الناشر مصطفى المياحي

((وصال نينوى))


لَستُ أدري روحي أم قلبي انكوى
لَستُ ادري أين ساقاني الهوى
في غياهب أم لجين
في طريق الخافقين
قلبي يرنو في وصالِ نينوى

أذا مو أنته مدري شلون تگضي
يقبلةّ گلبي يامـــن بيك فرضي
حبك بالشهد يحسين
حــــــتى بهاي متوارد
گامو من حياتي الناس
بس أنته اعله گلبي مربع وگاعد
احبك والدمع شاهد
يل بس انته يالواحد
بصفحات العشگ انته
يريعان الگلب انت
ولطميه وجرح والنار
وبمجلس حياتي هواي متواعد
وي الزهره متواعد
وي المهدي متواعد


في دياج الروح قد شاب الغسق
في صميم العمر قد بات الرمق
بات في قلبي سؤال
مامدا جُرح الحبال
في يدين العرش قد بان العلق

بچفوف الجنان أحبال شدو
وعلى اچتاف الزغار اسياط رسمو
زينب والعشگ فواح
من السوط ماملت
سر حبك سبي وجروح
وزينب عاشگه وفوگ الهزل طلعت
العشگ لازم دمع سايل
العشگ لازم متن مايل
يحبنك يبو السجاد
لذلك گابلن جلاد
اليطيح من الهزل مبخوت
تعبانين حد الموت
الدمع مثل الجرح بسكوت
مبحوح العمر والصوت ... يحبنك


ياكُرام الجُرح في قَــلبُ التيّ
وَدَعت شجعانها في الدمعتي
من على ضهر النياق
لا دمـــــــوعاً لا عناق
ثم سارتّ في ضلام الوحشتي

مشت والهزله تعثر بالمصيبه
چه تدري الهزل زينب غريبه
حرام أليّ يحب يرتاح
وزينب هيه تعبانه
تعبانه بسهر وبسوط
وعيون الشوگ لهفانه
أبد متگول عطشانه
تظل بالضيم سهرانه
ترسم خيمه بيها أخوان
وتارسها گمر عدنان
وتسمع صوت أخوها حسين
ترسم للفرج بيبان
صارت للجرح عنوان
زينب والگلب ذبلان
زينب للدموع أشجان ...

عبد زينب
محمد الابراهيمي

لكربله..يا عين تبخل بالبچي..الصار ميوصفه حچي
زلمه اعله اخته ينتچي..بكربله

كربله..دار اليحب النايحه..اعظم و اكبر فاتحه
يبچون و الكل فارحه..بكربله

بلايه احساس..تعز دمعه لحسين الناس..و ما عز عليها العباس..ما جازوا اعظم احسان
كون الدين..ترد عين لليوهب عين..و شتوفي بس گلي حسين..و بالصحره ركظ نسوان

شنهي البچي شنهي اللطم
ما نوفي شوغات الهظم
حرمه امن اخيها تنحرم..شتسوالي

شيسدها كسرة كافلي
و شيردها امري ادللي
بهزله ابدل محملي..من تالي
.
.
.
لكربله..غمها العيون المابچت..غمها الجدام المامشت
اخت الحسين امن اوچبت..كربله
بكربله..نزلت بعز كافل شهم..ماچانت بكلشي تهم
طلعت سبيه تنشتم..بكربله

حسين انطاك..شتريد گلك وياك..زلمه بدمعتك سواك..و بالدمعه تبخل چا ليش
بحافر خيل..كونك تدگ صدرك حيل..و دمعاتك اتنگع الليل..متفيد كلمة بعديش

حزم عيونك للدمع
إفزع اجه وكت الفزع
شوغتك خلي تنسمع..لحسينك

من ينفتح طاري السبي
انثر دموعك ع العبي
صرخة بأمي و ابي..ترد دينك
.
.
.
بكربله..طاحتلك خيام و علم..و عبدالله فك ريجه بسهم
و حسين بدالك خيم..بكربله
لكربله..لازم تطيح و تنفجع..و من اللطم تكسر ضلع
خل صرخة الآه تنسمع..كربله

بذاك الليل..هدت على الخيمه الخيل..و النار بايتامه تعيل..و ما صح عليهم فزاع
ضج و نوح..انزعها بالآه الروح..حسين اعله مودك مطروح..عريان نايم ع الگاع

ما توفي حلفان العطش
و لا هظمته ليل اهدعش
من ضل بلا غسل و نعش..بالهيمه

شتوافي طبره لو الف
من ضل ينازع بالنزف
و ضل شاربه بهضمه يرف..ع الخيمه
.
.
.
بكربله..ابدي حياتك منكسر..و اختمها لوعه اعله الخدر
تعايشها من رد المهر..بكربله
بكربله..مهيوب اذكره من طلع..و ملوي السرج لمن رجع
معناها ابو الاكبر وگع..بكربله

شضل بالحيل..و حسين انصه من الخيل..ماتگضي إله بيا ويل..هالليله ما تگضي بخير
لمن طاح..و شيعو راسه اعله رماح..گلت الخدر هسا راح..و الضعن للغربه يسير

ايست من شفت الذبح
و ما نمت چن راسي برمح
من الصبح حد الصبح..سهرانه

الي يريد توصل عبرته
و تنقبل حرگة شوغته
يتبره خل من دمعته..ويانه
.
.
.
.
.
حسين الحمّامي





@HxzEU1

#قناه_نشر_القصائد_المنبريه

هوسات ولادة النبي
صلى الله عليه وآله وسلم


ابربيع ١٧ دنيانه مبتشره
لأن علدنيا اشرق نور ابو الزهره
أذن واجب نبارك قائم العتره

ونشارك ... فرحة مهدينا

ــــــــــــــــــــــــــــــــــــــــ

ابولادة طه مو بس عيدت مكه
سماوات وأرض بالفرح مشتركه
اليريد ايوقع لجنة عدن صكه

من يفرح ... صكه ايوقعونا

ــــــــــــــــــــــــــــــــــــــــ

ببو القاسم أنس والجان مسروره
وغمر كون الله كله ابنفحة اعطوره
يرب وفقنا نوصل مرقده انزوره

وخيعونه ..... اليلزم شباچه

ــــــــــــــــــــــــــــــــــــــــ
سيد علي عبدالزهره الناجي





@HxzEU1

#قناه_نشر_القصائد_المنبريه

صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
بالــــورود بالورود ... واجب ازيّن محفلي
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
والافراح والافراح ... بيها الهلاهل تعتلي
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
مُــــحمد مُــحمد ... فوگ العرش اسمه جلي
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
والنجوم والنجوم ... صاحن هله بأعظم ولي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
حور العين حور العين ... طه عشگها الاولي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
يشع نور يشع نور ... وجهه شمس ما تنجلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
أله انزور أله انزور ... ياروحي ربچ اسألي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
والاشعار والاشعار ... نقراله بيها انه وهلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
محبين محبين ... يا حبه مالينا ملي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
نواليه نواليه ... ولعترته نبايع بلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
عترته عترته ... حبهم ضماني وكافلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
عشگهم عشگهم ... اي اعترف بي مبتلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
عداهم عداهم ... ما يبقه شي بلدنيا الي
صلاوات صلاوات ... على محمد وعلي
ــــــــــــــــــــــــــــــــــــــــ
الهي الهي .... يمهم اريدن منزلي
صلاوات صلاوات ... على محمد وعلي
ــــــــــــــــــــــــــــــــــــــــ
خصمهم خصمهم ... لاشك جهنم يصطلي
صلاوات صلاوات ... على محمد وعلي
ــــــــــــــــــــــــــــــــــــــــ
سيد علي عبدالزهره الناجي





@HxzEU1

#قناه_نشر_القصائد_المنبريه

اهازيج بمناسبة ميلاد الامام الصادق عليه السلام


شيعي انــه وامامي الصــادق بقـوله
والــه بيــوم الــولاده تلوگ هلهـوله
وي الصــادق اخلــي افــلان معقوله
(( وهم مذهب ذاك يسمونه ))

___

استـاذ الكل امــامي وكلها طــلابـه
وغيــره بمسألــه يحتــار بجـــوابه
الحجر يم الجواهــر يا زمن جــابه
(( وبــفلان شلون يساوونه ))

____

شيعي انه امامــي گاضي كــل كلفه
واجــت كــل المذاهب تدرس بصفه
الصــادق جامعـه اليگصدله يتحفه
(( يا مذهب ما دارس عده ))

___

ياهو الي درس عنده يظل حيران
قــران الامــام يـــدرس القــــران
يهلك والله لــو ما دارس النعمان
(( سنتين ومذهب سواله ))


الشاعر
موسى البديري




@HxzEU1

#قناه_نشر_القصائد_المنبريه

يانبي الحب والحنان
انت مفـــتاح الجنان
يارسول الله يارسول الله

ــــــــــــــــــــــــــــــــــــــــــــــــــ

واجــــــــــب علينه نحب اعيونك
يا هــــــــــوانه المانعيش ابدونك
يانبي وهنــــــــــيال لي يحبونك
الله يعــــــــــشك كل ليعشكونك

بالحشر حبك ضمان
انت مفــتاح الجنان
يارسول الله يارسول الله

ــــــــــــــــــــــــــــــــــــــــــــــــــ

بفرح هليله نخــــــــــط مكتوبنه
مولدك خير انــــــــــزرع بدروبنه
يــــــاحبيب الله وحبيب اكلوبنه
انت بــــس انت التضل محبوبنه

انت للـــــــــخايف امان
انت مفــــــــتاح الجنان
يارسول الله يارسول الله

ــــــــــــــــــــــــــــــــــــــــــــــــــ

الارض فــــرحت ولسمه بميلاده
ياهلا بمـــــــولـــــد جبير الساده
سيد عله البــــــــــشر ربك راده
اهل اسمه اتسولف بقت بمجاده

ياعظيم وعالي شان
انت مفــــتاح الجنان
يارسول الله يارسول الله

ــــــــــــــــــــــــــــــــــــــــــــــــــ

تزهي كامــــــــــت بالفرح ايامنه
وبعد ماتكــــــــــتب حزن اقلامنه
انــــــــــولد هلـــيله ربيع احلامنه
اليوم خـــــل ننسه التعب والامنه

انصـــــــدر بحبك بيان
انت مفــــــــتاح الجنان
يارسول الله يارسول الله

ــــــــــــــــــــــــــــــــــــــــــــــــــ

ياكمر ضــــــــــوه وترس دنيانه
من الولاده اســـمك يعيش ويانه
اكلـــــــــوبنه بهاذ الحفل فرحانه
ارواحـــــــــنه بحب النبي ولهانه


فرحـــــــت ليله الوطان
انت مفــــــــتاح الجنان
يارسول الله يارسول الله

ــــــــــــــــــــــــــــــــــــــــــــــــــ

حسين عبد الزهرة الدراجي





@HxzEU1

#قناه_نشر_القصائد_المنبريه

ماشاء الله  .  سُبحان الله
قد جَاءَكُمْ نور السمه الخارق
خير الأسماء  . الأكبر جاء
يشبه علي الخالق الناطق

هد ابن الحسين وطشراها الگوم
ابوالغزره العضيمه التگطع الزردوم
من مگفاه نبي ومن وجها داحي الباب
يطلع ضوه الطالع من ضهر معصوم

شاب ونزل ... نزلت علي بيومه
حيو الفحل ... وذراعه ورسومه
مايخطي ابد    بالعركه نيشانه
هد وزعل  ...  وختنگت الحومه

سبع ، من ضهر سبع ، طشر الجمع
والله ونعم
يشع ، عالمهر يشع ، ونفسه ينگطع
الگابل الشهم
حي الله الأكبر   حي الله الأكبر
،،،،،،،،،،،،،،،،،،،،،،،،،،،،،،،،،
نور الأنوار  .  بركان النار
قد جَاءَ نصرُ الله في الأكبر
ولو الأدبَارَ . سيف القهار
وارث شجاعت حيدر القسور

الماصخ ضاع ذجره بهدت المالح
الشارد عثر جدمه ابجثت الطايح
الصار بعيد منه يلوحه من بعيد
ابكثر شعرات شارب حرمه ذابح

گابل زلم ... حي الله ابن هاشم
صار الردم ...  ومگاطف الوادم
غبره الحرب ...  ومضيعه منواها
بيهم فطر  ...  جان الفحل صايم

نوه ، عالحرب نوه ، گاطع الهوه
ولابقه نفس
ضوه ، وعابر الضوه ، اليگرب نجوه
وصدره ينرفس
حي الله الأكبر   حي الله الأكبر
،،،،،،،،،،،،،،،،،،،،،،،،،،،،،،،،،
أينَ الأعداء  .  يوم الضراء
هاذى علي الأكبر القاهر
سيفُ الأسلام . نور الأنعام
شعشع ضياء اللهِ العابر

تله امن الجثث بالحومه سواها
خذاها امبهذله ومذبوحه رداها
مثل الرگبه من يلتف عليها انگاب
التف اعله الزلم والقاده داساها

صارت وذر ... هز كلشي بذراعه
الأكبر ضهر ... لو قامت الساعه
يضوي الكلف ... والضلمه ذبحاها
يفني الزلم  ...  هاي اجمل اطباعه

كلف ، سيد وكلف ، حاوط الألف
وحده بس عدد
صلف ، بالحرب صلف ، عالمهر يهف
يجوي مابرد
حي الله الأكبر   حي الله الأكبر
،،،،،،،،،،،،،،،،،،،،،،،،،،،،،،،،.
الأكبر صاح  . زهق الأرواح
حلت عليكم لعنت الباري
أين الأبطال . حل الزلزال
الموتُ هاذى تحت فقاري

الميريد الحرگ لا يوصل الجمره
واليگرب علي الأكبر يطگ ضهره
صاح ورجع الوادم قرن من صاح
وخلاها وعلي وجوه الزلم صفره

وين المفر  ... حيد ودخل اليها
مثل المطر ... طايح علي اعليها
رد الزلم   ... ردت شمس بيده
يگلبها ضل ... عاليها واطيها

طلع ، عالزلم طلع ، والوجه لمع
لمعت الذهب
گطع ، جم ضهر گطع ، والقمر ركع
لسمه ونعجب
حي الله الأكبر   حي الله الأكبر
العبد ابوفايز الرافضي





@HxzEU1

#قناه_نشر_القصائد_المنبريه

عالثره شالع كلبهن
عالرمح شالع كلبهن
بناتي بناتي
٠٠٠٠ ٠٠ ٠٠٠٠
يمهن منذبح لو عنهن بعيد
اكول السالفه ياوادم اتهون
يحز راسي الشمر جدام الخيام
وزينب وي بناتي يشبحن عيون
ياحيرة خدرهن والظهر ذاك
الشمس والسوط ركضتهن علمتون

تارس الهيمه البناتي ذكريات
وين ماراحن صوري مطشرات
هناه توادعنه وحجينه بطاري موت
بعد ماكو بكربلاه يم دللات

موش الهن ركظ هاي الهيمه
ذني لوطلعن تموت الخيمه
بناتي بناتي
٠٠٠٠ ٠٠ ٠٠٠٠
صاحو للخيم ايسي من الحسين
الماعنده اخو مذبوح مذبوح
انه الكاسر گلبهن بين الخيول
مامرتاح حته بطلعة الروح
من شافني حدر الخيل مسحوگ
بكبر گاع الطفوف نترسن اجروح

شبعتهن كربله بنياتي خوف
بصدر ابوهن لو حوافر لوسيوف
من رحت حركو خيمهن من وراي
عيونهن ياضيم بالمغرب تشوف

كلها ردت وانه رديت برمح
شلون تغفه اليمهه ابوهه منذبح
٠٠٠٠ ٠٠ ٠٠٠٠
ينامن ليلهن ويغمضن اشلون
اذا جمر الخيم طافي بجدمهن
تهضمني شكثر جلمت سبيات
ياهو الشافهن للشام گلهن
من حرگت كلبهن جني اركاظ
وانه الماخوذ وميسر مثلهن

راس ابوهن عالرمح وشلونهن
مذوبلات من البواجي عيونهن
الليل هين اه ياضيم النهار
عله الهزل غربه الي رجبونهن

عمده يم الجثه مرو بالضعن
فوگ لو عتهن بعد يتلوعن
بناتي بناتي
٠٠٠٠ ٠٠ ٠٠٠٠
يادرب السبي ليطلع الروح
راسي عله رمح ويعاين الهن
الصرت جدامهن ايتصبرن بيش
وراهن لوصرت اشلع گلبهن
انجان عله الرمح هالسالفه اتهون
جابو ماي وأكثر روعتهن

جابن الماي واجن يتراكضن
بويه اشرب ضامي جبدك صيحن
عالي راسك والرمح والحر  جواك
عفنه صدرك بالثكيلات انطحن

عالرمح راسي يرامونه بحجر
ظيم شبعانات ويشبعن قهر
بناتي بناتي
٠٠٠٠٠٠٠٠٠٠٠٠٠٠٠
وراهن ضيم مامشيوف عد ناس
الخرايب والقصر وطبت السوگ
الله يعينهن عالشام والشام
اذا وصلت سبايه محمله النوگ
تتفرج عليهن ناس شمات
ينشف المستحه دمهن بالعروك

ليش وبكل يوم ازودهن جروح
الخرابه والطشت ياخذله روح
اه ياوگفتهن بمجلس يزيد
اعله شفافي عصته لمن تلوح

الشام قصره روع ايات النبي
والمجالس موش الهن والسبي
بناتي بناتي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

ياابالزهراء..يارسول الله
...
لو اكول اسمك تزول اوهامي
وينفتح باب الكرم كدامي
ياسبب ديني وشرف اسلامي
يمته ازورنك وانول احلامي
كبرك شمحلاه..يارسول الله
...
يالقبل ادم تشع انوارك
وبمحافلنه تفوح ازهارك
بالقلوب امحبتك وآثارك
بيك نفخر يالنبي ونتبارك
ياعظيم الجاه..يارسول الله
...
بمحفلك يالمصطفى التمينه
مثل الاشموع التشع ضوينه
مسلمين وبسمك اتسمينه
والعلي والفاطمه هنينه
نهجك اتبعناه..يارسول الله
...
اعليك من انصلي يامولانه
الرزق كله يفك بيبانه
يارسول الله وعطر قرانه
اشكد بخيل المايصلي اويانه
الصوت عليناه...يارسول الله
...
يالوصيتك بالكلب محفوره
من كنت مولاه اجمل صوره
علي يامحله بهائه ونوره
العدل والميت وجوب يزوره
كلنه حبيناه..يارسول الله
...
من ينابيعك شربنه اهوايه
العترتك صرنه خدم وفايه
للحسن ابنك رفعنه الرايه
وللاحسين بكل سنه مشايه
احسين ماعفناه..يارسول الله
❤️❤️❤️
اللهم عجل لوليك الفرج
محمد الجماسي

محمد يامحمد
محمد يامحمد
انت مو بس النبي الواليته
انت معشوكي الذي حبيته
سر محبتك بالصدر ضميته
لكن اتفجر عشك واحجيته

حبيتك من كل كلبي
واشلون اوصفلك حبي
يانور اليضوي ابدربي
لعيونك سلمي وحربي
والماحبك ماحب شوفه

محمد يامحمد
محمد يامحمد
...
كلت واحد كلنه رب معناها
كلت اسلمو وبس نعم كلناها
كلت نفسي وبس علي شفناها
كلت روحي فاطمه و صنّاها

يابو الزهره انت الغالي
اهنا يالماتترك بالي
انت الاول والتالي
بكيفك سلمت احوالي
وبكيفك خليت اسنيني
محمد يامحمد
محمد يامحمد
...
بكلبي جنت اول نبض حسيتك
بريتي جنت اول نفس شميتك
لعيني يا اول ضوه احتاجيتك
واختصارا للشعر حبيتك

انت المعشوك الاول
ذكرك اجمل من اجمل
انت افضل من الافضل
لجلك قرأن اتنزل
شكتبلك ماتوفي اشعاري

محمد يامحمد
محمد يامحمد
....
بكل فجر شفتك شمس بافاقي
حبك الزارع امل بأعماقي
من كتبت اسمك عشكت اوراقي
اسمك اويه اسم الجليل و باقي

يل مخلوق امن اسراره
بيك انوضعت انواره
مثلك منهو الله اختاره
بيمين بعرشه وجاره
يانور الطاف ابعرش الله

محمد يامحمد
محمد يامحمد
....
انت اهم من الهوه بهالعالم
انت سيد ادم او ابن ادام
يلي ذكرك بالسمه يتزاحم
ونورك بنور العرش يتلاحم

اهنا يالروحك قدسيه
حبيتك بأصدق نيه
حسيتك روحي البيه
هوايه انت وحجيي اشويه
ياسلطان وعرشك روحي
محمد يامحمد
محمد يامحمد
....زهير الابراهيمي





@HxzEU1

#قناه_نشر_القصائد_المنبريه

شفتك صوره مـــــــو واقع وكلبي اتسودن بحبك
دعيت الله اشكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

شفتك بالصور عطشان بس ماصدكت هايه
وانت العلكمي يحسين من كصتك نبع مايه
شيخ الكون انت اتصير وهاي الناس ودايه
صار براسي حظ مولاي من حبيتك هوايه

واللهم بالزهراء يثبت جــــــــدمــــــــــــي ابدربك
دعيت الله اشكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

عطشانك عشك مو ماي اهنا يالمنذبح ضامي
يوم الما اذكرك بــــــــــــي ما ينعد من ايامي
موش بـــــزودي يامولاي بزودك مرتفع هامي
انت اول بشر يحسين عاش بروحي يالدامي

حلات ايــــــامي يالمذبوح كـــــون تخلص بكربك
دعيت الله اشكثر يحسين بس كون ادخل الكلبك


ــــــــــــــــــــــــــــــــــــــــــــــــــــــــــــــــــــــ

مجانك بالكلب يحــــــسين محد ياخذ مجانك
من اصياري ولهاذه اليوم عليه فايض احسانك
صح ازلف وروح ابعيد وانت تردني الحضانك
اشما جيلك هله اتكـــــلي وتفك كلبك وبيبانك

رغم ماذنبي حــــــافر خيل وعرف سيدي معذبك
دعيت الله اشكثر يحسين بس كون ادخل الكلبك


ــــــــــــــــــــــــــــــــــــــــــــــــــــــــــــــــــــــ

اليهواك بصــــــدك يحسين مايهوه بعد غيرك
موش بخيري عايش دوم لا عايش انا بخيرك
يا اجمل بشر بالكـــــــون حيل اعشك تعابيرك
ضريحك هوه عش كلبي احسبني سيدي طيرك

ما اندب بشر بالضـــــــــــــيج كلبي بشدته يندبك
دعيت الله اشكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

شمقدملك انه حسين وهيج انت ارفعة قدري
لا مذبوح من اجلك ولا خيل اسحكت صدري
مجرد مجلس احضرلك ودمعي الغربتك يجري
وسميتك حبيب الروح وطوع امرك صبح أمري

تعبني بخـــــــــــــدمتك دوم حيل ارتاح انا ابتعبك
ودعيت الله شكثر يحسين بس كون ادخل الكلبك

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

اذا باجر متت يهلي وتشيعوني
امانه الكـــــــربله رايد تودوني

ــــــــــــــــــــــــــــــــــــــــــــــــــــــــــــــــــــــ

أوصيــــــكم هلي ووصيتي احفظوها
ريـــــــــــــد اجنازتي الكربله اتودوها
مانه كبر ابـــــــــــــــو فاظل تزوروها

كمر عدنان احبه اهواي تدروني

ــــــــــــــــــــــــــــــــــــــــــــــــــــــــــــــــــــــ

وبعد عندي طلب يهلي ويضي العين
اريــــد اجنازتي اتعطلوها يم حسين
وعزه يقــيــــمولي يمه بالدمع وونين

وريد بكل عزه يهلي تذكروني

ــــــــــــــــــــــــــــــــــــــــــــــــــــــــــــــــــــــ

حسين البخــــــــدمته خلصت عمري
حبيبي والغــــربته دمعي ضل يجري
كيده مـــــــــــن اموتن يحضر بكبري

على موده رخصتها دمعة اعيوني
ــــــــــــــــــــــــــــــــــــــــــــــــــــــــــــــــــــــ

انا ابيوم الحـــــــشر لا خاف لا اهتم
روح الربي بدمــــــــــوع العزه محزم
الدمعه العل حسين اطـــــفي اجهنم

حسين المايخيب باجر اضنوني

ــــــــــــــــــــــــــــــــــــــــــــــــــــــــــــــــــــــ

اذا جاني الملك يهــــــلي بوكت دفني
انا عنـــــــــدي يقين حسين يحضرني
وكيد عله الصــــــراط ابأيده يلزمني

هوه وأمه بالمحشر يعبروني

ــــــــــــــــــــــــــــــــــــــــــــــــــــــــــــــــــــــ

جنت انه اخـــــدمه حسين عل فطره
وابــــــــــد لادورت لاجـــــــاه لاشهره
جنت كــــــــل همي ارضي امه الزهره

والف هنيالي اذا خادم يحسبوني

ــــــــــــــــــــــــــــــــــــــــــــــــــــــــــــــــــــــ

جنت ارتاح كلـــــــــــــش من اخدمنه
اكثـــــــــر مـــــــــــن هلي والله احبنه
عزيز الزهره هــــــــــاذ الماكو اعز منه

بفضل الله وخدمته الكل يقدروني

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

تنشدني يمه ضلعج اشبيه وهواي اشوفنج تلزميه
وتگلي عينج حمره يايمه من السطره
ما تدري يحسين
*
من ياهي ابديلك وما ادري شحجيلك وابديهن منين محتاره يحسين
البسمار صوبني وضلعي انكسر يبني من دفعت الباب ما جنهم اصحاب
عصروني يايمه شكثر وكتلتني ذيج العصره
البسمار جلب بالضلع وسمعت ضلعي وكسره
محسن رفس من الالم حسيت صابو نحره
طحت عله وجهي يم عتبة الباب
شما انهض اعثر ونمت عله التراب

الظالم وأن گال وعصرني وعالعين رد ليه وسطرني
خلوني اموتن حسره يايمه من السطره
ماتدري يحسين
**
جرح الضلع يبني شگد تدري تعبني من عنده مليت ويايمه سليت
ما ادري شمسويه ولتمو عليه بكعب الرمح ذاك ذباني لهناك
يايمه جابوني دفع وكسر الضلع ماذيني
من طاح ابني عالارض فضه صحت لحگيني
وعالعين سطروني وطحت وما اشوف گمت بعيني
انظر جنيني ميت عله الگاع
وناديته يمه لا ترحل بساع

مكسور ضلعي وگلبي محروك ويايمه مات اوليدي مخنوك
وآنه متت جم مره يايمه من السطره
ما تدري يحسين
****
يحسين هضموني وبالباب عصروني عليه الهوه ضاع وذبوني عالگاع
گمت امشي محنيه ومن ضلعي ليليه يايمه ما انام من كثر الآلام
ترتاح بالليل البشر وانه شكثر يهضمني
وكلما نمت يمه الضلع ايفززني ويألمني
وما بيه اجر گمت النفس حتى النفس يلجمني
يلزمني ضلعي وتهيج الآلام
مرت عله امك تدري اصعب ايام

بس للألم يايمه ظليت ويحسين من الدنيه مليت
گمت اختنك بالعبره يايمه من السطره
ما تدري يحسين
*
يحسين اشوفنك ومابيه اشبگنك يا اغله الاحباب حل وكت الغياب
خليني اشمنك والصدري اضمنك يا مهجة الروح راح امك اتروح
آنه ادري بفراگي صعب وشكثر راح ايألمك
بليل صعبه من تفز وما تلگه امك يمك
وشلون تگضيه العمر وبعيده عنك امك
ادري انه بعدي ايصير اظلم البيت
ومن هسه يبني اعليه حنيت

يحسين راح ايطول الفراك ولليمه راح اهوايه تشتاك
وفراگي جرح اشكبره يايمه من السطره
ما تدري يحسين
*
لا تهمل ادموعك يمه اصعب اضلوعك اتسحگك الخيل وتشوفك الويل
ايحز الشمر نحرك وجم حافر بصدرك وتموت عطشان ويايمه عريان
مسلب ونايم بالشمس يمه شگد ايسحگونك
وليش العده گبل الذبح اميه ماينطونك
عالرمح راسك ينرفع واطفالك ايشوفونك
يمه المصيبه ايحرگون الخيام
وزينب غريبه يسبوها للشام

يمه بحبل مجتوفه اديها وذاك الشمر يفتر عليها
زينب تظل متحيره يايمه من السطره
ما تدري يحسين
****
تمت
ميثم العمري





@HxzEU1

#قناه_نشر_القصائد_المنبريه

آنه ام الحسن يامن تشيعوني
بهيده وي النعش لمن تشيلوني
**
النعش شيلوه بهيده ولا تحركونه
مصيوب الضلع بالباب تدرونه
تلجمونه اخافنكم تلجمونه
مضلومه شكثر ياناس تدروني
****
شيعوني وذكرو امصيبتي او وضعي
من هجمو عليه ونكسر ضلعي
اگضي الليل اون وما نشف دمعي
هظموني يشعه اهواي هظموني
***
خلف الباب صاحو فاطمه الزهره
يگللهم وأن عصروها اشد عصره
اسطرو عينها وكون اسمع السطره
ياناس عله عيني حيل سطروني
**
عالحايط عصرني وحيل عذبني
شفت الموت والبسمار صوبني
طحت مكسور ضلعي ومنذبح ابني
وكمت ماشوف من السطره بعيوني
*
الف موته اموتن انه ليليه
وياناس النفس ظل يصعب عليه
اخلي ايدي عله ضلعي وامشي محنيه
وحرام انجان انام الليل تدروني
***
حلات الميت من تشيعه اعزازه
وياناس المشيع عازته عازه
اليوم بنعشي انتم امشو جنازه
وموش عله المتن عالراس شيلوني
****
اليشيعني اكله هاك اخذ بشره
دنيه واخره متعوفك الزهره
الحضر تشييعي باجر احضر بگبره
احضركم بذيج الوحشه تدروني
*
تمت
ميثم العمري

شور


زينب زينب شافت ذيج العصره
زينب زينب سمعت ضلعي وكسره
زينب زينب صاحت يمه الزهره
*
ركضت للباب دمعه تسابك دمعه
واسمعها اتصيح عوفي الباب بسرعه
من يعلم بيج حيل عليج ايدفعه
ويمه البسمار لو صابج شيطلعه

زينب زينب آه يالوعت زينب
زينب زينب تنظر ليه وتنحب
زينب زينب تكتل ذيج النظره
****
بالباب النار ونظر ركضت ليها
تطفيها تريد وادري زغار ايديها
بخيمتها شلون لو حركوها عليها
ياهو الها ايروح والنار ايطفيها

زينب زينب بالطف ياحيرتها
زينب زينب ما تنشف دمعتها
زينب زينب وخوتها عله الغبره
**
طحت عله الكاع طيحه ومامش نهضه
واصعب يا ناس ابني المات بلحظه
وتدرون الباب هشم ضلعي ورضه
ومسطوره العين ونده وينج فضه

زينب زينب شبگت حيل عليه
زينب زينب كامت تشتم بيه
زينب زينب شافت عيني الحمره
**
زينب ياناس اه يا لوعت زينب
كامت كلساع تلزم ضلعي وتنحب
شوفيني اتكول راسي زغيره وشيب
بلا ام البيت مايسوه ولا ينطب

زينب زينب هدت حيلي بونها
زينب زينب راح انه ارحل عنها
زينب زينب گلبج فگدي ايفطره
*
يازينب راح ضيم اتتشوف عيونج
وعكب العباس زرگه اتصير امتونج
وبذاك الصوط عالناگه ايصعدونج
يمه وللشام يازينب يسبونج

زينب زينب آه الشام وضيمه
زينب زينب تبقين بلا خيمه
زينب زينب تموتين اشجم مره
**
تشوفين حسين شمر ايحز بنحره
يمه وتدرين اشجم طبره ايطبره
ايرفسه من ايكوم عنه ويكسر ظهره
وتسحگه الخيل يمه وتخسف صدره

زينب زينب راح ايعذبه بذبحه
زينب زينب ويرفع راسه برمحه
زينب زينب جسمه الخيل اتطشره
**
تمت
ميثم العمري

هاي الايام يخدام تظل من العمر
*
والله احلى ايام تمر بينه كل عام
نحييها ونصيح للزهره خدام
اليحضرها ماجور ونلطمها الصدور
هاي اليالي جن ثاني عاشور

ندريها بمجلسها تحضر فاطمه
واليلطم تمشيله وراح اتكلمه

يالتلطمون بالعيون عله الزهره الاجر
***
بينه اشگد احساس المجلسها ياناس
بي يحضر حسين وينظمه عباس
بمصحفها تدرون تسجل اليخدمون
وموجوده اسماء كل اليلطمون

اليبجي الها من الليله خادمها انحسب
واليتعب للزهره ميضيع التعب


بهذا الاحساس يهالناس تعوضنه الصبر
**
ام الحسن هاي انطيها عيناي
ادري الله ياناس ايحب فاطمه اهواي
واليلبس اسود تحبه الله يشهد
اليخدمها تدرون يخدم محمد

هنياله الصار الها خادم من صدك
والعاشك بعيونه نظرات العشك

تحزم حزام هالايام وخذ اجر شكثر
****
شد حيلك وكوم وخدمها هاليوم
خدمتها حلوه لا تبقى محروم
والزهره بذات اليخدمها ما مات
وخصاها الله بتلث روايات

كوم اخدم هالفرصه خافن ما تصح
والزهره يالخادم خدمتها ربح

فاطمه وياك تجي هناك تحضرك بالگبر
**
زينب اجت هاي متغيره اهواي
تفتر عليكم وتوزع الماي
مهضومه تدرون ودير العيون
واسوها زينب يامن تلطمون

بلطمتكم هالمجلس يهتز رايده
وخل زينب يم حيدر باجر شاهده

مثل الشموع هالدموع تظل الكم ذخر
*
تمت
ميثم العمري

من شيع الزهره شيع علي عمره بليل الضوه انشال
تكثر تره جروحه الدافن بديه روحه المن بعد ظال
****
مفارك علي الليله الروح ومن يمشي مشيت مجروح
اتروح كل ضحكه وصوت شمعة البيت من اتروح
شايل حياته بتابوت ومن يبجي يبجي بلا صوت
امبين علي شگد مخنوك عالزهر اضن راح ايموت
الليله علي شيع عمر للمگبره بليل
وبيده دفنها زهرته وما بي بعد حيل
شابك گبرها ودمعته عالخد دمه اتسيل

جرحه علي شكبره ولازم بديه ظهره ومتغير اهواي
محني الظهر يمشي ضيع علي كلشي ومن يبجي بهداي
غالي وفگد غالي وما ظلت آمال
**
عالگبر خله ايده وصاح بعدج علي ما يرتاح
من هسه بين فرگاج وصفك كمت راح براح
ما حاسب الهذا اليوم حسبالي عشرتنه ادوم
من رحتي وانه بلا روح وما شايفه عيوني النوم
كبرني فگدج فاطمه يمكن الف عام
وگمت اعثر بنسمة هوه وكل ليلي ما انام
والزاد مر بفركتج صايرله ايام

من يوم مارحتي لازمها خاصرتي هد حيلي فركاج
كلما يمر ذكرج بدمعي اركض الكبرج وابدي احجي وياج
ويالزهره بغيابج متگطع اوصال
***
كلما احس صدري ضاك للمكبره حيل اشتاك
والها بدمعتي تعنيت وكلتلها مابيه افراك
يالزهره ضعت بلياج وعافيتي اخذتيها وياج
ملهوف اردن للبيت واختنك من ما الكاج
شنسه وعلى الذكره عشت يا اغله الاحباب
وكلما احن وتذكرج اركض عله الباب
وتدرين حيل اتغيرت ماجني ابو تراب
افراكج كسر ظهري ونار اشعر بصدري وما اكدر انساج
ما بطلت نوحي بجيتج ترد روحي ويا محله ملكاج
ما احمل الفركه وهجرج علي طال
***
كلتيلي ارجع للبيت وياريت اله ما رديت
تلگتني زينب بالباب ولمن شفتها احتاريت
لا بيه اكللها عليج ولا بيه اكللها شبيج
شبكتني وتنام تريد زينب وضعها ايبجيج
اتكلي وين امي مشت وشكبره همها
كلما افز من نومتي تنومني يمها
مكسوره البنيه تظل لو ماتت امها

مشتاكه اشوفنها والصدري اضمنها بيديه الزغار
ورجع اشمنها ولا لحظه اعوفنها وما ريدن احتار
ومن ما لكيت امي وحده الدمع سال
*
كلتلي بويه امشي وياي عندي حجي وياك اهواي
خليني اون ونحب حيل لاتكلي زينب بهداي
ليش امي عافتني بليل وليش اسمع اصهيل الخيل
وليش من انام اسمع صوت زينب تشوفين الويل
رايح يكلي بكربله زينب تحيرين
ومتونج ايصيرن زرك ومسبيه تمشين
عليجن خيمجن تحترك وشكد تركضين

رايح يعذبونج وشكد يسبونج وتحتاري بيتام
تظلي بلا خيمه وتباتي بالهيمه وياغربت الشام
ويازينب اجفوفج تاكلها الحبال
***
ايكلي زينب تدرين مايظل شي من حسين
رايح يطحننه الخيل وبس الحوافر تلگين
بحر الشمس يبقى اهواي ويظل يدور عله افياي
عالرمل تدرين اينام ومحد انطاه شربت ماي
يصعد على صدره الشمر ويحز وريده
ويخلي راسه عله الرمح ويرفعه بيده
وزينب يجيج الخيمتج سبيج يريده

ايرفعه جدامج وتشوفه ايتامج الغالي مذبوح
من ينگطع نفسه بصدره يجي ايرفسه ابن امج ايروح
وتشاهده عيونج نايم عل ارمال
***
تمت
ميثم العمري

شوط كربلائي

حيدر غسلج بالليل ويجر حسره بأثر حسره
ومن شاف الضلع مكسور شال أيده ولزم ظهره
*
ألليله حيدر بيا حال حزين ودمعته اتلالي
شال أم الحسن بيده وللمغيسل مشه الوالي
يعينه الله علي رايد بيده ايغسل الغالي
انحنه والصدره ضماها وكام ايسولف وياها
علي ما أضنه ينساها
والله ايموت الف موته علي لو فارك الزهره
*
شال الماي ابو الحمله وعليها يبجي كام اهواي
لن يسمع علي دخيلك غسل فاطمه بهداي
الغالي اشلون كلبها انطاه عالغالي يدير الماي
بعلي املاك السمه احتارت من ايده عله الضلع صارت
الدنيه بحيدر اندارت
شال أيده وكعد بالكاع حيدر خنكته العبره
***
كام ودمعته بعينه يكلها عليج أون معذور
حياتي وبيده اغسلها وشوفن خدج المسطور
وشيظل فاطمه بالشاف من عندج ضلع مكسور
انكسر من شدت العصره وعينج فاطمه حمره
ادري من وره السطره
وحكج لوما الوصيه جان الكل خذت عمره
**
جفنها علي بحزنه وبده يتوادع وياها
ولن زينب اجت لمها وبجه عرش الله لبجاها
وحسين اعتنه مهموم وكعد يم أمه حاجاها
الحسن يبجي ويريد أمه الصدرها رايد اتضمه
يكلها دنيتي ظلمه
امي وزهرتي بدنياي الفاكد أمه شيصبره
***
يبجون وعلي محتار الزهره اطفال عافتهم
يريد أمه الطفل بالليل وانه اشلون اسكتهم
حنت فاطمه وأنت الصدرها برقه ضمتهم
منظر ماتحمله العين زينب والحسن وحسين
بحضن أمهم غفو هالحين
المنظرهم بجت أملاك وكامت تسجب العبره
****
تمت
ميثم العمري