الناشر مصطفى المياحي

استشهاد الامام الصادق ع


ويه جرح الطف عشتها كل السنين
لآخر انفاسي اظل اببچي عله حسين
يحلالي هالنوح چم غالي مذبوح
****
يجري دمعي .. حگها عيني لو بچت صبح ومسيه
ردته موتي .. ما يحمله گلبي جرح الغاضريه
شنسه منهم .. والدموم اتصب نهر فوگ الوطيه
ماكو مثله .. يوم عاشر يا خلگ اكبر رزيه

امتاني هل لحظه واعدن ليله ليله
انتقل للاخره همومي ثجيله
ما ريدن الروح چم غالي مذبوح
****
بيمن ابدي .. بالخيم لو عمّتي الورم متنها
آ يزينب .. بغربه ودموع الحمر ترست حضنها
ما نقيسه .. يا بشر بالدنيا يتحمل حزنها
والجرحني .. ما لگت واحد يرد بيها الوطنها

عمّتي صرختها چانت بيها ونه
ياهو ليردني تصيح الدار اهلنه
وگليبي مجروح چم غالي مذبوح
****
حگي اجزع .. المثلي واجب تسمع الوادم نحيبه
شنهو چبدي .. چبدي يم امصيبة الطف موت مصيبه
يمي اهلي .. بالسلامه وجثتي ماهي سليبه
هذا گلبي .. ينبض وسهم المثلث ما يصيبه

لا سهام ولا سيوف وركضت الخيل
عيني ما شافت حراير تايها بليل
بفراشي مطروح چم غالي مذبوح
****
مو مثلهم .. صح اجو شبو علي اهنانه داري
المخيم .. ناره ما بيها ستر مو مثل ناري
ماكو جمره .. محد امن اهلي انچوه هذا اعتذاري
الغاضريه .. چوّت أطفال ومشو نص البراري

كل طفل يسحگ جمر يصرخ يزينب
لا تلوموني اعله عمتي لمن انحب
والناظر يلوح چم غالي مذبوح
****
ويلي ويلي .. ظل وحيد حسين جدي بنص طفوفه
ماكو ناصر .. جيش اميه لم نباله ولم سيوفه
دمعه دمعه .. ماهي ساعه والصدر حافر يطوفه
عالشريعه .. ما يعينه عمي گطعوهن چفوفه

بلا گمر يعني الشمر گاصد يذبحه
ويلي يتعنه ويحط راسه اعله رمحه
دم نحره مسفوح چم غالي مذبوح
****

الشاعر اياد الديراوي

.                يـا گـلـبـي الـمـا تـبـرد نـاره
                 محروگ إعله الحرگوا داره

                              *---------------*---------------*

                 يا گلبي .. المدفون بصدره
                 داست فـوگه خيول العبره
                 عـالصادق شـيـجـبّـر كسره
                 مـجـروح وتـنـزف أســراره

                              *---------------*---------------*

                 بحرگة داره أتخيّل وضـعـه
                 يـذكـر أمـه ويـلـزم ضـلـعـه
                 نسوانه إعلـه المحسن تنعه
                 ويـنـده يا عـبـد الله وثـاره

                              *---------------*---------------*

                 شـيـطـان الأمة بسم قـاتـل
                 سمّه ، وفرحت أهل الباطل
                 ذاك الـوجـه الـمِـبـدر ، ذابل
                 مِـن شُـلـت إيــده الـغــدّاره

                              *---------------*---------------*

                 صـادقنه ، الله يساعد گلبه
                 حي ميت ، عـايـش بالغربه
                 لا مـاتــم ، لا زايــر ، گـربــه
                 مـن گـبـره نـحـرمـت زواره

                              *---------------*---------------*

                 سيـد مـذهـبـنـه وعـنـوانـه
                 بـضـلـوعـه مـثـبـت أركانـه
                 يـا چـف ايـهــدّم بـنـيـانــه
                 ومـهـديـنـه ايـلـعـب فقـاره

                              *---------------*---------------*

                 الباطل حـشّـد جِنّـه وإنسه
                 والصادق مـا طـفّـوا شمسه
                 مـا ننسه أيــامــك مـا ننسه
                 وداعـة حـامـي الدار وجاره

                              *---------------*---------------*

✍️خادم آل محمد (ص)
الشاعر أحمد هادي الشمري


@HxzEU1

#قناه_نشر_القصائد_المنبريه

ياوارث الالــــم   ياراســــخ القيم
خزانة الســـماء   ياباكي الخـــيم
ياسيدي ابعلمـك ضعت
ارثيلك اجروحـك ردت
ياصادق القول



ابحــــر ابعــــالم رثائــــــــك
وانه مــــــن طـــينة عزائـك
يعني اذكرك بالـــــدمع
ويم جروفك ترـسي روحي
مالي غير اســــبل جروحي
وادري جرحي ينسمع

ياصادق القـــــول وامـــــــام النور
يالحزنك امجــسد حــــزن عاشور
جامع مفاهيـــــــم العــلم واحزان
طف كربلـه وكل الدمــــع مجمور

بيك الوصف قليل   ياسيدي الجليـــل
يامعقل الجـــروح   وبيك الحزن نزيل

يامن على حسينك شبت
ارثيلك اجروحــــك ردت
ياصادق القول



اكثــــــــر اجروحـــك عشتهه
نــــــارك ابيتــــــك شفتـــــهه
وبالك الزيــــــنب سرح
هيه محتـــــــاره ابزمنـــــهه
وانته محــــــــتار بحــــزنهه
اشافت ابيـــــوم الذبح

يمواســــــي زينــــــب ماطفيت النار
الخاطر خيــــــمهه ماحمـــــيت الدار
موقف خـــــــــذاك الكربله مـــــولاي
مثل الحرگ بـــــس تختــلف الادوار

تتحـــــــمل الرجال    هم فايق الجبال
بس صعبه عالنساء    تتحـــمل الحبال
يازينب ابيومك صـحت
ارثيلك اجروحـك ردت
ياصادق القول



ياعلمــــــك المـــــابي نهــــــاية
وياخــــازن اجـــروح الســـبايه
وناقل اخـــــبار السبي
ياسبـــــــــب كل المــــــــدامع
وراوي عـــــن زينب مــــواجع
والجره اب أل النـــبي

حاولت اشـــــــوفك بالعلِم محـــــــدود
بس انته حزنــــــك ماتحــــــده احدود
من باب اشـــــــوفك سيـــــــد العرفان
ومن باب اشـــــوف الكربـــــلاء اشهود

تتحدث بدمــــوع    وابگـــــلبك الجزوع
عن العطش هذاك   وعن سحكة الضلوع
تتوضه بدموعك صرت
ارثيلك اجروحـك ردت
ياصادق القول



كلشي يـــــم اسمــــــــك نسيته
وســــــائل ابابــــــــك لگــــــيته
گلبي وايـــــــدور سمح
اقبل العـــــــاش ابــــــــــذكركم
وبمصايبـــــــــكم عشـــــــــتكم
طير مكســــــور الجنح

ياكســــــــرة العاش ابقــــــــرب مولاه
مجرى الدمـــــع فوگ الــــــوجن تلگاه
ياجعــــفر الصـــــــادق دربــــــكم دال
ولوما عزيتــــــــكم عــــــــــــبدكم تاه

احياء أمر امـام   بالدمـــعه لو كلام
كأنما حيـــــيت   اجروحي والعضام
بيكم حيـــيت ومامتت
ارثيلك اجروحـك ردت
ياصادق القول

خادم القصيده
شاكر الصيمري



@HxzEU1

#قناه_نشر_القصائد_المنبريه

بس هليله يمكم راحله أمعون
وهضيمه الموت اصبح راحه لمعون
الجمر ماخله خويه راحه لمعون
بكثر ماطفت بخيمة رقيه

صحت لخواني جنهم مايسمعون
ومابين الاسامي مايسمعون
بعد عباس منك مايسه ام عون
الحبل والنوگ جابوهن إليه


يجوري حسين عطره فرحه للشام
نسبينه وصار راسه فرحه للشام
وأنه بگبري صاحو فرحلي الشام
الهلج ردي غربيه بهل ثنيه
خادم اهل البيت ع

فلاح طالب الماجدي

ابوذيه
السيده زينب اتخاطب الامام الحسين ع


مــن گـلـبــك عـلــيّــه من    هوه الطف
يخويه انچوَت رِيتـي من   هوه الطف
اظـن تـدري بـخـيتـك من   هوه الطاف

ابـلّـد لابـي هـلـي اولا بـي حـمـيــه

*------------------------*----------------------*
✍خادم الحسين ع
الشاعر رعد الجريخي

استشهاد الامام الصادق ع


يالاسست ثورة عشگ يالصادق انته اتلمنه
حب الحُسين المنذبح انته الزرعته بدمنه
احرار .. صرنه
زوار .. صرنه
يا مولاي
****
صوت إعتله أذآن الفلا
عُبر كل زمن زور كربله

عن كربله وعن حسين تتحدث رواياتك
ما بين السطور نشوف يا سيدي دمعاتك
الرايد جنة الفردوس يستمسك ابآياتك
اليمشي بلهفه للمظلوم تحضنه ابين نظراتك

الزاير تنوله المغفره ويحضى بأجور العمره
يوم القيامه من يجي تشفعله امي الزهره
انوار صرنه
زوار صرنه
يا مولاي
****
نور الدمع شوگ ينجمع
عوف دنيتك نوح للضلع

الما يبچي اويون لحسين هذا منتقص دينه
والما لطم عالمظلوم بلا معنى گضه سنينه
لو ما دم ابو السجاد لا صمنه ولَصلينه
بگلبه الما يبات حسين عن العشگ چا وينه

مو للاجر يهمي الدمع هذا الأجر منريده
نبچي اعله غالي بلا وطن عالغبره صب اوريده
نختار صرنه
زوار صرنه
يا مولاي
****
يرف العلم تشوف الأمم
جمر يسطلي حُب هالخدم

حسين اللي يخدمه اتصيح امچانه باچر ابجالي
انته الثبتت دستور جدي الأول وتالي
بينه اتعجبت هالناس گد ما نخدم الغالي
دخان الحسينيات هب ويه الهوه العالي

نعمه وشرف هذا الدرب بيه الحضه هنياله
انته ورسول الله غدا تتبسمون اگباله
أقمار صرنه
زوار صرنه
يا مولاي
****
خط الحبر الراد النصر
حب الصدگ نور بالگبر

اتحدينه الزمن والجور ويكبر هالعشگ بينه
انموت بحب ابو السجاد حاشه ما تخلينه
ندري من يطمنه اتراب بجود عضيده يلفينه
الساگي كربله بدمه باچر هوه يسگينه

عن البشر اي نختلف ماكو ظلام وغربه
يتنور بنوره الگبر رحمه يبعثه ربه
اسرار صرنه
زوار صرنه
يا مولاي
****
حسين عاطفه يمه الشفه
هاي كربله ارض الوفه

البي عله ويريد يطيب يگصد يوگف ابابه
ما حاجه يشيل چفوف تكفي شمة اترابه
والمنترس گلبه هموم بس يتذكر امصابه
حسين الما يرد لهفان حاشه ايخيّب احبابه

يم الضريح ازحف زحف اهناكه تشيل الكلفه
بشباچه من تلزم كإن چفك تحطه بچفه
بالدار صرنه
زوار صرنه
يا مولاي
****

الشاعر اياد الديراوي

حسین یا گُبَّة عشگنه البیهه شفنه دروبنه
حسین حَرَّمنه عله غیرک غزل بین ضلوعنه
صاحَبُتنه او للأبَد صُحبانَک
و اِحنَه چَلَّبنَه بخَشَب بیبانک
۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰
اِحنه ما عاشَرنه غیرَک و انت لِلعشره مِلِح
لیلنه یخَلُّص نَعاوي و بِسمَك نفِزِّ الصُبِح
راسَك بروس التِحبَّك يا هو گال اعله الرُمِح
ناس لَحَّت عالمَلاهي و حنه عالمجلس نِلِح

الدنیه لو مابیهه انت الغَزَل سِبحَه بلا لَظُم
انت اوَّل عِشِگ خَلَّه الوادِم تسولِف لَطُم
الدِنیَه کِتبَتنَه بحِبِر شِریانَک
و اِحنه چَلَّبنَه بخَشَب بیبانَک
۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰
اِحنَه ما نِرهَم عله اَحَّد بَس عله عیونَک نَعَم
اِحنَه ما نِسمَع أغاني بمَجلِسَک نِشبَع نَغَم
حسين فِدوة الذاك وَجهَك يا بَعَد كِل اِلألَم
سَهَم مادَوَّرنَه بِسمَك رِدنَه مِن صَدرَك سَهَم

اقرايتَك واهِسنَه صارَت واهِس العاشِگ دَمِع
غیر لَطّامَت عَزائَک والله ما عِدنَه رَبِع

حسین مَحَّد یِترِس اِلنَه مچانَک
و اِحنه چلَّبنه بخَشَب بیبانَک
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اِعليك ما يِنضَم عِشِگنَه حسین یا رَبِّ العِشِگ
اویاک عالفُطره رُبینَه غَزَل مِن نوع الحَرِگ
الساعَه خَل یُوگَف گَلُبهَه گلوب خِدَّامَک تِدِگ
حَد ظُهور المُهدي تِبقَه ضلوع عِشاگَک زُرِگ

نِترِس العالَم مَواکِب ،لَطُم و دموع او هَلَه
او نِختِصُر هاي الدِنِيَّه كَربَله الحَد كَربَله

انت دَلِّیت الخَدَم عِنوانَك
و اِحنَه چَلَّبنَه بخَشَب بیبانَك
۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰
اِحنَه مِن عاشِر مُحرَّم صِرنَه مِن طین النَهَر
اتراب و شوَي ماي جِربَه او نُفَخ بالطينه الگُمَر
حسین مِن نِعطَش عله اِسمَک نِترِس الدِنیَه مُطَر
او مِن مُحَرَّم حَد مُحَرَّم نِشبِع المَجلِس سَهَر

حسین یَملوحَة حَچینَه او یا بَخَت شِیّٰابنَه
حسین یا حِسچَة نَعاوي التِنعي بي جَدَّاتنَه

لاح بينَه اِتراب مِن حيطانَك
و اِحنه چَلَّبنَه بخَشَب بیبانَك
__
الدِنيَه ما لَهَّتنَه عَنَّك ما لَهِينَه بهَالخَلَگ
انت مِثلِ الریح اِسمَک مِن یِهِب نوگَع وَرَگ
حسین ماي اوجوهنَه انت الماي يَم وَجهَك شَرَگ
وَهَب غَرَّگنَه بمَحَبتَك عِطَش و بعِشگَك غَرَگ

فاتحَه او نِصبَتهه زینَب و‌ُجَت مِن أبَّاً و‌َ جَد
او لِلقیامَه اَطفالنَه تضَل چادَر تسوِّي المَهَد

دمُوع شاتِلنَه بصَدُر گیعانَك
و اِحنَه چَلَّبنَه بخَشَب بیبانَك
____
✍️ نسیم الناصري _ الأهواز

ألآهــــي            
أنظـــر البكائي
وأستمع ندائي    
وأستجب دعائي
* * * * * *
شبي يانار البُعد بالروح شبي
ويادموع الشوك صب المزن صبي
يمتـه أزورن جعفــــر الصادق يربـي
يمته أكض شباجه وأبجي ويشفه كلبي
ألآهــــي          
من أزور أمامي
بس دمع كلامي    
زيارتـه شفائي
* * * * * *
يالآهــــي هــذا عبــدك وأبن عبــدك
شال أديه وجاي يدعي ويشكي عندك
ربي شمله برحمتك والرحمـه وعدك
وأرحم أدمــوع الذي ماعنــده بعدك
ألآهــــي          
من كلب ينادي
تعلم بمرادي    
رحمتك رجائي
* * * * * *
يالآهي رگــــد ثوبي وجزع صبري
وأجر حسره بأثر حسره طول عمري
كل حياتي بعبرتي مختنگ صـــــدري
أشما أصدن للبقيع أدموعي تجـــــري
ألآهـــي          
ياوكت أشاهد
تنبني مراقد        
قبلة أقتدائي
* * * * * *
أنفطر كلبي يالآهي ونار بيه
على زيارة سادتي خير البريــه
الحسن والسجاد والزهره الزجيه
والامام الباقر السموه أميــــــــــه
ألآهــــي        
يمته ألنحبهم
ننظر الگببهم  
ويبتشر ولائي
* * * * * *
ربي يايوم النشوف المهدي ثاير
يمته أبوصالح يجينــــه بالبشاير
يبني كبه أمذهبـه ويبني المنايـر
وللمدينه السيدي أتعنـه زايــــر
ألآهــــي        
لوظهر ولينه
يبني بالمدينه    
كبة أوليائي
* * * * * *
ربي عجل في ظهور المهدي مولاي
خلها من نوره الشريف تنور دنيـــاي
ربي داي أفراكه بينه وصعب هالداي
ربي خلينـــه نشوفـــه برايتـــــه جاي
ألآهــــي            
أبعث ألنه نوره
وعجل بظهوره  
وأنهي كل عنائي
* * * * * *
                                سلام المشعل

مالج عرف بس رايه شافوج
رگضو عليهه ومنهه حرموج
من ترف جانت يعني عباس
خلاهه الج عن لايهضموج

من گبتج وسفه وفشل راية علي شمروها

ميته وغريبه أبطرگ التراب
وعليچ كلسا يندگ الباب
شمضيع، وياهوه ، شيريد؟
ها يالغريبه جاي طلاب

رايتهم أترف ع صحن من كون تعمه أعيونه

شمضيع الحادي ورجع ليچ
بيا هزله عدله يريد يحديچ
گليله ماتن كلهن النوگ
هزله علهزله ماتن عليچ

ياناگه ضل منهن بعد ويريدچ تصعديهه

هذا الوحيد وماله وليان
عگب الزلم تولاه نسوان
العطشان يبرد گلبه بالماي
وگلبج هضم بالشام شبعان

خل طارش يمر بهلي يگلهم شتم شبعانه

نحلفك يبو الثار الحگ أم عون
العمتك تره ماضلت عيون
حيهم يهاشم صاحت أهواي
حيهم هلي چا ماتفزعون

تتدرون متعبني اليسر مو مال أضل اوحيده

رسول رياض

((غلمانك))


غلمانك والحب تارسنه
لدروبك بيدك ماخــذنه .. انصار

""""""""""""""""""""""""""""""""""""""""""""""""'''""""

متوازين الحـب وازانه .. يالتـسوه عيون
دونك مـثل البل زنزانه .. حال المسجون

ولن افـــراج حـــبك مــر علينه
ومن قيد الــزمن فكيـنه أديـنه
يشاطينه ونوارس احنه اجينه
يحادي اگلوبنه ويابو الضعـينه

موش احنه لاحبك عتنه
لدروبك بيدك ماخــــذنه .. انصار

""""""""""""""""""""""""""""""""""""""""""""""""'''""""

يالبابك يحسين بصدرك .. بابك مفتوح
ومانندل ونلــــوذ بكترك .. علمنه جروح

هذا الحر اجاك وراسه حـــاسر
ومشدوهّ النضر وبشوگه خاسر
ياربح الله اخـــذني وياك باچر
ظـــل يصيح احبك گلبه كـاسر

الدنيا تبوگ وحبك ضمنه
لدروبك بيــــدك ماخـذنه .. انصار

""""""""""""""""""""""""""""""""""""""""""""""""'''""""

جـــون يگلك طيـــب عطري .. ياعطر الهيل
واسود لوني وفدوه بصدري .. خل تسحگ خيل

حبك بيه صـار بگـلبي ينـــفض
لوني اسود ولكن گلـــبي ابيض
يحسين العشگ مو شغلةّ الحظ
من وقعنه كلمــن صدره ينـرض

مــن يوم الذر مجمعنه
لدروبك بيدك ماخـذنه .. انصار

""""""""""""""""""""""""""""""""""""""""""""""""'''""""

بگلب العاشگ تطلع شيبه .. يالتدري بهاي
الخــادم بيدك انته تجيبه .. وتشربه الماي

اذا مو انته يعني الحب هضيمه
والمحــــروگ بيـكم گلبه خــيمه
فاضحني الدمع لا مـــو ضميمه
تــــركض دمعــتي وچنها يتيمه

بطبعك يحسين مطبعنه
لدروبك بيـــدك ماخذنه .. انصار

عبد زينب
محمد الابراهيمي

جعفر الصادق تذكّر عمْته زينب
من يصد لداره بيها النار تلهب
موقف الدار
يذكر اخبار
عمته زينب
&&&&&&&&&&&
حرگ داره صح يجرْحه وْصح يهمّه
بس يظل حرْك الخيم اكثر يألْمه
جرح زينب من يجي ابّاله يلچمه
يگلهه الله اليجبر امصابج يَعمه

تخمد النيران وايطفيهه داره
بالگلب حرْك الخيم ماتطفه ناره
يلمح النار
يذكر اخبار
عمته زينب
&&&&&&&&&&&
عن ابوه عن جده يرويهه المصيبه
شلون زينب راحت الديره غريبه
تنسبي ام الخدر هاي العجيبه
إلمثل ابو فاضل تصيح منين اجيبه

قصة الطف يروي كل شدة حزنهه
يختنك بالعبره لمن يحجي عنهه
يفجع الصار
يذكر اخبار
عمته زينب
&&&&&&&&&&&
حسين جده اكباله كل لحظه يشوفه
ويحضر بمجلس عزائه وما يعوفه
ماتركهه ازيارته ابأصعب ظروفه
اتعودت فوك الصدر تلطم جفوفه

لو سمع ناعي الحسين بصوته ينعه
فوك الخدود بغزاره يجري دمعه
وصوت الاشعار
يذكر اخبار
عمته زينب
&&&&&&&&&&&&
بعصره جم طاغي منع هاي الزياره
ماكدر عن منهجه ايغير قراره
واليوالي الصادق اعلن اختياره
عن طريق حسين ما يحرف مساره

الجزع مرفوض بس لحسين جايز
الما يعوف ازيارته بالجنه فايز
جده لو زار
يذكر اخبار
عمته زينب
&&&&&&&&&&&&&&
يرعب المنصور تاريخ الامامه
يدري بيهه بكل وكت الهه الزعامه
يرتجف من موقفه ونبرة كلامه
ما يريد الصادق ايعيش بسلامه

منه بانت غايته وقرر يسمّه
ينتظر ساعة منيته وما يهمه
وكته لو جار
يذكر اخبار
عمته زينب
&&&&&&&&&&&&&&&&
احمد العكيلي



@HxzEU1

#قناه_نشر_القصائد_المنبريه

#شهادة مولانا جعفر أبن محمد الصادق (صلوات الله عليه)

يحديني.. دمعي وأحن
لمصابه ... آه وحزن
وبحلامي ...... أزور البقيع
آهاتي.. ونوحي أله
يكسرني .. ناعي هله
أحزاني..... الأمامي الشفيع

ليش أل النبي غربه
وهمه من ذوي القربى
ليش الصادق أتجرع
مرار وينجرح گلبه

آه شعظم يومه ورزيته
ونار العدو حرگتله بيته
يا غربته وحيرة عيونه
وبالسم غدر صارت منيته

-------------------------------------------------
يا روحي.. أبچيله دم
وتذكري.. نار الخيم
للصادق ..... أفزعي بنحيب
لاحزانه ..كون أنفجع
بعيوني.. نار ودمع
وتغرب....... للباقي غريب

ما يشفى جرح حزّنه
وعلي ننصب مئاتمنه
كون بيومه مانبرد
أسمنه جعفريه أحنه

واجب أله ننصب عزيه
مو بس حچي شيعه الهويه
لو ننتسب.. لـ أسمه بفعلنه
لـو ندعي..... مـو جعفريه
-------------------------------------------------
بتعزيته.. ألطم وأهم
وجروحي .. خل تنلچم
بصرخاتي.... أضجله جزوع
مو هينه.. يمر مقتله
بسماعي .. وماباچي أله
بچفوفي...... أدگ عالظلوع

لــ أبو الكاظم حزن ذاتي
ولطمتي ودمعي وآهاتي
هذني أضعف الأيمان
قصور بكل مواساتي

أبنه بچه. العظم المصيبه
وناحت علي بنته النجيبه
لونه ذبل وسفه وهظيمه
چبده انمرد وماصحله طيبه
-------------------------------------------------------
من حرگو..داره المله
شتذكر.. طف كربله
ويشاهد....... فرار العيال
دمعاته.. من غيرته
العماته..تحن مهجته
ما شاهد.... هزيله وحبال

يشاهد ركضت أعياله
ويا مشهد أجه أباله
هم شاهد طفل يركض
ونار مچلبه بذياله

خوف وذعر صار أبناته
ونار وركض. لمخدراته
أصعب جرح يطلع دلاله
أگبال العدو .. يا نايباته

✍🏻حسين حمدان الدلفي



@HxzEU1

#قناه_نشر_القصائد_المنبريه

‏الليله الزجيه بلوعه.. .... تبجي وتون مفجوعه
‏ع وليدها تصب الدمع.. ومحنيه من كسر  الضلع
‏تبجي وتون مفجوعه
‏..... .....
‏هاليله ناحت فاطمه وحزنت وياها السبعه
‏ يم كبر ابنها ام الحسن  كامت تون وتنعه
‏جبريل ناد اهل السمه وصوته الملاك اتسمعه
‏خل ننصب يكلهم عزء لبن الزجيه بسرعه
‏
‏
‏نواسيها وانصب الدمع ... .....وأرض وسمه خل تستمع
‏والفرح يطفي شموعه............ الليله الزجيه بلوعه
‏
‏...........
‏
‏خلت اليد على الكبر ويد ع جرح البيها
‏ام الحسن ياهل خلك سابع سمه تبجيها
‏صوت النعي منها ارتفع ومانعرف احنه شبيها
‏ثاري الطيور الباسمة نزلت سوه  تواسيها
‏
‏
‏حتى الطيور مالمه.......... نزلت تواسي بفاطمه
‏وانتها اضن مسموعه........... لليله الزجيه بلوعه
‏
‏...........
‏
‏ذايب كلبها ومنفجع من الزمان اوجوره
‏تشوف الامام بلا صحن وبلا مناره وصوره
‏لاصوت تسمع لا صدى لاناس يمه تزوره
‏هل منظر يلم الكلب وماايجبر المكسوره
‏
‏
‏ هل منظر يشيب الجفن .......... لناعي يقرأ ولا حزن
‏ ولا رايه بي مرفوعه.......... الليله الزوجية بلوعه
‏
‏.........
‏
‏شالت اديها افاطمه  ونادت يلاهي دخيلك
‏تدريني بت خير البشر بالمصحف  وانجيلك
‏يارب اريد اتوسلك بالصادق ارد ادعيلك
‏عندي بعد ماضل صبر وانطالب بتعجيلك
‏
‏شالت اديها الزهره ...... ونار القلب مستعره
‏والجفن صب دموعه ......... لليله الزجيه بلوعه
‏
‏........
‏اسمع دعاء ام الحسن وشنهي طلبها تريده
‏تدعي المناير ترتفع وكل البناء انعيده
‏واهل البقيع الهم صحن وكبه ومنارة جديده
‏وكون الامام المنتظر يرفع الرايه بايده
‏
‏وتطوف الخدم بالحظره.... هذا التريده الزهره
‏وكل الخلك مجموعه....... ليله الزجيه بلوعه
‏
‏
‏..... ابو زهراء الظالمي.......
‏


@HxzEU1

#قناه_نشر_القصائد_المنبريه

لبيكَ يا حسين // لبيك يا حسين
ــــــــــــــــــــــــــــــــــــــــــــــــــــــــ
(لبيكَ) هالصرخة ابــــلا حَــــد
                    من الأرض لابعـــد كوكب
اجنّنـــــــا سبـــــــطُ محــــــمد
                   و قدوتنــه عبّاس و زَينَب
وراثة عـــن أب و عـــــــن جَد
                   اورثنه كنِــــز حُبّه الأعذَب 
لاخـر نفـــس نلبـــــــس أسود
                  و يتعب هدمنه و ما نتعب

ما ردنه مـــــــن الذر // إلّا ابــــو الاكبــــــر
و ندري يحبــنه أكثر // حُب حيــــدر لقنبر

لبيك يا حسين // لبيك يا حسين
ــــــــــــــــــــــــــــــــــــــــــــــــ
عن الجـــرح گالــــــوا حكمة
              ما تــنــــوجع إلّا أصحــابه
و جرحــنه لا فـــدوة الأسمه
             ناخـــذ دوانه امــنْ اتــرابه
شمس و گمـــر وگت الظلمة
             ينثر ضــــــوه لعين احبابه
حسيــن اسمه و الكوثر أمّه
            و تسوه العُمر سجـدة ابابه

بخيـــــــامه نتــوّضه // و انـأذّن لـــــفرضه
و ال بالذَهَبْ يحضه // ما يـــرضه بالفضة

لبيك يا حسين // لبيك يا حسين
ــــــــــــــــــــــــــــــــــــــــــــــــــــــــ
بهذا العشگ حگ نتـــــفاخر
                ربّــــانه عالعـــــز ربّــــــانه
من عابــس لإبـــنَ مُظــــاهر
                عشنه ابفخر چن صُحبانه
ناصب خيـــــم گلبه الطاهر
                و بيهن جمعـــنه و خلّانه
مُستقبل و ماضي و حاضر
               ساكن گلبــنه و شريــــانه

قائــــــد قضيتنه // و صاحب عقيدتنه
رايــــــاته رايتنه // و يم گبـــره جنّتنه

لبيك يا حسين // لبيك يا حسين
ــــــــــــــــــــــــــــــــــــــــــــــــ
ضدنه انجمع جيش المُنكر
                  و هيـهات ابــــــد بالذل نقبَل
واحــــــدنه تلمــــيذ الأكبر
                  و ينتــــــمي لجامـعة المَقتَل
والينه طـــــگ رَزّت خَيبَر
                  انشـــــــد علينه و زين أسئَل
من عدنه ابو ذر و الأشتر
                  و عصر الظهور أوشك يكمَل

وگت الصـدگ يبدي // من يظــهر المهدي
و لأجله العُمر نفدي  // جندي بعد جندي

لبيك يا حسين // لبيك يا حسين
ــــــــــــــــــــــــــــــــــــــــــــــــــــــــ
بدمــعة مُحَـــــرَّم نتكـــاتف
              و عاشــوره دوم ايجَمّعنه
و حتــى إذا لـــو نتخــــالف
              مجلــس عــزائه ايوَحّدنه
درب العشــــگ بي نتحالف
              و انبـــزها عينه اليكرهنه
ميهمنه ابــــو عقل الناشف
             و شما حچه ابدن ميهمنه

مــن أول و تــــالي // نجمـــــــتنه بالعالي
و صَدّگونه مَنغالي // شيعة و نظل غالي

لبيك يا حسين // لبيك يا حسين
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني

القصيدة في طور الكتابة لم تكتمل بعد


الف الحمد لله وشكر
من ربي مد بية العمر
وانة لمحرم انتظر احييها ذكراك
=================
احمد الله واشكرة اعله النعمة هاية
وادعي خادم كون اضل حد النهاية
خدمت حسين الفرج من الخطاية
لله تتقــــرب اذا تصـــفى النواية
حمدي يربي وشكري الك
جدمي لدرب الحق سلك
وي الحسين اتوسلك تحشرني اهناك
===================
رائد الاسدي