ابوذيه مع نعي للسبي ووداع العقيله للجثث
انكسر هاليوم خياتك علمهن
دكعد كوم ناشدهن علمهن
يونن حيل وينادن على امهن
تعاي هنانه يازهره الزجيه
...............

لتكول ماعندج مروه
ولتكول ضيعت الاخوه
من رحت عنك والله كوه
..................
اوداع اودعك مو اشباكه
ودعت وانه على الناكه
هيهات يحسين انتلاكه
...................
هيهات اشوفك ماي عيني
ماريدها بعدك اسنيني
للموت ما ابطل ونيني
..................


بيش انه جيت وبيش رديت
وبكربله يمه شخليت
خليت اخوتي اليوم وامشيت
..............
عالناكه والكافل اطوفه
وشلون اسالمهن اجفوفه
وامشي بيسر وانوب اعوفه
..................
امشي واعوفنكم يهلنه
والطاغي ايطكنه ويسبنه
ناديت وين اهل المحنه
..................
وحته البجي يحسين ممنوع
وراسك اشوفه برمح مرفوع
واعيالك امن المنضر اتلوع
.................
عيالك يخويه مرمروني
كلساع عنك ينشدوني
وبس البجي وتهمل اعيوني
...........
محتاره ياخويه شكلهم
ومنك بعد مكطوع املهم
اكعد وناشدهم وسلهم
...................
شنهي المبجيجن بناتي
وغطيتهن خويه بعباتي
عن راسك وروحي تحاتي
...................
مشرفة المجموعه الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات

https://t.me/Vvb313/8115