت العربية ومشيت المستشفى لقيت معاهو كذا واحد من اصحابو اول م دخلت اشر ليهم نظام اطلعو.😹.قال لي م كان في داعي تجي انا كويس وحاطلع بعد شوية فجاة بقيت ابكي قال لي ي بت قولي بسم الله ياخ. قلت ليهو انا بحبك ياخ بحبك😪قال لي قلتي شنو😳? عيديها قلت ليهو بحبك وربي بحبك. قال لي اااخ واخيرا😍. خفتي علي?قلت ليهو شديد خفت اني اخسرك وانا بكابر اني م بحبك قال لي كان اعمل حادث من زمان😂قلت ليهو بطل ياخ😒قال لي تسلم لي البتخاف علي دي. قلت ليهو وتسلم لي انت. بعد طلعت منو طبعا اتصلت لتبيان قلت ليها اعترفت ليهو ي تبيان. قالت لي احلفي قلت ليها واقسم قالت لي خطرة ياخ😍.همام طلع من المستشفى وبقى كويس .كان بحبني وبهتم باصغر تفاصيلي💕رجع لي الثقة في الحب من جديد.وفي اليوم الخالو جا فيهو من شهر العسل. كان عامل لمة في بيتهم مشينا كلنا وهمام برضو كان هناك خالو كان واقف معاهو وناداني قال لي كنت جاي اظبط ليكم اموركم لكين شكلو كل حاجة ظابطة .قلت ليهو يب يب😂قال لي تتهنو ياخ يلا متين حتفرحونا وتعرسو همام قال ليهو قريب♥اسامة كان عازم كذا واحد من اصحابو ناداني وعرفني عليهم كنت واقفة معاهم مسافة همام اتصل لي قال لي تعالي .مشيت ليهو قال لي م تقيفي معاهم قلت ليهو ليه?قال لي بس كدا قلت ليهو بتغير

طبعا طوالي طلعت وبديت اغني معاهو (سلمي عشان ارد السلام والكلام البجيب الكلام دبت من شفت الابتسامة الحنين شالو قلبي الغرام ي سلام سلم ان شا الله يبقى شكل دنياي تمام التمام.....)بعد انتهيت اتصورت معاهو ونزلت الموجودين كلهم بقو يصرخو تبيان جات قالت لي وااي بس ابدعتي ياخ😍.مهند قال لي عملتيها ي مجنونة😂مشيت لي خالو قال لي البت المجنونة كنتي فظيعةياخ😘جا همام قال لي حتى صوتك حلو انتي شخصية تستحق الاهتمام. قلت ليهو مع اني عارفة بس شكرا يووخ😌قال لي دة م غرور دي ثقة صح?!قلت ليهو اكزاكلي🤓رقصنا وخلصنا الحفلة بعدها خالو ساق سارة ومشو الفندق. والصباح زي الساعة6كدا مشينا المطار عشان نودع خالو. حضنت سارة وقلت ليها خلي بالك من نفسك ومن خالو. قالت لي حاضر. خالو جا حضني وقال لي خلي بالك من نفسك. قلت ليهو وانت كمان. بعدها قال لي في موضوع حاتكلم معاك فيهو بعد امشي واجي. قلت ليهو طيب. قال لي م تخسري همام دة زول كويس وبطلي شكل معاهو. قلت ليهو كيف يعني?قال لي يعني كصديق وكدة. قلت ليهو طيب. قبل خالو يتحرك سمعنا صوت همام قال لي خالو متوقع تمشي من غير م اودعك? ودع خالو وبعدها زحو واتكلمو في حاجة بعدها خالو رفع لينا يدو ومشى. جا همام سلم علينا. بعدها اتحركنا شلنا حاجاتنا وودعنا ناس حبوبة ومشينا البيت. عدا كذا يوم وفي يوم انا في الصيدلية مع تبيان همام اتصل لي قال لي عايز اقابلك. قلت ليهو هسع? قال لي اي. قلت ليهو في حاجة مهمة يعني.قال لي عايزك في موضوع. تبيان سمعت الكلام قالت لي قولي طيب ي زفتة🌚قلت ليهو خلاص تمام بعد مسافة كدا عربيتو وقفت قدام الصيدلية جا نازل سلم علي تبيان وقال ليها عن اذنك حاخدها منك شوية.قالت ليهو شيلا ساي اصلها مزهجاني😂قلت ليها نتحاسب بعدين😒 قال لي خلي المشاكل وارح. قلت ليهو ارح طيب.طلعنا واتحركنا قلت ليهو نحنا ماشين وين? قال لي محل كدا. فضل سايق وساكت. قلت ليهو في شنو م توترني ياخ.قال لي عايز اقول ليك حاجة بس. بعدها وقف وقال لي وصلنا انزلي.كان محل كدا جنب بحر. نزلت وقلت ليهو المحل دة شنو?قال لي المحل دا انا بجي فيهو لم اكون زهجان وكدا .قلت ليهو بالجد المحل حلو💗قال لي والجو هادي عشان كدا بحب اقعد فيهو لم اتضايق. قلت ليهو يعني وريتني مكانك السري المفضل. قال لي تقدري تقولي كدة. قلت ليهو طيب معناها الموضوع مهم قال لي فعلا مهم بس بالاول عايز احكي ليك عني وعن حياتي وكدة. قلت ليهو طيب. قال لي انا اصلا وحيد امي وابوي كنا مستقرين في الامارات ومن سنتين كدة جينا هنا. وانا مسكت الشركة بتاعت الادوية دي. قلت ليهو امم حلو بس ليه بتحكي لي انا الكلام دة? قال لي لانو انا عايزك في حياتي. عايزك مستقبلي.قلت ليهو مستقبلك? قال لي هتون انا بحبك. قلت ليهو دا الموضوع العايزني فيهو .انا اسفة م بقدر قال لي هتون ليه بتقولي كدة انا بحبك. غمضت عيوني ودموعي جرت قلت ليهو بس انا م بقدر احب م بقدر لانو كلكم كذابين. قال لي بتقولي كدا عشان الاسمو هيثم? عايزة تقارنيني بيهو. قلت ليهو وانت عرفت من وين? قال لي محمد حكى لي. قلت ليهو حلو والله حتى خالو متفق معاك. قال لي انتي ليه بتتكلمي كانو نحنا متفقين عشان ناذيك. انا بالجد بحبك انا مستحيل اكون زي الاسمو هيثم وآذيك مستحيل. قلت ليهو بس للاسف انا م بقدر اصدق انو في حب حقيقي تاني اسفة. وقمت عايزة امشي قال لي طيب. راحتك بس بطلي بكا. كنت ماشة قال لي اركبي العربية. قلت ليهو بمشي براي. قال لي بتفهم انك م موافقة ع حبي ليك بس م حاخليك تمشي براكي يلا اركبي. ركبت واتحركنا كنا ساكتين وم اتكلمنا اول م وصلني الصيدلية قال لي مستحيل اخليك م حاخليك تحبيني بالغصب بس حاقنعك انو م كل حب بكون كذبة. خلي بالك من نفسك. نزلت وم اتكلمت ابدا دخلت الصيدلية ودموعي جارية تبيان اتخلعت لم شافتني قالت لي مالك ي بت? هتون ردي في شنو همام قال شنو? قلت ليها بحبني ي تبيان بحبني. قالت لي طيب بتبكي ليه. قلت ليها م بقدر احبو م بقدر احب تاني قالت لي امسحي دموعك وارح معاي. ركبنا العربية وتبيان ساقت وانا بس كنت ساكتة وصلنا البيت قالت لي ارح معاي بيتنا م لازم ناس خالتو يشوفوك كدا. قلت ليها لا ارح معاي بيتنا. قالت لي طيب غسلي وشك مدت لي باقة الموية. غسلت وشي بعدها دخلنا البيت وطلعنا غرفتي. مشيت غيرت وجيت قعدت جنبها قالت لي هسع من كل عقلك رفضتي حب همام ليه? عشان هيثم ي هتون. عشان زول تافه وواطي. قلت ليها م عشانو ي تبيان بس اليضمن شنو انو م يطلع زيو.قالت لي حتقارني همام بهيثم?كوني واقعية شوية بالله همام دا صاحب خالك محمد. قلت ليها وهيثم كان صاحب اسامة. قالت لي انتي مصعباها ليه يعني? مستحيل همام يطلع زي هيثم.

وقفت عملتها وزي كل مرة ظبطتها وعملت معاها فنكوش وكان في عجوة فيفي التلاجة ختيتها معاهو وطبعا ولعت بخور. شلتها واتحركت ع الصالون. خالو قال لي تعالي سلمي. قلت ليهم السلام عليكم وختيت الجبنة. خالو قال لي تسلم يدك. ابتسمت ليهو وطلعت. مشيت المطبخ لميت الحاجات. اتلفت لقيت همام وراي وشايل كباية الجبنة.قال لي عايز موية. شلت كباية وفتحت التلاجة كبيت ليهو. قال لي بتعملي قهوة مظبوطة قلت ليهو شكرا. طرحتي كانت راجعة لي ورا وشعري ظاهر انو مبلول. مدا يدو كان قطرات موية ع وشي مسحها لي. اتوترت شديد وهو شعر بي قال لي م بتعرفي انو الواحد بعد يغسل شعرو لازم ينشفو. قلت ليهو خالو استعجل لي عشان اجي اعمل ليكم القهوة. قال لي طيب امشي نشفي شعرك عشان م تمرضي قلت ليهو طيب. قال لي يلا انا حامشي طلعت الغرفة وبقيت بنشف في شعري. جات حنين شالت باندتي قلت ليها حنين جيبيها. قالت لي لا يلا امسكيني وقامت جارية. جريت وراها بس لقيتها نزلت. نزلت وراها وشعري كان مفكوك. لقيتها اتدست ورا الكرسي وكل م اجيها بجهة تجري مني. قلت ليها حنين بطلي ياخ. خالو قال لي هتون في شنو? اتلفت لقيت خالو واصحابو معاهو. منظري كان بيش شدييد😑.قلت ليهو باندتي من حنين. حنين جرت لي همام شالها وباسها قال ليها عيب ي حلوة رجعي لخالتو باندتها نزلت وجات جارية ادتني ليها قالت لي م كنت قصدة بس كنت عايزة العب معاك اسفة🙃.بستها وقلت ليها م مشكلة. وطوالي جريت ع الغرفة 😂تاني يوم كان العقد صحينا الصباح بدري جهزنا حاجات العقد ونضفنا وبعد الدنيا فتحت كويس شلنا هدومنا ومشينا غيرنا في بيتنا. انا لبست اسكيرت اسود شفون فاري وشكيت معاهو بلوزة باللون الاسود واللحمي ولبست جزمة سوداء. وطرحة لحمية. ولبست ساعة باللون اللحمي. وكنت راسمة يديني. اتمكيجت وبعدها رجعنا بيت ناس حبوبة سمعنا صوت الطلق وماما وخالتو بقو يزغردو. حضنت ماما وخالتو وبكيت ومشيت لي حبوبة برضو بكت معاي بعدها جو مهند واسامة مع خالو. لابسين الجلاليب. كانو حلوين حلا♥مشيت حضنت خالو قلت ليهو مبرووك وتتهنى ياخ. قال لي البت الحلوة عقبالك ياخ. قلت لي مهند واسامة عقبالكم ي انتو. قالو لي امييين😂فجاة جا واحد كدة بارك لي خالو وقال لي هتون مبروك لي خالك وعقبالك. قلت ليهو تسلم بس م عرفتك. خالو قال لي دة صحبي اسمو وليد. قلت ليهو تشرفنا🙂.بعدها لمحت همام كان لابس جلابية ولابس ساعة مع الحنة الفي يدو تلخم😍.جا حضن خالو قال ليهو مبروك ي شيخ الشباب. خالو قال ليهو الله يبارك فيكي حبيب وعقبالك. قال ليهو امين وعاين لي وابتسم قال لي مبروووك لي خالك وعقبالك. قلت ليهو الله يبارك فيك وبالنسبة لعقبالي دي بعد عمر طويل. ضحك وقال لي ليه. قلت ليهو والله م في سبب محدد. خالو قال لي دقيقة عايزك في حاجة ي هتون. قلت ليهو طيب. مشيت معاهو قال لي صحبي وليد دا قال عايزك. قلت ليهو عايزني انا? قال لي اي قال عجبتيهو وعايز يتقدم ليك. قلت ليهو معليش ي خالو بس قول ليهو هي م موافقة. قال لي والاعتذار ليه? قلت ليهو عشان صحبك وكدا. قال لي اذا هو صحبي. فانتي حياتي كلها ياخ♡وبعدين من حقك ترفضي. قلت ليهو تسلم لي ياخ.بالعصر كدة شلنا هدومنا ومشينا الكوافير. في الطريق حكيت للبنات بموضوع صاحب خالو. هبة قالت لي دة مالو خفيف كدا شافك متين😂. قلت ليها بري😹هيفاء قالت لي انتي رافضة الفكرة ولا الشخصية. قلت ليها الاتنين🤓تبيان قالت لي وااو شاطرة🌚قلت ليها انتي اصلك البورة فايضة بيك اي زول حتوافقي بيهو شكلك😐👊🏻.وصلنا الكوافير وبدو يشتغلو فينا. انا عملت شعري كعكة مرخية وطلعت خصل بالجهتين ومكيجوني مكياج اوفر .بعدها مشيت لبست فستان بيج بدهبي لماع قصير شوية من نهاية الرجل ولبست جزمة دهبية واكسسوارات وحلق كبير وطلعت لقيت مهند مستنيني انا وتبيان وهبة وهيفاء مشو مع اسامة .مهند قال لي العروس م بتتاخر كدا 😒قلت ليهو اننن مع نفسك😏تبيان قالت لي قووومر♥قلت ليها وانتي عثل ياخ😘.لم وصلنا الصالة لقينا خالو نازل ومعاهو سارة .مهند مسك تبيان.وانا اسامة قال لي جيبي يدك. دخلنا وراهم وقفو عشان يرقصو اسلو واحنا برضو رقصنا معاهم هبة جات مع همام وكانو برقصو مع بعض.في اللفة اتبدلنا تبيان مشت لاسامة وانا مشيت لمهند. رقصنا مع بعض.تاني اتحولنا لقيت نفسي مع همام .قال لي م قلت ليك كل يوم بتبقي احلا.عاينتة ليهو كان لابس بنطلون جينز وقميص بيجي وجكت كبدي قلت ليهو لابس بيج زيي ليه. قال لي توارد خواطر💕.سكتت وم رديت. بعدها الرقصة انتهت والحفلة كانت بي حسين. ياخ هججنا كيف قمت انا مشيت لي حسن قلت ليهو غني لينا سلمي عشان ارد السلام. مد لي يدو قال لي غنيها معاي.

اشرب دواي من وجنتيك♥

........(10)....
والاخـــيـــر........................................................

بقلمي:Merõ🐣💕
....................................
اول م طلعنا انا وتبيان كلهم عاينو لينا بخلعة انا وتبيان كنا لابسين لبسة هندية (ساري)وفاكين شعرنا ورقصنا بي غنية هندية بتاعت فيلم ديلوالي😹♥ .الموجودين كلهم بقو يصفرو وخالو جا رقص معانا. بعد خلصنا لقيت همام بعاين لي. رفعت ليهو يدي جا سلم علينا. قال لينا ابداع .جو هيفاء وهبة قالو لينا دا سركم ي معفنين😏ماما قالت ليهم ديل طول عمرهم مجانين ياخ. قلت ليها مجانين بس حلوين ي موم 😂 .بعدها الحفلة بدت ياخ حتيناهو حت. جو اسامة ومهند وم خلو رقيص معانا. بعد الحفلة انتهت والناس خفت. كلنا قعدنا في كراسي وخالو قعد في النص عشان يحننو انا بديا احننو هيفاء جات قالت لي انا كمان عايزة اخت ليهو. انتي امشي ختي لباقي الشباب ديل مشيت ختيت لمهند واسامة. بعدها جيت قصاد همام. قلت ليهو تحب اعمل ليك? قال لي جدا اقعدي قعدت وبديت اخت ليهو. قال لي كانك كل يوم بتبقي احلى?! قلت ليهو عيونك الحلوة بس. قال لي بالجد لكين انتي مجنونة فكرة اللبس والرقصة وكدا بس حاجة ظريفة♥ قلت ليهو انا اصلا مجنونة يعني فعادي بالنسبة لي🤓. بعدها قلت ليهو يلا الحنة خلصت استناها لحد م تنشف وطلعها. قال لي تمام. اول م قمت من جنبو تبيان جاتني جارية. قالت لي اشي ع الونسة وخت الحنة بي مزاج😉قلت ليها طول عمرك حتفضلي كدا وم حتتغيري😒قالت لي مالك هسع الواحد م يشغلا ليك شوية😏.قلت ليها خلاص انسي🌚قالت لي نسيت. بس ياخ حلوين مع بعض. قلت ليها تبيان وربي بخسرك ياخ👊🏻قالت لي خلاص سكتت🤐بعدها اتحركنا ع البيت.قلت لتبيان متين نصل اللبس دة خنقني😣قالت لي وانا زاتي ياخ😩.اول م وصلنا جري دخلت غرفتي وغيرت😂جيت مسكت التلفون لقيت رسالة من همام. مرسل لي صورة الحنة قال لي شوفي حنتك طلعت كيف. قلت ليهو حلوة زي العملتها😝قال لي فعلا حلوة. بس م زي العملتها زي المعمولة في ايدو😜قلت ليهو بالله.قال لي والله قلت ليهو ظريف😒قال لي خلاص م تزعلي انتي زاتك حلوة💕قلت ليهو شكرا يااه.تاني يوم كان عندي حاجات عايزاها من السوق طلعت وسقت معاي حنين. مشيت اشتريت حاجاتي وفي الطريق وقفنا في اشارة شفت همام رفع لي يدو. قام اتصل لي قال لي عازمكم ايسكريم تعالو وراي. قلت ليهو م في داعي ياخ. قال لي عايز اقعد مع الحلوة دي ياخ م ترفضي. قلت ليهو طيب مشينا وراهو ونزلنا قال لي نكهتكم شنو قلت ليهو انا شوكلاتة وحنين فراولة. طلب لينا وجا. حنين قالت ليهو شكرا ي عمو.قال ليها ولو ي حلوة. قعد يونس فيها واداها تلفونو تلعب بيهو. قال لي مالك ساكتة قلت ليهو لالا م في شي. اتونسنا مسافة بعدها قلت ليهم خشو في السيلفي. قال لي رسليهم لي في الواتس قلت ليهو طيب. يلا نحنا نمشي بعد كدة. قال لي خليكم شوية قلت ليهو والله عايزة امشي الصيدلية اشوف الوضع وارجع. حنين قالت لي ي خالتو هتون قلتي لي حتوديني الملاهي بس م وديتيني. قلت ليها م الليلة لم افضى حاوديك. همام قال لي خلاص خليها معاي وامشي الصيدلية ونمشي الملاهي قلت ليهو والله م ينفع مرة تانية. قال لي خلاص لكين انا الحاوديكم.قلت ليهو طيب طلعنا انا وحنين. مشيت الصيدلية لقيت تبيان. قلت ليها هسع م قلتي م جاية. قالت لي زهجت وقمت جيت. وانتي كنتي وين? قلت ليها مشيت السوق وجيت بهنا. قعدت شوية وراجعت شوية حاجات وبعدها قلت ليها بعد دا ارح. قالت لي انا جابني السواق حارجع معاكم. ركبت قدام وقعدت حنين فوقها. تبيان قالت لي من متين بتشاركي في الكتكات .قلت ليها كيف?قالت لي والعند حنين دي شنو?قلت ليها بري انا م اديتها شي.حنين قالت م خالتو هتون الادتني ليها اداني ليها عمو همام تبيان قالت ليها الله همام مرة وحدة لقيتيهو وين? قالت ليها كنا معاهو عزمنا ايسكريم. قالت لي ايسكريم ي هتون😉قلت ليها انطمي ياخ😏قالت لي غايتو كلام😜عاينتة ليها وسكتت. وقبل العرس بيوم كنا في بيت ناس حبوبة وكان في ناس كتار .خالو قال لي انضف الصالون لانو اصحابو حيجو مشيت نضفت ومسحت الارض وفرشت الملايات وطلعت. حالتي كانت بيئة شديد.😩 قلت لي ماما انا ماشة البيت استحمى واغير واجي قالت لي سوقي تبيان معاك. قلت ليها خليها تساعد هيفاء وهبة وانا بمشي واجي. كنت طالعة شايفة اصحاب خالو كانو داخلين ومعاهم همام مشيت البيت استحميت وغسلت شعري. طلعت عشان اسرح شعري لقيت تلفوني بضرب وفي كذا مكالمة من خالو. رديت قال لي تعالي سريع عايزين قهوة انتي مشيتي وين? قلت ليهو انا في البيت ي خالو خلي اي زول يعملا. قال لي سريع تعالي م في زول بعرف يعملا زيك. قلت ليهو طيب. لميت شعري وهو لين وكان عندي حاجات عايزة اشيلا شلتهم سريع وطلعت ركبت العربية واتحركت اول م وصلت. مشيت المطبخ لقيت خالو واقف في المطبخ اول م شافني قال لي. واخيرا سريع تعالي اصلا البنات ديل كلهم فاشلين.

قلت ليها بقينا نصيحين🌚.قالت لي يب وبشدة😹 قلت ليها فاتك المشوار والبيتزا والكت كات. قالت لي جزمة ياخ. قلت ليها استاذ غياظ جا وساقني. قالت لي م تقولي لي همام مدير الشركة? قلت ليها ااي. قالت لي احححا ياخ اطير انا ولا اتقلب جرجير😩قلت ليها طول عمرك هبلة ياخ. قالت لي والله م في اهبل غيرك. اها خلاص انسينا منو حنك حفلة الحنة شنو. قلت ليها كلو جاهز فاضل نتدرب بس🌚قالت لي تمام (عايزين تعرفو دة شنو? سر بوريكم بعدين😌)رجعت البيت سلمت عليهم ونفس الحنك غيرت وجيت نازلة. حنين اتشعلقت فيني وقالت الا العب معاها بالمكعبات. جابتهم وقالت لي يلا نعمل قصر كبيير. قلت ليها طيب. قعدنا نعمل فيهو لحد م خلصنا. شكلو عجبني .قلت لحنين جيبي لي تلفوني عشان اصورو .جابت التلفون وقالت لي نتصور معاهو قلت ليها طيب اتصورنا كذا صورة. مشيت ختيتها استوري كتبت بيتنا انا واميرتي 😍تبيان قالت لي اشي عليكم قلت ليها شفتي كيف.فجاة جاتني رسالة من استاذ غياظ. (طبعا قبيل سجلت. رقم همام كدا🤓)قال لي احلى بيت واحلى اميرات♥.قلت ليهو شكرا استاذ غياظ.قال لي ولو ي انسة عصبية. ابتسمت وقلت في نفسي شكلو ظريف. تاني يوم الصباح لبست لي عباية رمادي بي ابيض خليجية مقفولة من فوق وفاتحة شوية من تحت بظهر اني لابسة بنطلون. ولبست طرحة رمادية وجزمة كعب بيضاء. وعملت مكياج خفيف كالعادة. وطبعا العطر بتاعي وم شلت شنطة لاني اصلا حاطلع اشيل شنطتي من همام. انا وتبيان كل وحدة بتمشي بي عربية لانو مرات بتجينا مشاوير وكدة.اول م اتحركت همام اتصل لي قال لي تعالي. Coffee shope نشرب قهوة وتشيلي شنطتك. قلت ليهو خلاص تمام مشيت واول م دخلت رفع لي يدو مشيت سلمت عليهو. قال لي طالعة حلوة☺. قلت ليهو يسلمو من ذوقك😊.قال لي قهوتك كيف? قلت ليهو بحليب طلب لينا اتنين بحليب. قال لي امس في الصورة كنتو حلوين انتي والبت الصغيرة. قلت ليهو دي حنين بت اختي. قال لي مع انو بقولو البت عمة بس حنين بتشبهك حتى نفس الوجنات.قلت ليهو اي فيها ملامحي😄.اتونسنا مسافة بعدها اداني شنطتي. قلت ليهو شكرا. استاذنت وطلعت.اول م مشيت الصيدلية تبيان قالت لي وين كنتي وقاشرة كدا. قلت ليها مشيت شربت قهوة مع همام. وشلت منو شنطتي لاني امس نسيتها عندو. قالت لي الله الله ع همام. قلت ليها بطلي تفاهة🌚عدت الايام وجا يوم الحنة انا وتبيان من العصر اختفينا وقبل الحفلة م تبدا الانوار انطفت بعدها ولعت وطلعنا انا وتبيان والكل اتصدم لم شافنا.

نــــتــــــلاقـــــــــى😉

اشرب دواي من وجنتيك♥

..........(9)..........................................................

بقلمي:Merõ🐣💕
........................................................................
قفلت من تبيان ومشيت استحميت ولبست لي فستان بيج مع طرحة وجزمة كبدي. وعملت روج كبدي وطلعت ♥هيفاء قالت لي ماشة تشوفي مرة خالو قلت ليها يب كيف عرفتي?قالت لي خالو اتصل لي عشان اجي معاكم بس تعبانة م بقدر. طلعت لقيت تبيان لابسة فستان اسود بي رمادي ولابسة طرحة وشوز كبدي♥قلت ليها مطقمة معاي 😍قالت لي لازم يووخ🤓قلت ليها شكلك ناوية ع مرة خالو دي😂قالت لي كنت عندي بس غضيت نظر😹👊🏻ركبنا عربية تبيان وهي ساقت. اول م وصلنا اتصلت لخالو جانا طالع بعدها ساقنا محل اكسسوارات لقيناها واقفة سلمنا عليها شكلها طيوبة كدة وظريفة.قالت لينا نختار معاها المجوهرات وكدة طبعا انا وتبيان زوقنا عالي اخترنا ليها احلى اشكال😌.بعدها خالو ودانا المطعم وعزمنا بيتزا😋.اتونسنا معاها مسافة بالجد طلعت ظريفة ياخ♥.اتصورنا معاهم كذا صورة بعدها رجعنا اول م دخلت الببت ماما وهيفاء استلموني عايزين يشوفوها. وريتهم الصور عجبتهم وقالو حلوة.قلت ليهم وظريفة كمان😊 بعد كم يوم كدة بدو يجهز للعرس انا وتبيان وهيفاء وهبة كنا بنطلع مع خالو وسارة عشان نختار الشيلة وهبة وهيفاء جهزو فساتينهم للحنة انا وتبيان ابينا قلنا ليهم بتاعنا دا سر😌🖐🏻.في يوم انا كنت في الصيدلية خالو اتصل لي قال لي حاجي اسوقك من الصيدلية انا وسارة في السوق عايزين نختار تصميم الغرفة وشوية حاجات كدا. قلت ليهو خلاص طيب. واليوم داك تبيان م كانت معاي لانها كانت محمومة شوية. طلعت انتظرت خالو برة بس العربية الوقفت قدامي م كانت حقتو. الباب اتفتح وقال لي اركبي. عاينتة ليهو وانا مستغربة قلت ليهو انت? قال لي اي ي ام وجنات اركبي.طبعا اكيد عرفتوهو همام مدير شركة الادوية🐸.قلت ليهو اركب معاك ليه? خالك مرسلني عشان كدا اركبي. جيت اركب ورا قال لي ع فكرة ي ام وجنات انا م سواقك🌚اتغظت منو وركبت قدام. قلت ليهو ع فكرة انا م اسمي ام وجنات عندي اسم يعني😏قال لي الانسة العصبية? احيييي انا حيجلطني😩قلت ليهو وانت اسمك استاذ غياظ صح. قال لي امممم عجبني الاسم. عاينته ليهو بغيظ وسكتت. اول م وصلنا مشيت ع خالو قلت ليهو دا شنو ي خالو تقول لي حاجي اسوقك وترسل لي الغياظ دة😒جا قال لي ي انسة عصبية ممكن تروقي? خالو قال لينا اهدو مالكم? وبعدها قال لي كنت حاجيك بس عشان مم اخلي سارة براها. قلت ليهو خلاص.سارة قالت لي ليه زعلانة كدا ياخ اهدي. قلت ليها م في شي بس زعلت عشان خالو م جا ورسل لي الغياظ دة😏خالو قال لي الغياظ دا عندو اسم.قلت ليهو وانا برضو عندي اسم ع فكرة ي خالو😒.ضحك وقال لي ي ستي ولا تزعلي. دة همام وانتي هتون. قال لي تشرفنا. قلت ليهو الشرف لي. خالو قال ليهو البت دي اصلها مجنونة م تواخذها.قلت ليهو خالو حامشي انا😒.قال لي خلاص ياخ😂.مشينا عشان نختار تصميم ولون الغرفة. في تصميم كدة باللون الكوبي والرمادي خطير. انا وهمام في نفس اللحظة قلنا الكوبي بالرمادي. عاين لي وعاينت ليهو👀.خالو قال لينا اممم توافق ملحوظ.سارة قالت لينا نفس الذوق وذوقكم حلو ع فكرة♥.عاينت ليهو تاني عاين لي وابتسم. وترني ياخ طوالي نزلت عيوني. خلصنا من الحاجات بعدها خالو نمشي نفطر في مطعم. خالو قال لي كالعادة حتطلبي بيتزا بي كاتشب مع بيبسي.قلت ليهو اكزاكلي🤓بعد خلصنا قلت ليهو خالو. قال لي احكي. قلت ليهو عايزة كتكات🌚قال لي طيب. طلع وجا جاب لي كرتونة كتكات ومعاها اسنيكرز وباونتي💕 قلت ليهو خالو بحبك ياخ😘قال لي وانا كمان بحبك. لكين البحبك بعدين دة الله معاهو حتفلسي بيهو😂قلت ليهو وم يفلس عشاني اي شي بهوون😌.قال لي بطلي غرور. قلت ليهو دة م غرور ي خالو دي ثقة. سارة قالت ليهو فعلا كل شي عشانها يهون وجناتها ديل. براهم كفاية😍 قلت ليها احييي تسلمي ي مرة خالو ياخ😘.قالت لي لسه م بقيت😂.قلت ليها حتبقي بعد اللف دا كلو م تعرسو بخسركم غايتو😂قالت لي انا زاتي بخسر نفسي😹بعدها خالو قال لي همام يوصلني. قلت ليهو م في داعي بضرب يرسلو لي عربيتي. قال لي م في داعي انا بوصلك. ودعت خالو وسارة وطلعنا انا وهمام. قال لي طلعتي بتحبي الشوكلت.قلت ليهو وشديييد كمان. قال لي شخصيتك حلوة ع فكرة قلت ليهو شكرا يااه. قال لي ولو. وصلني الصيدلية وبعدها اتحرك. واول م دخلت الصيدلية اتذكرت شنطتي. بس تلفوني كان معاي.قلت اووف نسيت الشنطة في عربية الغياظ وم عندي رقمو عشان اضرب ليهو. قلت للبت الشغالة معانا في الصيدلية. انا حامشي بعد كدا. اول م ركبت العربية واتحركت في رقم غريب اتصل لي قال لي انا همام شلت الرقم من خالك نسيتي شنطتك عندي. بس انا مشيت بعيد. قلت ليهو م مشكلة خلاص. قال لي بكرة حارجعها ليك. قلت ليهو خلاص تمام .طلعت ع البيت ومشيت لتبيان عشان اشوفها طلعت ليها في الغرفة لقيتها ماسكة التلفون.

بس م كان تشاكلي الولد ياخ.قلت ليهو هي مع نفسو😒.ضحك وقال لي طول عمرك مجنونة قلت لي خالو يلا بعد كدة انا امشي. قال لي خليك شوية. قلت ليهو تعبانة والله. قال لي خلاص امشي ارتاحي. واوعي تكلمي زول. قلت ليهو حاضر سرك في بير ياخ😂.قال لي يلا ي مجنونة.قلت ليهو باي ي خال المجنونة. اول م رجعت البيت ماما وهيفاء استلموني عشان يعرفو خالو كان عايز شنو😂قلت ليهم م في شي اتونسنا بس. تاني يوم الصباح كان جمعة وم مشينا الشغل شغلنا معانا مساعدين .وكنا متفقين انا وتبيان نطلع نعمل رياضة. اتصلت ليها الساعة 6قلت ليها يلا قومي. قالت لي قمت بس لسه م لبست. قلت ليها سريع طيب. طلعت وكالعادة عملت النسكافيه بتاعي .حنين جات ولابسة. قالت لي ماشة معاكم. قلت ليها يلا طيب طلعنا وتبيان جات واتحركنا اول م وصلنا قلت ليهم يلا نعمل سباق. جرينا وانا كنت اول وحدة بعدها حنين فاتتني. تاني تبيان فاتتنا وفي النهاية انا جيت فتهم😂حنين قالت لي انتي سريع ياخ. تبيان قالت انا تعبت ياخ. قلت ليها هييييي حنجري نص ساعة. قالت لي واي انا الجابني شنو😩قلت ليها اشربي يلا😂بعد م جرينا كان في ورود كدا حلوة باللون البنفسج والوردي💜💗.وقفت قدامهم وبقيت بعاين فيهم مسافة عجبني المنظر ابتسمت😊.جات تبيان قالت لي بتفكري في شنو? قلت ليها ولا شي عجبني الجو بس. حنين جات قالت اجرو وراي. جرينا وراها انا وتبيان انا شعري اتفكا وقفت عشان اصلحو. لقيت حنين وتبيان واقفين مع واحد وكانو بعاينو لي. اول م وصلتهم .قلت ليهو انت?قال لي اووه الانسة العصبية قلت ليهو اولا انا م عصبية. تبيان قالت لينا بتعرفو بعض من وين? قلت ليها دا مدير شركة الادوية. عاينت ليهو بخلعة قالت لي جادة?! ابتسم وقال ليها اي انا. وصحبتك امس جات وهاجت وطلعت وم ادتنا فرصة نشرح ليها.قلت ليهو هو في حاجة تتشرح. لكين ع العموم م وقت الموضوع.قال لي فعلا م وقتو واصلا الموضوع انتهى يلا فرصة سعيدة☺.تبيان قالت ليهو يلا مع السلامة. قال لي وانتي ي ام وجنات م حتردي?نططت عيوني وعاينت ليهو قلت ليهو فرصة سعيدة برضو.قلت لتبيان كل الناس حتفضل تناديني ام وجنات وبعدين هو متين لحق يشوفهم😏 قالت لي ي بت انتي وجناتك ديل لم تتكلمي ساي بظهرو😂👊🏻قلت ليها انتو الوقفكم معاهو شنو. قالت لي حنين كانت جارية اتضربت بيهو وهو وقف يتكلم معاها. قلت ليها م علينا يلا. بعد كم يوم كدة خالو اتصل لي وقال لي خلاص هو وحبيبتو اتفقو ع العرس. قلت ليهو بالجد ي خالو مرتك دي اسمها منو😂قال لي لسه م بقت مرتي ي هبلة😂قلت ليهو اعتبار م سيكون 🤓قال لي غايتو انتي😂اسمها سارة وبعدها قال لي حاتصل لي امك اكلمها. قلت ليهو خلاص تمام. رجعت البيت ماما نادتني قالت لي خالك عايز يعرس. قلت ليها قديمة ي حجة😂قالت لي اصلك عواليق يوم عزمك م كان ساي😏. قلت ليها ايوة بس. في نفس اليوم بالعصر خالو اتصل قال لي تعالو المول انتي وتبيان عايز اعرفكم ع سارة.قلت ليهو زييييت. قفلت منو اتصلت لتبيان وقلت ليها.قالت لي احي اناخالك القرض عايز يعرس م عافية ليها البت دي😪قلت ليها م وقت محنك دي هسع 🤓👊🏻اجهزي عشان نطلع بدري قالت لي خلاص وقفلنا ع كدة😴🎶

نتـــــــلاقـــــــى🌞♥

اشرب دواي من وجنتيك♥

.........(8)...........................................................

بقلمي:Merö🐣💕
........................................................................
نزلت لقيت مهند قال لي كويس انك جيتي كنت حاوصلكم بس عندي اجتماع مهم. قلت ليهو م مشكلة وصف لي المحل واداني مفتاح العربية قال لي كبرتو بعد كدا م في داعي للسواق😂قلت ليهو واخيرا🤓قال لي انتبهي وسوقي براحة.قلت ليهو حاضر. ودعت ناس ماما وطلعت.
تبيان جات قلت ليها هاك سوقي انتي الليلة. م صدقت طوالي جرت جري😹وصلنا ونزلنا كان كل حاجة جاهزة.بدينا شغل خالو محمد اتصل لي قال لي في الصيدلية انتو? قلت ليهو اي بس كيف عرفت? قال لي الجهز ليكم كل شي مع مهند منو ي غياظة.قلت ليهو معليش ياخ وربي م كنت عارفة. قال لي ولا يهمك ياخ انا جاي عليكم. تبيان قالت لي دا منو.قلت ليها دة خالو. قالت لي احي انا من خالك دا😂قلت ليها بطلي انبراش في خالي لو سمحتي 😒👊🏻بعد مسافة كدا خالو جا سام علينا وقال لينا كيف اول يوم? قلت ليهو ظريف☺قال لي موفقين انا جيت عشان اديك رقم شركة ادوية عشان تتعاملو معاها قلت ليهو طيب.اداني الرقم وبعدها طلع. عدينا اليوم وبعدها رجعنا البيت الساعة4 كنت تعبانة تعب وصلت البيت وطوالي طلعت غرفتي نمت بهدومي 😴.عدينا كم شهر في الشغل واتعودنا عليهو
وفي يوم كان مفروض نستلم الادوية من الشركة المتعاملين معاها والادوية م وصلت. تبيان قالت لي انا متفقة معاهم قبل اسبوع. واكدو لي انو حيوصلو الادوية الليلة. انتظرنا لحد نهاية اليوم والادوية م وصلت. اتصلت ع الشركة قالو حصل ليهم ظرف وحيوصلوهم بكرة. رجعت البيت لقيتهم قاعدين وبحضرو في التلفزيون. حنين قالت هيييي خالتو جات😍 .جات حضنتني بستها ودخلنا سلمت ع ماما وهيفاء قالو لي اقعد معاهم. قلت ليهم اغير واجيكم. طلعت غيرت ملابسي ونزلت ليهم. هيفاء قالت لي الشغل كيف? قلت ليها والله تمام. لكين الليلة الادوية المفروض توصلنا م وصلت. قالت لي غريبة مش دي الشركة العرفكم عليها خالو وقال كويسة. قلت ليها اي بس م عارفة مالهم نشوف لحد بكرة. تاني يوم صحيت بصداع غريب اتصلت لتبيان قلت ليها اسبقيني ع الصيدلية انا مصدعة شوية. نزلت تحت ماما قالت لي مالك م لبستي. قلت ليها مصدعة شوية بس .شربت النسكافيه بتاعي وطلعت غرفتي بلعت مسكن ورقدت. زي الساعة 9كدة قمت لبست لي بنطلون جينز وطونك ابيض بي كحلي وطرحة اوف وايت وجزمة كعب اوف وايت. وشلت شنطة اوف وايت برضو وعملت مكياج خفيف وطلعت. ركبت العربية.اتصلت لتبيان قلت ليها الادوية وصلت?قالت لي لسع. قلت ليها انا اتحركت من البيت هسع حامشي الشركة. واشوفهم مالهم. اتحركت ع الشركة طوالي. وصلت ودخلت قلت للسكرتيرة عايزة اقابل المدير. قالت لي اتفضلي اقعدي ووريني انتي منو عشان اكلمو م رديت عليها ودخلت مكتبو طوالي. قلت ليهو ي استاذ دي شركتك المحترمة نحنا لينا يومين منتظرين الادوية وشركتكم بتوعد في الفاضي ونحنا متفقين معاها قبل اسبوع🙁كان مقبل عكس اتجاهي اتلفت وعاين لي مسافة كدة زي السرح فيني.بعدها قال لي خير ي استاذة في شنو? قلت ليهو لي ساعة بصرخ معاك وانت بكل برود بتقول لي في شنو? 😒قال لي اهدي لو سمحتي واقعدي. قعدت قال لي يعني المشكلة انو الادوية م وصلت? قلت ليهو ايوة نادى السكرتيرة وقال ليها ليه الادوية م وصلت للصيدلية المتفقة معانا قبل اسبوع? قالت ليهو معليش ي استاذ بس الترحيل كان فيهو مشكلة. قال ليها طيب هسع الادوية لازم تصل ليهم. قالت ليهو طيب وطلعت. قال لي في اي مشكلة لسع? قلت ليهو ابدا وشلت شنطتي وطلعت. مشيت الصيدلية تبيان قالت لي اشي ع القشرة😉اها عملتي شنو? قبل اتكلم الادوية وصلت. قالت لي خطيرة لكييين😂قلت ليها شفتي كيف😌 نهاية اليوم بعد طلعنا خالو اتصل لي وقال عازمني غدا. قلت ليهو في شنو. قال لي عايزك في موضوع. قلت ليهو طيب اتصلت لهيفاء وقلت ليها انا طالعة مع خالو. وصلت المطعم العازمني فيهو ولقيتو قاعد قعدت وطلبنا الغدا. قلت ليهو يلا احكي في شنو? قال لي متزكرة لم جيتي في الغرفة ولقيتيني بغني وقلتي لي بحب من وراك. قلت ليهو ايووة القصة حب ي خالو اظهر وبان😉 قال لي ايوة. قلت ليهو اها احكي دي منو? قال لي زميلتي في الشغل. قلت ليهو هي بتحبك? قال لي ايوة وانا بفكر اعرس قريب. قلت ليهو الله ياخ عرس في العيلة😍قال لي م تنداحي لسع م قررنا😂قلت ليهو مش الاتنين بتحبو بعض راجين شنو تاني😒.قال لي الوقت المناسب بس☺.بعدها سالني من الشغل وكدة قلت ليهو تمام. بس الشركة بتاعت الادوية جرجرتنا وانا الليلة اتشاكلت مع المدير🌚قال لي اتشاكلتي مع همام معقول? قلت ليهو هو اسمو همام يعني بس ايوة اتشاكلت معاهو🤓قال لي بالغتي الولد دة ممتاز ياخ.قلت ليهو خالوياخ بس هم بالغو معانا يومين والادوية م وصلت ونحنا متفقين معاهم من اسبوع قال لي صح هم غلطانين.

وشلت شنطة سوداء وعملت من عطري المفضل pink💗ونزلت .هيفاء قالت لي مزة😍قلت ليها تسلمي لي ياخ. حنين قالت لي يلا ارح لبسيني قلت ليها حاطقم ليك معاي😌مشيت طلعت ليها بنطلون جينز لحد الركبة وقميص كبدي بي ابيض وجزمة بيضاء وعملت ليها شعرها كعكة مرفوعة وختيت ليها هد باند كبدي♥قلت ليها كدة قووومر ومطقمة مع خالتو😘يلا ادي خالتو بوسة. جات باستني. قلت ليها يلا وقت السيلفي🌚اتصورنا كتير بعدها تبيان اتصلت قالت لي انا في بيتكم انزلي. قلت ليها طوويب. نزلنا انا وحنين. هيفاء قالت لي بسحروكم ياخ😹قلت ليها م تخافي اتحصنا😌👊🏻ماما قالت لينا حلاتكم ويلا بالتوفيق. طلعنا تبيان قالت البت وخالتها ارح خشو في السيلفي🐸قلت ليها ارح🤓اتصورنا بعدها مشيت قلت للسواق انا حاسوق الليلة. اول م وصلنا الجامعة كلها كانت بتعاين لي انا وحنين شكلهم افتكروها بتي😂لقينا النتيجة طلعت والناس متلمية .فجاة سمعنا صوت طارق وهو بقول ي ام وجنات طبعا جا جاري وقال لي طلعنا من اوائل الدفعة😍قلت ليهو جادي 😹قال لي اي واقسم انا زاتي م صدقت😂تبيان قالت ابدعنا عديل🤓طارق قال لي الحلوة المعاك دي منو? قلت ليهو بتي☺.قال لي بالله عليك🐸👊🏻قال ليها اسمك منو? قالت ليهو حنين. قال ليها هتون بتبقى ليك شنو. قالت ليهو خالتي💕قال لي احي منكم حتى الشافعة عندها وجنات😩قلت ليهو انبرشت في البت الصغيرة شكلك😂وليد قال لي انه الرقاد😹.طارق قال لينا خلاص اتلميتو بطلو تشغيلاتكم دي😒قلت ليهو ابينا😝وليد قال اخر صور للذكرى اتصورنا مع بعض وبعدها رجعنا. كلهم فرحو وناس حبوبة اتصلو وباركو لي 💗تبيان قالت لي اها حنك الشغل شنو?!🌚قلت ليها ي زولة نترمتل شوية وبعدها نشوف🤓قالت لي انا زاتي قلت كدا😷عدينا شهر ونحنا قاعدين ساي وفي يوم مهند جا قال لي انو لقى لينا محل مناسب للصيدلية بتاعتنا انا وتبيان اتصلت لتبيان قلت ليها مهند لقى لينا محل للصيدلية😕قالت لي واي اخوك دا مالو هسع😒قلت ليها بري لكين خلاص كفانا كدا بعد دا نجيب قروشنا برانا😌قالت لي اي والله😹مهند جهز كل شي. اصلا كان المفروض نشتغل مع صيدلي معروف وكدا بس عندنا شهادات خبرة واشتغلنا في كذا محل ايام الجامعة. واليوم المفروض نمشي فيهو نبدا شغل صحيت الصباح بدري وقلت امشي اعمل رياضة عشان اكون نشيطة. لبست بنطلون وقميص باللون الوردي ونزلت الحديقة اجري. جريت زي نص ساعة. تبيان اتصلت قالت لي صحيتي? قلت ليها وفي الحديقة كمان وبجري🌚. قالت لي الله ع النشاط🤓قلت ليها هسع راجعة البيت بعد ساعة وحاجة كدا نطلع قالت لي حلو. لقيت ماما قالت لي كنتي بتجري? قلت ليها يب. قالت لي تشربي شاي ولا عايزة نسكافيه قلت ليها خلاص بشرب معاكم شاي. هيفاء وحنين جو نازلين. حنين قالت لي عملتي رياضة بدوني😕قلت ليها معليش بسوقك المرة الجاية😘شربت الشاي وطلعت غرفتي رقدت شوية وقمت اخدت دش وانا وتبيان كنا متفقين نلبس فساتين. انا لبست فستان لون زينب سادة ولبست طرحة مشكلة لون زينب وبيج وجزمة بيجية وطبعا عملت من عطري pink ونزلت😍💗

نتلاقــــــى في الحلقــــــات الجــايــة☺💋

اشرب دواي من وجنتيك♥

.............(7).......................................................

بقلمي:Mero🐣💕
........................................................................
اتصدمت لم شفت الصور.فتحت الصور وانا دموعي جارية😭كنت بقول مستحيل كنت حاسة اني بحلم. م حسيت بنفسي الا وانا فاتحة الباب وجارية ع السلم واول م وصلت تحت لقيتهم كلهم قاعدين بقيت بصرخ بصوت عالي هيثم🔊كلهم اتخلعو وهو اتلفت علي وكان مخلوع عاين لي بخوف مهند قال لي مالك ي بت جنيتي اسامة قال لي هتون في شنو? م رديت عليهم واتحركت عليهو قلت ليهو ليه عملت كدة ليه? وطوالي اديتو كف قلت ليهو كنت عارف انو دي انا هتون بت خالة اسامة عشان كدا كنت بتتهرب مني صح.ليه عملت كدا جاوبني مهند جا جراني قال لي بصوت عالي هتون قولي في شنو انا قعدت في الارض وبقيت ببكي 😪تبيان جات حضنتني قالت لي هو هيثم زاتو هو التافه داك😭مهند قال ليها تبيان في شنو? اتكلمي تبيان شالت تلفوني وفتشت المحادثة وورتها ليهو مهند بقى يكورك وقال ليهو كيف تطلب من اختي كدة ي تافه حاقتلك بي يدي😠اسامة برضو قراها ومهند واسامة بقو يضربو فيهو انا انهرت وبقيت ببكي بطريقة هستيرية😓تبيان وهيفاء وهبة جو رفعوني والباقين م كانو فاهمين حاجة ماما وخالتو وحبوبة كانو مخلوعين وبقولو في شنو? خالو مشى فكى هيثم من مهند واسامة وقال ليهو اعتبرناك واحد مننا بس للاسف طلعت حقير يلا اطلع من هنا. هيفاء قالت ليهم حنطلع هتون الغرفة فوق. قوموني وكنا ماشين ع السلم وانا طوالي وقعت.صحيت في المستشفى لقيت هيفاء جنبي قالت لي انتي كويسة? هزيت ليها راسي بمعنى ايوة. قالت لي حاطلع واكلمهم انك صحيتي. طلعت والباقين كلهم جو داخلين. عاينت لمهند وكان ظاهر عليهو انو زعلان شديد وعيونو محمرة. اشرت ليهو جا قعد جنبي مسك يدي قال لي ليه م كلمتيني? قلت ليهو م كنت عارفة انو دة صاحب اسامة. قال لي انا اخوك وبخاف عليك وانتي عاقلة وم محتاجة توصية خلي بالك من نفسك.قلت ليهو حاضر .باس لي راسي وقام(احساس الزول يكون عندو اخ بالجد بكون عندو سند صح مرات بكونو قاسين بس اكيد لمصلحتك وخوفهم عليك 🙂♥)جاتني حنين جارية قالت لي خالتو مالك? قلت ليها كويسة انا هيفاء قالت ليها خالتو تعبانة شوية خليها ترتاح. قلت ليهم عايزة امشي البيت. تبيان اشرت لي ع الدرب قالت لي بعد دة يخلص. بعد مسافة الدرب انتهى جا خالو محمد وقال لينا خلاص حنطلع ركبنا مع مهند وخالو ساق ناس حبوبة. الطريق كلو انا ساكتة واول م وصلنا قلت ليهم انا طالعة غرفتي خلوني براي شوية. تبيان قالت لي انا بجيك بعدين وطلعت وانا دخلت غرفتي وقفلت الباب. قعدت في السرير وبديت ابكي بحرقة. اصلا انا م كنت بثق في الحب والكلام دا. م عارفة للحظة ضعفت😪.ومن اول تجربة اتكسرت واتخذلت💔بكيت مسافة وبعدها مسحت دموعي ودخلت الحمام فتحت الدش ووقفت تحتو كنت سرحانة في كل البحصل. اتمالكت نفسي واستحميت وطلعت. راسي كان واجعني بطريقة فظيعة😩فكيت شعري ورقدت بعد مسافة نمت. من التعب نمت بعمق كاني سنين م نمت. صحيت ع صوت الباب وهو بضرب كانت ماما بتناديني للغدا. لميت شعري وفتحت الباب م اتكلمت بس طوالي نزلت قعدت وشلت لقمتين وقمت. ماما قالت لي هسع اكلتي شنو? هيفاء قالت لي اقعدي. مهند قال لي هتون اكلي زي الناس. قلت ليهم م عندي نفس🙂العصر كدة باب الغرفة ضرب فتحت لقيتها تبيان قالت لي حابسة نفسك في الغرفة ليه قلت ليها ولا شي عايزة اقعد براي بس. عديت يومين بالحالة دي. بنزل باكل شوية وبطلع وم بتكلم مع زول في يوم بالصباح تبيان جات خبطت لي الباب شديد فتحتو بكل برود وم اتكلمت معاها. قالت لي افهم انك حتفضلي كدة كتير? حتعتزلي العالم عشان واحد تافه وم يسوى 🙂.عارفة انو اول مرة تحبي زول وتتعلقي بيهو بس م للدرجة دي ي شيخة ارحمي نفسك وارحمينا معاك و ع فكرة النتائج بكرة لو الموضوع بهمك كتير يعني. كانت طالعة قلت ليها تبيان اقيفي.قالت لي خير. قلت ليها عارفة اني زودتها بس وربي تعبانة😔 قالت لي انتي طول عمرك قوية ودي م حاجة قدام قوتك عشان تكسرك. قلت ليها طيب قالت لي يلا ارح ننزل ليهم قلت ليها ارح. نزلنا مع بعض ماما قالت لي واخيرا طلعتي😍هيفاء قالت لي نوورتي ياخ♥حنين جات جارية قالت لي خالتو هتون😍قلت ليها نبضها😘قالت لي اشتقت ليك م تخليني تاني🙁قلت ليها حااضر. بالنهار كدة كنا كلنا قاعدين وبنحضر في مسلسل قامت حنين قالت لي عايزة شيبس بطاطس. قلت ليها ارح نعملو هسع مشينا المطبخ وبدينا نعملو مهند جا داخل. اول م شافني في المطبخ قال لي واخيرا هتون رجعت😊قلت ليهو يب. تاني يوم الصباح تبيان اتصلت لي قالت لي يلا اقشري وارح الجامعة😌قلت ليها طيب😹نزلت عملت نساكفيه. ماما قالت لي ماشين الجامعة? قلت ليها اااي حنين قالت عايزة تمشي معاي. قلت ليها طيب البس واجي البسك ع زوقي😘قالت لي تمام. مشيت الغرفة وفتحت الدولاب طلعت اسكيرت اسود وقميص كحلي بي ابيض وطرحة كبدية واسبورت كبدي عملت مكياج خفيف.

الباب ضرب طوالي جريت وفتحت الباب لقيت هيفاء حضنتها قالت لي ي زفتة مشتاقين قلت ليها كتير ياخ💕جا مهند وكان شايل حنين جريت وشلتها منو قالت لي خالتو هتون قلت ليها عيونا😍وبستها بعدها ماما جات شالتها مهند قال واخيرا البيت بقى فيهو حس قلت ليهو بالجد والله♥قمنا انا وتبيان ودخلنا المطبخ جهزنا الاكل. هيفاء قالت لي انتي العملتي الاصناف دي كلها بالله. قلت ليها اي. حنين قالت لي خالتو انا عايزة كت كات💕🍫قلت ليها بس كدا طيب دقيقة. مشيت جبت لينا كلنا. هيفاء قالت لي حنين زيك روحها الحاجات دي😂قلت ليها طالعة لي خالتها الحلوة دي🤤♥قالت لي اي ي خالتو شوفي حتى عندي غمازات زي العندك☺قلت ليها عسلي ياه😘تاني يوم الصباح حنين جاتني في غرفتي زي الساعة6 كدا قالت لي قومي نعمل رياضة🤓قمت وعاينتة ليها لقيتها لابسة هدم رياضة وخاتة طاقية كمان قلت ليها اشي ي حلو. حنمشي وين قالت لي نقوم نجري في الحديقة قلت ليها طيب. دخلت استحميت وكان عندي قميص رياضة في الدولاب م متذكرة يوم لبستو😂لبست وقلت ليها ارح قالت لي خالتو وين الطاقية بتاعتك.قلت ليها طيب دقيقة مشيت لبستها ونزلنا مشيت المطبخ عملت نسكافيه شربناهو وبعدها طلعنا ركبناالعربية كان في حديقة قريبة للبيت مشيناها وجرينا مسافة بعدها تلفوني ضرب لقيتها ماما قالت لي وين انتو? قلت ليها في الحديقة مع حنين بنعمل رياضة. ضحكت وقالت لي كتر خير حنين. الذكرتك بالرياضة😂قلت ليها م في داعي للاحراج ي موم 🌚بعدها لفينا شوية في الحديقة ورجعنا. هيفاء قالت لي من اول يوم طلعتك وجرت بيك.قلت ليها يب😹حنين قالت طلعنا عملنا رياضة انا وهتون الحلوة قلت ليها بقيت هتون م كنت خالتو قالت لي اسمك حلو حاناديكي بيهو💕قلت ليها خلاص تمام هيفاء قالت لي البت دي غلباوية حتتعبك معاها.قلت ليها بالعكس ياخ عسولة وانا بحبها العصر كدة خالتو اسماء اتصلت وقالت بكرة نطلع كلنا المزرعة بتاعت العيلة بم انو هيفاء جات وكدا. اتصلت لي تبيان بالاول رفضت انها تمشي بس اصريت عليها وقلت ليها ث متعودة اطلع بدونك. بعدها وافقت تاني يوم طلعنا كلنا حتى مهند اخد اجازة. طلعنا بيت ناس حبوبة وبعدها اتحركنا من هناك. اول م وصلنا المحل كان حلو والجو هادي يمكن انا كنت اكتر وحدة محتاجة اني اغير جو😴🎶 وصلنا وقعدنا كلنا في الحديقة برة. كانت لمة حلوة وبقو يتونسو مع هيفاء. كان في نظام نافورة صغيرة كدة في النص جرت ومشت تلعب فيها قمت ومشيت ورانا وبقينا بنرش في بعض في زول قال براحة عشان م تمرضو. كنت حاسة اني سامعة الصوت دا قبل كدة واول م اتلفت كان صاحب اسامة. حنين قالت ليهو مين انت. قال ليها انا صاحب خالو اسامة. قالت ليهو طيب اسمك مين. عاين لي واتردد قال ليها قولي لي خالو بس حسيت بحاجة غريبة من صاحب اسامة البحس انو صوتو مألوف وهو م عايز يقول اسمو قدامي. بعدها طلعت الغرفة ختيت موبايلي في الشاحن ودخلت غيرت ملابسي وانا نازلة في السلم سمعت اسامة بنادي ي هيثم. اتصدمت لم سمعت الاسم😳واتصدمت اكتر لم شفت صحبو جا وقف جنبو جريت طلعت الغرفة وشلت تلفوني وفتحت صفحة هيثم واتصدمت اكتر واكتر لم لقيت اسامة مصاحبو ولم لقيت صور قديمة في صفحة هيثم وهو صاحب اسامة زاتو😐💔

نتـــــلاقــــى😴🎶

اشرب دواي من وجنتيك♥

........(6)............................................................
بقلمي:Mero🐣💕
...................................................... ..................
كنت مترددة بس اتصلت ليهو دخل. جرس وطوالي رد قلت ليهو انت مجنون. قال لي ليه في شنو? قلت ليهو عملت شنو في يدك? قال لي حرفنا♥ سكت مسافة وقلت ليهو ليه يعني? قال لي لاني بحبك💕 قلت ليهو دا اسمو جن ع فكرة .قال لي جنيت بيك. قلت ليهو بطل ياخ. قال لي خفتي علي? قلت ليهو شديد. قال لي ااخ ياخ تسلمي لي انتي. قلت ليهو م تعمل كدا تاني. قال لي انتي بس خليك معاي وانا م حاعمل شي قلت ليهو وانا معاك. قال لي يلا قوليها. قلت ليهو اقول شنو? قال لي قولي بحبك قلت ليهو ابيت. قال لي عشاني.قلت ليهو طيب بحبك قال لي اخيرا قالها😍 قلت ليهو بس بتمنى م نكون استعجلنا🙁 قال لي ابدا دا الوقت المناسب. قفلت منو كنت خايفة م عارفة ليه بس في نفس الوقت كنت فرحانة.اتصلت لتبيان قلت ليها. بحبو ي تبيان بحبو😩💗قالت لي جادة قلتي ليهو?قلت ليها ااي .قالت لي العصر بجيك وبنتفاهم🌚👊🏻.قلت ليها طيب. نزلت لقيت ماما في الصالة. قالت لي قعد اتكلم مع هيفاء وقالت حيجو خلال الشهر الجاي.قلت ليها تمام سلمي عليها. دخلت المطبخ عملت بيتزا ودخلتها الفرن وشلت جوافة وموز خلطتهم. ماما جات قالت لي مالك الليلة ي بت?😳قلت ليها ولا شي😂 قالت لي النفسيات قامت. قلت ليها مزاجي رايق بس. قالت لي الله يديم. قلت ليها امييييييين.بعد انتهيت من العصير دخلتو التلاجة وطلعت البيتزا .مهند جا داخل قال هتون الليلة في المطبخ ي سلام حتاكلينا شنو? قلت ليهو بيتزا. قال لي احلى اكلة😋 جهزت الغدا وقعدنا.مهند قال لي ظريف بس الليلة حاسة بشنو عاملة لينا بيتزا وشيبس بطاطس وعصير قلت ليهو مزاجي رايق بس😄 قال لي ي ريت مزاجك دا رايق كل يوم عشان تعملي لينا بيتزا😂قلت ليهو دا همك ي غياظ م تتعود😒.العصر كدا جاتني تبيان حكيت ليها. قالت لي مبرووكات ياخ وعقبالي🌚قلت ليها امييين😹انا وهيثم عدينا تقريبا شهر مع بعض بس كان فيهو حاجات غريبة مرات بقول لي كلام م حلو. ولم اقول ليهو عايزة اشوفو كان بتهرب مني. وفي مرة انا قلت ليهو لو م عايز تشوفني قول لي عادي بس م تمشيني كدا .قال لي زعلتي? قلت ليهو ابدا قال لي طيب حنتلاقى بس م في مكان عام.قلت ليهو قصدك? قال لي حنتلاقى في شقتي. قلت ليهو مستحيل طبعا واتشاكلت معاهو. ضرب لي كذا مرة م رديتو رسل لي اسف م قصدي شي انتي فهمتيني غلط بس انا مشغول الايام دي. المهم اتصالحنا بس بعدها بقيت خايفة من علاقتنا💔.حكيت لي تبيان قالت لي الامتحانات اصلا قربت طنشيهو هسع وشوفي حنكو شنو بعد ننتهي. قلت ليها تمام.الامتحانات بدت وعلاقتي مع هيثم كانت محدودة. طنشت الموضوع وركزت ع الامتحانات. بالرغم من جني وهبالتي دي بس قرايتي م بفرط فيها😂اخر يوم في الامتحانات كنا انا وطارق ووليد قاعدين في الكافتريا ومعانا تبيان اتونسنا واتصورنا وودعنا بعض .طلعنا انا وتبيان قالت لي اها حتعملي شنو قلت ليها م عارفة ياخ بس الموضوع م مطمني😶.اول م رجعت البيت هيثم اتصل لي قال لي مشتاق ليك قلت ليهو وانا كمان اتكلمنا عادي ورجعنا زي زمان. وفي يوم طلب مني اتصور ليهو بي ملابس قصيرة زعلت شديد وقلت ليهو انا م بعمل حاجات زي دي.واصلا انا م عارفة بسامحك ليه وانت كل مرة بتغلط. وانا م بشرفني احب واحد زيك. قال لي خلاص م ينفع نواصل مع بعض. قلت ليها اصلا وطوالي حظرتو ومسحت رقمو وقعدت ابكي لحد م االلع غفر لي😭تبيان جات لقتني ببكي. حكيت ليها بكت معاي وقالت لي م تزعلي💔م يستاهلك بس دة زول تافه وواطي ساي. دخلتني الحمام وغسلت لي وشي كنت ساكتة وم فتحت خشمي بحرف😪تبيان قعدت جنبي وبقت تمسح لي في شعري لحد م نمت.صحيت الصباح لقيت تبيان نايمة جنبي قلت ليها ليه م مشيتي. قالت لي م قدرت اخليك♥نزلنا تحت صبحنا ع ناس ماما ومهند. مهند قال لي عيونك ديل ليه عاملين كدة? تبيان قالت ليهو ارهاق الامتحانات بس😁قال ليها طيب ي الناطق الرسمي😂.قالت ليهو انقلع بالله. عملنا الشاي وقعدنا في الجنينة تبيان قالت لي فكي خلقتك دي. ياخ دا م يستاهلك بس. عدا كذا يوم وخلاص انا اتاقلمت مع الوضع وتبيان كانت معاي طوالي. وفي هيفاء اتصلت وقالت حيجو بعد يومين ياخ فرحنا فرح. اتصلت وكلمت تبيان. جا اليوم الحيجو فيهو. تبيان كانت معانا من الصباح جهزنا البيت ودخلنا المطبخ عملت كذا صنف. وعملت معاهم تحلية. ومليت التلاجة شكلاتات ونوتيلا🍫🤤.ماما قالت لي حنين طالعة ليك بتحب الحاجات التافهة دي.قلت ليها ي ماما ديل العشق ياخ😹💕خلصنا من الشغل وانا دخلت استحميت ولبست لي بجامة حلاوي بي ابيض وعملت شعري ضنب حصان ونزلت. تبيان قالت لي حاسة بشنو😂ماما قالت ليها عايزة تعمل نفسها شافعة زي حنين😹.قلت ليهم اااي بس🌚 بعد مسافة مهند اتصل وقال جايين على البيت. ياخ انا كنت متحمسة كيف فضلت امشي واجي ماما قالت لي ياخ وترتينا اقعدي شوية.قعدت كدة.

عايز شنو. قلت ليهم خلاص طيب. فجاة حسيت اني عطشانة قلت ليهم ماشة اشرب موية نزلت مشيت المطبخ وشلت موية وبقيت بغني عايشالك لاليسا. سمعت صوت زول بقول البت المجنونة. الصوت م كان غريب اتلفتت لقيتو صاحب اسامة. قلت ليهو حتى انت لحقت تعرف اني مجنونة😑?قال لي واضح من كلام اهلك عنك وتصرفاتك. قلت ليهو امممم بالجد كدا انت اسمك مين? سكت مسافة وحسيتو اتردد قال لي تلفوني قعد يضرب عن اذنك. قلت الود دا حاسي بشنو حاساهو م عايزني اعرف اسمو حاسحرو ليهو يعني😏.طلعت الغرفة لقيت هبة وتبيان كل وحدة ماسكة تلفونا قلت ليهم ياخ ونسوني خلو التلفونات. هبة قالت لي نقول شنو🙁قلت ليها اي شي ي سجم😒. بقينا نتونس عن ايام زمان وكدة ياخ ضحكنا ضحك والكلام كلو كان عن هبلنا وحركاتنا انا وتبيان😹بالمغرب كدة مهند جا عشان يسوقنا حبوبة ثريا قالت ليهو اصلك م قعد تجينا لازم تقعد معانا. خالتو وماما عملو الشاي وقعدنا كلنا في الصالة. حبوبة قعدت تحكي لينا عننا لم كنا صغار قالت هتون دي كانت مجنونة زي م هي هسع م اتغيرت وكانت جنها مشاكل. قلت ليها حبوبة ياخ كفاية فضايح😂تبيان قالت لي تاريخ مشرف😹👊🏻قلت ليها شودييييد😩كلهم بقو يضحكو. شربنا الشاي وقعدنا لحد العشا.كدا وبعدها رجعنا البيت اول م وصلنا هيثم اتصل لي قال لي ليه م رديتي? قلت ليهو والله م عارفة اقول ليك شنو لكين انا اصلا م بفكر في الحب وكدة وبعدين طريقة حبنا دي حتكون غريبة وم لينا كتير بنعرف بعض وكدة.قال لي فعلا م طولنا من عرفنا بعض بس انا حبيتك وارتحت ليك بس راحتك اهم💔يلا م اطول عليك. عدينا كذا يوم م اتكلمنا مع بعض صراحة فرق معاي شديد م عارفة دا حب? ولا لاني بس اتعودت عليهو وفي يوم انا وتبيان في الجامعة فتحت الواتس لقيت هيثم خاتي في الحالة صورة يدو عامل فيها حرف H والدم سايل وكاتب تحت بحبها♥قلت لي تبيان شوفي المجنون دا. قالت لي واي يهناية😕💔قلت ليها ليهو كم يوم م اتكلم معاي كمان قالت لي فرق معاك? قلت ليها شديد. قالت لي وخايفة عليهو كمان شكلك وقعتي😑قلت ليها م عارفة ياخ. قالت لي م حتتكلمي معاهو? قلت ليها لحد م ارجع البيت بشوف قالت لي طيب. وريني البحصل شنو قلت ليها تمام. مشيت البيت طلعت غرفتي استحميت وطلعت مسكت التلفون كنت مترددة بس في النهاية اتصلت ليهو😶

نشوف البحصل في البارت الجاي. نـتـلاقــى😉

اشرب دواي من وجنتيك♥

.........(5)...........................................................

بقلمي:Merö🐣💕
........................................................................نزلت لقيت ماما وتبيان قاعدين وراجيني في الصالة ماما قالت لي بالغتي الليلة ي هتون. قلت ليها معليش كنت تعبانة شوية🙂.قالت لي مالك? قلت ليها مرهقة شوية بس دخلت المطبخ عملت نسكافيه ومشيت جنبهم. ماما قالت لي مالك ي بت بالجد? قلت ليها م في شي والله شوية تعب بس خلصت النسكافيه وماما ضربت للسواق ونزلنا ماما ركبت قدام وانا وتبيان ركبنا ورا تبيان قالت لي بطلي سرحان. افرديها😉👊🏻 قلت ليها والله محتارة ياخ😕انا اصلا م بفكر في المواضيع دي قالت لي خليك عادية هسع بنتفاهم بعدين طيب. قلت ليها خلاص. وصلنا ودخلنا سلمنا ع ناس حبوبة وهبة وخالتو وقعدنا قلت ليهم خالو حبيبي وين?حبوبة ضحكت وقالت لي عندو شغل بجي هسع .خالتو قالت لينا قومو ي شابات اعملو لينا جبنة ظريفة كدة وتعالو الجنينة☺مشينا المطبخ انا وهبة وتبيان لقيت البن خلص في العلبة قلت لي هبة جيبي لي بن عشان اقليهو مدت لي الكيس وبديت اعمل فيهو الريحة فاحت. جا خالو محمد قال لينا ريحة الجبنة صدعت بي. قلت ليهو دقايق وبتطلع😅قال لي خلاص بمشي اخد لي دش واجي قلت ليهو حلو. هبه قالت لي طول عمرك معلمة في الجبنة😂قلت ليها يب يب🤓وحبوبة بتتكيف لي جبنتي دي ياخ😂♥تبيان قالت الله لينا نحنا الم بنعرف نكيف زول😂قلت ليها جهزو لي الفناجين بس واقيفو واتعلمو😛.قالت لي خلاص بطلي تذلينا😒قليت البن وهبة جابت السحانة وسحنتو وتبيان رصت الفناجين وانا عملت فنكوش وولعت بخور♥🎶.جهزنا القهوة وشلناها طلعنا. حبوبة قالت الله الله ريحة الجبنة بتاعت هتون دي تكيف الزول ياخ😊قلت ليها تسلمي ي غالية😘خالتو اسماء قالت لي تسلم يدك.قلت ليهم حامشي انادي خالو طلعت لي خالو في غرفتو لقيتو واقف بسرح في شعرو في المراية وبغني قلت ليهو اشي علي المزاج رايق ضحك وقال لي شديد. قلت ليهة بتحب من وراي ي خالو😉 قال لي تقريبا كدا😄قلت ليهو هسع ارح القهوة حتبرد لنا لقاءآخر😌قال لي ارح ي فيلسوفة انتي😹طلعنا انا وخالو مع بعض وبنغني حلوين هديل شايلين معانا الريدة زاهر وسوسنة بتاعت هدى عربي😂.واول م طلعنا لقينا اسامة وصحبو قاعدين. ماما قالت لي خلاص اتلميتي انتي وخالك😂اسامة قال لي هتون والجبنة الظريفة. قلت ليهو ظريف انت ياخ. اسامة عاين لصحبو وقال ليهو كيف الجبنة? قال ليهو ظريفة شديد وعاين لي. انا طوالي نزلت عيوني. اسامة قال ليهو دي بت خالتي هتون طبعا وي هتون دا صحبي .........طوالي الولد قاطعو وقال ليهو ي اسامة اااااا تعال دقيقة في حاجة اوريك ليها. استغربت بس عديت الموضوع. خالو قال احلى قهوة من احلى بت😘قلت ليهو. احلى خالو فيك ي دنيا😍خالتو اسماء قالت لي وانا م في لي شي 😕قلت ليها معقول ياخ قمت حضنتها ضحكت وقالت لي حبيبتي ياخ. قمنا دخلنا جوة وحبوبة بقت تونس فينا واسامة وصحبو جو قعدو معانا كنت ماسكة تلفوني جاتني رسالة واتس من اختي هيفاء قالت لي حننزل السودان قريب (طبعا هي في دبي)بقيت اصرخ وانطط😂ماما قالت لي ي مجنونة في شنو? قلت ليها هيفاء ي ماما قالت حيجو قريب قالت لي جادة?قلت ليها اي.والله وجريت حضنتها بقت تبكي انا زاتي بكيت معاها لانو طولنا منها.حبوبة قالت لينا خلاص بالله بدل تفرحو تبكو .اسامة قال لي هتونة المجنونة بطلي بكا خلاص .ضحكت وقلت ليهو مجنونةالبتعرسك ي عواليق .قال لي لا ياخ م تردحي لي م قدرك انا😹 .فجاة صحبو ضحك وقال ليهو ظريفة بت خالتك دي ابتسمت ليهو ابتسامة باردة وقلت ليهو شكرا ياه🙂.شلت التلفون وقلت لي هيفاء معليش ياداب صحيت من الصدمة بعد نططت وصرخت 😹تنورو ياخ😘وحنيني الحلوة وربي اشتقت ليها. قالت لي طول عمرك مجنونة😂 ونحنا اشتقنا لييكم كتيير♥.قلت ليها رسلي لي صورة ليها هسع. رسلتها لي ياخ عسولة البت دي هي عمرها زي5سنين كدا عملتها بروفايل وكتبت حنيني حتنورينا😍♥ اتونسنا مسافة وبرضو صاحب اسامة كان بعاين لي😐 رسلت لي تبيان في الواتس الود دا مالو عايني ليهو بعاين لي كيف. قالت لي غايتو بالغ بولييغ😂.بعدها خالو قال لي حبيبة خالها. قلت ليهو عيونا. قال لي فاضل كم شهر وتتخرجي? قلت ليهو تقريبا كدة شهرين. قال لي تمام. خشيت الواتس لقيت كذا رسالة من هيثم طلعت وم رديتو .بقيت سرحانة تبيان قالت لي مالك? قلت ليها هيثم مرسل لي. هبة قالت لتبيان هتون مالها? قالت ليها ارح غرفتك ونحكي ليك. هبة قالت ليهم معليش ي جماعة نحنا طالعين غرفتي. طلعنا وتبيان حكت لهبة هبة قالت لي وانتي خايفة من الموضوع ليه? قلت ليها انا م بفكر اني احب وكدا ولم احب م عايزة احب واحد م شفتو ولا شافني. وبعدين الفترة القصيرة دي يعني م تسمح ليهو انو يحبني قالت لي والله كلامك صح بس كمان يمكن يكون جادي اديهو فرصة في نوع حب كدا مجرد انو ارتاح ليك عندو كفاية لانو يحبك دون م يشوفك وكدا. تبيان قالت لي فكري وشوفي قلبك.

كدا يرد الروح😴قلت ليهو اهلين. قال لي هتون صح قلت ليهو ايوة هتون قال لي صوتك حلو. قلت ليهو من ذوقك. قعد يتونس معاي مسافة وقال لي انا عايز اقول ليك حاجة قلت ليهو اتفضل قال لي انا ي هتون انا امممم انا بحبك. اتصدمت للحظة😳وم عرفت ارد فضلت ساكتة قال لي عارف حتكوني اتصدمتي بس حتى انا م عارف كيف ومتين حبيتك بس بحبك ياخ فكري في الموضوع واديني رايك.وحتى لو رفضتي حنفضل اصحاب ويلا خلي بالك من نفسك وقفل الخط. كنت ملخبطة بين مبسوطة وخايفة كان في احساس جواي بقول لي كيف تحبيهو وانتي م. عارفة عنو حاجة? فضلت افكر كتير لحد م نمت. صحيت الصباح ع صوت تبيان وهي بتصحي فيني قالت لي ي كسولة نحنا طالعين ع فكرة قومي😐قلت ليها الساعة كم? قالت لي 8ونص قلت ليها واي اتاخرت😮بس لاني امس م قدرت انوم بسرعة قالت لي مالك? حكيت ليها بالحصل كلو قالت لي حباك بالسرعة دي معقول? وم شافك قبل كدة كمان قلت ليها م عارفة ياخ قالت لي قومي اجهزي هسع وبعدين نتكلم في الموضوع قلت ليها تمام خشيت استحميت ولبست لي عباية سودا بي اوف وايت ولبست جزمة وطرحة اوف وايت وشلت لي شنطة صغيرة سودا ونزلت🌚♥

حنشوف قصة هيثم وحبو السريع لهتون سببو شنو وهل حبهم حيكون ناجح او فاشل بس في الحلقات الجاية☺♥
نتــــــــلاقى🤓

اشرب دواي من وجنتيك♥

..........4........................ ..................
بقلمي:Mero🐣💕
...........................................
تاني يوم كنت شغالة جامعة صحيت ونفس الروتين لبست لي عباية سوداء بي رمادي وطرحة رمادية واسبورت رمادي وشلت شنطة رمادية ونزلت ♥ لقيت مهند قاعد وماما ختت ليهو الشاي صبحت عليهم وقعدت ماما جابت لي الشاي وانا بشرب في الشاي تبيان اتصلت لي قالت لي انا في العربية انزلي قلت ليها اشرب الشاي وانزل ليك قالت لي ظريف. خلصت الشاي ونزلت. تبيان قالت لي صباحو الحلو😍قلت ليها يسعدو ي عثل😘واتحركنا قالت لي اها موضوع امس حاساك طول الليل فكرتي فيهو قلت ليها فعلا فكرت ولقيت كلامك كلو اوهام ليس الا😐قالت لي برافو صفقة ليك..ياخ😒 قلت ليها تسلمي ياخ😏قالت لي بايخة قلت ليها زييييييييك. وصلنا الجامعة واول م دخلنا مشينا ع الكافتريا. المحاضرة كان فاضل ليها ربع ساعة ووليد ومصطفى م كانو ظاهرين. طلبنا قهوة وبعدها قلت لي تبيان ارح القاعة بعد كدة. قالت لي ارح بس الشباب ديل ليه م ظاهرين?قلت ليها الليلة بالغو عديل 😕 اتحركنا ع القاعة سمعت مصطفى بنادي تبو وام وجنات اقيفو اتلفت لقيتو هو ووليد جايين. قلت ليهو ياخ من كترة م بتناديني ام وجنات قربت انسى اسمي زاتو😂قال لي لا بالجد كدة هو انتي اسمك منو🤔?قلت ليهو سخيييييييف😒وليد قال يلا بالله قبل يدخل لينا استاذ بايخ ويرفض يدخلنا وتفضحونا 😐قلت ليهو ارح ارح🤓دخلنا وعدينا اليوم وفي نهاية اليوم كنا انا وتبيان قاعدين تحت شجرة كدا قامت قالت لي هتون قلت ليها احكي قالت لي انتي م ملاحظة بالجد كدة انو الولد دة كان مركز معاك ?قلت ليها حتى ولو يمكن لفت انتباهو او عجبتو ساي وكدة قالت لي والله يمكن معاك حق م علينا انسي خلاص. قلت ليها وهو كذلك بعدها العربية جات ورجعنا البيت. لقيت ماما مافي في الصالة طلعت ليها غرفتها لقيتها راقدة قلت ليها مالك ي ماما في شنو? قالت لي ولا شي صداع بس. قلت ليها بلعتي حاجة? قالت لي لا. مشيت المطبخ عملت ليها كباية عصير وشلت ليها مسكن وطلعت اديتو ليها قالت لي تسلمي حبيبتي😊.قعدت جنبها قالت لي انا كويسة والله امشي غيري ملابسك. قلت ليها طيب مشيت غرفتي اتدوشت وغيرت رجعت غرفة ماما لقيتها نايمة طلعت براحة ورجعت غرفتي نمت 😴 بعد مسافة صحيت ع صوت مهند قال لي هتونة قومي جهزي الغدا شايف ماما نايمة قلت ليهو طيب غسلت وشي ونزلت جهزت الصفرة طلعت وصحيت ماما ومشيت لمهند في غرفتو قال لي دقيقة واجي. نزلنا ومهند جا وراي قعدنا كلنا واتغدينا بعدها قمت عايزة الم الصفرة ماما قالت لي خليها انا بلمها قلت ليها ارتاحي انا بلمها. لميت الصفرة وجهزت الشاي مشيت لقيت ماما في الصالة قالت لي مهند دا طلع غرفتو قلت ليها طيب طلعت لمهند واديتو الشاي بعدها رجعت غرفتي ومسكت التلفون جاتني رسالة ماسنجر من هيثم خشيت اتونست معاهو مسافة عدت الايام وانا وهيثم بقينا طوالي بنتواصل مع بعض حتى اني ارتحت ليهو شديد طلب رقمي.اديتو ليهو وبقى متواصل معاي واتس في يوم بالعصر كنت قاعدة وزهجانة لبست عبايتي وطلعت لماما قلت ليها انا حامشي لي تبيان قالت لي طيب طلعت ومشيت ضربت الجرس فتحت لي امها خالتو محاسن سلمت عليها وقالت لي تبيان في غرفتها .طلعت ليها اول م شافتني قالت لي واو هتون في بيتنا😮?قلت ليها بطلي ظرافة😒 .قعدت جنبها قالت لي اها احكي قلت ليها ملل فظيع قالت لي نفس الحنك قلت ليها هي ع فكرة انا وهيثم بقينا متواصلين واتس🌚طوالي نطت وقعدت في نص السرير قالت لي دة الود بتاع المنشور قلت ليها يب قالت لي عفنة ياخ. هسع م كان وهمي😏👊🏻قلت ليها ياخ طلع ظريف 🤓 قالت لي جيبي تلفونك دا خليني اقرا اديتو ليها خشت الماسنجر قالت لي واي دي كلها رسايل اقراها كيف انا قلت ليها م في داعي. قالت لي اها احكي لي بالمختصر المفيد. اممم ياخ بس كدا ارتاح لي وارتحت ليهو وبقى متواصل معاي في الماسنجر وطلب رقمي واديتو ليهو. اممممم يعني كسرتي حنك صاحب اسامة م مشكلة بشيلو انا🤓قلت ليها واتيييية🌚 قالت لي منحتة👊🏻 اتونسنا وبعدها رجعت البيت اول م دخلت ماما قالت لي خالتك اسماء اتصلت وقالت بكرة نمشي نقيل معاهم لانو بكرة الجمعة وكدا وقالو ليك سوقي تبيان. قلت ليها طيب اتصلت لتبيان وكلمتها قالت لي تمام خشيت الواتس لقيت هيثم مرسل لي كيفو الحلو? قلت ليهو تمام وانت? قال لي تمام دامك تمام قلت ليهو تسلم قال لي اها كيف كان يومك. احكي لي قلت ليهو والله كان ملل ومشيت لصحبتي. قال لي تبيان? وطوالي حذف الرسالة بس انا عاملة تفعيل عدم حذف قلت ليهو ايوة تبيان وانت عرفتها من وين? قال لي انتي مرة قلتي اسمها قلت ليهو انا? قال لي اي تكوني نسيتي. قلت ليهو طيب ليه حذفت الرسالة?! قال لي خفت تفهميني غلط. استغربت من الموضوع وانا م متذكرة اصلا اني قبل كدة جبت سيرة تبيان بس قلت بكون نسيت وكدا. اتونست معاهو عادي قال لي ممكن مكالمة? قلت ليهو طيب اتصل لي رديت قال لي الو. ياخ صوتو.

القدر🙁تبيان شغالة لي نحنا نفتش فيك من قبيل وحضرتك نايمة هنا قومي ي عواليق😒هبة قالت لي سوورعة اتنفضي قومي🤨قلت ليهم تفففففف ياخ قايمة😐🖐🏻دخلت الحمام غسلت وشي وسرحت شعري وطلعت وراهم ماما قالت لي اعملي كيكة زي بتاعت المرة الفاتت قلت ليها طوويب دخلت المطبخ واصلا كنت متذكرة الطريقة عملتها ودخلتها الفرن هبة قالت لي اتطورنا يختي😂قلت ليها شودييييد ي بت امي😂💔بعد مسافة كدا طلعت الكيك وقطعتو🍩🥧 هبة عملت الشاي وتبيان جهزت الكبابي وانا ختيت الكيك في صحون وطلعنا الحديقث ورصينا الكراسي واما مشيت ناديت ناس مهند اتلمينا كلنا خالو محمد قال لي ماما والله الكيك رهيب ماما قالت ليهو تسلم ي حمادة بس عملتو هتون حبوبة قالت لي بتي الفالحة😘خالو قال ليها منو منو? قلت ليهو احم انا دي مالك🤨 قال لي ماشاء الله بقينا ندخل المطبخ اسامة قال لي ابداع ي هتونة❤قلت ليهم تسلم لي ي سووومي ياخ🤤❤مهند قال ليهم والله ياخ تطور ملحوظ فعلا😂 قلت ليهم خلاصي راسي حيكبر😐🖐🏻مهند قال جيبو دبووس😹📌فجاة تبيان العفنة قرصتني ياخ الحيوانة دي حتكمل لحمي😫💔قالت لي صاحب اسامة دا حياكلك بعيونو😉عاينت ليهو لقيتو فعلا بعاين لي بس لم عاينت ليهو نزل عيونو اتعاملت مع الموضوع بعفوية وقلت يمكن م قصدو شي😇قعدو معانا لحد بالليل كدة بعدها مشو تبيان قالت لي الاخو كان مركز شديد شايفاهو قلت ليها مع نفسو ي زولة قالت لي صراحة الود مزة ياخ وشكلو كدة منبرش فيك قلت ليها خلي الهبل دا ويلا عع بيتكم🐸قالت لي تطرديني انا ي رمة😒قلت ليها ايون🌚قالت لي تفففف ع خلقتك دي بس 😙💦يلا تصبحي رد قلت ليها مححح ليك ياخ💋قالت لي واتية قلت ليها منحتة😂طلعت بيتهم وانا دخلت غرفتي وبقيت بفكر في كلام تبيان ونظرات صاحب اسامة والانا للان م بعرفو اسمو لحد م نمت😴♥

نتــــلاقــــى😉♥