إزاي تتغلب على النوم في المحاضرات♥
.
.
.

1_متقعدش جمب صحابك.

2_اقعد قدام.

3_خد ازازة مياه معاك.

4_مسبحة تسبح عليها أثناء المحاضرة ويفضل"لا حول ولا قوة إلا بالله"

5_اكتب ولو معلومات بسيطة.

6_ممكن قهوة قبل المحاضرة، وافطر شيء خفيف.

7_كل كام دقيقة حرك بصرك في جهات مختلفة وابعد عن الجهة اللي موجود في الجنس الآخر.

8_اسمع سورة البقرة والرقية الشرعية بشكل مستمر.

9_اقرأ المحاضرة قبل ما الدكتور يشرحها.

10_الدعاء بأن يرزقك الله الفهم والتركيز ويعينك ويوفقك، وينصر أخوانك على عدوهم ويسدد رميهم.

11_الموبايل مكانه في الشنطة.

12_الأذكار وورد القرآن.

13_شاور قبل ما تنزل.

14_لو الكتابة مش مناسبة ليك هات المصدر اللي بيشرح منه وخلى قلمك وعينك على الجزء اللي بيتشرح.

15_خلى ضهرك مشدود ومتسندش على البنش إلا لو بتكتب.

16_لو بتسمع ريلز أو مدمن سوشيال طبيعي تركيزك ينعدم وتنام.

17_سمي الله في بداية المحاضرة، واستعيذ بالله من الشيطان الرجيم كل شوية.

18_لو لقيت نفسك سرحت /نعست حاول ترجع تاني، ممكن تبل منديل مياه وتمسح بيه عينك.

19_التركيز هييجي بالتدريب وبالوقت فمتضغطش على نفسك وتحزن، لكن حاول لحد ما توصل لمرحلة ترضيك.

20_لو عملت كل ده ومجبش نتيجة يفضل تكشف.

وأخيرًا
للناس اللي بتشتغل جمب الكلية او بتدرس علم شرعي أو بتاخد كورسات…
تقبل إن هييجي عليك أيام هتروح فيها الكلية وانت مطبق او نايم ساعتين ومرهق جسديًا، وتعامل مع نفسك انك بتعمل شيء مميز حرفيًا هتشكر نفسك عليه ألف مرة لما تتخرج♥