مولود للرسول الكريم صل الله عليه واله وسلم
__


بمولدك  طه  نبينه

نورت  كلها  المدينه

💞💓💞

من العلىٰ هاي البشاره

والنبي  ضوّت  انواره

والمجوس انطفت ناره

نهني آمنه الحنينه

بمولدك طه نبينه

💖💝💘

نورت  بيك  وتلالي

وفرحت ويانه الغوالي

والملايك  بلعلالي

علگت احلاها زينه

بمولدك طه نبينه

❤🧡❤

والفرح غامرنه كلنه

والاجه  لينه  وتعنه

منه  هلهوله  سمعنه

فرحت گلوب الحزينه

بمولدك طه نبينه

❤💚❤

هاذا نور من الجلاله

توُجه وتاجه حلاله

والنبي نوره  تلاله

ضوت  انواره  ولينه

بمولدك طه نبينه

💞💜💞

ياهله  بكلمن  اجانه

ونور  الگعده ومكانه

وصفّگ وهلهل ويانه

راضيه الزهره علينه

بمولدك طه نبينه

💞❤💞

اليوم احزاني تزول

بمولدك يابو البتول

خلي نفرح للرسول

وبولاده  اتشرفينه

بمولدك طه نبينه

💞💞💞
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018