الطب البيطري veterinary medicine

يعنى كمية الميكوبلازما فى الجسم لها دور فى قوة مرض الاى بى
بس بعض العلماء قالو لو الميكوبلازما كامن مش نشظ ممكن الانشطار دا يحصل ببطئ مش سريع زى العالم ((اان واخرون عام 2003 ))
بعكس لو فية اصابة ميكوبلازما وموجودة فى الدم بعدد وحدات عالى
او ان الدوا بتاعها قلل كمية بسيطة منها وساب كمية اكبر
اخى المربى
الكلام اللى فوق للمختصين
اللى يهمك
ان تركك او اهمالك للميكوبلازما ترعى براحتها فى جسم الطير او تتهاون فى التعامل معها بخلى لما يجى مرض اى بى بيكون شديد جدا وعالى الضراوة ويسهل علية دخول الجسم ويتكاثر ويعمل مشاكل كبيرة
اعمل لنفسك كورس وقائى للميكوبلازما الاول اول اسبوع
التانى بعد 18 الى 22 يوم لان دورتة الميكوبلازما مرتين بينهم 20 يوم تقريبا
بصراحة الكتاب مليان معلومات وخاصة كل تركيب من اغلفة الفيرس لة اهميتة
بس لو سبت نفسى هنكتب كلام طول الليل
اسف جدا على النوعية دى من البوستات
لانها ممكن مش تكون مفهومة
لكن دى اقرب طريقة علشان نعرف منها ان الميكوبلازما بتقوى فيرس ال اى بى
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم

لو لقيت المعدل 1: 40 فدا بيصد معاك العدوى الحقلية يعنى دى بداية معدل صد العدوى من قبل الطير
بس خلى بالك ساعات القياس بيوصل 1:100 ومش بيصد دا لان الفيرس ضارى وشرس جدا
بس لو الرقم عالى المرض هيعمل اعراض خفيفة ويمشى
لكن خلى بالك من حاجة هامة جدا
مش لازم تتر او عيارية الاجسام المضدة تحدد هل الطير يصد او لا
واضربلك مثل
ممكن يكون التتر فى الدم اقل ما يمكن مثلا 1:10 ومع ذالك الطير يصد
عارف ازاى؟؟
لان الفيرس بيدخل اساسا من الجهاز التنفسى (( عين - انف )) لو حضرتك محصن تقطير او رش وعملت مناعة موضعية مهما كانت المناعة الدموية قليلة الطير بيصد العدوى
عرفت اهمية الرش او التقطير ؟؟؟؟
بصراحة لسة فية معلومات كتيرة ومحتاجة مننا بوستات اخرى
لكن حبيت مش اطول البوست لان الناس بتمل من القراءة
اعتذر جدا للاخوة المربين لان الكلام علمى شوية وهيستفيد منة فقط المختصين
لكن خدها نصيحة من اخوك المهندس عاطف عبد الدايم
انك تطلع من البوست بحاجتين
اعمل سقوتين للميكوبلازما واحدة اول اسبوع والثانية بعدها ب 20 يوم بكدا نكون قللنا من الحاجة اللى بتعمل ضراوة الفيرس
كمان بلاش تحصينة المية خليك فى التقطير يلية الرش
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم

=======================
اما عن الاى بى
======
اتكلمنا قبل كدا عن تركيب فيرس النيوكاسل وعرفنا من خلال تركيبة ازاى ان الميكوبلازما بتساعد فى شراستة وقوتة
هنا هنتكلم عن فيرس الالتهاب الشعبى المعدى ال IB
لو الكلام مش مهم وعد اخر مرة ننزل النوعية دى من البوستات
الكلام للاخوة المختصين فقط لانة علمى شوية
اما الاخوة المربين
ف حضرتك تبص اخر البوست هتلاقى خلاصة الكلام دا
كلامنا هنا مصدرة معهد الفيروسات فى هانوفر بالمانيا
فيرس الاى بى بينتمى لرتيبة ال نيدوفيراليس Nidovirales
اللى بتنقسم لعائلتين Arteriviridae و الكورونافيردى Coronaviridae
الكورونافيردى دى بتنقسم ل 3 تحت عائلة
الفا كورونا
وبيتا كورونا
وجاما كورونا
الاخير دا اللى اللى بيعمل ال IB اللى بنتكلم عنة او ما يسمى Gammacoronavirus;
كدا تمام
مش مهم التصنيف دا
ندخل فى تركيبة الفيرس نفسة
لو اخدنا حبة فيرس علشان نعرف تركيبها هنلاقيها
اول حاجة الاسم بتاع كورنا المسبب للمرض دا سموة كدا لانة شكلة زى الهالة الشمسية او الاكليل الشمسى ودا هيبان من التركيب الوقتى
طبعا فيرس الابى بى دا محتوى على حمض نووى من نوع RNA احادى الشريط
مكونة من 30 الف نيوكلوتيد مرتبطين مع بعض بروابط بروتينية
كل دا محاط بغلاف او ظرف
معلش الكلام مكلكع او معقد شوية
لكن خلينا ناخدها ببساطة كدا
حمض نووى محط بغلاف تمام كدا
قصتنا كلها فى تركيبة الغلاف دا
زى ما هو موضح الشكل تحت
غلاف فيرس مكون من بعض البريتينات واحد منهم السبب اللى بيخلى الفيرس يدخل لجسم الطير ويعمل العدوى
تعالى كدا نشوف الغلاف دا مكون من اية واية البروتين اللى عاوزين نركز علية
انا نزلتلك شكل الفيرس تحت وبينت شكل كل بروتين على غلافة
هتلاقى
= بروتين الغلاف نفسة Envelope protein (E) اللى على شكل حرف L دا
= بروتين الغشاء Membrane protein (M) اللى على شكل دائرى اسود اللى جنب ال L
= بروتين نيكلوكابسيد Nucleocapsid protein 📷(N) اللى هو جوة الغلاف واللى بيحمى شريط الRNA
= والاخير دا اهم واحد فيهم او هو سبب البلاوى اللى احنا فيها اللى هو
S - spike
او سبايك بروتين اللى اسمة S
ركز على دا
هو كل حاجة عندنا
اللى عامل زى البصلة المقلوبة دا
وركز بردة فى شكل البصلة دا
شوف الكتاب قايل كلام كتير جدا على البروتين S دا وازاى بيدخل الجسم
لكن تعالى اسهلها عليك
شايف البصلة المقلوبة دى عبارة عن راس البصلة والجزء الطويل المزروعة بية
اهو راس البصلة ودا تكوين بروتين S - spike
ومش بيحصل عدوى الا لما يحصل انشطار ل الS دى الى وحدتين
S1 اللى هى راس البصلة
و S2 اللى هى الجزء الى تحت المزروعة فية
كما قال صاحبنا العالم (CAVANAGH et al. 1992
طيب للناس اللى عاوزين اسماء علمية بعيد عن كلمة بصلة وراسها وذيلها دى
ف الS1 اللى هو amino-terminal S1 ( راس البصلة )
والS2 اللى هو carboxy-terminal S2 protein ( ذيل البصلة )
طيب كدا اتقفنا
ان مفيس عدوى او اختراق لبروتين الS1 دا للمستقبل بتاعة فى خلية الطير الا اذا حصلة انشطار عن اخوة الS2
والانشطار دا مش بيحصل الا فى وجود انزيمات معينة
منها انزيم التربسين اللى بيفرزة الميكوبلازما
علشان كدا الميكوبلازما اللى بتحول الفيرس الى شكل ضارى شرس
وبتشجع فى اختراق الفيرس لجسم الطير
طبعا فية علماء قالو ان كل ما زادت وحدات الميكوبلازما فى الجسم كل ما زاد الانشطار بتاع الS الى S1 و S2 دا

بوست من ٢٠١٩ بس مهم نعيد نشرة الان لان دا وقتة
.............
👇👇👇👇👇👇
اية علاقة الميكوبلازما ب فيرس النيوكاسل وفيرس ال IB
👆👆👆👆👆👆👆
معلش البوست علمى شوية على اخوانى المربين لكن حاولت ابسطة قدر المستطاع
بسم الله نبدا
++++++++++++++++++++++
خواطر علمية وحقلية عن مرض النيوكاسل
اول هذة الخواطر
هل يوجد علاقة بين الميكوبلازما والنيوكاسل
؟؟؟؟؟؟؟؟؟؟؟؟؟؟؟؟؟؟
تعالى الاول نفهم شوية عن فيرس النيوكاسل علشان نعرف نحدد علاقتة بالميكوبلازما
فيرس النيوكاسل نوع من انواع فيروسات الباراميكسوفيرس اللى هى اصلا 10 انواع
لا يصيب الدجاج غير نوع واحد فقط من ال10
الفيرس محتوى على حمض نووى RNA
تعالى ناخد وحدة فيرس ونعرف اللى على سطحها علشان نفهم علاقتة بالميكوبلازما
ركز فى اللى جاى دا
سطح فيرس النيوكاسل علية 6 انواع من البروتين وهم
نيوكليوبروتين NP
فوسفوبروتين P
ماتريكس بروتين M
بروتينات التلازن HN
بروتينات كبيرة الحجم او لارج L
بروتين الاندماج او ما يسمى F
ركز على الاخير دا لان هو السبب فى كل حاجة
شدة الفيرس بتتوقف على انزيم موجود فى سيتوبلازم خلية الطير اسمة البروتوييز cellular protease
الانزيم دا اللى بينشط بروتين ال F اللى على سطح الفيرس
وبيحولة الى F0 خلى بالك لو متحولش الى F0 مش هينشر ويكون شرس كدا
مش كدا وبس دا الانزيم البروتوييز دا الموجود فى خلية الطير بيقسم الF0 الى F1 و F2
الحركة بتاعة الانقسام دى هى اللى بتخلى الفيرس يكون شديد الضراوة جدا وهى المسؤلة عن سرعة انتشار الفيرس وتلاقيك تسمع ان نيوكاسل موت 100% من القطيع فى ايام او ساعات معدودة
كما قال العالم كليكمان واخرون عام1988
بيقولك العالم كيلنك وكانت عام 1997 ان الانقسام او الانشطار لبروتين F دا بيكون فى الخلايا المحتوية على انزيم التربسين
طيب عارف اية اللى بيزود انزيم التربسين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو الميكوبلازما
يعنى وجود الميكوبلازما تعتبر مسرعة جدا لانتشار وضراوة الفيرس بسبب الانزيم اللى بيعمل اللى قلنا علية دا
عرفت ان الميكوبلازما لعنة فى وجود اى فيرس ؟؟؟
طيب تعرف ان فية براءة اختراع لعلاج الفيرس مش بس النيوكاسل بل غالبية الفيروسات عن طريق التحكم او اقلال من انزيم البروتويز الخلوى دا لانة لو قل
قلت معاة انتشارية الفيرس
براءة الاختراع دى للعلماء Thomas B. Albrecht, Zhenping Chen
معلومة اخرى
فيرس النيوكاسل قادر على تحليل كرات الدم الحمرا بتاعة الطير ودا لانة محتوى على انزيم هيموليسين
ودا من الاسباب اللى بتخلينا نشوف احتقانات دموية فى غالبية الجسم
طيب معلومة كمان
الاعراض العصبية للفيرس ممكن تظهر ك اخر مرحلة من مراحل المرض خاصة النوع الحشوى او حتى التنفسى
لكن لو انت حقنت فراخك لاى سبب كان سواء علشان البرد او تحصين او اى حاجة وفية حضانة فيرس نيوكاسل فى الحالة دى الاعراض العصبية بتظهر مبكرة جدا
-----
معلومة اخرى
تعرف ان فية انواع من النيوكاسل بتيجى للطير ومش بتظهر علية
حتى العلماء بيعرفوها من معامل اسمة العدوى المخية او ICPI PL index
بيعرفوة ازاى؟
بيحقنو الفيرس فى مخ كتاكيت عمر يوم ويقيسو المعامل دا لو وجد من 1.7 الى 2 معناة فيرس شديد الضراوة وفتاك اللى بيموت 100% من القطيع
لو وجدو المعامل دا 0.8 معناة عترة متوسطة الضراوة
لو كان 0.2 الى 0.5 كانت عترة ضعيفة زى اللى بتستعمل فى اللقاح (( هتشنر ولاسوتا))
-----
معلومة اخرى
عاوز تعرف العترة الحشوية افتح الاثنى عشر هتلاقى علية بقع نزفية وتقرحات شكل زراير القميص دا بداية الاصابة لان العترة الحشوية محبة جدا للتجمع فى المنطقة دى ومنطقة المعدة الغدية اللى كلنا عارفينها
عاوز تعرف العترة التنفسية بتكون التهبات شديدة فى القصبة الهوائية والحنجرة وبقالى الحاجات اللى كلكم عارفينها
العترة العصبية الفيرس بيجرى بسرعة على المخ فبتلاقية عامل احتقانات فى تحت سطح المخيخ
-----------
هل يتساوى بداية تكوين المناعة فى كل حالات او طرق اعطاء لقاح النيوكاسل؟؟
الاجابة
لا
الرش بيظهر مناعتة من 3 الى 4 ايام
التقطير بعد يومين
مية الشرب من 6 الى 7 ايام بتظهر المناعة
-------------------
للناس اللى بتدور على تجانس المناعات فى القطيع او ما يسمى الCV ودا كتير بتقراءة فى اى قياس مناعى جاى من المعمل وبنقول انة لما يكون اقل من 45% يعنى مناعاتك متجانسة وكويسة
لو عاوز مناعاتك تكون متجانسة ابتعد عن مية الشرب كطريقة لاعطاء اللقاح
فوجد ان التقطير يعطى افضل تجانس مناعى يلية الرش
-------
خد المعلومة دى لو انت بتحب الشغل المعملى زى اخوك المهندس عاطف عبد الدايم
كمية الصد للمرض متوقفة على كمية الاجسام المناعية والتتر بتاعها