"ኡማ ቲቪ " Tv

የሒጃብ ክልከላዉ ወሎ ኮምቦልቻ ደርሷል

ኒቃብ ለብሳችሁ የምትመጡ ከሆነ ለፈተና እናስገባችሁም መባላቸውን ሙስሊም ተማሪዎች ሰሞኑን መረጃ እየተናገሩ ነበር ።

ኮምቦልቻ የሀይስኩል ሙስሊም ሴት ተማሪዎችን ትናንት ከልክለዋቸዉ ወንዶቹም እነሱ ካልገቡ አንገባም በማለት የትናንቱን ፈተና ለመፈተን ችለዋል። ዛሬ ግን ካላወለቃችሁ አትገቡም ብለዉናል ዱዓ አርጊልኛ ብላኝ ነዉ ልጄ ወደ ትምህርት የሄደችዉ ስትል አንዲት እናት ተናግራለች ።

የአክሱም ሲገርመን ወሎ ላይ ተጀምሮል

30 days until Ramadan!

اللهم بلغنا رمضان

ምን ሁነን ነው ግን?

ትዝ ይላችኋል የዛሬ 3 አመት በፊት may 2022 …የመጀመሪያው አለማቀፍ የቁርዓን ውድድሩ በስታዲየም እንዳይደረግ የተከለከለ ጊዜ? ሰው ያን ሁሉ ትኬት ገዝቶ ገዝቶ… ትዝ ይላችኋል? የቢላልን ሀገር የነጃሺን ሀገር ለአለም ሙስሊሞች እናሳይበታለን ያልነው የቁርዓን ውድድር እሁድ ቀን ተሰርዞ በብዙ ትግል ሰኞ እለት በስታዲየም ተፈቅዶ… ህዝቡ ሰኞ ነው የስራ ቀን ነው አይመጣም ተብሎ ስታዲየም የሞላው ነገርስ… ከተለያየ የሀገሪቱ ክፍል አዳር ተጉዘን አዲስ አበባ የገባነው ነገር… ። ያ የስታዲየም ተክቢራ እንዴት ይረሳል? ተው ስንባል ስንከለከል እልህ አለብን። መብታችን የተነካ መስሎ ሲሰማን ቀጥ ብለን እንቆም ነበር እኮ… ። ዛሬ ላይ የቁርዓን ውድድር መጀመሩን ስሰማ… ያ አጋጣሚ ትዝ አለኝ። ያ ስሜት ግን አሁን አለ? ዛሬም እህቶቻችን ከትምህርት ለማግለል እየተሰራ ባለው በደል ላይ ያ ስሜት ቢኖር ብዬ ተመኘው። እህቶቻችን የክፍል ጓደኞቻቸው ማጠቃለያ ፈተና ተፈትነው እየጨረሱ እነሱ በእምነታቸው ምክንያት ተገፍተው ወደኋላ ሲቀሩ እንደማየት ምን የሚያም ነገር አለ? ምን ሁነን ነው ግን?

"ህጋዊ ካርታ ያለው መስጂድ በ5 ቀናት ውስጥ እንዲፈርስ ትዕዛዝ ተሰጥቶብናል!"

- የለገጣፎ ለገዳዲ መጅሊስና የሱመያ መስጂድ ኮሚቴዎች

ሀሩን ሚድያ፣ ጥር 21/2017

በሸገር ከተማ በለገጣፎ ለገዳዲ ክፍለከተማ ህጋዊ ካርታ ያለው ሱመያ መስጂድ በፍርድ ቤት እንዲነሳ ያለአግባብ ውሳኔ መሰጠቱን አስመልክቶ ሀሩን ሚድያ ህዳር 19/2017 ዓ.ል በቦታው በመገኘት ዘገባ መስራታችን ይታወሳል።

አሁንስ የመስጂዱ ጉዳይ ከምን ደረሰ ብለን የሱመያ መስጂድ ኮሚቴዎችን እና የለገጣፎ ለገዳዲ ክፍለከተማ እስልምና ጉዳዮች ምክር ቤት ጠይቀናል።

ኮሚቴዎቹ በሰጡን ምላሽ የመጨረሻ ማስጠንቀቂያ በፍርድ ቤት በኩል ለለገጣፎ ለገዳዲ ክፍለከተማ አስተዳደር እንደተሰጠውና መስጂዱን እስከ ጥር 26/2017 እንዲያፈርስ ትዕዛዝ መሰጠቱን ተነግሯናል ብለዋል።

የለገጣፎ ለገዳዲ መጅሊስ ከሸገር ከተማ መጅሊስ ጋር በመሆን ይህ ኢ-ፍትሀዊ የሆነ ውሳኔ መላውን የሙስሊም ማህበረሰብ ያስቆጣ ጉዳይ በመሆኑ የፀጥታ ችግር መንስኤ እንዳይሆን አስተዳደራዊ ውሳኔ እንዲሰጣቸው በተደጋጋሚ ቢጠይቁም የሸገር ከተማ አስተዳደር ለሙስሊሙ ማህበረሰብ ጥያቄ ምላሽ መስጠት አለመቻሉን በምሬት ገልፀዋል።

በሸገር ከተማ በለገጠፎ ለገዳዲ በደንበል ጣፎ ከ2002 ዓ.ል ጀምሮ የአካባቢው ነዋሪዎች አካባቢው ላይ ምንም አይነት መስጂድ ባለመኖሩ ጥያቄያቸውን የጀመሩ መሆኑን በማንሳት ከዛም ነሀሴ 2014 ዓ.ል በዒድ ቀን በከተማ አስተዳደሩ 2077 ካሬ ሜትር ላይ ያረፈ የሱመያ መስጂድ ህጋዊ ካርታ እንደተሰጣቸው ገልፀዋል።

የተሰጣቸው ቦታ ቆሻሻ መጣያ ስለነበር እሱን በማፅዳት መስጂድ በመገንባት ሲገለገሉበት ቆይተው አካባቢው ላይ ባሉ አንዳንድ አካላት መስጂዱ እንዲነሳ ጥያቄ ቢያቀርቡም የከተማ አስተዳደሩ እንዳልተቀብላቸው ተገልጿል።

በ2001 ካሳ የወሰደ አርሶ አደር መስጂዱ በጉልበት 1,000 ካሬ ሜትር ወስዶብኛል በሚል ክስ መስርቷል። ፍርድ ቤት በነበረው ክርክርም የመስጂዱ ካርታ ህጋዊ መሆኑንና ለገበሬው ካሳ መከፈሉን በማስረጃ ቢያቀርቡም ፍርድ ቤቱ መስጂዱ እንዲነሳ በሚል ያለአግባብ ውሳኔ መወሰኑን የመስጂዱ ኮሚቴዎች ተናግረዋል።

የመስጂድ ጉዳይ የህዝብ በመሆኑ መስጂዱን በተመለከተ አሁንም የሚመለከተው የሸገር ከተማ መስተዳደር አስተዳደራዊ ውሳኔ ይሰጠን ሲሉ የለገጣፎ ለገዳዲ ክፍለከተማ መጅሊስና የመስጂዱ ኮሚቴዎች ጠይቀዋል።

© ሀሩን ሚድያ