ازهيري موال لولادة النبي  صلى الله عليه واله وسلم وحفيده الامام الصادق عليه السلام
ـــــــــــــــــــــــــــــــــــــــــــــــ

شرفنه رب العرش بيك الرساله  خِتَم
نعلگ العشره شمع نبصم وفوگه  خَتِم
يمعدل المايله  واسمك  نصوغه  خَتِم
بجاه الكريم.الذي  داحي الارض  والبسط
وياك يالمصــــطفى وكت الحزن والبسط
توگفلي بالموزمه بساعة  عسر  والبســط
وهناك يوم الذي  ربي  لعمري  ختم
🌷🌷🌷♥🌷🌷🌷
نور ويشع علارض  سبحانه عز وجل
واليمسك ابصايتك ماصابه خوف  وجل
تبقالي تاج وفخر علراس احطك وجل
فرحان گلبي ابتشر بالحفل اقره وعد
يالغرگتني نعم شگد احسب ارجع وعد
ماعوف دربك ابد ياابو الكاظم  وعد
اليمشي بها لدرب ميهمه  موت   وجل
ــــــــــــــــــــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء