س/ نفسي آخد خطوة الحجاب بس مش عارفه أعملها ازاي كل اللي حواليا محدش مشجعني خالص بيقولولي مش هاتقدري وهاتقلعي وأنا خايفه فعلا بعد ماألبسه أقلعه مع اني بحبه ....أعمل ايه ؟؟


ج/ لازم تعرفي إن لو كل واحد قبل مايعمل أي خطوة قال خايف افشل ماحدش هيعمل حاجة
خايف أفتح مشروع لاحسن افشل يبقى هتفضل عند النقطة صفر

فإنتي احسبيها كده لو لبستي الحجاب وقلعتيه تاني ايه اللي هيحصل...هترجعي لنفس النقطة اللي انتي اصلا فيها ....فأول حاجه تعمليها ..ابعدي عنك مخاوف الشيطان

- تاني حاجه مع كل خطوة جديدة استعيني بالله وادعي واسأليه الثبات ....ربنا هيثبتك وهيعينك بس انتي ادعي بالذات في السجود وفي التلت الاخير من الليل

- تالت حاجة...الصحبة الصحبة
اصحابك لو كلهم بيشجعوكي تقلعي الحجاب ...يبقى هتقلعيه
لو بيشجعوكي تلبسيه ...هتلبسيه وتثبتي عليه
خلي اصحابك المقربين ناس تشجعك على الطاعة وتساعدك تعمليها

خدي الخطوة وماتخافيش انتي قدها 💪

#رسايل
#سارعي_بقرار_التعديل
#خطوة_حجاب_إرضاء_لرسول_اللهﷺ