ՏᑭIᖇIT

١ ديسمبر 🥺💗

" إحمِل الحُب أينما ذَهَبت "

لسوء حظك
اني أمرأةٌ لعزيمتها سبعة ارواح..
كلما خذلها احدهم ازداد دافعها الى النجاح..

لا تؤثر فينا الأنطفاءات المتكرره ، نحن نور على نورٍ "

- الما يحِبك ما يجيلَك .

‏كنتُ دائمـًا امرأة مُطيعة،
أقولُ نعم، ثم أفعلُ ما برأسي.

" معجبه بنفسي لدرجة آن رائحة عطري تغريني🖤..

لا سلاماً على من استهلكونا حتى أهلكونا
فلا دمتم بخير ولا سامحكم الله ❔ .

الصبر في بعض المواضيع مطلوب
‏والنفس عن بعض السوالف غنيه 💌✔️ .

" لقد شاهدتك ترحل، وهذا اقصى حدث ممكن أن تُبنى عليه ذاكرة كاملة "

‏"يعزُّ على المرء حتى من أن يسأل لماذا كل هذا.. فيكتفي بالصمت."

من قصة: "عيونك آخر آمالي"

كعدت شفتك متصل عليه، دكيت عليك ما جاوبت، جنه متفقين نلتقي بالتحرير، أني أجي ويا المد الأبيض، وأنت تنتظرني بالنفق، دخلنا نردد الشعارات، وتم استقبالنا من المتظاهرين بطريقة خلت أجسامنا تقشعر، ارتفع صوت الموسيقى وارتفعت ويا أصواتنا وهل آراك..

سألت عنك كتلهم علي وين؟ كالولي دوري تلكي بمكان ما دا يصور، ادك عليك مترد، فبقيت أسأل شخص شخص علي وين؟ إلى إن شفتك من بعيد، ضحكتلي وحسيت الدنيا حضنتني.. أجيتك وأني شايلة بعيوني أحلامنا وعمرنا الجاي، وآملنا بباجر أحسن.. أجيتك كتلك ها حبيبي؟ كم صورة أخذت اليوم؟ ها حبيبي بردان؟ جبتلك قمصلة ويايه تريدها؟ حبيبي جوعان؟ لو تعبان؟ ليش عيونك ذبلانة هيج؟ بقت احجي وياك بس أنت ساكت.. خوفتني، كتلك علي زعلان مني؟ أحجي شبيك لتنرفزني؟ علي لتسكت.. حاجيتك هواي علي بس الهضيمة الصورة جامدة ما تحجي.. حاجيتك هواي علي بس التقهر ضحكتك بالصورة باردة وعيونك خالية من أحبج.. كعدت يم صورتك قريت الفاتحة، واسمك، جان مكتوب "الشهيد المسعف علي محمد عصام، استشهد بتاريخ 2019/12/12. أثناء نقل الجرحى تم أصابته بدخانية جعلته يفقد عينيه اليمنى وعقله"

يكول أيهاب المالكي:
"آخر نظرة صوغة تظل بالعيون"
وأني أدري آخر حلم غفى بعيونك زفة عرسنا.. وللأسف آخر مشهد بعيوني الك هو لحظة استشهادك.. هاللحظة الي تتكرر كدامي كل يوم قبل ما أغفى، هاللحظة الي تخليني أكولك ليش وأني مفزوعة، أغفى وأني حاضنة كلمة ليش، وتعال، لحظة استشهادك وخوفتني.. جنت أظن أنو قدري بالدنيا أكون بعيونك حبيبب، بس عيونك ماتت ومتت بيها أني، شفت القدر شكد ظالم وحقير؟

تدري علي أني حضنت عيونك الطاحت، وحضنت دمك و دماغك وأني غطيتك بالچفن، ومشيت بتشيعك، وقريت الفاتحة على روحك وروحي حتى الله يصبرني، بس اعترفلك من أدخل للتحرير أحسك عايش، عايش بالمكان الي انقتلت بي، تعرف أكثر حقيقة مفزعة بالدنيا هي حقيقة الموت، حقيقة أنو شخص تحبه تدفنه بأديك، وتتعايش ويا فكرة وفاته وتمر الأيام بشكل بارد..

بس الحقيقة الأصعب من يكون هالشخص شهيد تدفنه وتحسه عايش وياك لحظة بلحظة، وأني أحسك هيج، أحس وأني كاعدة على الرصيف كاعد يمي وحاضن أيدي، حسيت بيك والله، ضحكت وكتلك مودع بالله حبيبي، مودع بكل حلم وبكل ضحكة، وبكل تعال، مودع ومسامحتك على كلشي، مودع بأحبج وأني يمج وأوعديني.

"قاط أبيض ردتلك بس، ما ردتلك چفن تلبس.. هضيمة للكبر تالي، وسفة تروح وسفة."

النهاية
#رفل_السعدي

٢٠٢٠/١٠/١م
الذِكرى السَنوية الأولى لـِ تشرين الخالدة ❤️