في ميلاد الامام المهدي عليه السلام
ابوذيات (جابــــر الكاظمي)
يمن شخصك نزل عالناس نص فه
مانگـــدر بعــــد بالوصـــف نصفــه
لون يوصـــل شهر شعبـــان نصفـه
نگـــول المهدي لاح وسطــع ضيّـه
چنت وآنــه رضيع ابوسط مهــدي
اناغــي وبسمك الهـج دوم مهــدي
اكبــرت لـن شفتك لهالناس مهـدي
الاســم والمعنى يتطابـــق سويّــه
وحـــگ البيــــه كل قوه وحولــه
مـــا أصفـــح نظر عنــك وحولــه
كيانــك كعبـــه للعالـــم وحولــــه
تطــــوف وتحـــج أشراف البريـه
الك اكشف فرح گلبــي ولا كتـــم
المجــد ويّـــاك ميــلاده ولـك تـم
سطع بدر الوفه ابوجهك ولك تم
ابنصف شعبان شع وانتشر ضيّـه
وحگ البيت واللي فرض حجـــه
بعــدك ما حصــل عالناس حجــه
الي عندك يشبـــل الحسن حجــه
هالحاجـــه الشفاعه وهــاي هيــه
كلمات جابر الكاظمي
#نسالكم_الدعاء
