غزل

پــاکـــي چـي د زړونو آینــې نشي
یــــادي بــه د میــنې کلـــمې نشي

عشق د پاک الله غرقاب سینې غواړي
عشق نه دی چی بره پري څپې نشي

ځان چي لولپه په سرو اورو نه کړې
خپل به د جنت حورې عینې نشي؟

ډک له کړاؤ ژوندون د خدای لار کې
پایله به یې چیري بې فایدې نشي

داسې ابر ځواک ماتول پوه شولې
هیڅکله دا کار بې عقیـدې نـشې

کــار ده چــا په کار محسنه مه لره
هســي نـــه کیسې درنه درنې نشي

محسن احسان