من احضن صورتچ يم شلب يشبع ماي
ولحد خصر النخل دمعاته تتعده
انة وشط العرب خوان محسوبين
بصدري شكم بلم هز حسرتي بمهده
وارجع واشتكيچ بكل وجه بردان
ياهو الماگلتله وگزبرت جلده
گالوا ترس اذاني انساها ما تهواك
لتسوي الصنم بيدك وتعبده
اضيع هيبته من اوكف على الشلال
واوصلچ وكلشي بروحي يتبده
وارجع ذاك الأول البي الفشلة شراع
بارد چني ملگه الماي والسده
النده المايفتهم يوگع بصف الماي
واليندل مكانه يطيح على الوردة
- علي رشم