الشاعرة الملة﴿ࢪﺣمة ﷲ تحسين﴾

فزاعيه للسيده خديجه (خديجه شالت) مواساة للزهراء عليهن الصلاة والسلام
❥ــــ☆ـــــ●ـــــ☆ــــ❥
خديجه شالت ابهل يوم
والزهره نعزيها
❥ــــ☆ـــــ●ـــــ☆ــــ❥
شالت ام گلب الحنـين
والزهره تــهــل العــين
ومنها هالگلب نــصين
صعب يفراگـها اعليها
❥ــــ☆ـــــ●ـــــ☆ــــ❥
شالت وضـــلمت الدار
اه يـــازوجة المــخـتار
احبابج الدمـــع مدرار
ونــــار وجــــرت بيها
❥ــــ☆ـــــ●ـــــ☆ــــ❥
يـــازهــراء ماجـــوره
نــدري بيـــج مقهوره
روحـــج نار مجموره
وسط الروح تجويها
❥ــــ☆ـــــ●ـــــ☆ــــ❥
يازهره نـــــدك لامج
شالـــت ماهيه يمج
بالفرگه كـــثر همج
والدمـعات تجريها
❥ــــ☆ـــــ●ـــــ☆ــــ❥
البقيه ابعمرج وروحج
تستاهل تـــرئ نوحج
لامج كثرن اجروحج
يـــــاطـــب اليداويها
❥ــــ☆ـــــ●ـــــ☆ــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

موشح للسيده خديجه(عازو الزهراء)
تقرا بعدة اطوار
❥ــــــــ☆ــــــــ●ــــــــ☆ــــــــ❥
توفـت ابهـــــل يوم ام المومنين
عـــازوآ الزهـــــراء وطه الأمـين
❥ــــــــ☆ــــــــ●ــــــــ☆ــــــــ❥
توفــت ابهل اليـــوم أطهر النساء
ويبجي ليها المصطفى وزاد البكاء
وگابـلتـه الــزهــره ام الاتــقــيــاء
وعــلو اعــليها البــواجي والانيـن
❥ــــــــ☆ــــــــ●ــــــــ☆ــــــــ❥
شــلون حالـه النبي لمِـــن فــكد
نـــار تسعـــر يـاخلگ بيــه ووگد
هاج گلبــه اعليها ابـــداً ما گعــد
تفيض من عنده اشواگه والحنين
❥ــــــــ☆ــــــــ●ــــــــ☆ــــــــ❥
عــازو طـه بـاللطـــم يــا أمتـــه
اليــوما فاگدها خديجه حرمِــته
مشـــت عنه ام فاطمه وفجعته
گلب طـــــه محترگ ليها حزين
❥ــــــــ☆ــــــــ●ــــــــ☆ــــــــ❥
وعـازو ام الحسن فاطمة البتول
بفكد امها تبجي المدمع سيــول
صعب حيل افراگها فاطم تكول
الفـركه ماتنحمــل أطول سنيـن
❥ــــــــ☆ــــــــ●ــــــــ☆ــــــــ❥
للنساء ام فـــاطمه أعظم مِــثل
واســـــــت العـدنان طه الفحل
مِــره مثلها للنبي لا مِــا حصــل
ابمالها وبكلشي ناصـرت الديــن
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

مربعه للسيده خديجه (الدمع مدرار)
ومواساة للزهراء عليهن الصلاة والسلام
❥ـــــــ☆ــــــ●ـــــــ☆ـــــــ❥
خديجه اليــوم شالت من الديار
والزهــره عليــهــا الدمــع مدرار
❥ـــــــ☆ــــــ●ـــــــ☆ـــــــ❥
خديجه حملت والباب مسدود
وهاليوم الزجيه الگلـب ممرود
بعد شيردها ليها وترجع اردود
شبت للــزجيه بــــالكلب نـــار
❥ـــــــ☆ــــــ●ـــــــ☆ـــــــ❥
عليها الزاچـــيه هاليوم تنحب
نارج ياخديجه جـــمــــر تلهب
گلــب ام الحسن ذاب وتعذب
كــالعطاب منها هــــالگلب صار
❥ـــــــ☆ــــــ●ـــــــ☆ـــــــ❥
تبجي فاطمه لامــها الحنينه
تكلها شـلون يمه اتــفـارگينه
شالـت للكــــبـــر لا ماتجينه
بغيابج ييمه حيره نــحـــتار
❥ـــــــ☆ــــــ●ـــــــ☆ـــــــ❥
خديجه حملت وضلم نزلها
حزينه فاطمه الدمعه تهلها
مو وكت السفر يــمه تكلها
وياها بجه النبـــي المختار
❥ـــــــ☆ــــــ●ـــــــ☆ـــــــ❥
تبجي فاطمه مــتـــالمه ليها
غياب الولـــده يصعب عليها
جن جمر الغياب وشعل بيها
بفــــدك الولده متسر الاخبار
❥ـــــــ☆ــــــ●ـــــــ☆ـــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

نعي للسيده خديجه [عليها السلام]
❥❥ـــــــــــــ❁❂❁ـــــــــــــ❥❥
الـــيــوم النبي اعــليها ينحب
جمـــر افارگها بــــالگلب يلهب
يبجي الرسول ادموعه اتصب
❥❥ـــــــــــــ❁❂❁ـــــــــــــ❥❥
مـــثل ام الزجيه ابد ما شاف
طيبــه اصيله امعدله اوصاف
من كثــر نوحه هالجفن جاف
❥❥ـــــــــــــ❁❂❁ـــــــــــــ❥❥
ويـــــاه تـــون تنحب الزهره
يفـراگها بـــالـــــگلب حسره
جــرح افراگها بله اشيحبره
❥❥ـــــــــــــ❁❂❁ـــــــــــــ❥❥
راحت بعد شيردها لـــيــهم
مايفيد هالنوح وبجــــيهــم
يــــفــــراگها يصعب عليهم
❥❥ـــــــــــــ❁❂❁ـــــــــــــ❥❥
ويـــــه النبي عاشت وفـيه
طيبــــــة گلب والروح ابيه
ليــهـــا بجه وتبجي الزجيه
❥❥ـــــــــــــ❁❂❁ـــــــــــــ❥❥
[نعي طور الفراق]
يبجي ليها //النـــبي وگلـــيبه ذايب
يبجي ليها //فراگــهـــا حراگ لاهب
يبجي ليها //ومنه هالمدمع ساجب
يبجي ليها // طـــولها هالليله غايب
❥❥ـــــــــــــ❁❂❁ـــــــــــــ❥❥
ما تردين//ياخديجه أمن الـغياب
ماتردين//عفتي بيتج عفتي الاحباب
ماتردين//ليج صبوا دمع سجاب
ماتردين //نــــــايمه انتي بالتراب
❥❥ـــــــــــــ❁❂❁ـــــــــــــ❥❥
ضلمه دارج //توحش اعليهم خليه
ضلمه دارج //فرگتــــج ناره سريه
ضلمه دارج//وانتي نمتي بالوطيه
ضلمه دارج //رحتي وما الج جيه
❥❥ـــــــــــــ❁❂❁ـــــــــــــ❥❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

هوسات الئ ابو طالب "عليه السلام"
❥❥ـــــــــــــ❁❂❁ـــــــــــــ❥❥
يوم اظلم حــزين اعله النبي واله
من شال ابو طـــالب وچـفه ادلاله
يون طه النـــبــــي ونـمــرد دلاله
{يفراك العــــم // هـــــــدم حيله}
❥❥ـــــــــــــ❁❂❁ـــــــــــــ❥❥
راح البيه مـحنه وعايف احبابــه
بحــزن خلاهم والدمعات سجابه
صعــــب ماينحمله جـتـال يغيابه
{ماذيـــــــــــهم // غياب الغالي}
❥❥ـــــــــــــ❁❂❁ـــــــــــــ❥❥
إله تاريــــــــخ ابو طالب بزوده
حامه عالنبـــــي وسند احدوده
وكفته مشرفة ثابته ومشهوده
{وبـــــــزوده // تاريخه اتخلد}
❥❥ـــــــــــــ❁❂❁ـــــــــــــ❥❥
تاريخه شهد بالمــرجـــل وزين
مناصر مفــخــره وحامه للدين
وبرحيله نعـــــــــزيها الميامين
{ماجـــــــــوره // ياعترة طه}
❥❥ـــــــــــــ❁❂❁ـــــــــــــ❥❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

فزاعيه الى ابو طالب (حزنان النبي)
وتقرأ بعدة اطوار منها على طور
[محمد مادريت اشصار]
❥ــــ☆ــــــ●ــــــ ☆ــــ❥
حزنان النـــــبي هاليوم
لعمه ابو طالب
❥ــــ☆ــــــ●ــــــ ☆ــــ❥
هاليـــــوم النبي حزنان
لبو طالب عظيم الشأن
شال وفارغ الديـــــوان
جمـــر يافـــرگته لاهب
❥ــــ☆ــــــ●ــــــ ☆ــــ❥
يـــون حـــزنان هادينه
ولعـــمه يـــــــهل عينه
حامــه ويـــاه عن دينه
وكل كافر وكل ناصب
❥ــــ☆ــــــ●ــــــ ☆ــــ❥
يوجــــع النبــي فكده
بغيابه انمـــــــر جبده
وينتحبون كـــل ولده
ودمع عيونهم ساجب
❥ــــ☆ــــــ●ــــــ ☆ــــ❥
مأجوريـــن يـــل اطهار
ياحــــــيدر ويل مختار
ابفكد الولـــــي المغوار
جان ويه النبي يحارب
❥ــــ☆ــــــ●ــــــ ☆ــــ❥
ياطـــــــه النبي مأجور
للعم الگــــــلب مكسور
دلالك جـــــــمر مجمور
بعد ماينفــــــــع تعاتب
❥ــــ☆ــــــ●ــــــ ☆ــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

قصيده موشح ﴿عظم ﷲ اجرك﴾
تعزيه للامام علي بوالده

❥ــــــــ☆ـــــــــــ●ـــــــــــ☆ــــــــ❥
عظم ﷲ اجـرك يمير المومنين
بوالدك الجاهد وناصر الـــديــن
❥ــــــــ☆ـــــــــــ●ـــــــــــ☆ــــــــ❥
عظم ﷲ اجرك ابهذا المصاب
شال ابوك ونام وسفه عالتراب
عام حزن وفاجعه عام العذاب
انت وطــــــه النبي متگدرين
❥ــــــــ☆ـــــــــــ●ـــــــــــ☆ــــــــ❥
البقيه فـي حياتك يـــاعـــلي
ﷲ لــــيصـبــرك بفراك الولي
ندري بغياب الابو دمعك هلي
تهمل عيونك وتجهر بالونيــن
❥ــــــــ☆ـــــــــــ●ـــــــــــ☆ــــــــ❥
والـــــدك للنبي جاهــد ونصر
ســـانــــده ابكلشي ورد الكفر
ﷲ بفراكه ينـــطيــــك الصبر
معضم اجرك عند اله العالمين
❥ــــــــ☆ـــــــــــ●ـــــــــــ☆ــــــــ❥
نعزيك ياحيدر ونلطم الصدور
الله من بيتك صبح طافي النور
لــــك وللنبـــــي عظم الأجـور
انتم وكـــــل الائمه الطاهرين
❥ــــــــ☆ـــــــــــ●ـــــــــــ☆ــــــــ❥
تقـــبلو مولاي منه هــل عزاء
وتشفعو لينه بيكم الــــرجــاء
لآخر الأنفاس يبقئ هالــــولاء
ولاوامــــركم احنه طـــــأعين
❥ــــــــ☆ـــــــــــ●ـــــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

قصيده الى ابو طالب(كافل نبينه)
تقرا بعدة الحان
┈┉━❀❥❃❥❀━┅┄ ┈┉━❀❥❃❥❀━┅┄
كافل نبينه المصطفئ شال أمن الديار
والنبي لفكــده حزن والـــدمع مـــدرار
┈┉━❀❥❃❥❀━┅┄ ┈┉━❀❥❃❥❀━┅┄
كافل نبينه المصطفئ غمضت عـينه
ولجله النبي حزنان ويــجــر ابونينه
بفراگ عــمــه الــشهــم ﷲ اليـعينه
عام الحزن والنوح وينحب المـخـتار
┈┉━❀❥❃❥❀━┅┄ ┈┉━❀❥❃❥❀━┅┄
عام الـحــــزن عاش النبي بفراگ عمه
احداد امـــســــوي عليه ودمعه يـهمه
من شال ابو طالب بقئ هالنوح سهمه
روح النـــبــــي متكدره ومشتعله إبنار
┈┉━❀❥❃❥❀━┅┄ ┈┉━❀❥❃❥❀━┅┄
سند رسول ﷲ البطل وحامه عنه
وكـــــلمـــات الكفار ابـــــد مايهمنه
وبغيابه ضل المصطفئ يجهر الونه
شال العزيز ومابعد من عنده أخبار
┈┉━❀❥❃❥❀━┅┄ ┈┉━❀❥❃❥❀━┅┄
انكطعت اخباره وبعد نام اعله التراب
وعافـــهــم يونون كل أهله والاحباب
منهم الولي والسند يــــاوسفه وغاب
انكسر ضهره بالابو حـــيــــدر الكرار
┈┉━❀❥❃❥❀━┅┄ ┈┉━❀❥❃❥❀━┅┄
مأجور ياحيدر علي وماجور طاها
بلي رحل هاليــوم وعينه اغمضاها
ومـــاجوره كـــل الهوشم بالجفاها
عظم ﷲ الكم أجر يالعتره الأطهار
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

نعي الى ابو طالب "عليه السلام "
مواساة لرسول ﷲ والامام علي
❥ــــــــ☆ــــــــ●ــــــــ☆ــــــــ❥
الليلــه النبي ينعه وينــادي
رايح ابـــو طــــالب عمادي
بفكده الحزن عالنبي سادي
❥ــــــــ☆ــــــــ●ــــــــ☆ــــــــ❥
ينعه النبي ويبجي حيـــدر
والــــهـــادي اگليبه تفــطر
اعله غيابه شلون يــكـــدر
❥ــــــــ☆ــــــــ●ــــــــ☆ــــــــ❥
هادينه يون مــفــكود عمه
هوه وعلي الدمع يــهـــمه
شال العــــمد وماهــو يمه
❥ــــــــ☆ــــــــ●ــــــــ☆ــــــــ❥
حگه يــــون رايـــح كفيله
هوه السند واليتــــــجيله
دم الدمع لـــجلــــه يسيله
❥ــــــــ☆ــــــــ●ــــــــ☆ــــــــ❥
عمه النبي هاليوم مـــفـــكود
وديوانه الف وسفه مــسدود
راح الولي هيــــهـــات ميعود
❥ــــــــ☆ــــــــ●ــــــــ☆ــــــــ❥
ذاك الســـبع ويلي شـــــــيرده
يبجي النبي الدمعه اعله خده
وحزنه بالگلب اتخطه حــــده
❥ــــــــ☆ــــــــ●ــــــــ☆ــــــــ❥
عام الحزن مر اعله طاهـــا
من عـــينه عــمــه غمضاها
فراگه العين ميها وشــلاهـا
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman