به مناسبت اول مهر روز بازگشایی مدارس
اولاجاقدیر بیر زامان تورکون ده مدرسهسی
مدرسهده معلّیم یئنه دؤیدو الیمدن
باجارمادیم فارسینی ایراد توتدو دیلیمدن
دئدیم: «آقا معلّیم! وورما! گؤینهدی الیم
نهدیر آخی گوناهیم؟ تورکودور منیم دیلیم»
یاپیشدی قولاغیمدان، دئدی: «بوراخ تورکونو!
او قالدی ائوینیزده؛ اونوت گئتسین کؤکونو!
اؤیرنمهسن آب – بابا آچاجاقسان الینی
کؤتک یئیهندن سونرا اونودارسان دیلینی
سنین هاران تورکودور؟ آذریسن؛ آذری
کیم اؤیردیبدیر سنه بئله یانلیش سؤزلری؟»
آخدی گؤزومون یاشی تیترهدی دیل – دوداغیم
بئله یالان سؤزلره اینانمادی قولاغیم
آنام منی اویدورماز؛ آتام منی آلداتماز
بو سؤزلرین هئچ بیری منیم عاغلیما باتماز
نییه منیم آدیمی سوروشماییر اؤزومدن؟
نییه سؤزون دوزونو اوخوماییر گؤزومدن؟
هرکس یالان دانیشسا آللاهین دوشمانیدیر
من کی یالان دئمیرم بو اونون یالانیدیر
لایلای دئییبدیر آنام منه بئشیکده تورکو
دانیشمیشیق هامیمیز ائوده – ائشیکده تورکو
نهدن گرک یازمایاق دیلیمیزی کیتابا؟
مدرسهده نه اوچون گلمهیک بیز حئسابا؟
هئچ عاغلیما سیغماییر، نهدیر بونون جاوابی
«سو» یئرینه اوخویام مدرسه میزده «آب»ی
یقین کؤتک یئمزدیم اوخوسایدیم دیلیمی
گؤینرتیدن سیخمازدیم قولتوغوما الیمی
قوی بؤیویوم بیر اؤزوم اولاجاغام معلّیم
اوندا چوخ ایش گؤرهجک بو گون گؤینهین الیم
کیلاسیمدان گلهجک ائلیمیزین اؤز سسی
اولاجاقدیر او زامان تورکون ده مدرسهسی
شعر: رسول قربانی مقدم مراغهای
@TurkUygarligi
اولاجاقدیر بیر زامان تورکون ده مدرسهسی
مدرسهده معلّیم یئنه دؤیدو الیمدن
باجارمادیم فارسینی ایراد توتدو دیلیمدن
دئدیم: «آقا معلّیم! وورما! گؤینهدی الیم
نهدیر آخی گوناهیم؟ تورکودور منیم دیلیم»
یاپیشدی قولاغیمدان، دئدی: «بوراخ تورکونو!
او قالدی ائوینیزده؛ اونوت گئتسین کؤکونو!
اؤیرنمهسن آب – بابا آچاجاقسان الینی
کؤتک یئیهندن سونرا اونودارسان دیلینی
سنین هاران تورکودور؟ آذریسن؛ آذری
کیم اؤیردیبدیر سنه بئله یانلیش سؤزلری؟»
آخدی گؤزومون یاشی تیترهدی دیل – دوداغیم
بئله یالان سؤزلره اینانمادی قولاغیم
آنام منی اویدورماز؛ آتام منی آلداتماز
بو سؤزلرین هئچ بیری منیم عاغلیما باتماز
نییه منیم آدیمی سوروشماییر اؤزومدن؟
نییه سؤزون دوزونو اوخوماییر گؤزومدن؟
هرکس یالان دانیشسا آللاهین دوشمانیدیر
من کی یالان دئمیرم بو اونون یالانیدیر
لایلای دئییبدیر آنام منه بئشیکده تورکو
دانیشمیشیق هامیمیز ائوده – ائشیکده تورکو
نهدن گرک یازمایاق دیلیمیزی کیتابا؟
مدرسهده نه اوچون گلمهیک بیز حئسابا؟
هئچ عاغلیما سیغماییر، نهدیر بونون جاوابی
«سو» یئرینه اوخویام مدرسه میزده «آب»ی
یقین کؤتک یئمزدیم اوخوسایدیم دیلیمی
گؤینرتیدن سیخمازدیم قولتوغوما الیمی
قوی بؤیویوم بیر اؤزوم اولاجاغام معلّیم
اوندا چوخ ایش گؤرهجک بو گون گؤینهین الیم
کیلاسیمدان گلهجک ائلیمیزین اؤز سسی
اولاجاقدیر او زامان تورکون ده مدرسهسی
شعر: رسول قربانی مقدم مراغهای
@TurkUygarligi