قصيده الى الامام الكاظم ((ع))



*بسجن ضلمه وعلي سدو بابي*
*الوحدي ومحد حضر بمصابي*
*بكلبي ضلت ونتي*
*الكاضم انه بغربتي*
*بسجن ضلمه وعلي سدو بابي*



بغربه  والسجان  ماعنده رحم
وشفت بي انواع وشكال الضلم
اهلي من سموني ماعدهم علم
صعبه كلش حالتي
الكاضم انه بغربتي
ياحسافه بعيد  عني  احبابي
بسجن ضلمه وعلي سدو بابي


انضر بعين  السجن مابي  ضوه
خنكه بالطامور احس ماكو هوه
وكلبي من الفركه احس بيهه نجوه
بصدري ضلت عبرتي
الكاضم انه بغربتي
محد من اهلي سمع بعتابي


ضلمه وبسرداب اون الوحدي
توسديت الكاع وتهل دمعتي
من لفاني الموت زادت محنتي
ماكو مثلهه مصيبتي
الكاضم انه بغربتي
ولاحس الكافر  بعذابي


عداي مارحموني من سجن السجن
دموعي من الفركه على الخد جرن
ضلوعي محنيه على احبابي واون
ولله كلفه محنتي
الكاضم انه بغربتي
يهلي عليكم يطول اغيابي


السندي سماني وكطع مني الجبد
روحي خلصت وينكم يهل المجد
بني هاشم خل يحضرون الحد
يشيلون اجنازتي
الكاضم انه بغربتي
كضت روحي والامتني ثيابي


لخادمة الحسين ((ع ))العلويه ام اياد لا يجوز حذف الاسم


https://t.me/joinchat/-h0l4_B6FIg2ZjYy