(3) وأخيرًا معلش ان الواحد طوّل عليكم فـ الفضفضة
بس متأكد رغم ان في ناس مش هتقرأ الكلام ولا يهمها
الا انك تنزلها ملف بس، بل ملف يهمها هي فقط لا غير !
مش مهم انه يكون مهم لغيره، ولكن في ناس تانية الواحد
كان حابب يوصلها الكلام ده، علشان بعض من متابعينا
ربنا يبارك في عمرهم ويحفظهم بيبعتولنا كلام بيشجعنا
والله اننا نكمل، واحنا بشر بطبعنا بنحب نسمع الكلام
الـ يشجعنا؛ لإنه بيحسسنا ان الـ بنقدمه وبنعمله له فايدة
وخليك عارف اننا هنفضل دايمًا نقول اننا بنهتم بتفاعلكم
هو الـ بيعرفنا ان الملف الـ تم نشره ده كان مهم ولا لأ
يعني لما ننشر ملف وانت بتعمل عليه لايك مثلًا
بنعرف انه عجبك وكنت منتظره، ولما مش بتتفاعل معاه
بنقول للأسف الملف مأفدناش بيه عدد كبير وتعبنا فيه
ع الفاضي، فـ حين احصائيات تحميله بتكون بأرقام كبيرة !
وده معناه ان الناس نزلت الملف وكان مهم بس استخسروا
فينا التفاعل، وما أحبوش انهم يظهروا اعجابهم، وبعدين
بيستغربوا ليه مبقناش بننشر كتير او مش مهتمين بمادته
او صفه الدراسي! طيب مانت السبب والله.
نتمنى ان المكان يكون مرجع لناس كتيره والحمد لله رب
العالمين اننا وصلنا لملايين الناس شهريًا بنقدر نفيدها
ويا رب نقدر نوصل لعدد أكبر ما يعرفش عننا لغاية دلوقت
حاجة ولسه بيعتمد ع الجروبات والتليجرام والواتساب