شاب وعمري بلعشرِين
وملامَح وجهي ما تتساوه بسنِيني
اون حد الصَبح مو بشر صَاير ناي
وزعلو كل هَلي وشالو جوَاريني
لو ادري ابرُودك من الاول هيچ
چَا كتلك درُوح ولا اداريني
ولا تربطنِي بيك وتمشي عَني تروح
مَو بـَس بالبدايه وتالي تچفيني
توهمني بسرَابك وانه اركض ليك
واوصل يمك ومابيك تروينِي
دور الخضرچي تعرضلي وين الزّين
ولو ردت اشتري من العزل تنطينِي
اعلمك ع الرمي وانطيك مني سلاح
واول ماتجرب بيه ترمِيني
اغلطت والغلطة توجع بالف للشَطار
من كتلك اكتبني وانتَ تمحيني