باسی ئەو شتانەی ڪه دڵ ڕۆشن ئەڪـەن


ئـــەو فــەرمانـانـەی ڕۆشـن ئەڪـەن دڵ
یەڪەم صەڵەوات دان لەشاهی ڕەسول

یاد و ذیڪری حەق چرای دەرونە
ژیر ئاگــادارە لــەم چـەن و چـونە

ئایـاتی قــورئان ســەرچــاوەی نوورە
بێ نورە هەرڪەس لە مەعنای دوورە

دڵ ڕۆشـن ئــەڪــا تەقواو عیبادەت
نوێژی چێشتەنگا و نوێژی جەماعەت

نوێژی نیوەشەو بێداری سەحەر
ئــەبنـە ڕونـاڪـی بۆ دڵی بەشەر

ڕێز و گـــوێگـــرتـن لــە دایک و باب
دڵ ڕۆشن ئەکەن بێ حەدو حیساب

هـــاوڕێیی چــاڪـان ڕۆشنی دڵە
دەوای ژەنـگــی دڵ پیری ڪـامڵە

دڵ ڕۆشـن ئــــەبێ وەڪــو ئایینە
مادەم تیای نەبێ بەغیلی و ڪینە

ڪـەم خۆری و پاڪی و حەڵاڵی طەعام
دڵ ڕۆشــــن ئــەڪــەن بێگــەرد وەڪو جام

زۆر خــۆری و پیسی و حەرامی طەعام
دڵ دور ئـــەخــەنۆ لـە فەیض و ئەنعام

بۆ ڪـەم مـەجالان صەفا مەحاڵە
فەراغەت مایەی عەقڵ و ڪەماڵە


له کتێبی #سەرچاوەی_ئایین
ئیقباڵ نامە
دانراوی مامۆستا عبدالکریمی موده‌ڕیس