‏انتظرتك لين مل الوقت و أرهقت المسافة
‏لا الرجوع الحين ممديني ولا قادر أكمّل

‏من يهدّي بالي الموجوع لا طال ارتجافه
‏رجفة اللي معتريه البرد لو قام يتزمّل

‏كل شيٍ ما يجي في وقته الموعود أعافه
‏كيف أبغفر لي خطاي وما معي عذرٍ يجمّل

‏والربيع اللي يلوح بالعطش و أعلن جفافه
‏تارك له وردة تذبل .. وأنا عيوني تأمّل

‏يا بياض الغيم يا طُهره ويا شيمة عفافه
‏ليه أحس إن الزمن يلبس سواده و مترمّل

‏كم تحملت الهبوب الذارية وبْلا حسافة
‏ليه من حس بنسيم الليل لحظة ما تحمّل ؟