قناة الشاعر الحسيني مجيد عبد الرضا القريشي

لا لن تهون مني الكرامة
اني ربيب الحق والامامة
والله ... لن اخون عهدي
والله ....لامامي المهدي
والله ....لامامي المهدي
ــــــــــــــــــــــــــــــــــــــــــــــــــــــــــــــــــــــــــــــــــ
درب الكرامة موحجي وسوالف
دين وعقيدة ومنهج ومعارف
اتبع امامك لاتضل مخالف
واقتدي بنصر الله ولاتجازف
عنوان واضح للغاية ...عنوان فيه اتقى راية
عنوان ماله من لحدي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قد بان في جيش العدا السفياني
وحاربو الغزي واللبناني
فهب كل الشيعة في الاوطان
العراق والايراني واليماني
منصور من اتاهم زحفا ... منصور ... من جفاهم صلفا
منصور ... في رباهم مجدي
ــــــــــــــــــــــــــــــــــــــــــــــــــــــــــــــــــــــــــــــــــ
اعلينه لو كل الملا تجمعونه
بمجلس امن لا والله متخوفونه
يهود اوهاب اليوم ماتكدرونة
عندي امام معاهده وما اخونة
عجل يا امام الامة ... عجل ثار جيش الرحمة
عجل في الجهاد وردي
ـــــــــــــــــــــــــــــــــــــــــــــــــــــــــــــــــــــــ
اه يا ملوك الشر والغواية
يا خدم اليهود والبغاية
اتقتلون شيعة الهداية
ستخبر الايام عن رواية
ايات ... ننظر والخسف ..ايات ..عنكم لانخفي
ايات ..فيها نور سعدي
ـــــــــــــــــــــــــــــــــــــــــــــــــــــــــــــــــــــــــــ
ابن الملاحم شيعي وتعرفوني
انطر امامي وخلهم يلوموني
دوم لحسيني مدمعات عيوني
ومن راية العباس زركة متوني
باقي .. باعتقاد ومله ...باقي لا اطيق الذلة
باقي ...والقتال شهدي
...............................................
يالماد سيفك شيعي الك مد سيفه
بالخوف ردت نبايع الخليفة
بيعه النا وحده وي علي نظيفة
وانته وسيوفك من زنا السقيفة
مكتوب .. من غدير الخم ... مكتوب حيدري اسمي
مكتوب ... انت ابن هند
.....................................................
بقلم خادم اهل البيت عليهم السلام
مجيد عبد الرضا القريشي

كل يوم نفس الواعية ومنين اجيب الواعية
هواي التخون وقائمج يدور انصار
سبعين ضد سبعين الف باب وتولاها صلف
والامة تجمع بالحطب وي شاعل النار
يا فاطمة .. يا فاطمة
ــــــــــــــــــــــــــــــــــــــــــــــــــــــــــــــــــــــــــــــــــــــــــ
نفس الوجوه تكررت الگالو ولايورث نبي
الحرگو ابابچ حطب وأخذوا ضعن زينب سبي
الهشمو هامة علي و يتمو چم طفلة وصبي
الفجعوا حسين وحسن يالزهرة شعب اليعربي

ولد الصنم .. صبو الم .. ولاسيد المنهاسلم

واليوم مو حافر يرض.. ٨٠ طن رجت ارض
نزلت على الوالي بدين إيهود كفار
وتتفرج اعلينا العرب.. والشام افراحة نصب
ويوزع لموته رطب وي شاعل النار
يا فاطمة
ــــــــــــــــــــــــــــــــــــــــــــــــــــــــــــــــ
كحسين من طاح الگمر كسرتنا يشرحها الفلك
كم مرجع لقائد صفه يصفگ على ايده وفرك
ثابت ولاهمه الغرب ما ساوم وخان وشرك
والي خذو ارضچ غصب ليهود سلموها الفدك
ولد الزنا ... لهو وغنا ... گاظيها لعب وشيطنه
ورغم الحصل من امتچ.. عالعهد ظلت شيعتچ
حزب المقاوم ظل وفي ماذل للاشرار
ايران وعراق ويمن .. لبنان شرف كل وطن
والعالم اعلينه غضب وي شاعل النار
يا فاطمة
ــــــــــــــــــــــــــــــــــــــــــــــــــــــــــــــ
انكتبت علينا المعركة وما بيها لاوين المفر
يالزهرة محتاج النصر الگلبه حديد ومن صبر
عالم وفد هجمه هجم بحرب الإبادة بكل مقر
مولاتي وهيچي حرب محتاجة كرار وگمر
امرنا طاح .. واحنا بجراح ..وغدر العرب طعنة رماح
لله سلمنا الأمر .. بلچن يجي المهدي ويمر
ايقود هاي المعركة ابسيف كرار
انحارب وقلة العدد ..وانادي ياحيدر مدد
والسلم مايفيد وعتب وي شاعل النار
يا فاطمة
ــــــــــــــــــــــــــــــــــــــــــــــــــــــــــــــ
بذكرى مماتچ هالمسه التمينا نذكر حضرتچ
يلي جهادچ من ستر بالدار چانت موتتچ
يالي رفعتي كل محب ما خاب يوم بنخوتچ
هالليلة نطلب يالطهر بهاي المجالس نظرتچ
يالماضية ...يالقاضية .. بهالحال انتي راضية؟
ندعي بجاهچ يالطهر.. تظفر الشيعة وتنتصر
وراية ابو فاضل ترف بكل الامصار
تذل اليهود وسطوته وتبيد كل الوالته
وزمرة أمية تلتهب وي شاعل النار
يا فاطمة
ـــــــــــــــــــــــــــــــــــــــــــــــــــــــــــــــ
يا سلوة الي استضعفوه امحاصر بلاية دوه
بين القحط بين القصف حسرة علييه شم الهوه
عطشان لاكن من ذكر اسمج يزهراء ارتوه
شما غدت ظلمة دنيته ابذكرج يشوف الضوة
نور اعله نور ...للشيعي سور ... اسمچ حرز كل الحضور

الضايگ محبتكم شفا ... عامر ضواه وما طفة
انتوا السراط المستقيم وسر الاسرار
الناكر قضيتكم خسر ...وحاجز مكانه في سقر
يوم الحشر لمن يطب وي شاعل النار
يا فاطمة
ـــــــــــــــــــــــــــــــــــــــــــــــــــــــــــــــــــــــــــــ
مجيد عبد الرضا القريشي
نسالكم الدعاء

يحسين يكون الله بعونك
لهاي اللحظة وميعوفونك
رادو حبك بينا يقل .... لكنك أصبحت الكل
كل الاوطان يشوفونك
____
ضامي وسهامك كالقنفذ وجبدك فوگاهن مجسوم
وخافو منك گطعو نحرك كل هذا وخافوك تگوم
ردو طحنو ضلع لصدرك وطشو جسمك بين الحوم
لاچن طشيت وطش ذكرك بكل العالم انته اليوم
والرايد يمسح عنوانك
مسحو وانته تعظم شانك
لا اسم الهم باقي و ظل .... لكنك أصبحت الكل
كل الأوطان يشوفونك
____
شكم ظالم حاربنا لحبك بالتاريخ احسبها هواي
چم مرة ألگبر يهدمونه يحسين وما نرضا بهاي
انرد نبنيلك ونطوفك زاير ولگبرك عناي
وفيضو ماي النهر بگبرك وگام يطوف اعليه الماي

والماي بصف گبرك حاير
راسم حضرة وراجع زاير
حتى الماي حدوده اندل .... لكنك أصبحت الكل
كل الاوطان يشوفونك
____
ردو منعونا منن نزورك والظالم چن يطلب دين
لاچن صرينه وما خفنا فرضو دينار واثنين
ندفع أموال ومانرجع وامنا صحنا بحسين
الزاير گالو نگطع چفة رحنا ومدينا الچفين

وحگ عباس اچفوف اطينا
لعيونك فدوة ولعينه
گمنا نطوف ودمنا يهل .... لكنك أصبحت الكل
كل الاوطان يشوفونك
____
ردو غيرو ملت جدك جابو لينه دين يهود
احتلو كعبة الله وحكمو الوهابية وال سعود
كفرو كل شيعي والزارك بديانتهم ماموجود
وجابو حزب البعث يذلنا وما يخلينا ليك نعود

يسجن يعدم واحنا نگله
هيهات من حسين الذله
صار بحفرة وانته التل .... لكنك أصبحت الكل
كل الاوطان يشوفونك
____
خسرت ورقتهم بالطاغي ردو ارهاب وتفجير
انطينا أرواح ومن خيرك باركنا الله وصرنا بخير
كل موكب ليك يفجرونا بداله عشرة هناك تصير
ردو جابو زمرة داعش والناصب واهل التكفير

گبرك رادو يحتلونه
وگدام الشيعة يهدمونه
بفضل الفتوة صار الحل .... لكنك أصبحت الكل
كل الاوطان يشوفونك
____
شافو بالتهديد انخذلو وفازت چلمات الهيهات
گالو بالباطن نضربهم ونرجع أصنام اللات
ارشو كلمن بايع دينة وعالمرجع سوو ثورات
وعن امرك رادو يلهونة بمقهى وطوبة وإعلانات

وحتى الشيطان يدگ عرشه
لهونة بمدريد وبرشه
ويوصل اهدافه المحتل .... لكنك أصبحت الكل
كل الاوطان يشوفونك
____
خادم خدام الحسين ع
مجيد عبد الرضا القريشي
نسالكم الدعاء

عدنا دمعه مومثل كل الدموع
عدنا دمعة تحترگ مثل الشموع
هزت العرش المبين ... دمعة ايتام الحسين
عدنة دمعة
___________
اول الدمعات نزلت بحزنها موقليلة
بيها حرگة گلب يعتب بالهجر هدمو دليلة
هذه دمعة بيها غربة بلوعة العلة تسيلة
فسر صخور الرواسي اه يا دمع العليلة
عالهجرها ظلت بوحشة تنوح
عالهجرها تحسب ايام وجروح
عالدرب مشبوحه عين .. دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏ثاني دمعة جمره بيها ذوبت گلب الحديدة
‏عليي بالكوفة هجرها تجذب النوح وتعيده
‏اه يا دمع الزغيرة اه يا غربة حميدة
‏بچا حتى العرش الها من تنادي بويه اريده
‏بوية بوية تنده وتجري الدمع
‏بوية بوية من يداوي المنفجع
‏تصيح ردلي يالحنين. دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏هاي ثالث دمعة هلت من گلب كالسيل ونه
‏راح عمها وخذ جربته للنهر لا رده منه
‏ظلت تنادي يعمه الگمر شو غاب عنا
‏عمه واعدني يجيني وگلي عد عيناچ سكنه
‏شوتأخر ادري ما يخلف وعد
‏شو تأخر خاف غدروه الاسد
‏خاف گطعوله الايدين . دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏رابع دموع الرساله نزلت اعله الوجنه من دم
‏بچت الارض وسماها وزيدت بگلوبنا الهم
‏يا مصيبة المامثلها الجرت لاولاد مسلم
‏تذبحو ابگلب قاسي بالحقد منگوع والسم
‏شكد بچولة ما رحم ابن الزنا
‏شگد بچولة عوف واحد خذني انا
‏مارضى الا الثنين . دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏واكثر دموع الجرتها من طفوف لشام هيه
‏للي راح بسفر عنها تنادي بلكي يعود اليه
‏خامس الدمعات هذه الك ترويها رقية
‏يوم شافت راس ابوها بالطشت صاير دمية
‏هيجي بوية الملگه من بعد السفر
‏هيچي بوية مصابه موتني قهر
‏واليتيمه تروح وين . دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏سادس دموع الذرفها شگد اجرها ماني قايس
‏ما عرفها الا احمد وعترتة والفقه دارس
‏دمعة تسوى الدنيا كلها للحضر هذه المجالس
‏ينادي يحسين ومصابة ولوعة احزانة يمارس
‏هاي دمعة بيها اجر شما تريد
‏هاي دمعة تشغي الداي العنيد
‏شما تصبها بالانين . دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏هالمأسي وكل دمعها شما بقه هالكون ينحب
‏انجمعت بهمها وحزنها يا خلگ بعيون زينب
‏يا گلب مثلچ حملها بچتل اهلها شگد تعذب
‏والسبى خذ طوره منها من السياط الظهر حدب
‏اه يزينب دمعچ بكل الدهور
‏اه يزينب يجري انهار وبحور
‏باقي لهاي السنين . دمعة ايتام الحسين
عدنة دمعة
""”""""""""""""""""""""""""""""""""""""""""""""""""""""""""""""""""
‏مجيد عبدالرضا القريشي ابو منتظر
‏نسألكم الدعاء.

گوة ياجدي سرب ضعني سبوه
وگوة للشام انسبي من الكوفة
شلون افارگ عزتي وريحة شفاك
حسين والشافة ابد مايعوفة
شلون اوصف طيحته بارض الطفوف
وطيحة الكافل بلاية چفوفة
حرت ياجدي شوصفلك واگول
اليفگد اخوانة صعب موصوفة
مثل طيحت جبل حيلي بفگدة طاح
اوزن جسمي صار وزن الصوفة
مثلي ماشافت مرة ضيم ومرار
عاشرت هول القدر وحتوفة
بلا كفيلي امشي وبلا نور الحسين
مسلسلة جدامي وادي مچتوفة
بهضمة سياط وشماته بلاية دين
وحالي مايسر الملا من تشوفه
اه يجدي بالسبي حيرة عيال
ودمع هامل للزغير وخوفة
بعد ضعني بس عيوني اعله الطفوف
من اول الخطوة اشتقت لطفوفه
ما اعوف حسين يمه ردت اموت
بكثر حزني انه اله ملهوفة


مجيد عبد الرضا القريشي ابو منتظر

#السبي ـ يازينب

يا سوط السبي ... ما ترحم نبي
لاتضرب متن من الحزن طاح وجلا
يا سوط السبـــي... ما ترحم نبـــــي
بنت الزهرة هذه وعند ابوها مدلــله
زينب هذه بت طه.... يؤذيه الي اذاها
يا سوط السبـــي... يا سوط السبـــي
__
هاي العاشرت مر الحياة وكل مصيبــــه
فرگه اتشابگ بفرگة لحبيب وجم حبيبه
شعندك گلي وياها يخايب هالغريبـــــــة
لا والي البقه عدها گضه كلمن نحيبــه

وارد اسئل سؤال ... شبيك ويالعيال
ما تحمل ترافتهم جلد ويه الزغــــــر
وارد اسئل سؤال ... شبيك ويالعيال
سوطك بيه حديد وتطبع أثاره جمـــر
گلي شعندك وياها .... يؤذيه الي اذاها
يا سوط السبي... يا سوط السبي
__


گالو عالجماد يسبح لربه ويحمــــــده
حتى يصلي لاحمد يحب اله ويـــــوده
وانته شماله مكنونك على زينب تعده
زورگت المتن والدم على اعبيها تبده

تسبيحك غضب ... ما تسوه العتب
تلدغ لدغة الحية على طيور الحماد

تسبيحك غضب ... ما تسوه العتب
حيهم ما رحم بينا شنعاتب بالجماد

روح من الله اتلگاها .... يؤذيه الي اذاها
يا سوط السبي... يا سوط السبي

__




گايلها رسول الله الفواطم بضعة مـــــني
بنتي لاتؤذوها وكذلك زينب اعنـــــــــي
معناها الضرب فاطم عدا عليه وضربني
وسوط اليلدغ بزينب تره بگلبي لدغني

هذا القول اله .... ابعاشر كربلا
معناها انطحن ضلعه مع ضلوع الحسين

هذا القول اله .... ابعاشر كربلا
داس الحافر بصدره نبي المتقين

بكل مجلس حچيناها .... يؤذيه الي اذاها
يا سوط السبي... يا سوط السبي
__






زينب هذه نور الله البزغ ما بين الغيوم
شمالك حاقد اعليها ولا بيها تحس دوم
چانها الها اخو كافل يريته عايش اليوم
والله يوصلك جهنم گبل لاتوصل هدوم

لو باقي الشهم.... منكم ينتقم
وسفة بالغدر طايح بلا جفوف ونظر

لو باقي الشهم.... منكم ينتقم
ما تتجاوز أحدودك ولايظلك اثر

لزينب عينه طفاها .... يؤذيه الي اذاها
يا سوط السبي... يا سوط السبي
__





يالدامي نواظرهم صباح وكل مسية
ذولة ضنوة الضامي ذبيح الغاضرية
ارد اسأل يالمشلح ردانك للاذيــــــة
هم اتحرك احساسك لمن تجلد رقية

ما تسالها قط... ليش بلا قرط
وأثار الدما مثل النهر فوگ الوجن

ما تسألها قط... ليش بلا قرط
خلصت كل جبيرتهم بمسح دم الإذن

وبعبينا مسحناها .... يؤذيه الي اذاها
يا سوط السبي... يا سوط السبي

__



من عهد العهد تضرب سياطك كل وفي يثور
مصنوع بعهد جدهم ابو سفيان الك جـــــور
والاول مع الثاني امر قنفذ على الفـــــــــور
ضربو فاطمة وزينب بقه خاطرها مكســور

شو چنك ورث ... من حرث لحرث
عالعترة ومواليها يتلوة سوطك أدهور

شو چنك ورث ... من حرث لحرث
بيدين البعث شفتك تلاعب فوگ الظهور

بكل زيارة زرناها .... يؤذيه الي اذاها
يا سوط السبي... يا سوط السبي
__
خادم خدام الحسين ع
مجيد عبد الرضا القريشي
يا زينب نظرة
٠٧٧٢٣٧٦٦٧٤٣

ربي عظم عزاء المنتظر ... قايم بهاي المجالس هالشهر
ربي وبحق ظهورة ... بمجلسي الكه نورة ... والاجر في حضورة
"""""""""""""""""""""""""""""""""""""""""
انت نور الله لعبادة يابقية هالصـــــــــــبر
بالمجالس انته قايم وانته كضيت العمــــر
تذرف الدمعات جمرة وحدك تعاني الهجر
تشوفنة بس ما نشوفك مجلس لمجلس تمر

بالمآتم يصد النه النظر ... منهو اليظل منهو لعتبر
تقييم انته الخدامة... منهو ينصر امامه ... انته ترفع مقامة
"""""""""""""""""""""""""""""""
نعتذر منك يمهدي لون كصرنا بعمـــــل
لو خذتنا الدنيا غفلة وانكطع منا الامــــل
باب للتوبة فتحته مجلس حسين المحــــل
اليلتزم وبكلبة لوعة ودمعة للضامي نزل

ما تفيدة لاصلاة ولاعمل ... الكلبة قاسي وبالمجالس ما همل
والي رايد يعينه ... المهدي ويرضى علينه ...يصعد بهالسفينة
يمكن احنة سنين قلة بهالحزن متلوعــــين
سيدي يساعدك الله حزنك الاف السنيــــــن
شما قروا عن المقاتل وانذكر كطع الوتين
يرتفع منك ندائك ياحبيبي ياحســــــــــــين

تنحب وتنده يوقعة كربلا ... الف واكثر عمرك بهذا البلا
غايب جروحة تدي ... ظل ينادي يا جدي ... اجرع احزاني وحدي
"""""""""""""""""""""""""""""""""""""""""""""
سيدي العالم تغيير وحدثت انواع الفتــــــــــــن
جم علامة تلوح النه واضحة بهذا الوطـــــــــن
صاحب المنكر تفاخر صاحب الغيرة حـــــزن
شوك ننظر ما كو وردة بدم جروحي خضـرن

خايف بمجلسي هذا ما تمر ... لو خله من المخلص واهل الاجر
اعفي كلبي وغرورة ... بحك حسين ونحورة ...مجلسي هذا زورة 



لا متى يطول غيابك يا أبو صالح نكــــول
شيعتك محتاجة جيتك العالم عليهه يصول
بكل وطن الهم نوايح تحالف عليهم عذول
غدرت يهود ونواصب بيهم وشافو مهول

رغم مئسات اليعادي والانين ... ما نعوف احنة شعارات الحسين
يبني دمنة المجالس ... يغدي واحدنة عابس ... اعله اجري انافس
"""""""""""""""""""""""""""""""
سيد ماعدنة حجة بالكبر غير الثنـــــــــين
انتظارك والخدامة البيها اوفي للحســــــين
الحياة شبعتنة ذنب وما كو غيرك يالحنيـن
بجاهك الله يغفرلنا بهالمجالس والانيــــــن

بجاه جدك عظيم المنزلة .... وبجفوف الكمر راعي الاولة
يصفي من ذنبي عمري ... بدنيتي انتو اجري ... ينور بحبة كبري
""""""""""""""""""""""""""
مجيد عبد الرضا القريشي (ابومنتظر)/نسالكم الدعاء وثواب القصيدة لروح والدتي

في فضل المجالس

مجالس رائدة .... للحگ قائدة
بيها من الحسين عبرة وفائدة
_______
مجالس اقتدي ببها ولاتهمك ملامات
اجرها گال صادقنا بكثر كل العبادات
ابد لاتلتهي عنها بغرائز لو ملذات
بغير حسين ماتكدر توحد الله بالذات

دمعة اعله الحسين ... عبادة تقلين
على هموم الدهر ... دوم مساعده
_______
يهنيالة الحضر مجلس ابو أليمة ودمع سال
حيا بعبراته وبلطمة أمر زينب والأبطال
اول مجلس اتاسس محمد بيه قره وگال
ياشيعة من ذكر ابني اغير حاله من حال

اليذكر وقعته... ويسچب دمعته
فاطم بالحشر ... اعلييه شاهدة
__________
اه يحسين ومصابة شعارك خلها بالدين
نشيد يزلزل الظالم وسيفك بالميادين
وأذكرك أنه ابوحده وهالكلمة استمع زين
ابد لا يحلم بجنة اليجافي مجلس حسين

خاسر من ظلم ... فايز من لطم
والبيها استهان... صار وي العدة
__________
على المذبوح بالحومة تواسي لازم الناس
الله من مجالسكم يحارب ذولة الانجاس
تهزم بيها شيطانك وتطرد شكو وسواس
عروش الطاغية تسقط لون تنده يعباس

عباس الگمر ... ساعات الخطر
بس اتنخه بيه... الميت يگعده
_______
خلك صافي التيه وعله راس الطمع دوس
ابهالخدمة لاتفكر تطش لو تكسب فلوس
وية حسين خليها فطرة وتأخذ دروس
محمد بيكم واله رايد يرفع الروس

اخلص نيتك ... وارفع رايتك
من المستأكلين... خاسر من غده
__________
قضية كربلا تبقه ومعارك زينب تطول
حسين مني وانه من حسين النبي يگول
إذن دين الله بحسينه كلام تفهمه العقول
بمجالسنا وماتمنا إذن هالدين موصول

لو ردت النجاة ... وتامن بالحياة
احضر محلسه.... دينك تاجده
__________
خادم خدام الحسين ع
مجيد عبد الرضا القريشي
نسالكم الدعاء

لو تدري حال بنيتك لو تدري حالي
صرت لمماتي وجيتك احسب ليالي
ومعلگة ظلت ظنوني... بين اليجوني ومايجوني
________
ماسلمت رغم المرض واقنع بروحي يردون
يرجع حبيبي اوالدي واخوتي گبالي يگعدون
اني العليلة فاطمة گلبي عليهم محزون
يلي رحلتو بلا خبر هلبت عليه تسئلون
صرت مثل الغريبة والحالة عصيبة
بعد الاهل حراگ وحلمي غرگ بالراگ ويدور طبيبة والحالة عصيبة
صوت العليلة ينادي صوت العليلة
منهو اليهدي فؤادي يرجع خليلة
لو حتى كلمة يراسلوني ... بين اليجوني ومايجوني
________
يا اهلي ما ظلي صبر طفله شكثر مشتاگه
ذبل محياها الهجر والمرض حط اطواگة
حلمي انه وياك بظهر ما ادري ياهو الباگه
يا يوم گلي نجتمع ونگعد تحت مشراگة
بالطيف ورجيته ما يرجع لبيته
يالسكنت الأغراب يم مرقد داحي الباب ارجوعك تنيته مايرجع لبيته 

ويوگف ونيني بكترك يوگف ونيني
وتحضني رحمة صدرك واشبع حنيني
وتتكحل بشوفك عيوني ... بين اليجوني ومايجوني
________
غصني على غيابك ذبل وردة وبعد عنها الماي
ما همني لو عيش بصحر بس والدي يظل اوياي 
مو بت ابو ذر انفت لهفة اعله والدها هواي
خليني يمكم ارتحل واقبل انه تفيض دماي
كل عمري انذرة بس وجهك انظرة
بعدك يابوية حسين من القهر ميتين النفس گوة اجره بس وجهك انظرة

يالبعده موتي وغربة يالبعده موتي
معيشني صوته وحبه انه واخوتي
واقبل بصحرة يدفنوني ... بين اليجوني ومايجوني
________
مابين ميت لو عدل انطر منو يردلي اخبار
لو يمه مكتوبي وصل كالطير جا يمي طار
يطوي الارض ابن النبي لو بيده للكوكب شار
اتاخر برده علي بس لا خطر بيهم صار
يطعنزن الجلالة الما تعرف حلاله
ولون بگه بلا حيل خافن تسحكه الخيل
وتتناثر وصالة الما تعرف حلاله 
 خوفي عليهم ثاير خوفي عليهم
 ‏جايب جيوشه الجاير ومچتليهم
 ‏ورقية تصرخ  سلبوني ... بين اليجوني ومايجوني
________
ابقه اتاني والدي ما صدگ اتغدره ارجاس
ماصدگ يصيبه العطش وگباله عمي العباس
عبد الله ماصدگ ضمه طفل وترحمه هالناس
لاچن اخافن حرمله لو سدد بسهمه وجاس
من ابن الزنية اسهام المنية
ما ترحم بيك هناك والقدر يتعناك والرگبة دمية بسهام المنية 

سهم النواصب قاسي سهم النواصب
هيج ظنوني براسي وظليت احاسب
وانهمرت دموعي وشجوني ... بين اليجوني ومايجوني
________
خادم خدام الحسين 
مجيد عبد الرضا القريشي 
نسالكم الدعاء

نذكره ونجله حسين
يومه يوم الله حسين
ــــــــــــــــــــــــــــــــــــــــــــــــــ
عاشرك اعظم امر نتذكره
اعظم الايام الله ذاكره
انزلت ايات بيها مسطرة
الي حياها فاز دنيا واخرة

بدمعته ولطم الايدين... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
ربك انزلها على خير البشر
نعمة النا وموعظة ودين وفخر
يوم يم طه نزل ملك القطر
وجابله تراب الطفوف بدم نحر
وسمعو انحيب وانين ... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
انبياء اكرام واهل المنزله
نزلو بعاشور وبطف كربله
عالحسين اوضاعهم متخلخله
مكدر بعاشور ونحيبه عله
حزنه من ذيچ السنين ... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
لو ردت سوگ التجارة الرابحة
هذه الأيام عليي النايحة
للمجالس دوم نفسك جانحه
واترك اصوات النشاز الصايحه
ذوله لاذمه ولادين ... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
ليل دنيانه وفقط انته الصباح
ياحسين انته الدوة لكل الجراح
طاير ابحبك واحوم بلا جناح
ومايهمني من العدو كثر النباح
ابمحبتك هايمين ... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
هم مثل يومك على الدنيا سرع
ضامي مگطوع النحر دمك جره
واختك العدوان ويلي ميسرة
وعالنهر مچتول سبع الگنطرة
بلا چفوف ولايه عين ... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
نبقه ماضين بذكركم يالشهيد
هالذكر بلسانه صاير نشيد
كل سنة عاشورك احييه واعيد
نحيي امرك واجب ونلعن يزيد
ونبرء من الظالمين ... يومه يوم الله حسين
ــــــــــــــــــــــــــــــــــــــــــــــــــــــــــــــــــــ
مجيد عبد الرضا القريشي
نسالكم الدعاء

بجاه الحسين الخضيب ... سجل اسمي يا حبيب
_________
بحق حبيبك يبن ظاهر والخيم
بحق ابو فاضل وجوده والعلم
للشهيد حسين سجلنه خدم
بلچي اله يمك نصيب ... سجل اسمي يا حبيب
_________
خولك حيدر بهاي المنزلة
بالسجل تكتب الزاير كربله
اترحب بزواره وتنادي هلا
ابكبر سنك والمشيب ... سجل اسمي يا حبيب
_________
يالعشت مرتين من حب الحسين
يالمتت مرتين للغالي الحنين
اسمع الاهات منا والانين
بين رادود وخطيب ... سجل اسمي يا حبيب
_________
انتم الاصحاب وازلام الوفه
موكب الخدام باكتارك لفه
يدور الاحسان ويدور الشفه
انته للعله طبيب ... سجل اسمي يا حبيب
_________
يالگلت افدي الحسين بهالعمر
لوشهادة تنول ولو تلكه النصر
عاجد الشيبات فوگ وتفتخر
طاهر من امك حليب ... سجل اسمي يا حبيب
_________
سجل اسماء الخدم ابن النبي
عربي لو اعجمي لو اجنبي
بجاه ذيچ الراحت بدرب السبي
والخدر منها سليب ... سجل اسمي يا حبيب
_________
الف هنياله التسجل بالسجل
واسمه يقراه الحسين ويبتهل
لطمي وشعري وعزائي ينقبل
وفاطمة تشبعني طيب ... سجل اسمي يا حبيب
_________
خادم ابن مظاهر
مجيد عبد الرضا القريشي
نسالكم الدعاء

ميمر عالخدمة

هنيالة اليواسي حسين وهنيال كلمن زاره
_______
الله ونبيه وصه بزيارتهم
جعفر الصادق اكد بخدمتهم
يشكره علي وتشكره باچر امهم
وتزيده حظ وايمان وينال بخت وشارة
_______
هنياله اليحب السبط هنياله
تطهر سجيته وتنقبل اعماله
وحگ اليگطعو يمنته وشماله
اليخلص بحب حسين محشور وي انصاره
________
بالك احد يلهيك عن هالخدمة
توفيقك يروح وتطير النعمة
احسين هو اسرع سفينة رحمة
يغرگ الماصار وياه متفيده ألف عباره
________
گال الرسول لشيعته وللسنه
ويسمع كلامه الگاصي ويه الادنه
احسين مني واني اشهد منه
خسران كلمن عاداه ماتنقبل اعذاره
______
شنهي الحياة بلا ذكر امر حسين
بسمه كبرنا ومجلسه نور العين
نجدد عهدنا وما تغيرنا سنين
لبحر الحزن متوجهين كل شيعتك بحارة
_______
ماهمنه حاضر لا امس لاباچر
اعله الماتم حي والشعائر
بيها نعيش نموت نبقه نكابر
واحدنه رابي بعاشور وطف كربله مصياره
_________
خدام احنا للنبي والعترة
نفخر نواسي ابحزنا الزهرة
وتلعن لسنه هنا اخبث شجرة
من ال امية اوهاب والرافگ الغدارة
_______
مجيد عبد الرضا القريشي

اسمعني ياجاري الماي وافهمني ... عطشان انه موعطشان ماتهمني
لوبيك اردن لحسين ..لو انطي عين وجفين ..المهم ذني الاثنين
ماتهمني
________
يجاري ومايك عذب تغريني بصوتك جذب
ينسى العطش كلمن يحب احسينه
ياخاطف انوار النظر ليلي صرت وانته السهر
يمك نزل نور الكمر وايدينه
عاينت مايك وانتحب عالظامي ظل من دوني
صحت لكياني ونخوتي يانفس بعده هوني
هذا الحسين ابن النبي انطيه ماي عيوني
معذور عن شرب الماي واتروه ...بهاي المواقف تنقاس كل خوه
الدنيا مواقف للناس ..عبرة ومعاني واحساس
عباس أنه و العباس ماتهمني
________
القصة موقصة نهر ..ولاعطش بانفاسي سعر
قصة شمس وية الكمر قصتنا
قصة وفه لاعظم ولي ..بن فاطمة وحيدرعلي
يسوة حياتي وكل هلي حجتنا
رباني حيدر اخدمه وافديه جسمي وروحي
افخر اذا عن عيلته تترس كياني جروحي
ولهذا لاجله يانهر نزلت دمعتي ونوحي
للوالي ولزينب صار كل عمري ..اخرتي همة ودنياي كل اجري
كون وخلك الهم صار .. دين ومعادن اسرار
همه الحماية من النار ما تهمني
ــــــــــــــــــــــــــــــــــــــــــــــــــــــــــــــــ
موقصتي وياك العطش اكدر كبل هذا الرمش تلگاه ورد طف انفرش خضرة وماي
لاكن وعد ابكربله چفي تتطيح مجندلة اتلث ائمة تقبلة يا محلاي
الماي لو جيبه وارد واطفي جمرها عيالي
اجرع سهم عيني ولا اجرع عطش بالغالي
وعدي إله سكينه يظل مرسوم غيمة أبالي
انطي العمر اولا شوف عبد الله
طاح بعطش مثل النار يتگله
صوغت وفه هذه وياي من امي وصتني هواي للطف اصيرن سگاي.ما تهمني
ــــــــــــــــــــــــــــــــــــــــــــــــــــــــــــــــــ
تعرفني ياصافي الصفة اني عهد عندي الوفة ابن العلم والمعرفة بن هاشم
لا مايحيرني الضمة جفي روه ارض وسمه باجر تصير المحكمة ونخاصم
تكشف جفوفي فاطمة ولله تبث شكوتها
تكله يربي بياذنب هيچ العده گطعتها
ويجري دمعها لحضرتي بت طه وحسرتها
يكفي فخر يوم حساب تذكرني
ام الحسن بين الناس تشكرني
لاهمني جنة ولانار ولابرد همني ولا حار المهم بنت المختار ماتهمني
___________


هذا الوعد هو المنا هو السعد هو الهنا حسين الصفا واني منى بينه تحج
من گبري لكبره سعي تجري يماي وتندعي وتطوف چفي ومصرعي وبيه تلهج
عطشان تصفه يانهر ترويك تربة گبري
جوة ترابي تندفن تطلب سماحي وعذري
ساعة اعله گبري مقدمك وساعة لعضيدي تجري
مخفي عن أنظار البشر جاريك
تتمنه لو شارب انه من ميك
خبيت وجهك خجلان وتدگ علينا البيبان تدور شفاعة وغفران ما تهمني
________
موتي على جرفك اهم ولاشوف محروگة الخيم بس صعبة لو ظهرة انجسم احسيني
ارحم عيوني بلا نظر ولاشوفة مكسور الظهر والشمر يگطع بالنحر ياذيني
ولاشوف زينب عالهزل ويلاه من يسبوها
الامتون زرگة وبالحبل من ايدها شدوها
ياحسرتي لذاك الامر للشام من طبوها
عمري ولا مايك دوم ما اريدة
العايفلة زينب كل ماي ميفيدة
جابولي كوثر وبچيت لاخذته اولا رويت بدمعي اعله زينب ونيت متهمني
_______
خادم خدام العباس ع
مجيد عبد الرضا القريشي
نسالكم الدعاء

يهنيالة الحظه بملگاك يانور العلي وحجته
الگظه وكته ينتظرك عابد ينكتب وكته
يمهدي يمته نتلگاك سيفي ودرعي حضرته
هنيالة الوياك مجاهد هنيالة
--------------------------------
گالو ما ظهر مهديك لاهو ولاربعة
حيل ايعروني بهاي واسكت واحبس الدمعة
لاچن ماتهمني الناس وابقى متاني كل جمعة
عيرونا ونتاني ظهورك
--------------------------------
مجيد عبد الرضا القريشي

شنو الصار بيت الحزن بابه انقفل.
شنو الصار ياس الگبر عودة ذبل
تاخرت فاطمة ليش وما اجت
لا سگت گبري ولا يمه بچت
شنو الصار .. شنو الصار
__________
ايست ما كو امل بيت الاحزان انقفل هالمسية
لا نداء ولا دعاء يخفف اعلية البلاء من الزچية
غاب النهار وافل والورد عودة ذبل شلقضية
منهو اليجاوب حبيب ابو بلا بنته غريب يالبرية
والافكار بروحي غدت نار الجمر
والافكار تگلي ضلعها منكسر
خايف اباب الرزية تمرمرت
لا سگت گبري ولا يمه بجت... شنو الصار .. شنو الصار
__________
سكته بس صوت الهوا گلبي بالوحشه انچوى شلمصيبة
ترجف اغصان الورد عالندى من يبتعد ويجفي طيبة
عطشى روحي چن گلب ينتظر كلمة محب وي حبيبة
لفاطمة ظليت انوح خاف ترسوها جروح هالغريبة
من بچاي ناحت سماوات السبع. من بچاي ينزل ملاك الله دمع.
گالو بدم الجنين توهنت. لا سگت گبري ولا يمه بچت... شنو الصار .. شنو الصار.
_________

لو لفت گبري البنت چني حي وما متت من تزورة.
تگعد گبالي تون قمر وبليل الحزن يزهي نوره.
تبدد بگبري الظلام من ترد بوية السلام باحلى صورة.
تگلي يا بوية العمر بعدك سموم الجمر يغلي جورة.
زمن دار بعدك على عقبة انگلب. زمن دار حرگو على داري الحطب.
طفت داري وگلبي ناره ما طفت.
لا سگت گبري ولا يمه بچت... شنو الصار .. شنو الصار. __________
تنادي بالباب انوليت لاني حية ولاني ميت من المها.
بوية صاحت واني احس اتجاسر ابئيده النجس رد ضربها
گلت لويرجع زمان واحضر بهذا المكان اشهدلها.
اليعادي هالبتول في سقر باجر اگول من غضبها.
رضا الله في رضا بنتي يا بشر
رضا الله والمارضا بيته سقر.
ما اله دين العليه بنتي اغضبت.
لا سگت گبري ولا يمه بجت... شنو الصار .. شنو الصار.
_________

بنتي نور من الجلال صدگ اصحاب الظلال عذبوها.
خلو حسين وحسن وزينب بهذا الوطن يندبوها.
ادري ما يهمهم غدير يا علي باعو ضمير خالفوها.
مو عجب هذا اليصير تنكسر بنت النذير ويضربوها.
والحسين يجري الدمع وية الحسن.
والحسين ارض وسما وياهم بجن.
اه يا زينب على امها شگد نعت

لا سگت گبري ولا يمه بچت... شنو الصار .. شنو الصار

__________
لا اتأثر من اجوك وبحبلهم قيدوك لا اتأثر
اسد غالب يعرفوك حتى لو گاعد لگوك انته حيدر
لاتگول القلة الي وكثرة ماوالت علي لا اتحير
شوف وبأخر زمان يعوضك شيعة حنان بيهه تفخر
ملايين كلهه تحج گبر الولي
ملايين تهتف بأسمك يا علي
تنادي يا ثار الزجية من مشت
لا سگت گبري ولا يمه بچت... شنو الصار .. شنو الصار

__________
باجر ايصير الحساب والحرگ نار اعلى باب اني خصمه
بنتي اتشير البنان منهو اليشوف الجنان ومنهو يعمه
شيعتك تطيهه نور والي عاندها بغرور يلگى ظلمه
الدخل بيتي غصب لا تظن جنه يطب ناره حطمه
عهد گال الي يواسي فاطمة
عهد گال باجر يشوف الغانمة
للذكرها فاطمة لا ما نست
لا سگت گبري ولا يمه بچت... شنو الصار .. شنو الصار

__________
خادم الزهراء مجيد عبد الرضا القريشي