القـ𓂆ـرآن🇵🇸

باقي اخر 89 سهم و25ج
السهم ب 50ج

أَنْفِقْ بِلَالُ، وَلَا تَخْشَ مِنْ ذِي الْعَرْشِ إِقْلَالًا.
الاشهر الحرم الاجر فيها مضاعف
شدوا الهمة يا أهل الخير

01065194208

-مالهم دول؟
= زَنوا.
- وحُكمُهم إيه عندكم؟
=ولا حاجة بنفضحهم بس.
-!

في المدينة في عهد سيدنا النبي صلى الله عليه وسلم، جه مجموعة من اليهو.د بيبلغوه بإنهم مسكوا راجل وامرأة يهو.ديان زنوا وعايزين يقيموا عليهم حد الزنا، فسيدنا النبي صلى الله عليه وسلم سألهم عن إيه هو حكم الزنا عندهم في التو.راة، فقال صلى الله عليه وسلم:"ماتجدوه عندكم في التو.راة في شأن الزنا؟"
فردوا وقالوا: نفضحهم ويُج.لدون."!

مين اللي كان واقف وشايف الموقف؟
صحابي اسمه" عبدالله بن سلام"، عبدالله في الأصل قبل إسلامه كان عالم يهو.دي من قبيلة بني قينقا.ع، وكان اسمه" الحصين بن سلام"، ولما أسلم سماه سيدنا النبي بعبدالله، فبالتالي عبدالله كان عارف التو.راة وعارف إيه اللي مكتوب فيها بالظبط، وعشان كده لما سمع اليهو.د بيقولوا لسيدنا النبي إن حكم الّزنا في التو.راة هو الفضيحة والجَلد بَص لليهود وزعَّق فيهم وقالهم:"كذبتم إن فيها آية الرَّجم!

-إيه هو الرَّ.جم؟
= يعني يجيبوا اللي زنوا ويفضلوا يضر.بوهم بالحجارة لحد لما يمو.توا
فسيدنا عبدالله كمل كلامه، وتَحدَّاهم وطلب منهم يجيبوا التو.راة ويفتحوها قُدام الكل عشان يأكد إنهم كذابين، فقال:" فأتوا التو.راة فنشروها"..

فاضطروا يسمعوا كلامه وجابوا التو.راة، وفتحوها قُدام الناس، بس اللي ماسك التو.راة عمل حركة خبيثة؛ وهو إنه حط ايده على أية الرَّ.جم وقرأ اللي قبلها واللي بعدها!

فعبدالله بن سلام زعقله وقاله:"ارفع يدك!"، فلما رفع ايده، الناس شافت آية الرَّ.جم فعلًا مكتوبة زي ما قال عبدالله بن سلام، فاليهود بصوا لسيدنا النبي في خجل وقالوا:"صدق يا محمد، فيها آية الرَّ.جم"..

ولما اعترفوا بحكم الرَّ.جم كعقو.بة للزنا، سيدنا النبي أمر برجم الراجل والمرأة.

فقيل بسبب الموقف ده وبسبب كذب اليهود في صفات سيدنا النبي صلى الله عليه وسلم المكتوبة عندهم في التو.راة: أنزل الله في اليهو.د آية 75 من سورة البقرة، فقال تعالى:"أَفَتَطْمَعُونَ أَن يُؤْمِنُوا لَكُمْ وَقَدْ كَانَ فَرِيقٌ مِّنْهُمْ يَسْمَعُونَ كَلَامَ اللَّهِ ثُمَّ يُحَرِّفُونَهُ مِن بَعْدِ مَا عَقَلُوهُ وَهُمْ يَعْلَمُونَ (75)"
والله أعلم.
#قصة_آية
#أسباب_نزول_آيات_القرآن
الشير مفتوح وهو الأفضل ياحبايب❤️
#هبة_شلبي
كتاب قصة آية (أسباب نزول سورتي البقرة وآل عمران) موجود بفضل الله حاليًا في معرض الكتاب، دار ليان، صالة ٢، جناح C8.

وإن شاء الله حفل توقيع الكتاب هيكون بكرة(الثلاثاء ٢٨ يناير)، هستناكوا❤️
ومتاح طلب الكتاب أونلاين واتساب على رقم
01064004482

خصصوا وقت لولادكم

هانعمل فيه إيه؟

هانقعد معاهم

ايوة ، هانعمل ايه يعني ؟

مفيش حاجة معينة ، هانقعد معاهم ، من غير تليفونات ولا تليفزيون ، نتكلم معاهم كلام مش مترتب ، وفي اي موضوع ، هانسمع حكاياتهم ومشاكلهم مع بعض ومع اصحابهم ، هانسمع آراءهم في أي حاجة ، هانشوف بيتعاملوا مع بعض ازاي

في الوقت ده بيبان جزء من مشاكلهم .
ممكن نكتشف ان حد فيهم عنده قدر من الأنانية او الطمع او شعور انه مظلوم او تعثر في تكوين صداقات.
او بيحوّر وبيكدب ، او ساكت بزيادة ومخبي ومش عاوز يحكي ، او بيحدف طوب واسلوبه مش كويس او حد فيهم بيتعرض لأذى معين من حد من الأصحاب او الأقارب ، او حد عنده افكار ومعتقدات محتاجة تتصحح .. الخ

الحياة بتجري بينا ، و رتم الحياة سريع جدا ، وده ممكن يخلينا مانخدش بالنا من مشاكل موجودة في ولادنا الا بعد ما الوضع يتفاقم .

تخصيص بعض الوقت لولادنا وبدون تشتيت ، بيقولوا علاقتنا بيهم ، و بيخلينا نشوف بعض المشاكل في بدايتها ، وبيخلينا نركز في محاولة معالجتها ، وده احسن ما اننا ننتبه لما الموضوع يكبر ويبقى عميق

#دفا_البيوت
#محمد_فتحي

الأذكار لمواجهة كل هذا التعب


حصنكم

القرآن مفتاح السعادة!

ابدأ دلوقتي بحفظ القرآن، مش شرط تحفظه كله مرة واحدة؛ لكن كل آية بتحفظها بتقربك خطوة من ربنا!

النبي ﷺ قال: (الماهر بالقرآن مع السفرة الكرام البررة).
تخيل تبقى مع الأنبياء والملائكة بسبب القرآن!

ما تضيعش الفرصة!

لصاحبه

صبحكم الله بالخير 🌿

اللهم إني أسألك نفساً مطمئنة تؤمن بلقائك وترضى بقضائك وتقنع بعطائك🤍

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "

‏ حافظُوا عَلى سُورة المُلك فإنها المُنجية من عَذاب القبر بإذن الله🌿

رايح تشتري مع مراتك حاجة انت مش مقتنع بيها.. بس انت وافقت خلاص ... كمل جميلك وإختار معاها الحاجة دي بنفس راضية من غير ماتفضل تنفخ وتتعصب عليها .. إنت كده كده دافع فلوس ... فمفيش داعي تكسر فرحتها بالحاجة اللي هاتجيبها ليها.

هاتروحي مع جوزك مشوار تقيل على قلبك... لكن انت قررتي انك هاتروحي عشان خاطره .... بلاش بقى تقلبي وشك وتلوي بووزك وتفضلي تحسسيه بالذنب.
عملتي حاجة عشان خاطره ... خليكي لطيفة وماتخليهوش يندم انه كان حابب انك تكوني معاه

هاتاخد مراتك و الولاد عشان تتفسحوا.... وهي إتأخرت في تجهيز نفسها والولاد.... بلاش تتخانق معاها وتنكد عليها وعلى الولاد ... إبلع موضوع التأخير ده دلوقتي ...وخليهم ينبسطوا بالفسحة.. وإبقى إتكلم معاها بعدين في قصة التأخير وشوف هاتساعدوا بعض ازاي وحاولوا توصلوا لحل.
بلاش تضيع طعم الخروجة اللي انت تعبان فيها وهاتدفع فيها فلوس عشان تبسطهم عشان خاطر حاجة صغيرة ممكن نتكلم فيها بعدين.

بلاش تبوظوا حاجات كبيرة بتعملوها وبتتعبوا فيها ما دام هاتعملوها.... وبلاش نبوظ الأوقات اللي المفروض إنها أوقات سعيدة ونخليها ذكريات سلبية بدل ما تكون ذكريات جميلة.

#دفا_البيوت
#محمد_فتحي

‏سأل أحدهم شيخه :
ما المخرج من الفتن في هذا الزّمان؟

فقال : الانكباب على القرآن)"

#افتح مصحفك

صبّحكم الله بالخير🌿.

أول خطوات التعافي إنك تخرج من دور الضحية

أنت ضحية أوكي
ماذا بعد؟
هنقعد نعيط ؟
عيطنا بما فيه الكفاية

الحياة قدام جميلة
لما بنتخلص من كل الرواسب دي بنحس إننا أحسن بكتير الحمد لله

حاولوا عشان نفسكم
وأي حد سبب لكم أذى بأي شكل الله كفيل يرد لكم حقوقكم

المهم دلوقتي نحاول نصلح نفسنا ونعيش ونعبد ربنا
عشان ندخل الجنة💙

يا رب ندخل الجنة🌿.

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "

‏ حافظُوا عَلى سُورة المُلك فإنها المُنجية من عَذاب القبر بإذن الله🌿

قبل ما اتجوز ، كان كل اللي ليا في بيت أهلي هو سرير بنام عليه وطبق ومعلقة وشوكة وكوباية ، وغسالة كانت هدومي بتتغسل فيها ، ومكتب بذاكر وباكل عليه 😄

فكانت نظرتي للجواز نظرة بسيطة ، يعني كنت شايف اني عشان اتجوز بنت الناس اللي عاوز اعيش معاها فمش محتاجين في البداية اكتر من اربع حيطان وسرير ودولاب يكفي هدوم لشخصين وبطانية تحمينا من البرد ، وحمام صغير ، ومطبخ بسيط نحط فيه كام طبق وكام كوباية وكام معلقة وحلتين وبوتاجاز صغير، وغسالة بسيطة ، وكرسيين نستقبل عليهم اي ضيف ينورنا .

وكنت شايف اننا مش محتاجين أكتر من كده ، بالعكس ده حلو قوي لشخصين كانوا عايشين في بيوت أهاليهم في اوضة او في جزء من اوضة، ومع الوقت وكل ما اسرتنا تكبر وكل ما نحتاج حاجة نبقى نجيبها في وقتها

طبعا بشكل عام تأثيث البيت بشكل جيد شئ مهم ، و ده بيخلي حياتنا مريحة ، وباعث للسعادة الحقيقة .
وطبعا اي حد معاه فلوس اي حاجة ، الافضل يجيبها دلوقتي ، وده هروبا من التضخم وكمان لان المسئوليات بتزيد بعد الجواز .

لكن لو مش معاكم ، بلاش تتحطوا تحت ضغط فكرة إنكم لازم تجيبوا كل حاجة واحسن حاجة دلوقتي حالا بالديون.
اصلا الموضوع ابسط من كده ، وانكم تجيبوا حاجاتكم بالتدريج مش كله عيوب ، وليه بعض المميزات

منها :

-انكم بتبدوا حياتكوا بدون ديون ضخمة تنغص عليكم اول ايام حياتكم.

- أنكم بعد الجواز بتنضجوا أكتر وبتكتشفوا نفسكم واحتياجاتكم وذوقكم أكتر ، وكمان الموديلات بتتغير ... فلو جبتوا حاجات في وقت إنتوا مش محتاجينها .. فممكن عقبال ما يجي وقت احتياجها الحقيقي تكتشفوا انها مش مناسبة ليكم ... او بقى في افضل منها.

- لما بنجيب كل حاجة دلوقتي قبل الجواز ، الحاجة دي بعد 10 سنين او 15 سنة بنشوف إنها بقت قديمة شوية ، وبنحتاج بعد فترة نجددها وخصوصا لو بنتحرك من شقة ل شقة ، لكن لو بنجيب كل فترة حاجة جديدة بدأنا نحتاجها ، فهنلاقي عندنا دايما حاجات لسه جديدة وحالتها كويسة وده بيخلي الوضع العام افضل.

- شعور حلو اننا نبني بيتنا سوا ، و كل حاجة جديدة بنشتريها سوا بعد الجواز بيكون ليها فرحة جديدة وشعور لطيف عندنا وعند اولادنا ، فده بيكسر الروتين وبيجدد طعم الفرحة في البيت.

تجهيز عش الزوجية مش بينتهي بالجواز.

فلو معاكم فلوس تجيبوا الحاجة دلوقتي ، هاتوها ، لكن لو مش معاكم ، هوّنوا على أنفسكم ، الموضوع مش نهاية العالم.

رزقنا الله وإياكم بيوت وقلوب عامرة

#دفا_البيوت
#محمد_فتحي

🌿📘


السبب الذي حركني و زاد همتي لحفظ القرآن أني تخيلت يوم القيامة الحفّاظ وهم يلبسون والديهم تاج الوقار وهم فرحين مستبشرين..

وتخيلت والديّ ينظرون لهم ويتحسرون فبالرغم من كثرة أبنائهم لا أحد منهم يحفظ القرآن👑🌿

تقول: فقررت وعقدت العزم على حفظ كتاب الله حتى أسعدهم هناك.

"أعظم بر تُقدمة لوالديك هو حفظ القرآن لتنعم معهم في مساكن طيبة في جنات عدن"👑🌿

#رسائل_تشجيعية

أولىٰ أمنياتي ، وأوسطها ، وآخرها.
‏كُل أمنياتي..
‏أن ترضى عنّي ، وترضى وترضى ،
‏وَتقرب منّي كُل عمل يؤهلنِي أَنْ أستحق جنتك ،
‏ثُمَّ أَنْ تأخذنِي إليكَ وَأنَا عبدٌ صالِح ، وَأنَا عبدٌ لَا يستحيي أَنْ يلقاك.

- هاجر أبو الحسن

‏«من أصبح مِنكم آمنًا في سِربه، مُعافىٰ في بدنه،
عِنده قوت يومه، فكأنّما حيزت له الدُنيا»

أصبحنا نسألك أمورًا مُيسرة ودروبًا آمنة يا ربّ.♡

- هو أنا منافق ولا مؤمن؟!بسأل بجد والله.. أعرف إزاي؟

سيدنا عمر بن الخطاب لما حب يتأكد من صدق نفسه راح سأل سيدنا حذيفة بن اليمان (أمين سر رسول الله) لو كان سيدنا النبي صلى الله عليه وسلم ذكره عنده من ضمن المنافقين ولا لا!، فحذيفة برأه وطمنه وقاله لا، احنا بقى نروح نسأل مين؟!

-نسأل سيدنا حذيفة بن اليمان.
=نسأله إزاي وهو ما. ت من زمان؟!!
-لا أقصد تجاوب على اسئلته.
=اللي هي؟!

في واحد راحله في يوم وسأله:"هل أنا من المنافقين؟"
فسيدنا حذيفة رد عليه بسؤال وقاله: أتصلي إذا خلوت، وتستغفر إذا أذنبت؟ قال: نعم .
فقال حذيفة:"اذهب فما جعلك الله منافقًا"❤
#هبة_شلبي
علمنا الله واياكم❤️

ماقدرش انسى من حوالي 13 سنة ، بعد ما زوجتي ما ولدت المولود الاول لينا ( رؤى ) بحوالي ٣ اسابيع ، وقتها انا كنت خارج القاهرة ، اتصلت بيا وقعدت تعيط وانا اقعدت أسألها مالك ؟
لكنها فضلت تعيط وقالت لي انها حاسة انها مخنوقة وماقالتش سبب محدد.
بصراحة وقتها انا كنت شايف انها بتدلع ، ومعاملتي ليها كانت من هذا المنطلق ( انها بتدلع ) وبالتالي معاملتي ليها كانت سلبية

وقتها ماكنش عندي المعرفة عن حاجة اسمها ( اكتئاب ما بعد الولادة) .

معظم الأمهات الجدد ربنا بيعافيها من الامر ده .

و في بعض الأمهات الجدد بيجيلها اكتئاب بعد الحمل وبعد الولادة ، وده نتيجة تغير بعض الهرمونات ، وكمان بعد الولادة بيكون في كائن لطيف عمال يعيط وبيسهرها وبيلخبط مواعيد نومها وفي مسئوليات جديده ظهرت زي الرضاعة و تغيير البامبرز ونضافة الطفل ونضافة هدومه ، والتخمين المستمر لسبب عياط الطفل... الخ

الاكتئاب ده درجات ، في أمهات بتصاب بدرجة مش عميقة بتمر مع الوقت ، وفي مستويات معينة لازم يتم الرجوع لمتخصص نفسي

الاكتئاب ده ممكن يخلي الام أحيانا تعيط بدون سبب من وجهة نظرنا ، بيكون نفسها تصرخ بعلو صوتها ، بتبقى حاسة أن حياتها باظت وجسمها باظ ، وان جوزها ده ابن ستين في سبعين عشان هو السبب في وجود الطفل اللذيذ ده.

انت كزوج لازم تدعم زوجتك نفسيا (خصوصا في اول حمل واول ولادة) استحمل تغير موودها اللي بيحصل أحيانا، لما تشوفها بتعيط اوعي تناقشها و طبطب عليها وقولها معلش ، لو قالتلك كلام مش لطيف مش متعود تسمعه منها طنش كانك ماسمعتش حاجة ، حاول تساعدها في مسئولية الطفل ورعايته.

ولو الأمر طوّل ، الأفضل استشارة متخصص نفسي .

لأن وقتها مش بتدلع ، لكنها فعلا محتاجالك.

#دفا_البيوت
#محمد_فتحي