☣ طريقة الدراسة لطلاب مرحلة اولى لان اغلبهم لحد الآن دا يمشي بطريق بعيد عن الطب و محتواه و نهايته وهذا الطريق خطأ خلال اول 3 سنين بالطب لان هنه البيسك مالتك و اذا بيسكك ضعيف فإحتمال تتخرج وغالباً كطبيب فاشل او ما تتخرج أصلا ..
الطريق الصح للطب هو
"فهم ثم تخيل ثم تطبيق ثم حفظ" نجي شلون نطبق هذا الشي.. حنقسم مواد الأولى لنظام الفصلي لقسمين :
◾️ القسم الأول و الأكثر أهمية :
التشريح و "
الفسلجة في بعض الكليات " ومواد "
الباثو و
الفارما و
المايكرو في نظام الموديول "
◾️ القسم الثاني ويكون متوسط الاهمية : البايو و الهستو و الأجنة و الفيزيا و الكيميا
🔘 بعد ما قسمنا المواد.. نجي ندرسهن من القسم الاول للثاني وحتلو صار عدك تراكم بالقسم الثاني فشي طبيعي.. المهم القسم الاول ضابطه و يوم بيوم تقراه.
⚪️ طريقة الدراسة :
1⃣ تبلش تشوف فيديوات على اليوتيوب و عندك هواي بروفات و دكاتره اجانب و عرب و عراقيين و موجودين أفضلهم بالبوت
@UOWABot..
2⃣ ترجع للملزمه مالتك تقراها و اي معلومة بيها حاول تفهمها بأي طريقه.. ( من خلال اليوتيوب او مواقع ع النت او تسجيل صوتي او فيديوي لدكتورك او تسأل )
3⃣ تشوف صور ومخططات و تحاول تكتب ملخص او ترسم اذا كان تشريح
4⃣ حاليا كملت 75% من المادة ( بالزايد كل لكجر ياخذ منك ساعتين او ساعة) فتبلش تحل mcq وعندك مصادر بالبوت و بالقناة و اسئلة جامعتك.
5⃣ تسوي رفيو سريع بعد ما كملت او تصعد ميت مع صديق الك و تراجعون سوه
بعد كل هذا انت ضبطت المادة وانت بالطريق الصحيح و بالتوفيق
