مرجع المصمم

قناتي على اليوتيوب اشتركو في وفعلو الجرس ليصلكم كل جديد
في هذه الفترة سوف ننشر دروس سوف تفيدكم بإذن الله

https://youtube.com/@ZakariaBadubbah

سيتم نشر كورسات في التصميم ماذا من كورسات تحتاجون

الى زوجات مصممين الجرافيك
لما تتجوزي واحد شغال في التصميم الجرافيكي لازم تنتبهي لكم نقطة بسيطة :
١. لما يقول خلصت شغل وجاي فيها على الاقل ٣ ساعات.
٢. مش معنى انه الجمعة والسبت اجازة إنه مش راح يداوم بالعكس الدوام في العطل اشي طبيعي عنده .
٣.ومش معنى انه طالع معك مشوار انه ما يشتغل عالتلفون على الاقل .
٤.ومش معنى إنه نايم معناها إنه ما يفكر في حل مشكلة معينة وعادي تلاقيه بحكي مع حاله وممكن جداً يكمل شغله ويعمل طوشة وتولع معه وهو نايم.
٥.تلفونه جزء لا يتجزأ منه زيه زي البنطلون الي هو لابسه
٦.ما تحاولي تتناقشي معه خاصة لو حكالك أنا ف الشغل خلي اجابتك محددة آه أو لا لإنه بعد الشغل مش راح يتذكر انه حكى معك اساساً .
٧.راح تيجيه فترات بتلاقيه بتفرج عالسقف وسرحان هو ما بتخوث بس هاظ الوقت الي هو قرر يقعد مع حاله ويلاقي حل لمشكلة قد الحياة عنده بالشغل .
٨.لما شغلة تخرب في البيت مش لازم كل ٦ شهور تقعدي تذكريه فيها هو بكون عارف بس بستنى السنة المناسبة مشان يصلحها .
٩.لما تساليه إنت ليش ما بترد علي في التلفون أو الواتس ويقولك أنا رديت صدقيه هو ما بكذب بس هو مستقبل حوالي ٢٠٠ مكالمة في اليوم ومفكر انه انتي من ضمنهم .
مصممين الجرافيك محتاجين العطف عليهم فانتي لا تطلبي منه اكثر من مصروفك إللي هو حدده مش معنى انه مصمم معناها انه بقبض باليورو بالعكس هو بقبض فراطة عادي ممكن ما بقبض بالمرة