حضرت ابو هریره رضي الله تعالی عنه فرمایي چې یو ځل رسول الله ﷺ صحابه کرامو ته وفرمایل :
سره راټول شئ زه ستاسو په حضور کې د قران کريم د درېیمې برخې تلاوت کوم، څه اصحابان سره راټول شول، رسول ﷺ له کور نه د باندې راووت او قل هو الله احد (سورت اخلاص) یې تلاوت کړ، بیا کور ته ستون شو، لږ زنډ وروسته بیا د باندې راووت او ویې فرمایل: ما تاسو ته ويلي وو چې زه تاسو ته د قرآن کريم درېيمه برخه تلاوت کوم، په یاد ولرئ دغه سورت یعني (سورت اخلاص) د قران کريم د درېیمې برخې برابر دی.

(مسلم ، ترمذي).