حاجي شریف Haje Sharif

#مهم-خبر
‏الجزیرې تلوېزیون خبر ورکړی، چې تېره ورځ ناوخته ابو محمد الجولاني ( احمد الشرع) انتقالي پړاو کې رسما د سوریې نوي دولت مشر وټاکل شو.

په دې اړه مراسمو کې چې د تحریر الشام په ګډون د سوریې جهادي غورځنګونو مشرانو په کې ګډون کړی وو، پرېکړې شوې، چې پخوانی اساسي قانون، ولسي جرګه، د اسد پوځ او پخواني رژیم اړوند امنیتي ادارې لغوه دي.

دې مراسمو کې د پوځي عملیاتو د ادارې ویاند حسن عبدالغني ویلي، لکه څنګه چې موږ مخکې د سوریې د آزادۍ هوډ درلود، همداسې اوس یې د جوړولو او پرمختګ لپاره هوډ لرو.

ښاغلي عبدالغني زیاته کړې، چې موږ د الله تعالی په فضل زنځیرونه مات کړل، مظلومان آزاد شول او د شام له اوږو مو د ذلت او سپکاوي غبار وڅنډه، نو دا ستره بریا وه. نوموړي زیاته کړې، چې بریا خپله یو لوی مسؤلیت دی، ځکه د بریا ګټونکي د سترې دندې او مسؤلیت دروند بار پر اوږو لري.

الجزیرې تلوېزیون ویلي، چې دې مراسمو کې د نویو امنیتي ادارو د جوړولو پرېکړه هم شوې، چې د خلکو امنیت وساتي.

بلخوا ابو محمد الجولاني وړاندې له جهادي غورځنګونو مشرانو سره د نوې پوځي ادارې پر جوړښت بحث کړی و او اعلان یې کړی و چې ټول نظامي ځواکونه به د دفاع وزارت تر مدیریت لاندې په نوي پوځ کې یوځای شي.

د یادونې وړ ده، چې د تحریرالشام په مشرۍ د سوریې جهادي غورځنګونو د تېر میلادي کال وروستۍ میاشت کې د پراخو نظامي عملیاتو وروسته د سوریې لویو ښارونو په ګډون د سوریې پلازمېنه تر خپل کنټرول لاندې راوسته او د بشارالاسد ظالمانه پاچاهي ته یې د پای ټکی کېښود.

*حاجي شریف واټساپ ګروپ*
🤝
https://chat.whatsapp.com/De1l78soNW2LaSd7OgMF8z

د حاجي شريف ادارې خبرتيا:

د محترمو ګډونوالو په بار بار غوښتنو سره، حاجي شريف ادارې په واټساپ کې رسمي چينل فعال کړ.
د دې چينل ګټې په لاندې ډول دي:
نشرات به تر يوې مياشتې پورې خوندي وي، ترڅو ګډونوال هر وخت ورته لاسرسی ولري.

د تېر شوو درسونو او نشراتو په اړه د ګډونوالو غوښتنې به په اسانۍ پوره شي.

دا اقدام د هغه مشکل د حل لپاره دی چې ګډونوال د پخوانيو نشراتو غوښتنه کوي، خو موږ يې نشو کولای. ان شاء الله، دا نوښت به د ټولو ګډونوالو لپاره ګټور ثابت شي.

د معلوماتو منظمه وېش: ټولنې ته اړين اسلامي معلومات، ځانګړي درسونه، او معنوي لارښوونې به په منظمه توګه خپرېږي.

د وخت سپما:
تاسو به د هر ډول ستونزو پرته خپل اړين مواد په يو ځای ترلاسه کړئ.

اسانه او دوامداره اړیکه
دا چينل به د ګډونوالو او ادارې ترمنځ د اړیکې غوره وسیله وي.

د حاجي شریف واټساپ چینل کی هم راسره ملګری شی، او له خپلو ملګرو سره یی هم شریک کړی تر څو دا خدمت تر ډیرو کسانو ورسیږی تاسو تبه الله ج ثواب درکړی.
په درنښت
‏🤝 https://whatsapp.com/channel/0029VazKkbnGpLHSWCdXOC3Q