نعي + ابو ذيات + هوسات

ابوذيات بمناسبة وفاة ام البنين
سلام الله عليها

مصايب لفت يصعب حيل عدها
شگد چانوا بدور وگمر. عدها
حرب لأم البنين الوكت عدها
خله الدار بس وحشه وخليه
★★★★★
الوفيه ام البنين الآل طالب
لفاها الدهر الها بيش طالب
الوفه اتعلم وفه من صار طالب
ابمدرسة الوفاء الكلابيه
★★★★★
بچبدها لوعة العاشر ومرها
لفاها الموت من راحوا ومرها
ابحيره رايها اصبح ومرها
عگب ذاك الجره بالغاضريه
★★★★★
بآل المصطفى دايم وجدها
الضَيَّعها ابمحبتهم. وجدها
من ابوها أمأصله فاطم وجدها
اشگد ضحت الحماي الحميه
★★★★★
عدها ورورد من تذكر وردها
خذاها الشوگ يم الطف وردها
خبر من كربله يكتل وردها
اهلها اتذبحوا. فوگ الوطيه

الشاعر حسن لعيبي الحريشاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابيات نعي لمولاتي وسيدتي ام البنين ع

تظل لام البنين ادموعنه اسيل
ونحس وياهه عدنه اهواي تقصير

الحاجه الماتصير وتصعب امرار
بس نذكر حسين اگباله اصير

وذا الزهره ضلعهه صابه بسمار
بضلع ام البين اشكد  بسماير

شافت ويل من إفراگ الضعون
وكل يوم اليمرهه تنوح وتحير

تدير الوجه ساعه وتبچي ساعات
وجهه لكربله كل مغرب أدير

تگله افراگ وجهك يبني چتال
لون ترهم وراهه اضعونك نسير

ونمشي لكربله وياكم اهناك
ونخلي الخيل فوگ اصدرونه تغير

وكبل كسرت اضلوعك يبني حسين
تكسر اضلوعي كون الخيل تكسير

واذا يجبر كسرهه الودام وطاب
عسن لا طاب كسرى ولاله تجبير


ومثل ما حالك تغير بالخيول
عسن حالي ييمه يصيبه تغير


الچ  يام  البنين الدمع  ياريت
عيوني وكون أزور الگبر ياريت
الدنيا وي الزمان عليج ياريت
وصبح گبرچ مثل گبر الزجيه

الشاعر احسان الحميداوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي لوفاة السيدة أم البنين عليها السلام

*

گرب اجلهه   وتلتفت  وين
عباس لا  يمهه ولا  حسين

ما  صح  ولد يم  راسهه ينوح
يا حمل   محد   شاله مطروح

دمع الغريب   يطيح  بارد
لا ابن لا صح  حظن  والد

حيره اليموت ومامش  اعزاز
ياهو  اليجي  ويصير    جناز

دارت  وجهه لصوب  الطفوف
منا   لحد  ما  شيب   الشوف
الله    يعازة    ذيچ   الچفوف


من المدينه   الكربله  احلام 
ام    البنين   شلون     تنلام
رادت بحظن   اولادهه  تنام


بعيد  اليشيل  اللوحه ويصيح
بعيد الورى أمه  يگوم ويطيح


جوه  التراب  الردت  طوله
عباس ها    يبن    الحموله
بيه   الكلام الصعبه  أكوله
تمنيت تحضرني بمنيتي

علباب  اباوع   هلبت   يهل
المن  زغر  سنه چان  يكفل
بعد الولد  خلصت   اتعلعل
والهوى بدونه يأذي ريتي


يولادي    من  الموت   ردو
وفوگ المتون  النعش  زتو
ها    يلحنان  هناك    شلتو 
يحسين يمه  الموت اجاني

نتلاگه      يم   الزهره  ارواح
دم     النحر     بالضلع  ينلاح
والهامه ذيچ  وذيچ الچفوف
يبچن    على الاذنه    الرماح 

يلتم  حزن    زينب   والاطفال
وعبد الله بعده برمح    ينشال
ونسوي مجلس بأسم الحسين
يم العرش بس دمعه     تنگال


كلمات خادم أم البنين / رعد الفريجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي
حوار بين الأمام علي ع وفضه بعد تغسيل الزهراء ع


حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره

يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره

يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره

تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره

                                          *---------------*---------------*

✍ خادم الزهراء ع
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي

راحت فاطمة يم گبر ابـــــوها
تگـــــله بضــــعتك وليه ولـوها
ضلوعي طبگت اكتاب اطبگوها
سياط الحقد بمتوني اطبعــوها

رفسـآني  النذل ونــگطع نفـــــسي
على اعيوني سطرني وطفت شمسي
باسمك حشــميت وغاب حـــــسي
وكلما صيح بويه وياي يقـــــــــسي


لا عنده حميّه لهزّت احـــساسه
احرگوو دارها يأمر على ارجاسه
عصرني اباب داري ولخدر داسه
ولمحسن وگع  ونخمت انــفاسه

اگعد يبو القاسم شوف حالي
وشوف الصار يا بويه وجرالي
انهضمة وراح كل عزّي ودلالي
عگب عينك غدت سود اليالي

✍️علي كاظم المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

أبو ذيات في شهادة الإمام العسكري عليه السلام .
ـــــــــــــــــــــــــــــــــــــــــــــــــــــــــــــــ


تِحِضرَك فاطِمة الزهرة لَوَنهَه
تُوِن وِجــبَال تِتفَطّر لَوَنهَه
تِــشاهِد حَالَك ٱتغَيّر لَوَنهَه
يِگطّع چَبدِتَك سِمّ المِنيّة

ـــــــــــــــــــــــــــــــــــــــــــــــــــــــــــــــ

شتِريدِ الدنيا مِن عِندك وَشِلهَه
سِمهَه ٱحشَاك گطّعهَه وَشَلهَه
وخَلّص حَتّى مِن عَيني وَشِلهَه
وبُقَت بَس بالدّمه ٱعيوني جِرِيّة

ـــــــــــــــــــــــــــــــــــــــــــــــــــــــــــــــ

إلَك ما أبخَل بحَــسرَة وَجِرهَا
مُصابَك جَمرَةِ ضلوعي وَجَرهَا
عَليك الدمعة مَذروفة وَجِرهَا
ٱنكتَب باللّوح يَم رَبّ البَرِيّة

ـــــــــــــــــــــــــــــــــــــــــــــــــــــــــــــــ

**

هوسات في شهادة الإمام العسكري عليه السلام.
ـــــــــــــــــــــــــــــــــــــــــــــــــــــــــــــــ

وَسفة ٱبن النجابة والشرف ظلموه
ما رَاعَــوا گرابة جَدّه وحِـشموه
سَليل الدّين أهـــل الجور سَمّوه

مصدوع الدِين وأركانَه

ـــــــــــــــــــــــــــــــــــــــــــــــــــــــــــــــ

وعلى امصابه الملائك تِهمِل العَبرَة
وَبو صـــالِح دِلِيله يِلهَب بجَمرة
ضَـــــجّت بالألم والدمعة سَامَرّا

ولِبسَت ثوب اسود حَزنانة

ـــــــــــــــــــــــــــــــــــــــــــــــــــــــــــــــ

إبن حَيدر علي باب العِلِم مظلوم
ودَارَه مظلمة وبالوَنّة هذا اليوم
طايِح يا وسافة والچبِد مسموم

وظَل خالِي وموحِش دِيوانَه .

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي الى رسول الله  (ص)

ما   شفناك   مره  ولا  نظراناك
انحبك حب على الفطره السليمه

يابو الزهراه شكثر مشتاگه الگلوب
وليحبك   ربح   حبك   غنيمه 

نريدك عون  لو  ما  نلگه  عوّان
يابو الفزعات ولوگفه العظيمه

تنحب شيعتك لمصابك اليوم
وتبجي ام الحسن  ظلت  يتيمه

محتاجين  وگفه  ومنك  نريد
الحزن من فظلك وجودك تجيمه

عذبنا  الدهر     مولاي  ننخاك
بجاه  حسين  ولحيه  الكريمه

وبحق  زينب  هذيجه الطبت الشام 
وبحق اصحابه وولاده وحريمه

تفرجها  علينه  بساع  وزول
وترجع  ذيج  لمتنه  القديمه

ومن نگعد سواه ونذكر حسين
ندنك  روسنه  ونصرخ  هظيمه

ابو هاجر المجراوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

#أبوذيات مفجعة

البخت دار بهداوة.. دار عينه
وصدرة برمح باشط.. دارعينه
الشمر يذبح واخيي... دار عينه
علي وانكطع نفسه وحار بيه


بجينه وآنه لتضن.. دمعي ابينه
افه وماراح تلكه.. دمعه بينه
شبكنه حسين وتخر.. دم عبينه
لحد مانكعت أرض الغاضرية


وحك فراكك الطشر.. لمتنه
طاح حسين والوادم.. لمتنه
انسحك متنه وامد ايدي.. لمتنه
غفلة وجرته الخيل من ادية

تل ما شفنه بالطف.. بس تل ام عون
هلي والدم خذاكم. بس تلمعون
شني معقولة زينب. بس تلم عون
وتعوف حسين مرمي اعله الوطية

موش ادموع بالطف ماشكتله
دمه والروح شكوة ماشكتله
الشمر عطشان گلي ماشي اكتله
بحقد وذبح اخوج بذني اديه

اسماعيل السعيدي

#اللهم_عجل_لوليك_الفرج

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات
استشهاد النبي الاعظم (صلى الله عليه واله

🔸🔸
بفاتحته اصيحن آه وي آه
ونار بمهجتي فرگاه وياه
ابوي وريت كون اندفن وياه
يحيدر راحتي بهاي المنيه
🔸🔸
الزهره ياابو الزهره وجنها
يهل جمره ولياليها وجنها
عليها التمن امصايب واجنها
رحيلك والضلع والغاضريه
🔸🔸
انجرح گلبي بغيابك وابد منشال
والأنكر وصيتك ريت منشل
لنعشك يارسول الله من شال
بس حيدر حضر وكت المنيه
🔸🔸
سور وايات لمصابك هم الهن
وعليك الوحي دمعاته هملهن
زمزم والصفا لطمن هام الهن
عنهن من غبت يابو الزجيه
🔸🔸
علي حسين المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات إلى الحسين عليه السلام

لسان حال زينب عليها السلام

&-&&&&&&&&&&&&&&&&&&&&


المريض المنكسر خاطر دواء وين
وأنا اختك يا حسين اسمع دواء وين
لن بشام اطب خويه دواء وين

وراسك بالطشت ينضر عليه



الدهر من امتحن صبري عفاني
وابو فاضل أمن تگطع عفاني
لكن اختك الهيبه عفاني


شرف والستر متفصل عليه



گلبي غير حبك ما تم أن
وي ما متت بالطف ماتم أن
كلمن خله مجلس ما تم أن


اجره مسجل بسجل الزجيه



الدهر من عگب ابو فاضل لوانه
وليش اعله النهر واگع لوانه
حسين شلون لو ميته لوأنه

منو عينه على سكينه ورقيه




الگمر يحسين ماخذ لولنه منك
و خبر كان وكان لولنه منك
گبل سحگ الحوافر لولنه منك


اصيحن ياعلي لحگ عليه




لخادم خدام الحسين عليه السلام

عمار المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

#نعي_الامام_الحسن ع
على رواية ان السيده زينب عليها السلام ماتت مسمومه في طريقها الى الشام وكأني بها تقول...

خويه الحسن سمك جرعته
ونفس المصاب وياك شفته
وجبدي مثل جبدك لفظته
بس انه ماهو بصفي الحسين

والسم اثاري يگطع حشاي
حسيت بيك بطيحتك هاي
المسموم خويه همه للماي
يا ماي روحي واوصله منين

واسيتك بسمي يجيدوم
جبدي مثل جبدك غده دموم
والطشت ياهو ياخذه اليوم
وشفت التغطه بساعة البين

خويه اليكطع حشاك هدني
خويه الحسن هالسم بهضني
ما يمي الحسين ويكضني
ولايمي كافل يمسح العين

مكتوب ما يسلم جبدنه
بالسم تكطع يا ضمدنه
وحسين بالهندي چونه
وجبد الكمر صاير وصلتين

سوم الروم ترضاهه يسمها
وهي من العرش اختك يسمها
اليسمك صار يبن امي يسمها
وتشوف مصابك وذيج الرزيه

****
ونسألكم الدعاء والتوفيق
لخادم ال محمد عليهم السلام

الشاعر حيدر كاظم الساري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

التاريخ: 10‏/08‏/2024

ابوذيات في حق الحسن المجتبى روحي فداء

لسان حال الحسن عندما كان يجود بنفسه
في الاحضات الاخيرة من عمره وقد علمه
زينب قد اتت الى اخيها تشوفه فيقول للحسين عليهم السلام


&&&&&&&&&&&&&&&&&&&&&&

سم جعده جرعت لكن لخيها
مو طينه الكلب بسم لخيها
د كتر الطشت اجت زينب لخيها


تودعه بلوعه وبدمعه جريه



الدهر يحسين ما عنده وياها
ودليلي مو خيم نارك وياها
زينب باليسر منهو وياها


باجر من تدوسك لعوجيه



بشر لو ملاك نورك لا هو جني
هجيتك يبن امي لا هو جني
ما چني اخو لك لا هو جني

حياتك روحك وعينك عليه



ثكل مو بس ألم كلبي وهد ماي
وحيلي نهار من جعده وهد ماي
جفك سمه شايلها وهد ماي


بالعاشر لمن عطشت رقيه



لا يومن مثل يومك يخي لي
عطش نار وسبي زينب يخي لي
صحت من طحت بالعاشر يخي لي


رجعي تفرهدن سكنه ورقيه



&&&&&&&&&&&&&&&&&&&&&

لخادم خدام الحسين عليه السلام
وخادم خدام الحسن المجتبى عليه السلام

عمار المنصوري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

أني وگالو اعلية ///////وذاني
وحادي الضعن يكرهني//وذاني
ادية من الحبل ورمت//وذاني
شرمها السلب ترجيتي العلية
___
هلي الله يحبه /////من حبلهم
هلي الشامت يطگني//من حبلهم
منو يحلهن ادية ////من حبلهم
خشن يحسين واني ازغار ادية
_
ابوي اوياهه وصلي /////ماشفيته
وگلبي من حنانه ///////ماشفيته
يعمه وين ابونه ////////ماشفيته
مامتعوده يگطع هيج بية
____
النعي
ثاري الابو ماكو ابمكانه
ولا واحد ايعوض حنانه
وينك يخيمتنه وذرانه
ما عودتنه اعله المهانه
_
كلما يجون ويشتمونه
وبسوطهم من يضربونه
اندور بالوجوه اعله ابونه
وراس برمح تصتك اسنونه
__
خوية علي رد من احاچيك
ماريد ازعلنك وبچيك
يرضيك اضل مهضومه يرضيك
گله الك طفله تتانيك
____
الشاعر حيدر الخفاجي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابيات ابوذيه إلى السيده رقيه ع


بديها احبــال بـس أزرگ متنها
زغيـره وعـن بـواچيهـا متنها
الــف موتــه مصايبها متنها
وأشدهن فـــارگت روح الزچيه

****

تفتت گلبي بــس روحي شفتها
رقيــه بيـوم مـا گعــدت شفتها
على خــد السبــط خلت شفتها
وتگلــه أتاخــرت بويــه عليه

***
الشاعر
موسى البديري


https://t.me/joinchat/AAAAAEN4vuuUfDbAramBIQ

ابوذيات لشهادة السيدة رقيه سلام الله عليها

وكتها بياوعد    تالي وعدها
لاعم   لاابو يمها       وعدها
الليالي احسابها يكتل وعدها
بغياب حسين شيصبر رقيه

طفله ومالگت    بالعمر راحات
مثل عمر الورد ياحيف راحات
لصفگ يارقيه عليچ.    راحات
ودمّيه    الصدر   بثنين اديه

الشاعر حسن لعيبي الحريشاوي


https://t.me/joinchat/AAAAAEN4vuuUfDbAramBIQ

انه الفوگ الهزل مفتر////دولها
بسبينه وحسره البگلبي//دولها
عليل ومالگت روحي. ///دولها
دواهه حسين ابوي وگطع بية
__
انه المرت عليه اشكال //والوان
المصايب والضلوع انحنن//والوان
من اذكر سبي النسوان///والوان
احس الموت اروح صار الية
___
ليالي السبي ما يخطر///خي الهن
و علوياتنه اينومس///خي الهن
بنات حسين بس اني///خي الهن
اخوتي اذبحو بالغاضرية
__

النعي
يمكن البلطف مات ورتاح
ماشاف نار وحرگ وصياح
ولا مشه وياه بالضعن ذباح
ولاشاف روس اوفوگ الارماح
__
حادي الرچايب شتم عمتي
واحد تعده وضرب اختي
صدت وگلتلها اسكتي
والسلسله بيدي ورگبتي
__

الشاعر حيدر الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

العشگ فطره ولا ينباع////بالسم
وصرت للجرح يالسجاد///بالسم
بعد نار السبي بحشاك/////بالسم
انچو گلبك غدت نارك سرية
____
الزمن وبمغرياته اشكثر////مناه
أبي وطلگ الدنيا ورفض//مناه
آه اعليك يا لسجاد ////من آه
اشكثر متحمل آهات واذية
____
بيك انعرفت التقوى/////تجاره
وسفه الماعرف قدرك///تجاره
بكثر ما ساجد الربك////تجاره
دمع عينك عله اعيال الزچية
_
النعي
ما بطلت ونك ولا هاد
تخلط دمع عينك اويه الزاد
چفك التنطي خبز ومراد
تنشد حبل يازين العباد
____
انته الصرت فيي الخواتك
ولميت العيال ابعباتك
امأمنات بيك امخدراتك
ماقصرت واللوم فاتك
_

الشاعر حيدر الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

🍁نعي للسبي 🍁


خوية لتكول عني سافروا ما ودعوني
شالوا خواتي وللكبر ما شيعوني
خوية ياليتهم وياك بالبر يتركوني
ولا روح حسرة ميسرة فوك المهازيل

خوية محمل سكينة لو تزلزل من يجيله
ولو طاح من عندنه طفل يا هو اليشيله
وحادي الضعن ترويعنه يبرد غليله
وهالبر الاكشر ما تكطعة الا الرجاجيل

عنكم يبوفاضل ترة كوة خذوني
وكلما جرة دمعي على خدودي ضربوني
وكلكم ضياغم يخوتي والضيعوني
ضيعة وسفر وايتام ما يخافلكم حال

مالك الاسدي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

صوط الشمر خلة. لوعة بيجن
يفززجن بصوتة. لوعة بيجن
بخرابة فياي ماكو لوعة بيجن
تسونهن ضرة لسكنة ورقية

****

راسك عالرمح يحسين شالوه
الجدم من الركض والخوف شلوه
ما شال الدلال الظعن شال آه
وكطف احجار واشتايم عليه

*

الخيل الداسن بصدرك وجنة
مثل وج الخيم كلبي. وجنة
انا النار بيد اهلي. وجنه
وهسه أحبال بيد الهاشميه

*
الشاعر ابو قاسم الأسدي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للإمام السجاد عليه السلام ، لسان حاله يقول:

ـــــــــــــــــــــــــــــــــــــــــــــ

على النوگ الهزيلة صَعّدوني ٱعداي

عليل ومن رگبتي وإيدي سال ٱدماي

يَشيعة وعمّتي زينب مِشت ويّاي

تَركنا حسين عاري وما شَرَب أي ماي
ــــــــــــــــــــــــــــــــــــــــــــــ

أوِنّن وَنّة الفِگدت ضَناهَه
ولا بَطّل على الراحو نِعاهَه
نهار وليل ما هَوّد شَجاهَه
تِهِدّ اجبال عملة كربلاهه

ـــــــــــــــــــــــــــــــــــــــ

أصِد عمّاتي صِعدَن عالهِزايِل
وشوف أطفال مچتوفة بحَبايل
وَصِد الروس شالتهه العَواسِل
وچثيرَة أحداث جِهلَتهه المَقاتِل

ـــــــــــــــــــــــــــــــــــــــــــــ

ابّلاد أجناب والوادم غِريبة
وتِصِد نظرات للحُرّة النجيبة
بحِزن والعَين بالمَدمَع سِچيبة
تِصيح منين إبن أمي أجيبة

ـــــــــــــــــــــــــــــــــــــــــــ

بلاد الشام ما خلّت عَلينه
حَچي الموخوش منهم سامعينه
وأبو الحسنين كِلسا شاتِمينه
ولونه وكل شَهِم راح امنِدينه

ــــــــــــــــــــــــــــــــــــــــــــــــ


وسافة انبات كلحنه بخرابة
وتِوسّدنه بألم ذيچ الترابة
رقية اتصيح چا وينك يبابـا
گالو هاچ راس إبن النجابة

ــــــــــــــــــــــــــــــــــــــــــــ

جابوا راس ابوهه وحضنت الراس

صاحت وين جسمك يابو الاحساس

عگبهه ارقية سكتت بيهه الانفاس

زينب صاحت الحگني يعباس

ـــــــــــــــــــــــــــــــــــــــــــــــ

عِشِت أيام مالومة وعصيبة
مريض وحار بالعِلّة طبيبه
عِليل وصار بالمَهجَر حَبيبه
مِتِت ياناس بسموم المصيبة

ـــــــــــــــــــــــــــــــــــــــــــــ


بقلم الأستاذ /ستار عذاب الحچامي .


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات