نجو للمهم و للمفيد 💗
أكيد تسمعو او مر عليكم حد يتكلم ف هلبا لغات 5 فما فوق و تستغربو كيف دارو الشي هذا و نشوفولهم أنهم عباقرة او عندهم قدرة خاصة بس في الحقيقة مافيش منها الدوة هادي ناس عاديين زينا بالزبط و في منهم فشلو ف تعلم اللغة ف المدرسة 🤷🏻‍♀️
كيف دارو الشي هذا باهي اول شي هما يحبو اللغات و عندهم شغف ماتبعوش طرق تقليدية او نفس الطريقة مع كل لغة مشو مع الطريقة يلي مشت معاهم

1. وحدة من الطرق المتعارف علاها ال flashcards الفكرة انك تعبي بنك المفردات عندك و تخصص مثلا انك ف اليوم تتعلم 10كلمات جديده تحفظهم بمعناهم و الإملاء متعهم و تكتبهم ع اوراق الملاحظات او في آبليكشن ف هاتفك او مذكرة و تراجعهم ديما و تحاول تركب جملو تستخدمهم💗


2. طريقة تانية و هي مهاره مهمه الإستماع لازم تسمع هلبا هلباا مهم جدا و تسمع لهجات او لكنات مختلفات حتى لو مش فاهم شن يقولو عادي الشي هذا يساعدك ف النطق و حتى تلقى روحك تستخدم في كلمات جدد بدون ما تحس تفرج ع نشرة زي قناة CNNاو الجزيرة في وحده بالإنجليزي اسمع بودكاست نزل تطبيق Ted لو عندك هواية اطور فيها و تتعلم من يوتيوب جرب تفرج ع انجليز حتى لو مش فاهم و حنحكي بتفصيل أكثر مره تانيه 💗


3. لو تحب الكتب اختار كتاب انت تحبه و قاريه بالعربي و نزله باللغه يلي تتعلم فيها و اقرا و تهجا حتى لو كنت تقرا غلط و اقرا بصوت عالي عادي ❤


4. لاااازم تتكلم لو ما عندكش حد اوقف قدام المرايا جرب تحكي ع يومك ع شن لابس توصف المكان يلي انت فيه او سجل فيديوات او فويس ف هاتفك باش يقعدو ذكرى و تشوف التغير ✨


5. طبعاً اليوتيوب معبي بفيديوهات الشرح و ح تلقو هلبا قنوات واختاروا يلي يعجبكم من فترة لتانيه جربوا شرح شخص نيتف مثلا لو تتعلمو ف انجليزي اسمعو سخص انجليزي وهكا ❤ بالإضافة لهلبا تطبيقات تتعلمو بيها زي ممرايز و دولينجو و غيرهم ❤


#يُتبع .....