پام کوه ډېر حساس پړاو دی اشتبا نشې
پۀ لوړ منصب پۀ دونیوي مقام خطا نشې

هسې نه ډوبه نشي زمونږ د امیدونو بېړۍ
زیرک اوسېږه دا نړۍ ده د چلونو نړۍ

خدای مکړه دا سپېڅلی صف درنه خراب نشي
ارمـــان د شــرعې د تنفیظ درنه تراب نشي

مونږ د خپل ځان پۀ وینو راوړه قافله منزل ته
فتحه نږدې ده ماته نکړې اراده منزل ته

اولس تنګ شوی لۀ ټرمپ خېلو او لۀ بوشو څخه
هم کړېدلی لۀ دې خپلو وطن فروشو څخه

تا ته یې سترګي دي او تا ته پۀ آسره ولاړ دي
ډېر یتیمان او کونډې بورې غمزده ولاړ دي

ددې اولس رهنمائي یې تۀ جانانه وکړه
د مات آرمان ترجماني یې طالب جانه وکړه

داسې هم نه چي سوله وشي او آرمان مات شي
د شریعت او امارت قانون پیمان مات شي

نن ستا پۀ لاس کې د خالد او د عمر توره ده
حق یې ادآ کړه دا د ګران علي آکبر توره ده

هغوچي څنګه کړ اسلام خپور تۀیې هم خپور کړه
خړوب د دین بڼ کړه پۀ وینو یې ښۀ سمّسور کړه

مثبتې پایلې به رسان نیازیه یاره راوړي
بیا به میدان لۀ هر غلیم او استعماره راوړي

ان شاء الله پۀ کابل جان نوبهارونه به وي
د مهاجرو مجاهدو بنډارونه به وي

د استقلال چیغه به پورته د پامیر لۀ سر شي
هم به پوره ارمان د منّصور او د ملا عمر شي

عبدالستار رسان