السلام عليكم ورحمة الله وبركاته
صباح الخير يا شباب

الحياة مش سباق، لكنها طريق طويل مليان مواقف
وكل موقف بيختبر جواك حاجات كتير، منها: صبرك، وإخلاصك، وأحيانا كمان قوتك النفسية، ومدى تعلق قلبك بالله عز وجل.

وعشان كده لازم تحاسب نفسك، وتفتش في قلبك كل يوم
وتسأل نفسك، هل نيتك في كل حاجة بتعملها خالصة لله؟
هل أعمالك اليومية بتخليك أقرب للجنة؟

فالنبي ﷺ يقول: "إنَّ اللَّهَ لا يَنْظُرُ إلى صُوَرِكُمْ وأَمْوالِكُمْ، ولَكِنْ يَنْظُرُ إلى قُلُوبِكُمْ وأَعْمالِكُمْ."

فاهتم بقلبك وعملك، واجتهد في كل موقف بيعدي عليك في حياتك إنك تكون على مراد الله.
وأبشر خيرا، إنت بتعامل رب كريم، شكور، هيكافئك على قدر جهادك وزيادة إن شاء الله.
د/محمد الغليظ