رواياتي📖📚

هل ح يقع الطلاق؟؟؟؟؟🤔
‏*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

كدا ...حتى ابوي زعل و قمنا نلملم عفشنا ...سحر قالت ليها ...أمي ح نمشي وين ...أمي قالت بيها ...والله نرجع بيت رشيدة و م نقعد هنا ...قلت ليها ...حامد سحل البيت حق رشيدة ب اسمي...كلهم وقفو يعاينو لي ...أمي اول من اتكلم و قالت ...احمد عليك الله شوف لينا في الحلة هنا لو في بيت اجار ..ابوي عاين لي و قال ...عايز افهم الراجل دا نهايته شنو ....ختيت راسي بين كفوفي و قلت ليهو ...حتى انا و م قادرة افهم ...طلع خلانا امي قالت لي ...طيب وانتي عملتي شنو اكيد م قبلتي صح ...حكيت ليها الحوار بيني و بين رشيدة و قلت ليها .. شكلو كان عارف اني م ح افضل هناك و قايل اني ح اقبل اعيش في البيت الهو اشتراو لي بس مستحيل ...قالت لي .. خير م عملتي ...بكرا يجي يقول ليك بيت انا اشتريتو ليك ...هزيت راسي و انا حاسة ب هم فوق راسي ...قالت لي ...م تشيلي هم خليها على ربنا ...و بعدين انتي حامل ركزي على طفلك و بس .. قلت ليها والله ي امي انا شايلة هم اطلق كيف ...قالت لي ...خليها على الله ...قلت ليها...و نعم بالله ...قامت تلملم تاني قمت ألم معاهم قالت لي ...لا لا ارتاحي انتي جاية من سفر طويل و يمكن تكوني م اكلتي ...قلت ليها ..م لي نفس اساسا ...قالت لي ...اتحملي عشان طفلك ...اكلت شوية و اتكيت في السرير افكر شالتني نومة ...صحيت على صوت امي بتصحيني للمغرب ...فضل ل رمضان زي أربعة يوم ...أمي و ابوي كانو بتكلمو عن رمضان قلت مع نفسي ي ربي ابوي م لقى بيت ...صليت و غيرت ل بجامة بيت ...جيت قلت ليهو. .ابوي م لقيت البيت ...قال لي ..لقيت جارنا م بعيد زي خمسة بيوت في الخط دا عندو نص بيتو مبني جديد محتاج عرش و الحمامات م مكتملة ...و قال لي لغايت الرمضان ح يعرشو و يتمو ...قلت ليهو ...خير ...قمت دخلت المطبخ م شاء الله جايبين تلاجة جديدة ...و في غاز و فرن ...ابتسمت و قلت ..شكلي كنت العارض في البيت دا...حمدلله غيتو ...دخلت امي وراي و فصلت السخان من الكهربا ...قلت ليها ...متين اشتريتي حاجات الكهربا ...قالت لي ...التلاجة بعت القديمة و جبت دي و سددت الباقي اقساط ..اما الفرن ف هدتني ليهو بدور ...كشرت وشي و قلت ليها ...انتي كيف تقبلي هدية من مرا زي دي ...قالت لي ..دا قبل اعرف انها دجالة و حلفت الا ارجعو ليها بس هي من يوم مشت م جات حتى عفشها يوم جينا من المدرسة لقينا دفار اتحرك من قدام البيت قالو رحلت ...قلت ليها ...م تطبخي فيهو ...شيلي بيعي وزعي قروشو للمساكين..تكون قروش حرا م ساي قالت لي ...إن شاءالله...سوت النشا قلت ليها ...عايزة تعملي اسكريم...قالت لي ..اي ...بكرا الخميس آخر يوم للمدارس و عطلة ل رمضان و ح ينزلو بعد العيد ...قلت مع نفسي معناته الشغل ح يقيف و ح تضيق علينا ...ابتسمت امي و طبطبت علي و قالت ...ربنا بيهونها ...عدا علينا شهر رمضان قاسي شديد ..القروش الابوي و امي لموها ل رمضان دفعوها حق إيجار البيت و ي دوب نلم حق الإفطار و بما اني م صايمة كنت باكل وجبة في اليوم و امي تحاول اقنعني عشان الجنين م يتأثر عملت مقابلة الشهر التاني و اتكتبت لي فيتامينات و مثبتات و حاجات كانت غالية اشتريت جزء و الباقي خليتو....و لغايت المدارس تفتح ابوي فتح محل خضار و ياهو الحال ماشي ...و الحمدلله طول شهر رمضان م شفت حامد نهائيا ...العيد جا و ياهو عيدنا ب سلامة وقتها دخلت التالت ...صباح العيد ...الباب دقا و لمن سحر فتحت رجعت و قالت ...ابوي في صندوق كبير خشم الباب...ياهو ابوي طلع و جا داخل مع كرتونة كبيرة كدا ...كان فيها ملابس للبيت كلو و مواد تومينية و قروش ...قلت مع نفسي اكيد دا حامد ...قلت ليها ...أمي تتوقعي دا حامد جايب الحاجات دي...بعد م كانو بشوفو الحاجات كلهم وقفو و سحبو يدهم ...ماف زول قال كلمة و فضلنا نعاين للصندق...أمي قالت ...رجعو الحاجات جوا الصندوق ...بدينا نرجعهم وقعت ورقة من الملابس ...رفعتها مكتوب فيها " فاعلة خير " ضحكت و قلت ليها ...أمي عايني ...قالت لي ف شنو ...قلت ليها مكتوب فيها فاعلة خير .. قالت لي و يعني شنو ...قلت ليها معناته م من حامد ...شفت الابتسامة في وشها ...بس ابوي شال نفسو و طلع برا ...عاينت لأمي ب زعل و انا شايفة الكسرة ف عيونها ....ماف زول فرحان غير سمر و سحر و الموضوع بيوجع ...دي اكيد زولة طلعت زكاة الفطر و جابتها لينا .....دخلت جوا و رقدت في سريري و الدنيا مسخت لي ...حاسة نفسي سبب البلاوي دي كلها ...من قبل كنا مرتاحين و رزق اليوم ب اليوم و ماف زول اتصدق علينا و شوف حالنا اخر تلاتة سنين كنت شغالة و بصرف على البيت بس اسي و لانو انا حامل م بقدر و الدكتورة مكلماني انو صحتي م كويسة و وزني ضعيف ...و امي حلفت يمين م اشتغل ...بكيت و انا الفيني كملت ...بس لو م عرفت حامد اسي حالي كان احسن....بكيت لمن نمت صحيت على أصوات شكل طلعت برا و انا بسأل...في شنو ...و قفت مصدومة وانا شايفة يمة و حامد و رماز ......

*#حرمة~حامد~《22》*
*#بقلم~نسمة~عبد الله~🌼*
*★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‏
قبل تبدأ تقرأ دي م الحلقة الاخير لمن جيت لقيت الجزئية طويلة شديد ف قررت انزلهم على جزئين الاخيرة بكرة ان شاءالله 😂😂 ف شنو قراءة ممتعة...و م تزعلو 😂😂❤️

حامد كان عايز يطلع وراي امو قالت ليهو ...كفاية كدا والله ...عاين ليها وقال ....نعم ...قالت ليهو ...لو خاتي لي قيمة عندك خليها تمشي ...قال ليها ...كيف اخليها تمشي ...قالت ليهو ..كدا خليها تمشي ..عملتك شينة ي ولدي ...و مشت خلتو ...عاينت ل بسمة قبل تمشي و قالت ...و انتي لو عندك باقي كرامة امشي ...لو عايزة تشوفي أولادك متى م عايزة تعالي ..و م ح نحكي ليهم اي شي من الحصل دا نهائي...و دخلت جوا...كلهم شتتو و م فضل غير حامد واقف مكانو ...رجعت الولاية ...و قبل امشي ناس امي جيت بيت رشيدة...دقيت الباب و فتحتو لي و كأنها متوقعة جيتي ...قلت ليها ب ابتسامة صفرا ...اوووه رشيدة مشتاقين والله...ابتسمت برضو ابتسامة صفرا و قالت ...اممم م باين ...لزيت الباب و دخلت وانا ساحبة شنتطي وراي و قلت تلاتة شهور م شفتك م اشتقتي لي ...قالت لي ...والله ارتحت و حلقي ارتاح من كلمة اخر الشهر جا متين ح تدفعوا ...قلت ليها ..شكلك ح تتعبي تاني لانو انا رجعت...و ب رجعتي دي عايزة البيت ...قالت لي استني ...قلت مع نفسي ...معقولة ح تديني ليهو ب السهولة دي ...ولا حامد اتكلم معاها ي ربي يكون دفع ليها لويت خشمي و انا شايفاها جاية معاها أوراق شكلها عايزة تعمل عقد إيجار...ربعت يدي .. قعدت قلت ليها ...دا عقد إيجار ولا شنو...قالت لي ...اي قايلاني ح ااجر ليكم ساي المرة دي ...عاينت ليها و قلت ...جيبي اقراهو ...قالت لي ...م ضروري ...في العقد محدد مدة قعادكم في بيتي ...عملتو لمدة سنة ...ح تدفعوا مقدم خمسة شهور و الباقي كل نهاية شهر ..بعد السنة حابين تجددو الاجار اهلا و سهلا م عايزين ب راحتكم و اذا طلعتوا بعد الخمسة شهور ح تدفعوا حق شهر ل فوق ...صريت وشي و قلت ليها ...و لشنو ان شاءالله...قالت لي دي شروطي...نظام ح تطلعو اساسا ...المهم موافقة اهلا و سهلا م موافقة اعتقد م عندك مكان تاني ...لويت ليها خشمي وقلت ...شنو التفتيح دا حسيتك نجضتي في التلاتة شهور دي ...ابتسمت و قالت لي ...كلو ب فضلك ...قلت ليها ...كيف...قالت لي اسألتك كترت ..قلبت عيوني و قلت ليها ...جيبي البتاع دا نوقع ...شلت القلم وقعت ...قلت ليها ..مالة الأوراق دي كتيرة كدا ...قسمت الورق نص ب النص و ادتني جزء و قالت لي مبروك عليك البيت ...قلت ليها بضحكة ...الله يبارك فيك محسساني انو بايعة لي و لعلمك انا م معاي حق خمسة شهور...قالت لي ...اصلا م يحتاج ...قلت ليها كيف يعني ...وقفت و قالت ...حامد سجل البيت ب اسمك ...رمشت بعيوني كم مرة و انا بعاين ليها و قلت ...كيف كيف ...رفعت كتفها و قالت ...كدا قبل كم يوم جاني حامد و المحامي اشترو البيت عملو الاوراق اللازمة و سجلو ب اسمك ...في كم ورقة كانو عايزين توقيعك و المعاك حاليا ورق البيت ..رفعت الورقة شرطها ...قالت لي ..م مهم معاي نسخ تانية و الأوراق الوقعتيها معاي ف ما يحتاج ...مشيت عليها سرعة أشرت لي بيدها و قالت ...قبلك حبيبتي ...اطلعي برا بيتي و م عايزة اشوف خلقتك دي تاني في وشي ...و اي حركة منك ح اعتبرها تهجم و اشكي عليك ...جريت شنتطي بغضب و انا بمشي على محطة المواصلات...يعني هو م عايز يطلع من حياتي ...لا و مسجل البيت ب اسمي ...اصلا متين طلع من البلد و جا ....طول الطريق افكر مرة اسرح مرة اتشاكل مع نفسي و ضميري يأنبني على غبائي ...وصلت البيت دقيت الباب فتحت لي سمر ...سلمت عليها بشوق ...دخلت جوا الساعة اتنين و حاجة ..لقيت ابوي نايم قلت م اصحي ...أمي كانت جوا المطبخ مشيت وقفت في باب المطبخ كانت مدياني ضهرها...أمي صحتها اتصلحت اتلفتت على الباب لمن اتخلعت و قالت ...سااارة ...حتى وشها باين مرتاحة ...قلت ليها اي سارة ...سلمت علي و جابت موية قالت لي ...حصل شنو ...حكيت ليها ب اختصارالحصل ...قالت ...يعني هو اسي مستغلك و عشان نحن قاعدين في بيتو داير يعمل عليك حركات و يذلك ...مسكت راسي و قلت ليها ..ااي ...وقفت و قالت ...كنت قايلاك م جادة لمن حكيتي لي و اتوقعت عشان انتي اصلا كنتي خاتة فكرة الطلاق قلتي لينا كدا بس تصل ل مرحلة يذلنا ب بيتو والله ثانية م نفضل في البيت دا ..وقفت و مشت صحت ابوي هو زاتو اتخلع و حكت ليهو الحاصل ب زعلة

ابتسمت لي و الدموع مالية عينها ...اتنهدت وانا برفع عيوني ل فوق عشان م ابكي و قلت ليها ...يلا سلام ...حامد نهرني و قال لي ...سارة احسن ليك ...قلت ليهو ..م احسن لي م مستعدة اعيش ولا ربع ثانية في جهنم بتاعتكم دي ...افضل نعيش في الشارع معززين مكرمين ..عاينت ل يمة و قلت ليها.... م كان نفسي اقول ليك كدا بس ي خسارة م عرفتي تربي و ولدك الشال مرتو و طلع برا عمل احسن قرار في حياتو و مرق من القرف دا...حامد قال لي ....سااااااارة ...قلت ليهو...م اسمي سارة م اسمي ...تعرف انا شمتانه فيك قدر شنو ...عاجبني ليك والله و تستاهل ...و اقول ليك شي ي بسمة ولا تزعلي ...م اخر راجل في الدنيا دي ...حامد قال لي بنبرة تحذير ...ساااارة..ضحكت و انا بقول ...بكرا انا و انتي نعرس سيد سيدو ..مسكني من يدي و قال بنهرة و هو بضغط عليها ...انا للان ساكت على قلة أدبك دي ...م تخليني اتصرف تصرف م يعجبك ...قلت ليهو ..اتصرف كدا ...قلة أدب شنو وانا ل اسي ماسكة لساني منكم ...انتو م بتعرفوني لسه ...و او م ب الحسنة ي حامد يبقى ب السيئة...و في طلاقي انا بدخل المحاكم ...قال لي ...و المحاكم دي بخشوها مجان ...أشرت عليهو و انا بعاين ل يمة و قلت ليها ...شايفة التربية ...عاينت ل حامد بندم كدا ...قلت ليهو ...بالضبط ندمانة على التربية التعبت فيها و م نجحت ...ورقتي تصلني ف بيت ابوي ...يلا سلام ...حامد قال لي ... ساااااارة ...و انا طالعة من الباب قلت ليهو ...م عندك غيرها ......يتبع
اسفة على التأخير ل ظروف خارجة عن ارادتي 🤍 و العفو منكم🥹❤️توقعااااتكم للاخيرة هل ح يقع الطلاق او لا ...

يتبع

#حرمة_حامد
[21]
#بقلمي_نسمة_عبدالله 🌼
#قبل_الاخيرة 🌼
رجعت قطيتي بعد حواري مع ربا انا م بحب الناس الشكاكة ابدا و الناس الكذابة زي حامد. ..اتسطحت على السرير و انا بفكر اذا حامد م طلقني اعمل شنو ...بقيت سامعة جوطة و كواريك .ختيت المخدة في راسي اصلا كنت عارفة نهاية الحوار جوطة و كواريك ..اتنفضت من مكاني و قلت معقولة بضربها عشان كدا بتصرخ...قمت جريت اشوف الحاصل شنو ...لقيتها قاعدة في الأرض بتبكي كانت يمة واقفة جنب حامد و قالت ..طيب م كان تجي تقولي لي ي عمتي م عايزة ولدك دا في داعي تمشي تعملي ليهم عمل ولا كمان روحتي روحين م ندمانة م خفتي ربنا يعمل في عيالك كدا ...و لشنو اصلا استنيتي الفترة دي كلها و انتي عندك بدل الخيار الف و م اخترتي الا الطريقة الوسخة دي ...قالت ليها...والله ي عمتي انا من الوجيعة عملت كدا ...قالت ليها ...ولدي عمل ليك شنو لمن تحقدي عليهو كدا ...قالت ليها ...ولدك اناني ..حكت ليها عن الشاب الكان معاها لمن ابوها لقاها ...اتكيت على الباب و قلت ليها ...وعمل نفس العملة الشينة لمن حرض ست البيت المؤجرين عندها نحن و طلب منها تطردنا و استغل الموقف و اتزوجني و حاليا بذلني و انو اهلي قاعدين في بيتو و ابنك.العزيز ناوي يخلينا مذلولين طول حياتنا معاهو لا طايلين طلاق لا طايلين نلملم كرامتنا الاتدفقت ...و انتي عارفة من ناحية كدا م بلومها ل بسمة بس من ناحية تانية هي غلطانة و غلط كبير ...يمة عاينت ل حامد مصدومة ...حامد قال لي بنهرة ..ارجعي غرفتك و لينا كلام . ...ضحكت و قلت ليهو ...والله انا كلامي معاك انتهى زي م قلت ليك ...طلاق بسس ...قال لي ...سااارة ...رميت يدي في الهوا و قلت ...خلاص خلاص فهمت ...حاليا كدا م ترمي اللوم على المسكينة دي براها...في زوجتك السابقة اتذكرها شوية ...مشيت بزهج قلت امشي ل رماز يمكن اتفشى شوية ...مشيت لقيت عندها ربا و سمية و تبكي بكى شديد وقفت و قلت ليها ...بتبكي اسي مالك انتي ...عاينت لي ..قلت ليها ..م عندك اي سبب يبكيك ..انتي كنتي السبب الأساسي في الحوار دا ...كيف تقبلي تتزوجي راجل صحبتك ...بس وريني من قلة الرجال ...م ردت علي ...عاينت ل ربا و قلت ليها...و نفس الحوار معاك من بين رجال الدنيا كلها م تعرسي الا راجل قريبتك .. دي شنو الأسرة العجيبة الدخلتها دي ...سمية قالت لي ...وانتي الخلاك تعرسي راجل عندو تلاتة حريم شنو من قلة الرجال ..ضحكت و قلت ليها ...والله ي حبيبتي راجلك العاجبك لعب علي لعبة وسخة و كنت شبه مجبورة م بقول ليك مجبورة بس يلا بكرا اطلق ...مشيت منهم بزهجة اكبر و سامعة بكى بسمة و في باقي الليل داك جابو سجود و اي حاجة اتكشفت ..حامد انفعل في سجود و هي م استحملت و.في لحظة غضب قالت ليهو ...اي انا عملت العمل عشان م تتهنو في حياتكم ...تطلقني انا عشان دي و أشرت على سمية ...قال ليها بغضب ...موش انتي طلبتي الطلاق...جيت دقيتك في يدك و قلت ليك قولي دايرة الطلاق و دخلتينا في مشاكل كتيرة ...قالت ليهو...و مستني مني شنو يعني اقعد و اشوف خلقتها باقي عمري ...يمة قالت ليها ...و تقومي تعملي ليهو عمل ي كافرة...قالت ليها ...انتي بالذات اسكتي انتي راس المصايب كلو ...اقلاهو تشجعي يعيش مع وحدة و حياتو تستقر لكني انتي نقيتي في راسو لمن عرسها و هديل راصيهم أربعة...يمة قالت ليها ...الله اكبر عليك...سجود قالت ليها ..الله اكبر عليك انتي ...حامد قال ليها ..سجود ألفاظك..و انا ولدي بشيلو منك اخاف يتعلم يبقى زيك ...و على كلامو دا فارت سجود و أصواتهم علت ...و عمي يحاول يهدي الوضع و النساوين يتشاكلو و حامد جايط و بسمة جات تقول عيالي م بخليهم و في لحظة قال ليها انتي طالق ...و بدل تفرح زادت المشكلة و تكورك ب أعلى حسها ...قلت شوية و الجيران ح ينطون عندنا و كل زول خاتي اللوم في اخو ....جريت كرسي و قعدت خلفت رجلي و ختيت يدي على خدي و قعدت اعاين و مرة مرة اضحك لحد م بدو ينتبهو ل قعدتي الغريبة دي ...قلت ليهم ...لا سكتو ل شنو كملو بالله ... كملو فضايح كملو ...و انتي ي ست بسمة مش دا الانتي عايزة ...مش خلاص اطلقتي..تاني دايرة شنو .... عقبالي يارب ...عاينت ليهم ب طرف عيوني و قمت و انا بقول ..ناس سحر و فضايح..حامد قال لي ساااارة ...عاينت ليهو ب طرف عيني و رزعت الباب ب وراي...م اعتقد في زول نام اليوم داك ...تاني يوم من بدري جريت شنطتي لمن طلعت لقيت بسمة برضو ماسكة شنطتها و واقفة تبكي ...و يمة و رماز شايلين العيال و حامد في الواجهة طبعا و صاري وشو ...ضحكت و قلت ليهم ...طيب ي جماعة العفو و نتلاقى ساعة خير ان شاءالله...كلهم عاينو لي حامد قال لي ...انا قلت شنو ..قلت ليهو...لا قلت لا سمعت ولا عايزة اسمع ...مشيت حضنت رماز و قلت ليها...انتي احسن زول قابلتو والله ..

معقولة تضمني اكل عملتو دي ...انا لو في مكانك اعمل اكلي برااااي و الضمان امان ...عاينت لي يمة و عاينت للأكل...سمية م اتكلمت بس يمة قالت ...انتي شغالة فتن ولا شنو ...ضحكت و قلت ليها ..والله زي م قال حامد كلنا تحت الشك ..و صحي حاجة تانية ...كيف بسمة عرفت انو نوع العمل حق اجهاض و حكت ليكم ..مع انو انا م جبت سيرة زي دي و لمن دخلت اتهمتها انو بتحاول تخليني انا اجهض بس م جبت سيرة انو العمل بتاع إجهاض نهائيا بالله دي م حاجة تحير...كلهم سكتوا و عاينو ل بسمة الاتوترت..ضحكت و قلت صاحب العقل بميز ..ب المسا لمن حامد رجع ...سامعة هو و يمة بتكلمو و قالت ليهو نفس كلامي و قالت ...والله ي ولدي لمن تحسبها ب العقل كدا كلامها صح ...البت م بتعرف البلد دي ..و دي اول مرة تجيها و م طلعت من البيت دا نهائي غير مرقو هي و حريمك.مع بعض تاني م طلعت ...قال ليها ...حتى انا قلت كدا بس م عندي اي دايل ضد بسمة وانا م بقدر احكم عليها ظلم ساي...قالت ليهو والله ي ولدي ربنا ينور ليك لكن سارة دي ب العقل برا الموضوع ...انسحبت براحة و مشيت قطية بسمة وقفت ليها في الباب و قلت ليها ...حامد.مشى فتش و اتكلم مع بدور و اظن ادتو زيتك انتي و أستاذة سجود ...شوفو ليكم وادي تغطسو فيهو ...و محامي كارب عشان ح يشيل العيال منكم و اديتها ضحكة شماتة كدا خليتها تتوتر ...زحيت من من الباب و اتلبدت في مكاني جات قفلت باب القطية و زي م اتوقعت اتصلت طوالي على سجود ...شايفة حامد جاي على قطيتها أشرت ليهو و سحبتو على شباك في قطيتها ..كانت بتتكلم بطريقة عادية يعني البسمعها م بقول بتتكلم مع سجود و كانت بتكرر كلمة امي طوالي ...قلت لي حامد ...امشي شيل تلفونها و اعرف هي اتصلت على منو و كلام الالغاز البتقول فيهو دا واضح و حتى ممكن امها تكون متعاونة معاها م تستبعد و بعدين هي كرهتك لمن عملت الحركة الشينة و خليت ابوها يشوفها مع الشاب قبل كم سنة كدا و لي هنا و كلامي معاك انتهى....عاين لي بصرة وش لويت خشمي وقلت ...اي انا عارفة عمايلك م تستغرب اديتو نظرة كدا و مشيت ...لاقتني ربا في وشي ...ربعت يدي و قلت ليها ..خييير ...قالت لي ... لا بس حابة اعتذر ليك ...قلت ليها انتي مصدقة اني بريئة لشنو ...قالت لي .. لانو كلامك صح ...و بتذكرة المرتين الاجهضت فيهم ي بسمة زارتني ي جات شربت معاي القهوة و تكون جايبة معاها كيك و حاجات زي دي ...ابتسمت و قلت ليها ...معليش انا م النوع البقبل الاعتذارات و كلامك القلتي لي دا امشي قولي ل حامد ...لانو تقريبا ح يكون قبض بسمة ب الثابتة....و كان م الليلة بكرا...
يتبع

#حرمة_حامد
[20]
#بقلمي_نسمة_عبدالله 🌼
#الحلقات_الأخيرة 😌
تاني يوم من الدقش بعد اتأكدت انو حامد طلع ل صلاة الصبح ..رتبت حاجاتي و لبست عباية و طلعت ...موقف المواصلات كان بعيد لانو المرة الفاتت جينا ب حافلة خاصة ... كنت ماشية و الضلام شوية خفا ...وصلت و الواطة فتحت قطعت تذكرتي و ركبت مستنية الهايس يتملي ..زي نص ساعه كدا شفت حامد جاي على الهايس الأنا قاعدة فيهو و مكشر وشو اتنهدت بغضب و انا عارفة نيتو ...من غير كلام جا سحبني بقوة و سحب شنطي .... بقيت اتصارع معاهو و قلت ليهو ...م ماشة معاك فكني ...قال ليهو ...هو على كيفك ...قلت ليهو ..اي على كيفي ...انتو قايلني الكلبة حقتكم ماشين و جاين تخبطو و تنبزو ...لا والله ...قال لي ...ألفاظك و بعدين انتي كيف تطلعي برا البيت ...اصبري لي ...قلت ليهو و انا بحاول اسحب يدي ...ح تعمل شنو ..تدقني ..حمر لي و فضل ساحبني معاهو بقوة ...قلت ليهو ..العن اليوم اللمانا بيكم .. لزاني قدامو و قال لي ...لمي لسانك احسن ليك ...قلت ليهو م بلمو و قسم بالله توديني البيت داك اوريكم سارة منو ...حمر لي و م ردا ...قلت ليهو ...يدي وجعتني فكها .. قال لي كويس م ربطك زاتو. ..كنتي ناوية تمشي وين يعني تشردي ...قلت ليهو ..اي اشرد ولا اقعد اتزلا منك انت و بسمة بتاعتك دي ..قال لي ..اسي انا اتهمتك انتي م تصبري الحقيقة تتكشف و بعدين نحكم ...ضحكت و قلت ليهو ...اسمعني لا حقيقة تتكشف لا كلام فارغ امشي شوف مشكلتك براك و حلها و انا ح افضل مصرة على الطلاق و لو فيها موتي ...م ردا علي و عارف نهاية الحوار شنو. .رجعنا البيت و كالعادة ملمومين ...يمة قالت ...كانت عايزة تشرد موش ...قلت ليها ...اي عايزة اشرد تاني في شنو ..حامد لزاني و قال لي ...ساااارة احسن ليك ...لويت خشمي و جريت شنطي و مشيت اتجاه قطيتي و قلن ليهم ...اعتبروني م موجودة معاكم في البيت دا نهائي و م عايزة معاكم حوارات نهائيا م عايزة كلام مع أي زول ...و شغل المطاعنات و حركات تنضمو فيني كل م اجي مارة دا اتمنى م يحصل عشان بعديها انا م مسؤله من تصرفاتي و اذا موته واحد فيكم لانو لا مؤاخذة يعني م بتحمل ...قلت آخر كلامي دا و انا بقيف جنب الباب و بقول ...ولو كنتو اذكياء شوية كان فاشتو بدور دي و عرفتو الحقيقةو دخلتوها السجن بس الذكاء ذاتو نعمة و م اي زول عندو ليهو ...حامد قال لي بنهرة ...ساااارة ..لويت خشمي و رزعت الباب...قعدت جوا و انا بغلي ...م لي غير امي في المحنة دي ...طوالي طلعت تلفوني اتصلت على امي و حكيت ليها الحصل...قالت لي ...ي عويرة م كان تطلعي من البيت ...اقعدي ليهم شوكة في حلقهم و اعملي ليهم رعب في البيت ...قلت ليها ...اعمل شنو ...قالت لي ..حبل الكذب قصير ...خوفيهم لمن يعترفو براهم اعملي اي شي ...قلت ليها برضو م عرفت اعمل شنو ...قالت لي ...في الطالعة و النازلة زليهم زي م هم بعملو و يا ريت لو قدام حامد ...قلت ليها ..امممم عندي فكرة بس لسه م قررتها ...المهم اسي انتو حاولو تطلعو برا البيت دا ب اي شكل شوفو ليكم بيت كويس لغايت انا اطلع من البلد دي ..قالت لي ...والله دي مشكلة لانو ي دوب شغلنا استقرا و أمورنا بدت تتصلح...قلت ليها عارفة بس م في يدنا حل ...المهم كدي ماشة اكل و اسمم ليهم بدنهم...ضحكت و قالت لي ...طيب سلام . قفلت الخط و طلعت من القطية لسه الزمن بدري و حامد بجهز حاجاتو ماشي مع ابوهو الزراعة ...دخلت المطبخ شلت كباية شاي لبن لانو راح علي شاي الصباح و جيت وقفت فوق راسهم و قلت ..الوحدة لمن تنكشف حقيقتها تقوم ترمي اللوم في غيرها ب كذبة شافع م يصدقها...لويت خشمي و قلت .يا رب بركة الصباح العملتو فيني يرجع فيها ...يمة قالت لي بتدعي على نفسك ولا شنو....قلت ليها ..لا الدعوة عامة للعمل و الما عمل ...سكتت مني ...قلت ..سبحان الله مع انو اول مرة اجي البلد دي لكن عرفت بيت الدجالة ...لكن الجو قبلي للان م بعرفو بيتها ...عاينت لي بسمة بضحكة و قلت ليها ...محل الشعر الممعط قام ولا لسه لانو انا ناوية اشيل الباقي كلوووو و يقوم مع بعضو...حامد قال لي ...سارة اقصري الشر احسن ليك و بعدين قلت ليك نحن م اثبتنا حاجة و حاليا كلكم مشكوك فيكم ...قلت ليهو و ل شنو انا الوحيدة النازلين فيها مطاعنات ...حمر لي شديد لويت ليهو خشمي و مشيت وانا بقول حسبي الله و نعم الوكيل ...دخلت الاوضة حقتي و فجاءة اتذكرت حاجة طلعت سرعة و وقفت جمب راس يمة و قلت ليها ...صحي ي يمة موش انتو لمن شكيتو انو حامد عملو ليهو عمل جبتو شيوخ ذكريني كدا الشيوخ ديل القال ليك عنهم منو ...يمة عاينت لي و رجعت عاينت ل بسمة ...ضحكت و قلت ..الله ينور عليك ...امها ل بسمة...ولا تستبعدي انها هي و امها متفقين ...رميت كلامي دا و مشيت ... عدى اليوم مطاعنات تقيلة ..تاتي يوم كان المطبخ حق بسمة ..وقت الاكل لمن جا ...لقيتهم ملمومين ..قلت ليها..بالله ي ربا انتي م تقولي لي ح تاكلي معاهم.

اتفقت مع سجود بدل تفضحها ....و لمن مشيت جبيل استجوبت بدور كلمتني انو هي جات تعمل عمل إجهاض مأكول و عملت نفس العمل دا مرتين من قبل..بس م فكرت اذا كان لي ولا ل ربا و قلت بس عملتو عشان انا اجهض و النار طلقت فيني ...قالت لي ...سجمي و عرفتي ب موضوع إجهاض ربا ب وين ...قلت ليها ...لا علاقتنا انا و ربا اتطورت و هي حكت لي ...قالت لي ..و اسي ناوية تعملي شنو ...قلت ليها ولا شي طلاق بس ...قالت لي ...حامد م عارف الحقيقة ح يصدق الحاجة الشافها ب عينو...قلت ليها ...لا والله نحن ل هنا و انتهينا و موضوع العمل دا م موضوعنا عندي معاهو موضوع تاني....قالت لي ..حامد م ح يطلق ...قلت ليها ..م دام هو مصدق اني عملت العمل ح يطلق...و اصلا لقيتها فرصة اطلق و خلي هو يعرف الحقيقة براهو ...قالت لي ...طيب بسمة دي هدفها شنو ...قلت ليها ..حامد هو السبب ف انو ابو بسمة يشوفها مع الشاب قبل يتزوجوا و كرهتو و حقدت عليهو ..م عارفة زولة عندها تلاتة طفل و عايشة حياة مريحة تاني عايزة شنو ...قالت لي ...لا حول ولا قوة الا بالله و انتي عرفتي دا كيف ..قلت ليها ...ي بت انا سارة يومها اتكلمت مع سجود و سالتها اذا عندها تلفون كبير او لا و قالت عندها عشان تطمن انو انا م شاكة فيها نهائيا و هي اتطمنت و ادتني تلفونها و لقيت مكالمات بينها و بين بسمة و دايما بسمة بتوضح لي انها كارهة سجود دي و لمن حكيتي لي كيف بسمة و حامد اتزوجو شكيت زيادة و عرفت بطريقتي الخاصة انو هو عمل الموقف يوم ابو بسمة شافها و كدا...ابتسمت و قالت لي ..م هينة ..و اسي ناوية على شنو ...قلت ليها ...بكرة من الدقش ح اختفي و م ح تلقوني نهائي ...حضنتني و قالت ...طيب اقلاه اكشفي حقيقة بسمة و سجود ...قلت ليها ...ي زولة مش اخوك دا ..انا م عايزة...بني آدم اناني و شكاك. ...معليش يعني ...قالت لي ...يعني مصرة ...قلت ليها ..ايوة ...قالت لي ..و ولدكم ...قلت ليها ..هو فكر فيهو ولا قال لي مبروك ساي ...على كل متى م عايز يشوفو يشوفو...قلت ليها و بعدين حامد الغبي معليش يعني عشان هو اخوك...عندو ١٢ ولد اللهم بارك ...ح اكون عملت شنو لو خليت ربا تجهض يعني ...معليش لو حامل ب بت كان قال عشان انا اجيب اول بت ...بس لا دا لا دا ...طبطبت علي و قالت ...حقك والله م عارفة اعتذر ليك.كيف قلت ليها .. م ليك علاقة بس اخوك طلع اغبى من م كنت متوقعة .....
يتبع
بارت طويل 😅

#حرمة_حامد
[19]
#بقلمي_نسمة_عبدالله 🌼
فجاءة حسيت بطرقعة قوية في رقبتي و بعدها م حسيت ب اي شي...شوية حسيت ب موية بتترش علي فتحت عيوني لقيتهم كلهم قاعدين و صارين وشهم ...و بسمة بتبكي ...عاينت ليهم و انا بحاول اجمع و فجاءة اتذكرت ...بسمة قالت .. م قلت ليك هي ح ترمي اللوم على الشيطانة دي يمكن حست انو انا الكشفتها و عملت الدراما الحصلت قبل شوية دي ...لمن استوعبت الحصل و انها بتحاول انها ترمي كامل اللوم علي و تطلعني انا الغلطانة بقيت اضحك و اضحك لمن غلبني الضحك ...حامد قال لي ...م ح تقدري تنكري لانو انا شفتك طالعة من بيت الدجال ...قلت ليهو ...طلقني ولا تكلف نفسك تحقق معاي ...ولا ح اشرح ولا ح افسر و لا ولا ولا ...يمة جات ضربتني كف و قالت ...قليلة ادب ..بعد عملتك الوسخة دي ليك عين تتكلمي ...بركة البسمة كلمتنا و عرفنا حقيقتك ...ضحكت شديد لانو م معقول الناس تكون ب الجهل دا يعني انا بعرفهم من متين لمن الحق اعمل عمل قبل ٨ سنة يمكن معمول ..الزمن داك كنت شافعة اساسا ..كيف يصدقو كذبة زي دي...قلت ليها...معليش بس انا بعرفكم متين لمن اعمل ليكم عمل يمكن عمرو ١٠ سنين ..قالت لي ...م بستبعد انك تكوني عاملة داك برضو ..قلت ليها ..لحظة برضو شنو ..ربا عاينت لي وقالت ...انتي بالجد مشيتي عملتي لي عمل عشان اجهض ...ضحكت و قلت ليها ..و انا اعمل كدا ل شنو ..حامد ربع يدينو و قال ...بدور اعترفت ب اي شي و قالت انتي جيتي عملتي عندها العمل عشان ربا تجهض ..قلت ليهو و مصلحتي شنو و لحظة انتو تصدقو وحدة دجالة و م تصدقوني و مصلحتي شنو لمن ربا تجهض ..قال لي ...شفتك و انتي طالعة من بيتها و بسمة كلمتنا ...قلت ليهو ...م هو انا لاحقة الاستاذة المشت عملت لي انا عمل عشان اجهض ...و بعدين هي و زوجتك السابقة على تواصل من بدري و هم العملو ليك عمل الاكل و اعتقد ربا اجهضت مرتين من قبل و دا برضو ب سببهم هم الاتنين ..قال لي و بسمة تعرف سجود من وين ...قلت ليهو ...ي زول انا لا عايزة معاك كلام ولا ح افسر ليك ..طلقني بس و بعدين حاول براك تكتشف هم بيعرفو بعض من وين ...سجود عملت عمل الاكل ..و بسمة حق الاجهاض ..و بدور الدجالة الصدقتوها دي ان شاءالله تنفعكم...قمت منهم ب زهجة وانا شايفة ربا و سمية يبكو ...لا بسمة حكت ليهم شنو. انا عملت عمل لي ربا عشان تجهض ..و كيف قدرت تخلي حامد يصل البيت في الفترة القصيرة دي.... سامعة يمة و قالت ...بركة الشفتيها ي بسمة ...دخلت القطية حقتي و لميت عفشي و طلعت ...لقيتهم كلهم بعاينو لي ب ضيق ...الا رماز كنت عارفة انها عارفة انو بسمة كذابة بس م عارفة تدافع عني كيف ..حامد عاين للشنطة في يدي و قال ..دا شنو ..ختيت الدهب قدامو و قلت ليهو ...انا راجعة بيت اهلي ..و دا دهبك عشان م تقولو طماعة و عيني م ملانة ...و ي استاذ م تجي تفتشني لمن تعرف الحقيقة ...تجي تجيب لي ورقة طلاقي م اكتر ...و حاجة كمان اظن انك تعرف شارع بيتنا سمح ...قال لي بنبرة غضب ...اقسم بالله تعتبي الباب دا م يحصل خير ...و ماشة وين في الليل دا ...قلت ليهو ... جهنم ..يمة قالت ..و مستعجلة ل مصيرك ل شنو ..جريت الشنطة رجعت القطية و انا بقول ..م هو لو فضلت هنا هو الحا يجيني م انا ح امشي ليهو ...نص الليل كدا جات رماز بالدس ...و اصلا م جاني نوم كنت بفكر بسمة قالت شنو ...دخلت و قفلت الباب سرعة جات قعدت جنبي و قالت ...انا مصدقاك ...قلت ليها ..عارفة بس احكي لي الحصل شنو .قالت لي...الحصل ي ستي انو بسمة لقت حامد بفتش عليك لمن طلعتي من هنا و على م اعتقد هي شافتك و عرفتك لمن لحقتيها و طبعا م عندنا مرة تطلع براها ف لمن حامد لقاها في الشارع قالت ليهو انتي طلعتي من البيت بتبكي و قالت تلحقك م يحصل ليك شي و شافتك خشيتي البيت داك و قالت عايزة تدخل وراك بس قالت احسن تسأل دا بيت ناس منو اول و سألت وحدة و قالت ليها ..دا بيت وحدة دجالة اسمها بدور احسن تبعدي منها و قالت لمن هي راجعة تكلمنا لقت حامد و ساقتو معاها و شافوك وانتي طالعة ...رجعوا قبلك ب دقايق بس و انتي جيتي داخلة ..ضحكت و قلت ليها ..و متين اتكلمو مع بدور ...هزت راسها و قالت ...كذبوا عليك عشان تعترفي ...قلت ليها ..اعترف ب شنو ياخوانا...قالت لي ..انا مصدقاك بس الما قادرة اصدقو كيف بسمة عملت كدا ...قلت ليها ..الشعر الأسود حق الزول الخنقني اليوم داك حق بسمة ...شفتها ب الصدفة و هي بتسرح شعرها و محل المعيط ..ف قلت مع نفسي م معقول بسمة تكون ختت عمل ليهو قريب ال١٠ سنة لانو م ليها اكتر من ٥ سنة من اتزوجت حامد..و عرفت انها سجود السبب الاساسي ...و سجود استغلت حتت انا م عايزة ابيت في غرفتي و قالت ل بسمة تدفن العمل..بس لمن لقيناها و جرت عشان م نعرفها قررت تضللنا و نشك في سمية و ربا ....و عرفت انها متفقة مع سجود لمن شفتهم بتكلمو مع بعض ب التلفون و متواصلين ..و زي م قلت ليك سجود عملت كدا عشان سمية تطلق و يشكو فيها و بسمة اكتشفت انو سجود عاملة ليهن عمل ب طريقة م عرفتها و

#حرمة_حامد
[18]
#بقلمي_نسمة_عبدالله 🌼
طلعت من القطية و انا حرفيا من الزعل عايزة اطق ...اصلا من اول يوم ضميري قال لي احسن ليكم بيتكم دا لكن كنت غبية ...لقيت رجولي طلعوني برا البيت بقيت ماشة وانا بفكر اعمل شنو ...اجيب قروش من وين ...لازم ب اي طريقة القى محل اودي اهلي فيهو ... حسي انا اتغشيت ب البساطة دي من حامد و كان عامل دور البريئ ...انا بعد دا لو قعدت معاهو ببقى عديمة كرامة الطلاق هو الحل الوحيد...في مشيتي شفت لي مرة قصيرة خدرا مقسمة متلتمة و المشية دي م غريبة علي ...طوالي اتلتمت و بقيت ماشة وراها ...حتى التوب دا حامد جايب لينا الأربعة منو ...بس ب الوان مختلفة و م بعرف اللون دا حق منو ...مشينا لمن قلت خلاص طلعنا برا البلد دي فجاءة كسرت دخلت بيت كدا ...قلت اتوكل اذا دا بيت الدجال بعمل روحي جاية ليهو و نشوف اليحصل و اذا دا بيت ناس عاديين بعمل نفسي ضايعة ...دخلت و زي م متوقعة دا بيت الدجال في كم مرا مرصوصين متلتمين انا زاتي صلحت بليمتي و قعدت ...و شايفة المرا الأنا لحقتها قاعدة بعد زمن دخلت و بما اني وراها طوالي و زول وراي ماف لحقتها وقفت جمب الباب حق الاوضة ...قلت مع نفسي ماف شباك هنا ...لفيت سرعة كدا م لقيت ...رجعت وقفت قدام الباب و بحاول اسمع ...جوا في صوت نسوان بس ماف صوت راجل ...فجاءة الباب اتفتح رجعت ورا و نزلت عيوني عشان م تعرفني عاينت للشبشب و قلت ...في داعي حامد دا يجيب لينا اي حاجة طقم ...المهم اتاكدت انو سمية برا الكلام دا لأنها صفرا و دي خدرا ...عايزة امشي وراها ..بحركة تلقائية عاينت للدجال وقفت مصدومة لمن لقيتها دي بدور زاااتها ...لقيت نفسي رجعت بغضب وقلت ...اخخ ي معفنة ...هي زاتها اتخلعت ... فتحت وشي و مسكتها من رقبتها و قلت ليها ..و تقولي لي ..شفتهم عند واحد دجال و انتي الدجالة زاتك ...لزتني منها و قالت...انتي وصلتي هنا كيف ...قلت ليها ..لحقت ضرتي المعفنة البتعمل عمل ل حامد . قالت لي ...فكيني م قادرة اتنفس ...قلت ليها ..ي دجالة و الله لو اموتك و اخش السجن م عندي مشكلة ...احكي جات تعمل شنو عندك ...قالت لي بخنقه...عملت عمل ل وحدة حامل و قالت م عايزة الحمل يتم ...فكيت رقبتها من يدي و قلت ...دي عايزة ولدي يموت قبل يجي ...رجعت مسكت رقبتها و قلت ليها ...الله لا جاب باقيك انتي وهي ...عايزين تكتلو ولدي ي معفنين ...قالت لي ..انا بحاول اتوب بس م قادرة ...و لمن حكيت لي امك عن العمل كان بحسن نية ..دفرتها و قلت ليها ...وين حسن النية ...عاينت للمحل بقرف و قلت ...أعوذ بالله منك ...و كان عايزة تتوبي دا شنو الانتي فيهو دا دم و قرف ...قالت لي ...دي حاجة م ليك علاقة بيها انتي اطلعي منها م ليك غرض ب توبتي ...كنت عايزة ارجع اخنقها قالت لي ...أنا م عايزة اضرك ف ما تخشي في مشاكل معاي ...بقدر اجهجك وبدون م اتعب نفسي بس عشان انتي بت صحبتي ....رجعت و قلت ليها...امي لو عرفتك دجالة ابقي قابليني لو عاينت ليك ساي و اصلا بحذرها منك ...انتو عملتو عمل عشان تخلوني اجهض ف ضرر اكتر من كدا...قالت لي ..م كنت بعرف دي انتي ...قلت ليها ...و فرقت هي كان انا كان غيري ...سكتت مني و لفت وشها ...نفضت جسمي لانو حاسة الوسخ دا اتلصق فيني و قلت ليها ...لو عايزة تتوبي اجدعي اي شي وراك و اطلعي من البلد دي ..فجاءة اتذكرت العمل رجعت مسكت رقبتها و قلت ليها نوع العمل شنو ...لزتني بقوة و قالت لي ...م تمسكيني تاني قلت ليك ..أشرت ليها ب اصبعي و قلت اتكلمي احسن ليك و الا نموت انا و انتي في المحل دا و اكون اخدت ثواب ...قالت لي . مأكول ...قلت ليها ..حسبي الله و نعم الوكيل فيكن ..ماسكين حتت الاكل دي شديد ..قمت طلعت و قلت الحقها و انهي القصة دي....مشيت بخطوات سريعة اتجاه البيت . .دفرت الباب و كانو كلهم قاعدين ...قلت ليهم انا بعد دا م بتحمل المهزلة دي ولا لي يوم ...كلهم عاينو لي ب استغراب ...لقيت نفسي بغلي ...جريت على بسمة و مسكتها من رقبتها و قلت ليها ...انتي ي معفنة عايزة تكتلي ولدي قبل يجي للدنيا دي ...اقسم بالله م اخليك ي تموتي ي تموتي ...مسكني حامد منها و قال ..انتي مجنونة...صرخت فيهو و قلت ليهو ...اي ح اجن ب وراكم انتو ديل ...و انا الغبية طول الوقت قايلاها طيبة و على نياتها و حتى صاحبتها بس هي عايزة تعمل شنو عايزة تكتل ولدي ...فجاءة حسيت بطرقعة قوية في رقبتي و بعدها م حسيت ب اي شي....
يتبع
بدور أسألكن 🤔
ليه ماف زول شكا في بسمة نهائيا نهائيا ليييه بس🙂

انتي دخلتي نفسي م هم و غير كدا انبهرت من اول مرة ب ذكائك أدبك و انك م بتخافي من زول ...قلت ليهو ..و قلت ل نفسك دام ابتني اذلها ب أهلها...مسح وشو و قال ...افهمي ي بت الناس طالما انا و انتي كويسين اهلك كويسين ...عاينت ليهو بحرقة و قلت ...لا والله انت م دام ذليتني مرة ح تعملها تاني و تالت ...و اول م تحصل مشكلة بيناتنا ح تذلني ... هو انت قايل انا زي نسوانك ديل ...لا معليش شكلك لسه م بتعرف سارة منو ...
......
امبارح زي م عارفين موضوع الكهربا و كدا + انا تعبانة ي ناس والله البارت قصير لانو دا أقصى طول اقدر انزلو ب صراحة و زي م قلت ليكم اذا عايزين بارت هدية التفااااااااعل يخوانا يكون حلو ينزل بارت هدية و بس كدا ❤️🙂
محبااات❤️😊

يتبع

#حرمة_حامد
[17]
#بقلمي_نسمة_عبدالله 🌼
..قلت ليها ... رشييييدة اقسم بالله انا لو جيتك م بحصل خير ..قالت لي...اي هو ....فصلت الخط و ضغط على التلفون بقوة و صرخت و قلت ...وانا الكنت قايلة اني ممشية الأمور ب ارادتي ... و كنت قايلة روحي ذكية ..بس طلع هو اذكى ...كيف يعمل كدا ..
فضلت الف جو القطية ب زعلة و قلت الا أواجه...بس طق جا في بالي انو ناس امي قاعدين في بيتو ....و اكيد اول حاجة ح يعملها انو يذلني ...بس قلت لا لا ياخ حامد م بعمل كدا ...اااخ ي سارة طلعتي مغفلة ...اقطع لساني اذا م هو عمل اللعبة دي على بسمة ...قعدت في السرير و قلت ...طلعت داهية ي حامد و حابك اللعبة من اول ...اصبر لي بس ...م ابقى سارة اذا م دفعتك تمن عملتك دي انا تغش علي ..اخ بس اخخخخ...اسي انا م فاضية ليك لازم اعرف العمل العمل منو.. بما انو سمية و سجود مرقو م فضل الا ربا ...بس ربا حامل و الضرب الضربتو ليها دا اصلو م هين ...عاينت للشعر ..هبشت شعري و ابتسمت بضحكة ...تاني يوم بعد الفطور شلت المشط حقي و دخلت قطية رماز و قلت ليها ...لمي العدة عندي موضوع ...استغربت و قالت لي ...خير ...قلت ليها ..انتي كدي لميها و اعزمي ضراتي ديل ...لمتها و خمسة دقايق كانت القطية ملانة ...رماز بتعمل في الجبنة قمت فرتقت شعري و قلت ليهم ...ماف وحدة فيكم تعرف تعمل مشاط حلو عايزة اعمل شعري بوب ...سمية قالت لي ..تعالي انا بعرف ...شلت السجادة و قعدت ليها ...قمت قلت ليها ..والله شعري في الشتا دايما بعذبني ...طوالي بجف و هيشان م طبيعي ...ضحكت و قالت لي ...مع انو سبيبتو حلوة و غزير ...قلت ليها ..م يغرك منظرو دا اصلا عشان اهملتو بقا زي دا لكن اول م اهتم بيهو طوالي ببوظ ...ربا قالت لي ...سبحان الله شعري برضو في الشتا بعذبني ...قات ليها..لا ياخ انتي عشان حامل و الحمل بأثر على الشعر ...فتحت شعرها ببساطة و جرت ضفيرتها و رفعتها لي و قالت ...حتى شوفي التقصف و الهيشان ...قلت ليها ...لفي م تضفري ...قالت ..ولد ي محمد اجري جيب لي المشط و الزيت من دولابي ...خمسة دقايق جابهم قلت ليها اعمليهم أربعة لفات ...شقتو قدام عيوني و دا أكد لي شكوكي كلها ...فجاءة فكيتها ضحكة قوية قامت رماز قالت لي ...بتتضحكي مالك ...شلت نفس عميق و قلت ليها ...بالله عليك ي مصطفى لم اخوانك و امشي العبو برا و نادي لي يمة ...استغربو بس سمية عادت ليهو كلامي شال اخوانو و طلع و جات يمة ...وقفت على حيلي و نفضت توبي و قلت ...طبعا كلكم مستغربين سبب اللمة و اني ناديت يمة لي شنو ...المهم انا عايزة اقول ليكم ..انا حامل ...كلهم شهقو كلهم و جو يباركو لي ...ح تقولو شكلك م كنتي عايزة تقولي كدا ...اي لانو انا عرفت العمل العمل منو بس اول يكون عندي دليل و تاني شي انتقم من حامد على عملتو بعدين اكشف العمل العمل منو ...و يوم عملنا الفحص طلبت من الدكتورة حتى لو طلعت حامل تقول م حامل ...كنت خايفة يحصل لي شي اصلو البيت دا نصو خسيسين..و كنت م بعرف العمل العمل منو بس اسي ماف سبب يمنع ...و اذا حاول العمل العمل يهبشني دا ح يكون اثبات تاني برضو...بعد المباركات الحصلت دي تمينا ونسة و نصايح عن الحمل ..رجعت غرفتي و جا في نفسي اسأل رشيدة دفع ليها قدر شنو ...و عشان امبارح ناوية اسالو م لقيتو نهائي...في قعدتي دي جا داخل و كان اليوم اصلا حقي ...قمت قلت ليهو. ..انت كيف تعمل كدا فيني ..عاين لي ب رفعة حاجب و قال.... في شنو ...قلت ليهو ...من البداية لعبت علينا لعبة شينة م كنت متوقعاك كدا ..انت مشيت دفعت ل رشيدة و خليتها تذلنا و تمرقنا من البيت عشان ببساطة انت تجي تعمل هاشمي و تعرسني و تكون وصلت للحاجة العايزها ...رفعت اصبعي و ضربتو في صدرو و قلت ليهو انت اكتر بني آدم اناني شفتو في حياتي ...ابتسم و قال ...و اسي اعمل ليك شنو يعني ...الدم غلى في عروقي و قلت ليهو ... دي م طريقه ليك وانت وقت قالو ليك م عندنا بنات للعرس كان يكون عندك حبة كرامة ...ميل على و قال ...كرامة ..ضحك و قال ..لمن شلتي نص المبلغ من رشيدة وين كانت كرامتك ...ولا وين ح تكون كرامتك دي لمن اطلع اهلك من بيتي ...دموعي نزلو و قلت ليهو ...انت بني آدم مريض...اتلفت و قال ...م مهم المهم في النهاية عرستك ...قلت ليهو و القال ليك ح افضل معاك منو ...قال لي ...طلاق ماف زي م عارفة ...و ضيفي على كدا ح تمشي وين انتي و اهلك ...قلت ليهو ...إن شاءالله نعيش في الشارع ولا نتذل عندك ...قال لي ...انا م كنت عايز اقول ليك كدا بس واضح انو انتي م بتفهمي ب الحسنة ف قررت استخدم الطريقة دي. ..صدقيني انا م كدا بس انجبرت ...انا عيبي لمن حاجة تدخل نفسي الا تبقى حقتي ...قلت ليهو ...يخ وقفت علي انا .. بنات حوا راقدات وقفت علي ...مسكها من كتفها و قال ليها ....

#حرمة_حامد
[16]
#بقلمي_نسمة_عبدالله 🌼
سرحت شوية و قالت لي ... انتي ل شنو صدقتيني ب السهولة دي م ممكن اكون بغش فيك ...رجعت وقفت قدامها و قلت ليها...بعرف الزول من عيونو اذا بكذب ولا لا ...و بعدين الدفن العمل شعرو اسود..وانتي شعرك ي احمر خلقة ي مشمس م بعرف ...ابتسمت وقالت ...طيب جيبي تلفونك اسي وريني الصورة..قلت ليها ..م عندي عايزة امي ترسلها لي ...مشت قدامي و قالت .. طيب في انتظارك ...مشيت قطيتي دغري اتصلت على امي الشبكة كعبة شديد في المكالمة كل شوية تفصل ...قلت ليها ... أمي عايزة صورة ل بدور دي ضروري ...قالت لي ..ي بتي انا تلفوني ربيكا ارسل ليك ب وين ...سكت لانو دي مشكلة و م عندي زول اوصي و الحتة دي راحت من بالي ...قلت ليها ...طيب اشوف حل و ارجع ليك ...قالت لي ...حصل شنو ...بقيتي م بتحكي لي ...حكيت ليها الحصل قالت لي ...سجمي و ل اسي م عرفتو ..قلت ليها نهائي ...قالت لي اسمعي كلامي دا كويس ...العمل العمل دا غرضو واحد سمية تطلق ... اسي انتو تعملو شنو تتفقي انتي و سمية انو تطلع إشاعة انها أطلقت...قلت ليها ..طيب اذا هي عملت العمل ...قالت لي ...لا م هي .. قلت ليها و انتي المخليك واثقة شنو ...قالت لي ..لانو بدور لمن وصفت المرا قالت قصيرة مقسمة و شوف عينك سمية م شاء الله طويلة و صفرا ...و العملتو قالت خدرا ...ربطة الكلام و قلت ...ربا و سجود خدر ...قالت لي ب الضبط كدا ...معناته ي اما ربا اما سجود...فصلت من امي و طلعت الشعر و كان اسود ...كدا سجود مرقت لانو شعرها احمر ...يعني العمل العمل ربا ...اصلا قلبي كان حاسس ...شلت رجولي ل قطية رماز...دخلت جريت الباب ..قلت ليها ...رماز انتي ربا دي حامد اتعرف عليها كيف ...قالت لي اتلاقو هنا في البلد دي ...قلت ليها ...ربا عندها منو من اهلا هنا ...و الجابها البلد شنو ...ضحكت و قالت لي ...ربا بت جدها ل سمية ...و جات ل سماية مصطفى ...و حامد شافها ...و دغري كلم أهلها...قلت ليها ...طيب اهل ربا م كان عندهم اعتراض...هزت راسها ب لا و قالت ...سيحان الله وافقو طوالي كأنهم منتظرين نسألهم. ..قالتها ب هظار كدا و ضحكت .. قلت ليها ...و هي م رفضت خالص و م انبها قلبها و انو سمية دي بتبقى ليها ...هزت راسها ب لا و قالت ...سمية شجعته على الفكرة اساسا و كلمتها انو حامد قادر يعدل بيناتهم حتى علاقتهم مع بعض حلوة ...سكت و قلت ليها ب هظار ...حامد اتعرف على نسوانو كللهم في البلد هنا ولا شنو ...قالت لي بضحك ..اسمهم حريم ...ضحكت و قلت ليها ...كل مرة اقول ل حامد نسوانك يعاكسني و يقول لي ..اسمهم حريم ..قالت لي ..اي و المفرد حُرمة يعني هو بحترمكم و بقدركم و انتو حاجة خاصة بيهو ...قلت ليها ...حُرمة حامد ...قالت لي ...بالضبط ....قلت ليها ...حتى بسمة اتعرف عليها هنا في البلد ...قالت لي ..لا بسمة دي قصتها طويلة ياخ ...قلت ليها ..احكي لي ..قالت لي ..اكيد ...بسمة ابوها كان النوع الصعب داك و م عندو كلام الحب و الفارغة حقت البنات دي...و ل حظو بسمة كانت النوع البحب العلاقات و الارتباط...و جمالها كان مساعدها و خلاها مغرورة....حامد شافها و قال عايزها ...و طلب مني اسألها من رايها و هي رفضت ..و الكلام فضل بيني و بينها ...و بالصدفة مرة كلمت يمة ب الكلام دا و م ختيت في بالي ...ف مرة ابوها ل بسمة قبضها قاعدة مع واحد في كافي و حلف بس يعرس ليها و راجلها يلمها ...و امها كانت عارفة ب موضوع حامد دا لانو امي اتكلمت ليها فيهو ونسة عابرة ...طوالي كلمتو و قالت ليهو حصل كدا كدا كدا...و للصراحةحامد اخوي راجل م بتفوت و ابوها عندو معرفة بيهو و عرف انو حامد ح يقدر ليها ....وقتي اتصل على حامد و عقدو ليهم و فترة و اتزوجو ...و بسمة اتقبلت الوضع و هدا اسي عندها تلاتة وليدات و حياتها مستقرة و اتأدبت ...في البداية كانت يومي مدورة مشاكل مع حامد ...و حامد قالها ليها ب صريح العبارات طلاق ماف لو تموتي... قلت ليها ..و حامد مجبور يتحملها...ضحكت و قالت لي ...حامد مشكلتو لو عاز حاجة ب الحسنة ولا ب السيئة يشيلها يشيلها ....كلامها دا جاط لي راسي ...قمت طلعت منها اتصلت على امي ...قالت لي ...خير ..قلت ليها ..أمي اديني رقم رشيدة ضروري...قالت لي ..و دايرة شنو من المرا دي ...قلت ليها ..بحكي ليك بعدين ...قالت لي ...دقيقة سحر تجي تشوفو ليك ...ملتني الرقم ...اتصلت عليها ردت من تاني جرس ...طوالي قلت ليها بدون سلام ...حامد هو الطلب منك تجهجهينا و تقولي عايزة قروش الاجار و تجيبي الشرطة كمان موش ...قالت لي انتي منو ...قلت ليها ...صح ولا لا عشان م اجيك في محلك ي رشيدة و اكتلك و اريح ضميري و اصلا انا من زمان شايلاها تجاهك و السجن م خسارة فيك ...قالت لي ...انتي متصلة تهددي ...قلت ليها ... رشييييدة اقسم بالله انا لو جيتك م بحصل خير ..قالت لي...اي هو ....
يتبع
بعتذر عن أمس و انو م نزلت ل ظروف ....❤️