دچا په زړونو راج له چا خیرات ښه وي صاحبه
که شي هغې ښکلا ته غرور مات ښه وي صاحبه

دتورو زلفو ټال کې روغ زړګی له سینې باسي
ريښتیا داسې د مینې کرامات ښه وي صاحبه

لمر مخی سپوږمی مخی یې دحسن انډیوال یی
ښکلا ته د یار توري لږ څه زیات ښه وي صاحبه

یو راز لري چې څوک چا لره څو ځلې ور درومي
د مینې په زیادت کې ملاقات ښه وي صاحبه

همداسې دې مدام د چا په زړه د مینې سیوري
ډالۍ د زړګي زړه لره سو غات ښه وي صاحبه

د چا حسن دې ګوته غاښ ته بیا یوړه عزیره
پام زړه ورپورې مه تړه احتیاط ښه وي صاحبه