🍩 مطبخ حلا 🍩

🍗صدور دجاج بالتتبيلة الحارة جميل و سهل ينفع مع مكرونة او أرز و تنفع للدايت

صدر الدجاج : 2 صدر (فيليه)
- ملح : ملعقة صغيرة
- فلفل أسود : نصف ملعقة صغيرة
- الفلفل الاحمر الحار اؤ شطة: نصف ملعقة صغيرة (مطحون)
- الخل : ملعقة كبيرة
عصير ليمونه
ملعقة صغيرة بهارات دجاج
ملعقة صغيرة بابريكا
- زيت الزيتون او زيت نباتي : ٢ملعقة كبيرة

طريقة التحضير
اخلطي الفلفل الأحمر والفلفل الأسود و البابريكا والخل وزيت الزيتون والملح في وعاء.
أضيفي الدجاج واخلطي حتى يتغطى بالتتبيلة ثم غطي الطبق وأدخليه الثلاجة ساعة او اكثر و حتي ليلة كاملة.
انخرج الدجاج من الثلاجة واشويه على الجريل أو بالفرن حسب الرغبة لمدة 25- 30 دقيقة حتى ينضج وقدميه ساخناً إلى جانب الأرز او مكرونة أو السلطة حسب الرغبة.
🧁🧁🍕🍕🍗🍗

🧡مخلل اللفت علي أصوله

المقادير
كيلو لفت متقطع مكعبات مغسول جيدا
ربع كوب ملح للنقع
حبة بنجر(شمندر) مكعبات
لتر ماء
ملعقة صغيرة سكر
٣ ملعقة كبيرة ملح او حسب الرغبة
قرن فلفل احمر حار اختياري
ربع كوب خل

الطريقة

في وعاء يوضع اللفت و يرش بالملح حوالي ربع كوب ويترك لمده ٦ساعات يصفي جيدا ويشطف غسلة سريعة
يوضع في برطمان زجاجي نظيف

في الكبه او الخلاط يوضع الخل والبنجر والفلفل و نخلطهم جيدا ثم يضاف عليهم لتر ماء و ٣ ملعقة كبيرة ملح و السكر و نقلبهم معاو نتذوق الملح حسب الرغبة
يضاف الماء بالخلطة علي اللفت في البرطمان و يغطي بالماء تماما و يغلق جيدا و يترك ل ٣ أيام و بالهنا والشفا
🧁🧁🍕🍕🍗🍗

🍰الفستق الكداب

مكوناته بسيطه خالص
كيلو سوداني
نقطتين لون طعام جيل أخضر..
او بودر ونخفه ب مايه حوالي نص كوب مايه
ملعقه روح الفستق موجوده عند العطار

طريقة التحضير
بنحط االسوداني ف الكابه ومانطحنهوش اوي يدوب يتكسر
وبعد كدا نحطه ف طبق كبير ونقلب عليه اللون وروح الفستق نسيبهم حوالي ساعتين وبعد كدا نفردهم ف صينيه فالفرن ونسيبه يتحمص ولما نخرجه نسيبه يبرد خالص وبعدين نطحنه مره تانيه
🧁🧁🍕🍕🍗🍗

🥧المسقعة باللحم المفروم

المقادير

- الباذنجان : 2 حبة (مقشر، ومقطع شرائح)
- فلفل رومي : 2 حبة (مقطّع شرائح)
- لحم مفروم : 250 غراماً (ناعم)
- سمن : ملعقة كبيرة
- البصل : 1 حبة (حجم متوسط، مفروم ناعم)
- الماء : ربع كوب
- معجون الطماطم : 3 ملاعق كبيرة
- سكر : ملعقة كبيرة
- ملح : حسب الرغبة
- فلفل أسود : حسب الرغبة
- الزيت النباتي : حسب الحاجة
- جبنة : 2 كوب (مبشورة)

طريقة التحضير

سخّني كمية وافرة من الزيت في قدر على نار متوسطة، وأضيفي الباذنجان واقليه حتى يصبح ذهبي اللون، وعندما ينضج، صفّيه من الزيت وضعيه على محارم ورقية في طبق.
أضيفي الفلفل الرومي إلى الزيت واقليه حتى يذبل، وعندما ينضج، صفّيه من الزيت وأضيفيه إلى الباذنجان.
ذوّبي السمن في قدر على نار متوسطة ثمّ أضيفي البصل وقلّبيه حتى يذبل، وأضيفي اللحم وقلّبيه مع البصل حتى ينضج.
زيدي معجون الطماطم، السكر، الملح، الفلفل الأسود والماء، واتركي المزيج على النار لدقيقتين.
ضعي طبقة من الباذنجان والفلفل الرومي في صينية فرن، وأضيفي طبقة من اللحم المفروم، وكرّري العملية حتى انتهاء الكمية ثمّ زيدي الجبن على الوجه.
حمّي الفرن على حرارة 180 درجة مئوية، وأدخلي الصينية إلى الفرن لـ20 دقيقة حتى تنضج المكونات.
أخرجي الصينية من الفرن وقدّميها ساخنة.
🧁🧁🍕🍕🍗🍗

🍘كفتة البطاطس

المقادير :
300 غرام بطاطس مقلية ومهروسة ناعم
2 فصوص من الثوم مفروم ناعم
بصله مقطعه شرائح ومقليه في زيت
2 كراث مفروم او ورق البصل الاخضر
1 ملعقة صغيرة ملح
1 صفار بيض
1/2 ملعقة صغيرة من الفلفل الأسود
زيت للقلي

الطريقة :
تعجن جميع المكونات وتكور وتغمس في بيضه مخفوقه وتقلى في الزيت
🧁🧁🍕🍕🍗🍗

🍰الهريسه الاسكندراني

المقادير
3أكواب سميد او سامولينا
كوب جوز هند ناعم
كوب سكر
قليل من الفانيليا
باكو باكينج باودر
ملعقة صغيرة محسن خبيز
2 علبة زبادى كبيره
فنجان سمن أو زيت نقي او خليط سمن علي زيت
الحشو
جوزهند ناعم علي خشن وزبيب ومكسرات حسب الرغبة انا استخدمت بندق ولوز

الشربات : 2 ونصف كوب سكر + 2 كوب ماء + ليمونة + فانيليا

اولا نجهز الشربات بوضع الماء والسكر على النار حتى الغليان ثم نعصر عليهم الليمونة ونتركهم دقيقة ثم نطفئ النار ونضع الفانيليا ومعلقة سمنه بلدي بتخلي الطعم رهيب نسيب الشربات علي جنب

الطريقة :
نجهز الهريسه
نحط السميد + جوز الهند + السكر + الفانيليا + الباكينج باودر + محسن الخبيز ونخلطهم مع بعض
نضيف عليهم فنجان السمن وعلبتين الزبادى ونعجن
لو لقيناها لسه ناشفة نضيف القليل من الزبادى حتى تصبح عجينة متماسكة وطريه يعني ينفع تبططيها وتشكليها مش ناشفه ولا طريه
نحضر صينية متوسطه وندهنها بالزيت ونفرد فيها نصف العجينة بايدينا
ونحط عليها جوزهند وزبيب والمكسرات ونفردو كويس عليها
ونحط باقي العجينه فوق الحشو حبه حبه لما نغطيها كلها
نبل ادينا بالميه ونبططها ونساويها كويس ونحط علي الوش معلقتين سمنه سايحه
بعد كده ندخلها فرن متوسط الحراره بتقعد حوالي نصف ساعه لساعة الا ربع ولما نلاقي حوااف الهريسة من الجوانب بقت دهبي نطفي النار من تحت ونشغل الشواااية عشان الهريسة تاخد لون دهبي من فوووووق واحنا مراقبيناها
نخرجها ونسقيها بالشربات الساخن فور خروجها من الفرن ونغطيها عشر دقايق كده او ربع ساعة او لما تبرد خالص
قطعي وكلي وادعيلى
والف هنا وشفا
🧁🧁🍕🍕🍗🍗

🍪🍪جربي وصفة كوكيز التفاح

المقادير:
3/4 كوب زبدة طرية
3/4 كوب سكر بني
3/4 كوب سكر
ملعقة صغيرة فانيليا
بيضة
2 كوب طحين
100 غ مسحوق كاسترد
ملعقة صغيرة بيكينغ بودر
ملعقة صغيرة قرفة
ربع ملعقة صغيرة ملح
1 ظرف فانيليا تاج الملوك
كوب تفاح، مكعبات صغيرة
كوب رقائق الشوكولاتة البيضاء
سكر القرفة : (1/3 كوب سكر + ملعقة صغيرة قرفة)

طريقة العمل:
اخفقي الزبدة مع السكر جيدًا، ثم أضيفي البيض و الفانيليا.
في وعاء آخر امزجي الطحين مع البيكينغ بودرو القرفة و مسحوق الكاسترد و الملح و جوزة الطيب و الفانيليا.
أضيفيها إلى مزيج البيض و أمزجي، أضيفي التفاح ورقائق الشوكولاتة، ضعيها في الفريزر لمدة ساعة.
حمّي الفرن على 180 درجة مئوية. ضعي ورق الخبز في صينية.
شكّلي كرات من العجينة.
ثم اغمسيها في سكر القرفة حتى تغطيها تمامًا. رصيّها في الصواني واخبزيها لمدة 12 دقيقة. فقط
🧁🧁🍕🍕🍗🍗

🍙🥛رز باللبن من غير ولا نقطة ميه وده سر الطعم في أشهر المحلات 😋
المقادير وطريقه التحضير

هتجيبي نص كوباية أرز وكيلو لبن بلدي هتنزلي الأرز في اللبن وتقلبيه وترفعيه علي النار لحد ما يغلي طفي النار وغطي عليه وسبيه في اللبن ساعة
بعدين افتحي النار تاني ووطي عليه عشان يستوي براحته
مع التقليب مش بياخد كتير لانه بيكون شبه مستوي لما سيبناه في اللبن خلاص..بعدين نزلي 3/4 كوباية سكر والسكر حسب الرغبة و معلقتين كبار كريم شانتيه وكريمة لباني او قشطة وقلبيهم مع بعض
بعدين نزليه في أطباق ولما يبرد غطيه ودخليه الثلاجة
عشان يديكي الوش المكرمش الي هيجننا ده
بيقعد في التلاجه مش أقل من ٣ ساعات
وبألف هنا
🧁🧁🍕🍕🍗🍗

🍱سناكس للجو ده حسب سعراتكم و احتياجاتكم اليومية..

*بطاطا حلوة مشوية او مسلوقة "ممكن نضيف عليها مكسرات او زبدة فول سودانى او زبدة لوز " .

* ذرة مشوى " بلاش ذرة حلوة هتجوعكم بسرعة علشان ال Gi عالى " .

*فشار.

*حمص شام

*سحلب "بالمكسرات "

*بليلة او عاشوراء او شعرية باللبن .

*Hot Chocolate "كاكاو خام مع لبن .

* ماتشا : لبن سخن مع ماتشا

" التحلية بعسل نحل او سكر ستيفيا " حسب احتياجاتكم

*شربة عدس : مضاف ليها شعرية و كوسة و جزر و طماطم و بصل " غالبا ده الغداء الرسمى لكل البيوت "
🧁🧁🍕🍕🍗🍗

🍕🍕 عجينة البيتزا المظبوطة 😋

المقادير دى لعمل اثنين بيتزا لارج أو ثلاثة بحجم وسط

٣ كوب دقيق (الكوب ال٢٥٠مل مج الشاى)
معلقة صغيرة ملح
معلقة كبيرة ممسوحة سكر
معلقة كبيرة خميرة فورية (أو كيس جاهز)
معلقه كبيرة مليانة بيكنج بودر
٣ معالق كبيرة زيت
كوب زبادي الحجم العادى (١٢٥مل)

▪️نخلط المكونات الجافة الاول كلها كويس جدا عشان نوزع مواد الرفع

▪️نضيف الزبادى والزيت ونعجن بمية أو بمية مخلوطة بحليب (السوائل مالهاش مقدار محدد هنضيف شوية بشوية لغاية مانحصل على عجينة ناعمة ومطاطية ومش بتلزق فى الايد)

▪️نبل إيدينا زيت ونغلفها من بره و نغطيها كويس عشان ماتعملش قشرة ونسيبها تخمر وقت مناسب ( مش اقل من ٤٥ دقيقة)

▪️بعد ما تخمر نقسمها كور على العدد اللى هنعمله من البيتزا ونسيبها ترتاح ١٠ دقايق تانى عشان تبقى سهلة معانا في الفرد

▪️بعدين نبتدى نفردها على رشة دقيق ولو كان دقيق سيمولينا (بتاع البسبوسة) يبقى أفضل
نرصها فى الصوانى ونخرمها بالشوكة ونضيف الصلصة والمكونات وندخلها الفرن على الشبكة فى النص
لازم الفرن يكون سخن من قبلها بحوالى ربع ساعة على درجة حرارة ٢٢٠ بتاخد تلت ساعة تقريباً وتبقى استوت
🧁🧁🍕🍕🍗🍗

🍘قرص بالسمسم بحشو السكر
زي بتاعة الأفران
المقادير
كيلو دقيق
كيس خميرة
٢ملعقه سكر
ذره ملح
½كوب زيت
ماء دافئ للعجن
الحشو
سكر
ملعقه كبيره دقيق
ويمكن اضافه قرفه الي السكر
وسمسم
الطريقه
تخلط جميع المقادير السابقه مع بعض ونضيف الماء تدريجياً حتي نحصل علي عحينه لينه وسهله التشكيل تقطع كور صغيرة او حسب الرغبه وتترك ١٠ دقائق فقط ثم تفرد وتحشي بخليط الحشو المذكور بالمقادير ثم تغلق جيدا وندهن الوجه دهنه خفيفه جدا بالماء بالفرشه ثم نغمسها في السمسم وتفرد علي شكل قرصه وترص في الصينيه وتترك لتخمر ويتضاعف الحجم وتدخل الفرن حولي ¼ساعه
وبالف هنا
🧁🧁🍕🍕🍗🍗

🥖 البوريك المصرى


⁦▪️⁩المقادير ..
(العجينة)
كيلو دقيق
٢علبة زبادي
٣ملعقة كبيرة لبن بودر
ربع كوب زيت
ملعقة كبيرة خميرة
ملعقة كبيرة سكر
ملعقة كبيرة بيكنج بودر
ملعقة كبيرة صلصة
ملعقة كبيرة خل
رشة ملح
كوب وربع ماء دافئ

⁦▪️⁩الحشو...

ربع كيلو جبنة موتزاريلا
ربع كيلو جبنة براميلي
١٠٠جرام زيتون أسود شرائح
نصف كوب حبة البركة
نصف كوب زعتر جاف
(لدهن الوجه)
٣ملعقة كبيرة ماء
٢معلقة كبيرة لبن بودر
ملعقة صغيرة سكر
نصف ملعقة صغيرة قهوة سريعة الذوبان

⁦▪️⁩طريقة التحضير ...

في العجان يوضع الدقيق والخميرة والسكر واللبن البودر والبيكنج بودر ورشة الملح ونقلب
ثم نضيف الزبادي والصلصة والماء تدريجياً مع استمرار العجن حتى تتكون عجينة لينة
تقسم العجينة إلى أربع كرات كبيرة وتغطى وتترك لتخمر ويتضاعف حجمها ونأخذ كل كرة وتفرد بسمك ١سم ثم تقطع بالقطاعة المدورة ونأخذ كل دائرة وتوضع بها ملعقة صغيرة من الجبنة وتقفل جيداً

وتترص في صينية وتترك لتخمر ثم تدهن وترش بحبة البركة وندخلها فرن ساخن على أعلى درجة حرارة حتى تمام النضج.
🧁🧁🍕🍕🍗🍗

🍢🍢سيخ_الشاورما_في_الكيس_الحراري🔥

كيلو بانيه
نصف كوب زيت
علبة زبادي
عصير ليمون
م ص ثوم مفروم
٢ م ك كاتشب
نصف برتقالة
م ك ملح - فلفل اسود
بهارات شاورما
م ك بابريكا
كزبرة ناشفة
حبهان مطحون

بهارات_الشاورما
كاري -جنزبيل
توم بودر- بصل بودر
كمون -كزبرة ناشفة

يلا بينا بعد المقادير ندخل علي التحضير
تبلي البانيه بالزيت والزبادي وعصير الليمون والثوم المفروم والكاتشب وعصير الليمون والتوابل وهاتي بطاطسايه كبيرة طويلة واقطعيها من تحت يبقي ليها قاعده عشان السيخ يثبت وميتحركش وحطيها في صاجه عليها ورق فويل واغرسي عيدان شيش تخينه وحطي عليها البانيه كده مرصوصه فوق بعض ومن فوق حطي بصله وغلفي السيخ بالكيس الحراري وعلي الفرن علي طول الشاورما تستوي لمده ساعه وتلت علي درجة حرارة عاليه وتبقي لووووز العنب
🧁🧁🍕🍕🍗🍗

🍰كيك الذرة او البسيسة
المقادير :-
كوب ونصف دقيق ذرة أصفر
كوب ونصف دقيق أبيض عادي
كوب سكر
نص كوب عسل اسود
3/4كوب زيت
3/4كوب حليب
ملعقة كبيرة خل
٥بيض
م ك بيكنج بودر
م ص بشر ليمون
رشة فانيليا
طريقة التحضير :-
في الخلاط نضع البيض والزيت والحليب والخل والفانيليا وبشر الليمون والسكر ونخفق جيداً حتى يصبح الخليط ناعم ثم نضعه في بولة ونضيف عليه البيكنج بودر ودقيق الذرة الأصفر والدقيق الأبيض العادي ونقلب بالمضرب اليدوي حتى تتجانس المكونات ويتكون خليط الكيك ثم نصب الخليط في قالب كيك مدهون بالزبدة والزيت وندخله الفرن على درجة حرارة ١٨٠ لمدة 35 دقيقة حتى تمام النضج ويقدم الكيك بالهنا والشفا
🧁🧁🍕🍕🍗🍗