قناة كروب ويبقى الحسين ع

عطر ……🤍


مولد السيدة رقية عليها السلام
متباركين ان شاء الله


،،،،،،،،
أجمل ورده الاجمل أب
عطر المحفل منچ هب
يارقيه..يارقيه
...
بسبعطش من شعبان
انولدت ايه بقران
چن ورده ابصورة انسان
تشبه جدتهه الزهره

ازغيرونه وتحمل اسرار
بالشام اتلم الزوار
امبارك هذا المولد صار
للخدام اكبر بشره

كوثر من كوثر من نور
ابكاروكج ريحة عاشور
يارقيه يارقيه
...
محتار اهديلچ مبروك
وابرجليچ الهسه الشوك
ناگه اتركبين وكاروك
واگماطج سوط ويچوي

مولوده استوچ تبچين
وادموعچ توجع بحسين
ابشيبات الغالي اتشمين
ياعالم حبنه العلوي

وجهچ مولاتي ايگولون
أرقه امن أغصان الزيتون
يارقيه..يارقيه
...
بسم الله ماشاء الله
نورچ عالدنيه اشمحلاه
عمچ عباس إبيمناه
هالليله ايهز بالرايه

ابچفيته الخظره ايغطيج
يضحكلچ وايلاعب بيچ
يانور اعيوني ايسميچ
تسوين الشط ومايه

جيتي وجبتي الخير اوياچ
يابنت احسين اشمحلاچ
يارقيه..يارقيه
...
ميلادچ اجمل ميلاد
هنيالچ يخت السجاد
فرشو سفره وصبو زاد
والتمو كل الاحباب

ام عباس اعليچ اتدور
وبالحيطان اتخلي ابخور
وزينب گالت هذا النور
طالع من اطهر اصلاب

وبهالمولد فرحانات
سكنه وكل العلويات
يارقيه ..يارقيه
...
واحنه الشيعه اوياكم دوم
مو بس هاليوم وكل يوم
والدنيه المابيهه انجوم
ضلمه اتصير وماتنعاش

داير ماداير شمعات
جبنالچ واحلى الهوسات
الليله ابابچ حوريات
ايطيرن بجناح الفراش

ودينه الگبرچ زوار
مشتاكين ازغار اكبار
يارقيه ..يارقيه

محمد الجماسي


#اللهم_عجل_لوليك_الفرج



t.me/qqq88997ffff


عطـ🌹ــــر

عطر…….🤍


ركز بصوت النبـض لمـن يـدگ
الگلب مهـدي تگول كـل دگـاته
وسوي دستور بحيـاتك للعشگ
خلي اسم المهدي كل صفحاته
وازرع ابـستـانك  انـواع الـورد
ووزع أسـمائه اعـله كل ورداته
وكلي حبـك سالفه بهيـئة شعر
وخل تـسولف بالعشـگ ابـيـاته
وجيب رايـه وبيها ياثار الضلع
ودوم لا تنـسه الـجره بـعمـاته
حزنه حزنك والفرح ويـا فـرح
وصير جندي وطالـب بثـاراتـه
وسوي محفل بالولاده واحتفل
واشعـل بنيـة الـفـرج شـمـعاته
وارسم بروحك درب مـن الامل
واگـعـد انـطـر بالـدرب جـيـاته
وخلي ذاتـك صـافيه بليه حقد
القائـم يـريـده اليـصـالـح ذاتـه
🖊️عباس فاضل الشمري


t.me/qqq88997ffff


عطـ🌹ــــر

عطر ….


هوسات الى القاسم ابن الامام الحسن المجتبى بمناسبة ولادته المباركه


انولد لآل النبي بهل اليوم شبيه المجتبى الازهر
مــاخــذ هيبة الـكرار وكــت الموزمـــه لــو كــر
الجده حيدره معــروف اسـد وسط الحرب يزأر

( ومن حيدر ماخذ صولاته )


الشاعر
موسى البديري


t.me/qqq88997ffff


عطـ🌹ــــر

عطر …….🤍


🌹هوسات🌹
حوار بين الشمس والقمر
ايوصفن جمال علي الأكبر ((ع))




الگمر حاچه الشمس ويگلها حسبالي
جـمــال الكـون كـلـه اتـصوّرت مـالي
يـحـلالي قـبـل كـل وصـف يـحـلالي

   ((  وجـه الأكـبـر احـلـه اهـوايـه  ))

*-----------------------*---------------------*

الشمس سمعت گـمـرنـه اوافقتة الراي
گـالـتـلـه استحيت اوجهي صار افّياي
چـنـت مـغـروره كلش بالجمال اهواي

((  ومـن شـفـتـه احتاريت ابـنـوره  ))

*-----------------------*--------------------*

قـبـل وحـدي أحسّن تسحـر اشفافي
گـمـر بـالليل وجهـي يسطع اوصافي
خن بـطـل غـرور ويـاشـمـس كـافي

((  ماعدنـه اشويـه مـن اوصافـه  ))

*-------------------------*--------------------*

الشمس گـالـت بـعـد بالـنـور ما ننغر
الجمـال المن صـدگ مخلوق للأكبـر
ربـنـه ابـقـدرتــه بـي ابــدع اوصـوّر

((   سبحانـه الـصـوّر سبحانـه  ))

*--------------------------*-------------------*

✍خادم علي الأكبر ع
الشاعر رعد الجريخي💐

t.me/qqq88997ffff


عطـ🌹ــــر