فزاعيات للعاشر وليوم سيد الشهداء صلوات الله وسلامه عليه



عشرة خيالة _ ايدوسن فوك صدري


عدل والنفس بية وداسن بصدري
واكو حافر خنكني تعثر بنحري
اليصد من صدري كام ايشوف البظهري

فتت ضلوعي _ الحافر وصل ظهري


متت والخيل ردت سحكت علية
بس ما ادري شنهي شضل بعد بية
بس الادري جسمي تلمة بارية

ما يلمونة _ طحن مطحون جسمي


ارتاحت خيلهم رماية كصدوني
من حلكي لحد اجدامي ترسوني
منطيحن فوك صدري يعبرن متوني

كلهن ايهونن _ بس سهم المثلث


حملت اسهامهم وارماحهم كصدن
تطب ارماحهم بضلوعي ويطلعن
طعناة الرمح مو هينة ينجبرن

وصلة من ضلعي _ طلع ويه رمحهم


شمروني بحجر وتئلمت منهن
وتعبانات اديّ ما بيه اشكفهن
باجر تتعب اختي من توخرهن

شكو حجارة بسلفهم _ بيهه شمروني


اجو بسيوفهم ميدان سوني
عليه تنافسو و بحركة طبروني
طبروني اعله حلكي وكسرو سنوني

هدلن شفافي _ طبرة وعطش بيهن



اجه دور الشمر ضل يرفس بصدري
ودارة اعله الكفة وتربع بظهري
اعمة الخنجر وكوة مشة بنحري

يشلع بكلبي _ يذبحني اعله كيفة


رافست شكثر كوة خلص ذبحة
كطع راسي اعله كيفة ونبتة برمحة
وحس من الرمح نحري كبر جرحة

رمح البنحري _ وصل يافوخ راسي


خادم خدام زينب صلوات الله وسلامه عليها
حميد كاظم الشمري