💛مـیهـرۍ ئیلاهـــۍ🌻

✏️قسە جێهێشتن،وەک بەشێک لە کلتوور
-----------------
ئەوە لەگەڵ ماڵی براکەت هەر ئاشت
نەبوونەوە؟ ئەوە کچەکەتان نەرۆشتەوە ؟
ئەوە کورەکەتان لە خاریج هیچ نەناردەوە ؟
من قسە ناگێڕمەوە بەس بەخوا ئەو رۆژە
فڵان وای ئەگوت ؟

جا کورد ئەڵێ (میوانی ساتێک و جاسوسی ساڵێک)

زەلام هەیە پێنج دەقە لەگەڵی دادەنیشیت ،
یان پێنج دەقە دێت بۆلات ، یان سەعاتێک
سەرێکت لێئەدات ، هەرچی ژەهری
پەنگخواردوی ناخێتی لە شێوەی
(قسە، ڕەفتار ، تانە ، توانج، ئیدیۆم )
بەناوی دڵسۆزی ، خزمدۆستی ،
قسە لەڕووی و هاورێتی هەیە ،
لەزمانی ئەپژێ و ئەڕژێت ،
زەلام هەیە تیر ئەندازە لە دڵکرمێکردنی
خەڵکدا ، لە نانەوەی ئاژاوە و جێهێشتنی
لوغمدا ، دانانی قسە لەشوێنێک ، لە دانانی
مینێک ترسناکترە ، خەڵکانێک هەیە سەرو
کاریان لەگەڵ ئەم پیشەیە بەباشی هەیە،

قسەی وا هەیە لە (ڤاڵمارا) ترسناکترە ،
هەتا کەمەرت لێئەکاتەوە ، هەندێک قسە
هەیە کە جێدەهێڵرێت دوای ساڵێک
بەخاوەن ماڵ و بە نێوانی ژن و مێرد و
هاوڕێ و دۆستەکاندا دەتەقێتەوە ،
قسە هەیە کە دەیبیستیت دڵت سست
دەبێت ، بێهێز دەبیت ، لە دڵخۆشیەوە
دەگۆڕێیت بۆ خەمۆکی ، قەترەیەک چۆن
ئەکرێتە کەمۆڵەیەکەوە ڕەنگی شلەکە
ئەگۆرێ ، یەک قسە ڕەنگی مەجلیسەکە و
جۆری خزمایەتیەکە و پەیوەندیەکەش دەگۆرێت.
--------------
عەلی کوڕی ئەبی تالیب ڕەزای خوای لێبێت
فەرمووی (ئەگەر قسەیەکیان بۆ گێڕانەوە ،
یان هەواڵێکیان بۆ هێنان ، یەکسەر بڕوا
مەکە ، بە عەقڵی خۆشت لێکدانەوەی
بۆ بکە ) هەوالێک کە دەیبیستیت خێرا
دەست مەکە بە کۆمێنت و تاگ و لینک
ناردن و لوتکردن ، بزانن ئەو کەسە کێیە
کە قسەکەی هێناوە ، سەنەدی پێشتری چی
بووە ؟ ئایا ئەمە هەر خویەتی ؟
جارێ ئەسڵەن هەزاران وشەی پێویست تر
هەبوو بۆ چی تەنها باسی فڵان و فیسار ؟
...............................

سەعدی دەڵێت :-
کابرایەک دوژمنایەتی لەگەڵ کەسێک هەبوو،
ڕۆژێک دانیشت بۆ ئەوەی دوژمنەکەی
بکوژێ ، تیرێکی تێگرت بەڵام تیرەکە
نەگەیشتە کابرا، وە کابراش ئاگای لێ نەبوو
کە تیرێکیان تێگرتووە ، ڕێبوارێک کە بەو
ناوچەیەدا دەڕۆشت ئاگای لەم بەسەر هاتە
بوو ، ڕۆشت تیرەکەی هەڵگرت و بردی بۆ
کابرا و پێی ووت :- ئەو زەلامە ئەم تیرەی
گرتە تۆ ، کابرا پێی زانی جەنگێکی گەورە
هەڵگیرسا)

قسەیەک کە نەگەیشتۆتەوە بە کەسێک ،
پیویست ناکات ئێمە ببین بە نامەبەر و
پۆستەچی و بیگەیەنین
........................................
(در میان دو دوشمن چنان گوی کە اگر
دوست گردند شرم زدە نباشی)

لە نێوان دوو خزم ، دوو هاوڕێ ، دوو
بەرپرس و بێ پرس ،دوو سەرکار و
فەرمانبەرەکانی ، کەقسەیان نیە ،
یان ساردیەک لە نیوانیاندایە ،
وەها قسە مەکە کە ئەوان ڕۆژێک
ئاشتبوونەوە ، تۆ خەجالەتی و
تەریقبوونەوە بکێشیت
------------------
(خری را بلهی تعلیم مداد.بروبر صرف کردە سعی دائم)

کابرایەک قسەی خراپی کەسە نزیکەکانی
بۆ ئاژەڵێکی بەستەزمان ئەگێڕایەوە و
ئەی ووت تۆ وەکو ئەوان مەبە و ئاواو و
ئاوا )
عاقڵمەندێک لەوێیوە تێپەڕێ و پێی ووت :-
(یاسخنی آرای چە مردم بهوش .
یا بنشین چون حیوانان خاموش)
واتە:-
هاوڕێی باش و ئازیزم چوارپێ لە تۆوە
هیچ گوفتارێک نابیستێ و وەرناگرێ و
فێر نابێت ، دەی وەرە و لایەنی کەم
تۆ لەوەوە فێری بێ دەنگی بە.
............................
نالی وتەنی :-
نیشانەی پوختەگی بێ دەنگیە نالی ،
ئەگەر پوختەی
بە حوججەت تەی بکە نامە،
بە حیددەت پەی بکە خامە

نیشانەی پاڵفتەیی هەر مرۆڤێک بێ دەنگی و
خۆهەڵنەقورتاندنێتی لە هەموو مەوزوع و
مەجلیسێکدا و هەروەها نەهێنان و
نەبردنی قسە و باسنەکردنی خەڵکییە.

نوقتە سەری دێڕ .............
-------------------------------------
*حوکمی غیابی بەسەر کەسێکدا مەدە
کە خۆی لەوێ نییە و ناتوانێت ڕونکردنەوە
بدات و بەرگری لە خۆی بکات ،
ڕەنگە بابەتەکە بەو شێوەیە نەبێت
کە بەتۆ گەیەندراوە ، خەڵکی هەمیشە
نیەتی پیسی خۆیان تێکەڵی ڕودا و
چیرۆکەکان دەکەن

**خەڵکی جەند جۆرێکن ، هەیانە هەرزانت
بەگران پێ دەفرۆشێت و هەشیانە گرانت
بەهەرزان دەداتێ ، هەیانە بچوک گەورە
دەکات و هەشیان سەدان کێشە و قسەی
گەورە بچوک دەکاتەوە

***ناشوکری نەبێت ، زەم و قسە و
قسەڵۆک ومەجلیسی ئێمەی کوردیش
لەسەر شەڕی نیمچەدورگەی (قرم) و
(تەکنەلۆژیای نانۆ) و (هێرشی بارباڕۆسا)
نیە ، بەڵکو لەسەر دۆنم و وەرەسە و ژن و
ژنخوازی و پۆست و پلە و ماستا و
خۆبردنە پێشەوە و ملشکاندنە

****عومەری سورەوەردی دەیفەرموو :-
(ڕۆژووی ئینسان هەر بەو شتانە ناشکێت
کە دەچنە لە رێگەی دەمیەوە دەچنە
لاشەیەوە ، بەڵکو بە هەموو ئەو شتانەش
دەشکێت ، کە لە ئینسانەوە دێنە دەرەوە)
ئەوانەی لە لە خەیاڵیەوە دێنە دەرەوە ،
لە ذیهن و بیرکردنەوەی پیسیەوە ،
لە زمانیەوە ، لە ڕەفتار و کۆمێنتیەوە ،
لە نیەت و مەتڵەبیەوە ،
بەڵێ ئەو شتانەشی کە لێمانەوە دەردەچن ،
پەرستشی ئینسان دەشکێنن و بەتاڵی دەکەنەوە.

✅لـه ڕۆژى هەینیدا سەعاتێک هەيه
پـــاڕانـــەوه تــێـيــدا وەرگیـــراوه

ســـەنـگیـــنەکـــانۍ
گـروپێک بۆ زیکری پـەروەردگـار
حەبیبی دڵان ﷺ دەفەرموێت ڕۆژى
هەينى ١٢ سەعاتە، سەعاتێکى تێدايه
هيچ بەندەيەکى موسڵمان نييه کەتێيدا
داوا لەخواى پەروەردگار بکات،
ئەوا ئيللا پەروەردگار دەيداتێ،
جا لەسەعاتەکەى کۆتاييدا بەدوايدا
بگەڕێن، لەدواى نوێژى عەسر.
خۆشەویستانم:ئێوارەی هەینیەو
ئێستاکاتی گیرابوونی دوعاو
نزاکانتانە زۆرێک لەئازیزانی
گروپ داوای دوعای خەیرتان لێدەکەن
هەریەکەو گرفتاری دەردو کێشەو
ناخۆشی و نەخۆشیەکە
حەبیبی دڵان ﷺ دەفه‌رمووێت
دوعای موسڵمان بۆ موسڵمان لەپاشملە
لای خوا قبوڵەو ڕەتکردنەوەی نیە
هەندێک نەخۆشن و لەنەخۆشخانەن
هەندێکی کێشەی خێزانی هەیە
هەندێکی فەقیرو نەبووە
هەندێکی قەرزارە
هەندێکی منداڵیان نیە
هەندێکی زەواجی بۆ ناکرێت
هەندێکی تاقیکردنەوەی هەیە
کێشەو ناڕەحەتیەکان زۆرن بەتایبەت
دوعای خەیر بۆ یەک بەیەکیان بکەن
خودا حەلل و چارەسەری تەواوی
کێشەو گرفتەکانیان بکات و ڕازیان
بکات بەوەی پێی ڕازی دەبن
دوعـــاۍ خەیر بـــۆ خۆتـــان و
ئێـــمەش بکـــەن بـــا ئێـــمەش
لــەگەڵ ئــەو پـــەیــامانەدا بیـــن
کـــە دەیـــانێـــرن بـــۆ ئـــاســـمان