انجمن نگین

ملي اسلامي اردو یعني د ملي يووالي او اقتدار ستون

نثاراحمد الیاس

ملي اسلامي اردو د هرې اسلامي ټولنې د بنسټیزو ارکانو څخه یوه مهمه برخه ده، چې د ځواک، امنیت او ملي یووالي نښه بلل کېږي. دا نظامي بنسټ نه یوازې د هېواد د پولو او ځمکنۍ بشپړتیا د ساتنې مسئولیت لري، بلکې د هغو ارزښتونو، باورونو او اسلامي اصولو انعکاس هم دی چې د انساني کرامت ساتنه او د عدالت پلي کول یې اصلي هدف دی.
ملي اسلامي اردو له یو ساده نظامي ځواک څخه ډېر پراخ فعالیت لري. دا بنسټ د هغو اسلامي ارزښتونو ساتونکي دي چې په قرآن او نبوي سنت کې واضح شوي دي. په یوې ټولنه کې چې بنسټ یې پر اسلامي اصولو ولاړ وي، د ملي اردو ځواکونه باید د عدالت، تقوا او زړورتیا نمونه وي. دا دوه‌ګونی رول، یعنې د هېواد ساتنه او د اسلامي اخلاقو ترویج، ملي اسلامي اردو ته ځانګړی اهمیت ورکوي.
ملي اسلامي اردو باید د ټولنې د ټولو قومونو او ډلو استازیتوب وکړي. په دې بنسټ کې د بېلابېلو قومونو، ژبو او مذهبونو د استازو ګډون یووالی څرګندوي. دا یووالی د اردو ځواکونه د ټولنې د بېلابېلو برخو ترمنځ د یو پله په څېر جوړوي او ملي یووالی پیاوړی کوي.
د ملي اسلامي اردو یوه مهمه ځانګړنه دا ده چې د مسلکي او نظامي معیارونو زده کړو تر څنګ اسلامي اخلاقو  ته هم پابند پاتي کېږي. د اسلامي اردو سرتیري او افسران نه یوازې په جګړې کې، بلکې د ولس سره په تعامل او په غیرنظامي ماموریتونو کې هم د اسلامي اصولو، لکه د بشري حقونو رعایت او د اړمنو ملاتړ ته ژمن پاتې کېږي. دا اخلاقي تعهد ملي اسلامي اردو له نورو نظامي ځواکونو څخه جلا کوي.
ملي اسلامي اردو یوازې یو نظامي بنسټ نه دی، بلکې د یووالي، هویت او ملي ځواک نښه ده. د دې بنسټ په فعالیت کې د اخلاقي او اسلامي اصولو په پیاوړتیا سره، نه یوازې ملي امنیت تضمین کېدای شي، بلکې نړۍ ته د دین او نظامي ځواک د تعامل یوه بېلګه وړاندې کېدای شي.
#ملي_اسلامي_اردو

سالار شهید

لیکوال: مولوي نثاراحمد الیاس

سالار شهید سعید الحاج خلیل الرحمن حقاني تقبله الله تعالی شهادت او له لاسه ورکول یې د هغه څراغ مړ کېدل دي چې د ټولنې لپاره یې د پوهې، عدالت او خدمت لاره روښانه کړې وه. داسې کسان په خپل ژوند کې نورو ته الهام ورکوي او په خپل شهادت سره د زغم او مقاومت سمبول ګرځي. دا ضایعه، که څه هم درنه ده، خو په خپله کې زموږ ټولو لپاره یوه نوې دنده او مسوولیت راپیدا کوي.
موږ باید له دې پېښې څخه درس واخلو او هغه ارمانونه او ارزښتونه چې شهید د هغو لپاره ولاړ و، په خپل ژوند کې عملي کړو. د داسې کسانو شهادت، نه پای دی او نه چوپتیا؛ بلکې د ظلم او بې‌عدالتۍ پر وړاندې د مبارزې لپاره یو غږ دی، او موږ ته دا حقیقت را په ګوته کوي چې د پاکو انسانانو وینې د ازادۍ او پرمختګ تخم خړوبوي.
راځئ چې د دې شهید په لاره او اهدافو فکر وکړو، د هغه میراث ژوندی وساتو او په خپلو کړنو او چلند کې دا ثابته کړو چې د حقیقت او انسانیت رڼا د شهادت په وسیله لا هم نوره قوي کېږي. د هغه شهادت موږ ته یوه لاره ده چې د قوي هوډ او ارادې سره د یوې غوره ټولنې د جوړولو پر لور ګامونه واخلو.
https://t.me/MNisarElias1212