قصيده للامام علي عليه السلام
لسان حال الاولاد والبنات
وحشة رمضان
=======


اجه رمضان وذكرنه المحنه

وحشه السنه خالي من اهلنه

=======

وصل رمضان وذكرنه الحبايب

عافونه وصفو حدر الترايب

وخلو گلبي للهم والمصايب

بعدنه بشوگهم والله بعدنه

وحشه السنه وخالي من اهلنه

🥛🥛🥛

ذكرناهم ولو ماچنه ناسين

على بالي لفو لو نامت العين

يعيني ابچي على الصارو بعيدين

بعيد الوكت فرانه وشمرنه

وحشه السنه وخالي من اهلنه

🥛🥛🥛

عجنت ادموعي وي سفرة فطوري

ومايهنه ابد نومي وسحوري

بعدكم ياهلي تاهت اموري

بدموع السنه اگعدنه وفطرنه

وحشه السنه وخالي من اهلنه

🥛🥛🥛

شهر الخير من بين علينه

على بالي تره الگعده الحنينه

ذكرنه ايامهم والله وبچينه

ماينحمل علراحو وجعنه

وحشه السنه وخالي من اهلنه

🥛🥛🥛

مبانيهم تون موحشه بعيني

يضيگ الهوه المغرب من يجيني

اكلها سكتي ماتسكت يعيني

من دم اليصب ليكم دمعنه

وحشه السنه خالي من اهلنه

🥛🥛🥛

گعدنه ويه الاذان ونراقب

صوت احباب گلبي الچان غايب

ماننساهم شينسه الحبايب

ابد منسيت يشهد ربي عنه

وحشه السنه خالي من اهلنه

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام اضغط على رابط القناة يأتيك كل جديد 👇
https://t.me/ahzan2018