alkasb - الكسب

انت عايز تتعلم إيه عشان نساعدك تتعلمه ونقولك علي أفضل مصادر ليه!!!

عايز تضيف دخل إضافي؟ نفسك تعتمد على نفسك ماديًا؟ الحل بسيط: تعلم مهارة تفتحلك أبواب جديدة!

💡 إزاي تبدأ؟
1️⃣ حدد المهارة اللي تناسبك:
ابحث عن حاجة بتحبها أو بتحس إنها مطلوبة زي التصميم، الكتابة، أو التسويق الرقمي.

2️⃣ اتعلم خطوة بخطوة:
ابدأ بكورسات مجانية أو فيديوهات تعليمية على الإنترنت. خصص وقت يوميًا للتعلم.

3️⃣ طبق وطور نفسك:
التعلم من غير تطبيق مش هيكون فعال. ابدأ تطبق اللي اتعلمته واعمل مشاريع بسيطة تبني بيها خبرتك.

قناة "الكسب" موجودة عشان تكون دليلك في الطريق ده. اشترك دلوقتي وخد أول خطوة لحياة أفضل! 👇

alkasb - الكسب

لو بتدور على فرصة تغير حياتك المهنية وتبدأ رحلتك في عالم الفريلانس، موقع مستقل هو المكان المثالي ليك! 🙌
مستقل مش مجرد منصة، ده مجتمع كامل بيجمع بين أصحاب المشاريع اللي محتاجين خدمات، وفريلانسرز زيك مستعدين يبدعوا ويشتغلوا.

✨ إيه اللي بيميز مستقل؟

مشاريع متنوعة: هتلاقي شغل في كل المجالات، من الكتابة والترجمة للتصميم والبرمجة.
سهولة الاستخدام: كل حاجة واضحة وبسيطة من تسجيل الحساب لغاية تسليم المشروع.
الأمان المالي: فلوسك محمية، العميل بيدفع مقدماً، وموقع مستقل بيتأكد إنك تستلم حقك بمجرد تسليم شغلك.
فرصة لبناء سمعة قوية: بتقييماتك ومشاريعك السابقة، هتقدر تبني بروفايل قوي يجذب عملاء أكتر.
✨ إزاي تبدأ؟
1️⃣ افتح حساب مجاني على الموقع.
2️⃣ ابحث عن المشاريع اللي تناسب مهاراتك.
3️⃣ قدم عروضك بطريقة احترافية ووضح للعميل إزاي هتحل مشكلته.
4️⃣ اشتغل، سلم شغلك في الوقت المطلوب، وكسب تقييمات إيجابية.

موقع مستقل هو الخطوة الأولى عشان تحقق دخل ثابت وتشتغل في الوقت والمكان اللي يناسبك. بس لازم تعرف إن الطريق مش سهل، المنافسة موجودة وهتحتاج تثبت نفسك، تتعلم، وتطور مهاراتك دايماً.

👊 جاهز تبدأ؟
اقرأ المقال ده اللي هيشرحلك كل حاجة بالتفصيل عن موقع مستقل وخطوات النجاح عليه:
https://bit.ly/4iu2umW

💡 مش هتندم إنك بدأت النهارده! 🚀

alkasb - الكسب

أقل واجب ان الشاورما تكون مجانا النهارده 💚🇸🇾

جاهز تبني نفسك وتغير حياتك؟ 🛠

دلوقتي وبعد نجاح "الكسب"، قررنا نعمل مساحة جديدة مخصوص لكل اللي عاوز يطور من نفسه ويعيش حياة منظمة ومنتجة! ❤️
اسمها "بناء الذات"، وهتكون وجهتك الأولى لكل حاجة تخليك أفضل نسخة من نفسك.

في القناة دي، هنركز على تطوير الذات بكل تفاصيله:

📌 إيه اللي هتلاقيه في "بناء الذات"؟

التخطيط الذكي:
إزاي تخطط يومك وأسبوعك؟
أدوات وتقنيات تخليك تنجز أكتر في وقت أقل.

إدارة الوقت والإنتاجية:
نصايح عملية لتنظيم وقتك.
أساليب هتضاعف إنتاجيتك.

بناء العادات الإيجابية:
إزاي تبني عادات صحية وفعالة؟
التخلص من العادات اللي بتعطلك.


نصايح عملية لحياة أفضل:
حلول بسيطة لمشاكل الحياة اليومية.
تطوير الجانب الشخصي والمهني.
تحفيز مستمر

كورسات مجانية وملخصات كتب:
هنرشح كتب وكورسات تخليك تاخد خطوة للأمام.

مجتمع داعم وملهم:
مساحة نشارك فيها أفكارنا ونلهم بعض.

🎯 هدفنا في "بناء الذات" إنك تبدأ من النهارده، تخطط بكرة، وتبني حياة مليانة نجاح وسعادة.

ليه تنضم؟
لو بتدور على شغفك وعاوز تحقق أهدافك.
لو نفسك تعيش حياة منتجة ومنظمة.
لو عاوز كل يوم يبقى خطوة جديدة لقدام.
ابدأ معانا رحلة التغيير... خطوة بخطوة! 💪
⬇️ انضم لقناة "بناء الذات" دلوقتي واكتشف نفسك من جديد!

https://t.me/BennaElzat

بناء الذات - BennaElzat

المحتوي الخاص بالإنتاجية والتخطيط وبناء الذات هعمله قناة مخصصة ليها
هنزل لينك القناة الساعة 10 هنا علي القناة دي
مش هقولكم أول 100 مشترك ليهم هدية أو خصم لأن محتوي القناة مجاني بالكامل,,,,,,,
مين مهتم يوصله لينك القناة!!

بالمناسبة دا مقال هيفيدك أكتر في حتة إزاي تدير وقتك وتنظمه
اقرأه وقولي إيه رأيك :
https://bit.ly/4gpR1ms

لو بتشتغل فريلانسر، أكيد عارف إن الوقت أغلى حاجة عندك. 🕒 كل دقيقة بتفرق، خاصة إنك بتشتغل لوحدك، ومفيش حد بيقولك تعمل إيه أو إزاي. 😅

1. خطط يومك زي المحترفين
الصبح قبل ما تبدأ، اكتب كل المهام اللي عاوز تنجزها النهارده. ✅
حدد أولوياتك: إيه الأهم وإيه اللي ممكن يستنى لبكره؟ 🗂
2. متعملش كل حاجة مرة واحدة!
ركز في مهمة واحدة وخلصها قبل ما تبدأ التانية.
استخدم قاعدة "بومودورو" (Pomodoro): اشتغل 25 دقيقة، خد بريك 5 دقايق. هتحس بفرق كبير. 🍅
3. متسيبش الشغل يسيطر على حياتك
خلي عندك وقت للشغل، ووقت للراحة. 🛋
حدد ساعات عمل ثابتة لو تقدر، عشان تفصل بين شغلك وحياتك الشخصية.
4. قول لأ للحاجات اللي ملهاش لازمة
متضيعش وقتك على السوشيال ميديا وسط الشغل. 🙅‍♂️
لو في مشروع مش مناسب ليك، ارفضه بدل ما تضيع وقتك عليه.
5. أدوات تساعدك تنظم وقتك
استخدم تطبيقات زي Trello أو Notion لتنظيم المهام. 📋
تطبيقات زي Google Calendar هتساعدك ترتب مواعيدك.
6. ادي نفسك وقت للتطوير
خلي جزء من يومك لتعلم حاجة جديدة أو تحسين مهاراتك. كل ساعة استثمار في نفسك بتجيب نتيجة. 🚀
7. وقت الراحة مش رفاهية
متضغطش على نفسك طول الوقت. خليك عارف إن الراحة بتساعدك تشتغل بكفاءة أكتر.
أخيرًا... الوقت هو أهم أداة عندك!
لو عرفته تديره صح، شغلك هيبقى منظم، ودخلك هيزيد، وهتلاقي وقت لحياتك الشخصية كمان. 😉

لو عاوز نصايح أكتر عن التخطيط وتنظيم الوقت، تابع الكسب وتعلم إزاي تستغل وقتك بأفضل طريقة.
وقتك فلوسك... فاستخدمه بحكمة

alkasb - الكسب

إزيكم يا أبطال؟
حابب أقولكم إن القناة دي مش مجرد مكان بنرمي فيه شوية كلام وخلاص... لأ، دا مشروع مهم جدا بالنسبة ليا وهدفي الأساسي منه انها تكون مسار يغير حياتكم للأفضل إن شاء الله.
أنا أحمد شوقي الطوخي،مسلم، مصري، أزهري، ومسوق رقمي.
كنت دايماً بشارك معاكم أفكار ومعلومات عن تطوير الذات، التخطيط، والإنتاجية. وتعلم مهارات تساعدك تجيب فلوس لكن دلوقتي...
الكسب هو البراند الجديد
ركزت فيه أكتر على حاجات تهمكم بجد في الوقت الحالي: إزاي تكسبوا فلوس وتعملوا دخل ثابت من الإنترنت ومن البيت!
القناة دلوقتي دخلت مرحلة جديدة تمامًا، وهنركز فيها على حاجة واحدة بس: إزاي تكسب فلوس بطرق عملية وفعّالة!

الكسب دلوقتي بيوفر لك:
1- العمل الحر (الفريلانس): إزاي تبدأ تشتغل أونلاين على منصات العمل الحر وتلاقي مشاريع تناسب مهاراتك.
2- التجارة الإلكترونية: خطوات لإنشاء متجر إلكتروني ناجح وتحقيق مبيعات.
3- التسويق الرقمي: التسويق الرقمي مش مجرد مهارة، ده مفتاح لفرص كسب المال. سواء من خلال الـSEO أو إعلانات جوجل والسوشيال ميديا، أو التسويق بالعمولة، أو حتى إنشاء استراتيجيات لبراندات ناجحة.
4- إنشاء المحتوى: إزاي تبدأ قناة يوتيوب أو مدونة وتحوّلها لمصدر دخل.
5- بيع المنتجات الرقمية: زي تصميم وبيع الكورسات، الكتب الإلكترونية، والقوالب.
6- الربح من السوشيال ميديا: طرق تحقق بيها دخل من متابعينك على مواقع التواصل.
7- مشاريع صغيرة من البيت: أفكار بسيطة تبدأ بيها مشروع مربح من غير تكاليف كبيرة.

أهدافنا في الكسب:
1. نقدم لك محتوى عملي وبسيط يخليك تتحرك في الاتجاه الصح.
2. نشاركك خبراتنا ونساعدك تبني طريقك للنجاح المالي.
3.نفتح عينيك على طرق جديدة ومضمونة للدخل.

مهتم؟
لو أنت طالب، خريج، أو حتى شغال وعايز تزود دخلك... القناة دي معمولة ليك!
أوعدك إن التحول ده مش هيضيع وقتك، بالعكس، هتلاقي محتوى يخليك تبدأ وتحقق أهدافك خطوة بخطوة.

ليه تفضل معانا؟
هتلاقي هنا محتوى عملي ومباشر يساعدك تبدأ خطوة بخطوة.
كل الطرق اللي بنقدمها مضمونة ومجربة، ومناسبة لأي حد عايز يحقق دخل ثابت.
وأهم نقطة في الكسب، رؤيتنا مبنية على تحقيق الرزق الحلال بما يتوافق مع تعاليم الدين الإسلامي ، بنركز على تقديم محتوى يدلك على كيفية تحقيق دخل حلال بدون الوقوع في شُبَه أو معاملات غير شرعية، لأن الرزق الطيب هو مفتاح البركة والنجاح الحقيقي.

وأخيرا حابب أوضح نقطة مهمة بخصوص محتوى تطوير الذات والتخطيط والإنتاجية اللي كنا بنقدمه هنا.

مش هيقف، بس هيبقى له مكانه الخاص قريب أوي 😉
عشان نقدر نوفر ليكم أفضل تركيز وأكبر فايدة، قررنا نخصص مكان منفصل تمامًا لنشر المحتوى ده هنعلن عنه في الوقت المناسب فخليك موجود معانا ومتابع عن كُثب😊.

ليه عملنا كده؟
عشان نضمن إن محتوى كسب المال يفضل واضح ومباشر ليكم هنا.
ونفس الوقت نوفر مساحة خاصة لكل اللي مهتمين بـ تطوير الذات، تحسين الإنتاجية، وبناء العادات الإيجابية بشكل منفصل.

القناة مخصصة لأي شخص حابب يغير حياته المادية ويبدأ مشوار جديد.

هدفنا منها إنك تحس إنك في رحلة تطوير حقيقية تمهّد ليك مستقبل مالي أفضل.
الكسب : طريقك لكسب المال الحلال💚

لو حاولت تعمل خطط قبل كده كتير وفشلت..
فالبوست ده معمول ليك بالذات، وهساعدك تحط خطة ناجحة وتنفذها كمان ، وبالمجان 💚

📌 أولًا: ليه الخطط بتفشل؟ أغلب الخطط بتفشل لأسباب بسيطة زي عدم وضوح الهدف، تكدس المهام، ما فيش متابعة، أو ما فيش Timeline واقعي.

عشان كده هقدملك خطوات واضحة في البوست دا تخليك قادر تبني خطة ناجحة وفي الاخر هسيبلك ملف PDF هيكون فيه جداول جاهزة للتخطيط اليومي والأسبوعي والشهري
1- حدد أهدافك
أهدافك الشخصية: اللي عاوز تغيره في نفسك
أهدافك الدراسية: اللي عاوز تحققه في دراستك
أهدافك المهنية: اللي عاوز توصل ليه في شغلك
أهدافك المالية: الفلوس اللي عاوز توفرها أو تستثمرها
خلي هدفك واقعي ومناسب لإمكانياتك الحالية، وكمان التزم بيه بجدية. لو هدفك كبير، قسمه لمراحل صغيرة عشان ما تحسش إنه بعيد عنك، وكل ما تنجز جزء، هتحس بحماس يشجعك تكمل.

2- قسم الهدف لمهام صغيرة وواقعية
بدل ما تحط لنفسك مهام ضخمة، قسم كل مهمة لأجزاء صغيرة. مثلًا، لو هدفك قراءة كتاب كل أسبوع، ابدأ بقراءة 10 صفحات بس في اليوم.
عشان تحافظ على التركيز، خصص وقت محدد لكل مهمة. مثلا ، “راجع الدرس لمدة 20 دقيقة”
وركز على الاستمرارية مش المثالية ، هتكلم فيها بعدين

3- تابع نفسك كل أسبوع أو كل شهر
اختار يوم الجمعة تقيم نفسك فيه
شوف إيه اللي أنجزته، وإيه اللي محتاج تغيير أو تحسين.
اسأل نفسك: هل أنا ملتزم بالمهام اللي حددتها؟ هل محتاج أغير الطريقة اللي بأدي بيها مهامي!!
راجع أهدافك واتأكد إنها لسة مناسبة مع احتياجاتك وأولوياتك. لو حاسس إنك محتاج تغير أو تضيف حاجة، اعمل كده بدون تردد.

4- بطل تدور عالمثالية
أهم خطوة في تحقيق أهدافك هي انك تكون واقعي وملتزم بخطتك حتى لو مش كل حاجة مثالية. المثالية ممكن تخلّيك دايما مستني الوقت المناسب أو الظروف المثالية عشان تبدأ

فكّر فيها كده الالتزام بخطوات بسيطة ومستمرة أفضل بكتير من انك تستني وقت كبيير عشان تاخد خطوات مثالية أو كبيرة.

عالعموم دا كان بوست تبع سلسلة التخطيط 101 اللي بنتكلم فيها عن التخطيط والإنتاجية لو مهتم توصلك باقي بوستات السلسلة اتأكد انك تسيب كومنت بـ "تخطيط101"
وهسيبلك في أول كومنت الملف الPDF اللي قولتلك عليه ..
وبس كدا
لو التزمت بالخطوات دي أقدر أقولك انك هتقدر تعمل خطة ناجحة تقدر تنفذها بكل سهولة
وهتشوف نتيجة التغيير دا في أول 90 يوم أكيد ..💚
ومش هيجرى حاجة لو نصحت صحابك انكم تشجعوا بعض وتبدأو سوا ... والله ما هيجرى حاجة 😅
#سلسلة_التخطيط_101
- Ahmed Shawki Tokhi

لو حاولت تعمل خطط كتير قبل كدا وفشلت فانا هساعدك انهاردة ازاي تعمل خطة ناجحة وتقدر تنفذها ودا مجانا مش بفلوس ولا حاجة هيكون عبارة عن بوست خفيف ومعاه ملف PDF يساعدك كمان ...
البوست هينزل دلوقتي أول ما اجهز ملف الPDF لو مهتم يوصلك اتأكد انك تسيب كومنت في الريبلااي بمهتم وهيوصلك إشعار بيه
ريأكت عالبوست دا لو سمحت عشان يظهر لأكبر عدد ممكن من الناااس 💚💚

خلّي بالك إن الكتب، والكورسات، والبودكاست، والفيديوهات، كلها أدوات، مش أهداف بحد ذاتها. الهدف منها إنها تكون وسيلة توصلك للي أنت عايزه وتساعدك تطور من نفسك.

المشكلة الحقيقية بتبدأ لما بتلاقي نفسك بتجمع معرفة جديدة كل يوم من غير وعي باللي انت اكتسبته وهل ليه علاقة بهدفك ولا لأ، وبتتحمس كل مرة لمصدر جديد من غير ما تكون عارف فعلاً إيه هدفك من وراه. ساعتها هتبقى مجرّد مستهلك للمعلومات، مش شخص بيستخدمها.

بدل ما يكون همك وسعيك تجميع الكتب والكورسات ومشاهدة البودكاست والفيديوهات، اسأل نفسك:
"إيه اللي فعلاً اللي انا محتاج أتعلمه النهارده عشان أتقدم خطوة جديدة في مشواري؟" وركز أوي علي كلمة مشواري عشان مشوارك دا مختلف عن مشوار أي حد تاني وطبّق اللي بتتعلمه خطوة بخطوة، لأن اللي هتتعلمه في مشوارك دا هو اللي هيبني شخصيتك بجد.

ونقول تاني المعرفة وسيلة وليست غاية، فخلّي هدفك إنك توصل للغاية بتاعتك.. واتأكد إن كل خطوة بتاخدها بتقربك منها

دا كان تاني بوست في سلسلة التخطيط اللي قلنا عليها ، لو مهتم توصلك باقي السلسلة وتتابعها أول بأول سيب كومنت بـ "تخطيط101"

هنزلك بوست جميل دلوقتي عن طريقة عمل خطة ناجحة تبع السلسلة برضوا لو مهتم إنه يوصلك اتأكد إنك تسيب كومنت بـ "تخطيط101"
#سلسلة_التخطيط_101
- Ahmed Shawki Tokhi

يوم الجمعة... فرصتك لتنظيم حياتك 💚

يوم الجمعة بيمثل وقفة مع النفس قبل بداية أسبوع جديد، وهو يوم ممكن جدًا تستغله في:

محاسبة النفس:
اسأل نفسك، إيه الأهداف اللي نجحت فيها الأسبوع ده؟ وإيه اللي كان صعب أو معطل؟ اعرف نفسك أكتر وابدأ أسبوعك وانت فاهم إيه اللي عاوزه تتخطاه وتطوّره.

تحديد الأولويات:
رتب أولوياتك على أساس الأمور اللي فعلاً محتاج تركز عليها في الفترة الجاية. متخلّيش الأشياء الثانوية تسرق وقتك وتركيزك.

وضع خطتك للأسبوع الجاي:
ابدأ بكتابة قائمة صغيرة فيها أهم الأعمال اللي لازم تخلصها، وحدد منها اللي هيتوزع على باقي الأسبوع. متنساش تضيف وقت للراحة وأوقات للعائلة وللتطوير الشخصي.

التجديد الروحي:
يوم الجمعة فرصة لقراءة سورة الكهف، وزيادة ذكر الله، وطلب الدعاء قبل المغرب. التجديد الروحي ده بيمدّك بالراحة النفسية وبيحسسك بالرضا عن ذاتك.

مراجعة العادات:
بص على عاداتك وقرر، إيه العادة اللي محتاج تبدأها وإيه العادة اللي محتاج تتخلى عنها؟ حتى لو تعديل بسيط، هيغير كتير على المدى الطويل.

مكافأة بسيطة:
بعد ما تكون خططت ورتبت أولوياتك، متنساش تكافئ نفسك بحاجات بسيطة بتحبها، سواء كانت استراحة، وقت تقضيه مع اصحابك، أو حتى مجرد كوباية قهوة في مكان بتحبه.

متخليش أسبوع يعدي عليك من غير ما تستغل يوم الجمعة في تنظيم حياتك وتحديد وجهتك من جديد.

لو قدرت تخصص ساعة واحدة كل يوم جمعة للمراجعة والتخطيط، هتحس بفرق كبير في إنتاجيتك وهتلاقي نفسك اتغيرت للأحسن..

دا أول بوست في سلسلة التخطيط اللي قلنا عليها ، لو مهتم توصلك باقي السلسلة وتتابعها أول بأول سيب كومنت بـ "تخطيط101"
#سلسلة_التخطيط_101
- Ahmed Shawki Tokhi

هبدأ أنزل سلسلة بوستات عن التخطيط والـproductivity
هتكون مهمة جدا لأي واحد محتاج ينظم حياته ويحقق أهدافه
لو مهتم توصلك السلسلة دي سيب كومنت ولاااف عالبوست دا