🔰میرنامە وەک درامایەک وایە لە فەزایەکی سۆفی گەریدا ئاشنامان دەکات بە ڕابردووی خۆمان، بەلۆژیکەوە باسی ئەوە خەمە هەمیشەیی زانا و رۆشنبیرەکانی کورد دەکات لە بەرامبەر فەرمانڕەوا و سەرۆک دەسەڵات دارەکان، هەمیشە شێری ماڵەوە ڕێوی دەرەوەبوون، جان دۆست پێماندەڵێت کە هەر لە دێرزەمانەوە سەرۆکەکانی کورد هەمیشە لەبەرامبەر بێگانەدا ملکەچ بوون لە پێناوی کورسی و ساماندا، دەیان جار چانسی سەربەخۆ بوون هاتۆتە پێشەوە بەڵام ئەوان خۆیان لێدزیوەتەوە بە پاساوی جۆراو و جۆر. زانا و شاعیر "ئەحمەدی خانی" وەکو پاڵەوانی سەرەکی ڕۆمانەکەیە، هەروەها جان دۆست پێماندەڵێت هەر لە دێرزەمانەوە سەرکردەکانی کورد دژی ئەوە بوون خەڵکی هۆشیار بێت ویستوویانە هاوڵاتی وەکو کۆیلە مامەڵی لەگەڵ بکرێت و بخەسێرێن لەبەردەم میر و فەرمانڕەواکان. فەزای ڕۆمانەکە زۆر نایابە دەیان چیرۆکی بەتام دێتە ڕێت، وە هەستی بەردەوامی خوێندنەوە هەمیشە ئەتبزوێنێ چونکە بە تەکنیکێکی زۆر نایاب نووسراوە. نووسەر بە جوانی ڕۆچۆتە ناو ناوەڕۆک و پەیامی سەرەکی ڕۆمانەکە.