قصيده الى الامام الكاظم ((ع ))



*راهب بني هاشم    خل يندهونه*
*معصومه اتصيح      تانو لا تدفنونه*



اندهولي الابو معصومه تريده
متعنيه وجايه من ديار البعيده
ونت على جسر والكلب شيهيده
ابوها الجان هيبه امغمض عيونه



توانو  بالدفن  تانوني  اشويه
على المسموم خل تلطم البنيه
اكله من شلت وصيتمن  بيه
تانو ابنعش ابونه لا تشيلونه


اكله على الجسر مالايحه النومه
يلمسجون دكعد جيت مالومه
ضلت بالحزن والنوح معصومه
اريد اوياكم امشي من تشيعونه


اكعد بويه اكعد جيت  شجايه
ترد العايل انته  البيك  الكفايه
عفت ابنك يوسفه بليه تجايه
يحضر خل ابو امحمد يتانونه


ياهو السامك ومغمض اعيونك
الماعدهم رحم بويه شيطلبونك
محاميل اربعه وسفه يشيلونك
كضاي الحوائج  بيه  تانونه


علمك من سمعته هدهد اعضامي
اجيتك ناحله وكوه انكل اجدامي
يتيمه وباليتم هل ضاعت احلامي
اعتابي ياحسافه ما تسمعونه




*الخادمة  الحسين (ع) العلويه ام اياد لا يجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى

https://t.me/joinchat/-h0l4_B6FIg2ZjYy