قناة نحر الحسين ع العلويه ام اياد

نعي
الاحاضات الاخيره بين زينب ((ع)) واوالدهه الامام علي السان الحال




بويه اترجاك دتعطل اليله
ثجيل الفرك  ومالي  حيله
اليموت ابوهه تضل ذليله


شعاجلك ومحمل الضعون
ماضن عليك العشره تهون
رتك تجيه تضل الي وعون

يابويه شوجنك على ارحيل
صارت صدك يالناوي اتشيل
خافن وكتنه بينه  ايميل


راح الدلال وخلص وكته
شخصك يبويه من فكدته
تيهت دربي وعيب شفته


ماشوف دربي ولا اوجده
ونكطع يابويه حبل الموده
شخصك لو مشه بعد شيرده


روحي  يبويه  تريد  وياك
يالكلك محنه وحلو طرواك
اليله يبويه  اريدن  انخاك


انخاك مو تنسه يوالي
بيه تمر وتشوف حالي
جلمت البويه ضلت ابالي


بويه التفت وسمع ونيني
من البواجي طفت  عيني
كلي شوكت بويه تجيني


بويه يمن  فدوه رحتلك
تصعب عليهه الفرك بتك
هيبه تضل وياي  رتك


شال الدلاني وراح مني
يومك هضمني وزاد وني
الفركه طويله شيصبرني



لخادمة الحسين ((ع ))العلويه ام اياد لا يجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى

http://t.me/joinchat/-h0l4_B6FIg2ZjYy

قصيده ليلة جرح الامام علي ع



*الله يطيج الصبر  /   زينب بوكت الفجر*
*اشكال كلبج يالعقيله / راح ابوج التشتكيله*
*الله ينطيج الصبر   ٢*


من سمعتي ابعلم ابوج وراسه مجسوم
شلون حمليتي الخبر  انتي وكلثوم
انفجع  كلبج  يزينب  بالولي اليوم
دخيل عد الله الولي/ صحتي بت حيدر علي
هذا ابوج المنطبر /الله يطيج الصبر


صيحه صارت وانتي فزيتي برعب
حيدر  الكرار  بالكوفه  انضرب
خفتي حكج على الوالي ودمعج يصب
الليله حزنج بالكلب / وناره ماتخمد تشب
من سمعتي بهالخبر/ الله ايطيج الصبر


صبح بدمه الولي امغضب اجبينه
الف وسفه المرتضى يجهر  ونينه
دمه بالمحراب سال وغفت عينه
غمض اعيونه الولي /وبعد ماينضر الي
اضن كلبج انفطر /الله ايطيج الصبر

تحوم يم راسه العقيله وتجري العين
شدت ابمعصبهه جرحه ابو الحسنين
تنادي اكعد والتفتلي يا ضوه العين
خلافك انه شلون بيه/ بويه ياحامي الحميه
  حيدره جرحه خطر / الله يطيج الصبر


صبحيتي  شلون مصباحج يحره
والدج مشدود  راسه  ودمه  يجره
ايعينج الله على الجره وكلبج يصبره
موقفج ماينوصف / الوالدج عينج ترف
وكسرتج ماتنجبر   الله ايطيج الصبر


ايعينج الله شلون من شفتي الولي
وايس   الدكتور  من  عنده  علي
صحتي اخلافك يبويه  منهو  الي
روحي شلي بيه/ الك بويه افديهه
اشلون اكضيه العمر / الله يطيج الصبر


بعد ماضل كل صبر من شفت راسك
فدوه اروحن يالولي الجرت انفاسك
اليوم مفجوعه اصبحت اهلك اوناسك
عليك محزون البلد /خاف تمشي وماترد
ااخ منك يادهر /الله يطيج الصبر

              الله يطيج الصبر


*لخادمة الحسين ع العلويه ام اياد لا يجوز حذف الاسم اهدي ثوابها الى شرف النبي محمد وآل بيته والى روح والدي السيد قاسم ابن السيد عطوان الفاتحه*




http://t.me/joinchat/-h0l4_B6FIg2ZjYy

قصيده إلى الامام علي ((ع ))



*يادلالي وين بعد الكاه عكبك يادلالي*
*خالي ضل بويه مكانك وسفه خالي*


وين بعد الكه  دلالي  الراح  مني
من ابو الحسنين شال ورحل عني
حكي لونوحن وزيد عليهه وني
نشدهه بالي بعد ابوي انشده بالي


روحي خلصانه بغيابه وكلبي مالوم
كلي  هم ترجع بعد يابويه  يايوم
خلافك يونن ببقن  زينب  وكلثوم
هذا حالي عكب عينك هذا حالي


مضيعه والضيعته ابوي البي مهابه
وحشه داره من مشه ومسدود بابه
شلون  بيه  لو علي  طول  اغيابه
شكثر  غالي عليه  اشكثر  غالي


جنت احسن بالامان انه  ابوجوده
هذا ابوي العشت بالدنيه على موده
عني شال المرتضى وبعد  شيعوده
ردته والي الضل اليه ردته والي


ردته والي ايضل اليه وانتجي عليه
والدي الكله محنه  اشلون  انسيهه
زينب خلافك حزينه الدمع تجريه
انشده  بالي  يبويه  انشده  بالي


انشده  بالي  يبويه  ودمعي  بالعين
الحسن يبجي عليك ويبجي الحسين
عليك ماعتب يبويه  اعتابي  للبين
وحشه الليالي علينه وحشه الليالي




*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*


http://t.me/joinchat/-h0l4_B6FIg2ZjYy

من ديوان زينب والمحراب الجزء الثالث

نعي
الفقد الاب


رمضان تلتم بيه الاحباب
واحنه ابونه جوه التراب
تعدت سنين وطال الغياب


رمضان اجه واحنه بحزنه
نذكر كعداتنه ذيج وسمرنه
خذاك الموت يابويةوغدرنه
غصبن علينه من افتركنه


رمضان هل ودموعي هلن
وعلى المشه ضليت اونن
وحسرات الكلب بيه شخلن
يعيوني على الوالي دذلن


رمضان هل مجبل علينه
عود و ماجايب  ولينه
عليهه الكلب زايد ونينه


جانت  زهيه  دور  اهلنه
نحط فطورنه ويحله نزلنه
راحت بعد ذيج المحنه


ياشهر جيب اوياك ابونه
اشتاكينه الصدت عيونه
عونه اليشوفه اليوم عونه


✍️ لخادمة الحسين العلويه ام اياد لايجوز حذف الاسم

http://t.me/joinchat/-h0l4_B6FIg2ZjYy

لـلـمـوت نـدائـنـا یـاحـسـیـن🏳:
في طريق كربلاء اليلة الخامس عشر من شعبان

*بطريق الشوك متعنيه الامامي*
*وكلبي الكربله يسبك اجدامي*

متعني الكلب ليك
وبلمهدي اهنيك

اوصل حضرتك والعطر اشمنه
ترد الروح بيهه كربله جنه
بنص شعبان زوارك تسجلنه
الك يحسين كل حبي وغرامي


درب الجنه هاذه البيه ماشين
وهنياله اليزور الكمر وحسين
الكلب ينبض بحبكم يلميامين
همه النور المضوي ضلامي


بالمهدي ابو اليمه اليله اهنيه
فرحانه الزجيه فاطمه بيه
ساده تباشرت وكل اهاليه
للموعود اوجهنه كلامي


زدهرت كربله وضواهه النور
وبالموعود منهه شعت عطور
بدرب احسين اكتب احله الصطور
اليله للكمر اهدي سلامي

اليله ستقبلونه اجينه زوار
اجينه من العمار لبو الاحرار
بمولود الصميده ابن الطهار
خادم الكم انه واعلن انضمامي

*لخادمة الحسين العلويه ام اياد لا يجوز حذف الاسم


http://t.me/joinchat/-h0l4_B6FIg2ZjYy
السلام عليك ياقائم آل محمد

ابوذيه
للامام المهدي عج الله فرجه


المهدي نصيح كل احنه هلا بي
ابو صالح علامه من هله بي
اعياد وفرح ميلاده. هلاهل بي
نصلي على النبي ونطش الواهليه


هل. هلاله المهدي وبين
و بسامره صطح نوره و بين
الفرحان ابمولده هليوم بين
يهوس بصيار شبل الهاشميه


نولد نور الامامه الف حياه
يوم خمسطعش شعبان حياه
هنياله الذي هذا اليوم. احياه
نستقبل بيهه ابن حاميه الحميه




لخادمة الحسين العلويه ام اياد لايجوز حذف الاسم

https://t.me/joinchat/-h0l4_B6FIg2ZjYy

*هوسات لولادة الامام السجاد(( ع))*




بميلادك علي  السجاد  فرحانين
نصلي على نبي بسمك يماي العين
طلعو بني هاشم بيك متباهين

*(((اهلا بالعابد نور دنيانه ))*


اعياد  ومسره  بجيت  السجاد
وبصوت المحب هلهوله هم تراد
انخه الله اورسوله الفرح ينعاد

*((وبصحن احسين انسوي ميلاده )))*



هله بزين  العباد  وهله  بطاريه
اودي الكربله والحسين تهنيه
شع نور الامامه وهل سطع ضيه

*((نهني الساده  بمولوده ))*


نولد رابع اليمه وشاعت اخباره
علي السجاد ضوء الدنيا بنواره
اليله انخاه واريدن منه البشاره

*((تفرحونه  كلبي  الحزنان ))*


كصدتك بالولاده ودمعي مفضوح
بكلبي الفرح مات وراحت الروح
لوتدري بدلليلي جم جرح مجروح


*((دخيلك يابو الباقر/ ماضن تنسانه ))*



*لخادمةالحسين ع العلويه ام اياد لا يجوز حذف الاسم*

https://t.me/joinchat/-h0l4_B6FIg2ZjYy

*هوسات لولادت ابو الفضل  ((ع))*


الكافل بالمهد زينب تلوليله
حطت رايته  يمه وتحيله
تهز مهده بفرح زينب وتدعيله

تكله
((اهلن يلبيك ارفع راسي ))


بيه تباشرت زينب واهاليهه
ومشت لم البنين امه تحيهه
يمه رايته يم مهده خليهه

((وخليهه والرايه ابصفه))


اجت يم المهد وتقبل اجفوفه
بي زود وشجاعه ومرجله تشوفه
هله ابعباس يلغيرته  معروفه

(( بميلاده زينب تتباهه))


بمولوده ابو فاضل شعت انواره
وريحت ورد حيدر عطرت داره
ايكللهه يزينب جبنه البشاره

((بمولوده بشروهه الحره))

زينب بالكفيل اليوم فرحانه
خل تفرح تكول الساده ويانه
هذه صكار الزلم معروف عنوانه

((عنوان الغيره ايعرفونه ))


*لخادمة الحسين العلويه ام اياد لا يجوز حذف الاسم*

https://t.me/joinchat/-h0l4_B6FIg2ZjYy

اليلة مولد الامام الحسين ع


سطحت أنوار الولاده بيت حيدر
ونترس حضن الزجيه والكلب سر
وفطرس بمولود صاح الله أكبر
حسين هذا بجيته هب ريح عنبر

(((الكون تباشر  كله امولود )))

هبت نسايم والعطر فواح هليله
وطه يقبله  وبجفوفه إيشيله
وحيدر ينضر الوجهه ويدعيله

((هل نوره مولاي اليله))


بمولد الحسين الدنيه فرحانه
هلا بعترة محمد نور. اكوانه
فرحانه الزجيه وعلي  ويانه


((بسمك فرحانه الزهره الله))

✍️العلويه ام ايادhttps://t.me/joinchat/-h0l4_B6FIg2ZjYy

قصيده الليله الاخيره اللامام الكاضم (ع) في السجن



*الليله اوداع      ويه المات مسموم*
*ابو طلبه         بوافته شاعت علوم*



اليوم اوداع ويه  البالسجن  مات
غريب الوحده ويجذب الحسرات
وثلث اليال نعشه على جسر بات
على الكاظم الجو امغيم  اليوم


بدمع العين خل  انودع  الهيابه
ويه معصومه كلنه انصيح يايابه
ابو طلبه علينه  يكلف  امصابه
بته عليه محزنه وسود الهدوم



يوداع السجن ماخله كل حيل
ومن قيد السناسل صاح ياويل
وجنازه بالاهل طلعوهه بالليل
عمت عيني على الكاضم المضلوم



محد ون عليهه وكعد يم  راسه
معذب بالسجون وخمدت انفاسه
ماعدهم  خبر  لا هله ولا ناسه
بطاموره وحدر هلكاع مضموم


سم وفراك جاروحه شيضل بيهه
وعينه من الدمع مانشف جاريهه
هاي جنازته  وجاوين  اهاليهه
شالاهه الجسر  ياريته  مهدوم


اسم الله عليك ياراهب بني هاشم
المثلك مايضل على الجسر نايم
عليك  اليوم  حزنانه  العوالم
الشيعه  تاخذ  ابثارك  يجيدوم




*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*


https://t.me/joinchat/-h0l4_B6FIg2ZjYy

هوسات الى الامام الكاظم ((ع))


ياسجان خلي الباب مفتوح
بعد ساعه تراهي ورايحه الروح
خايب شوفني على الكاع مطروح

ارحم حالي اذاني الكيد))


اونن والسجن وسدوده بيبانه
اعالج بالمنبه وروحي خلصانه
حاكون اليموت خذاه خوانه

((من اهله الفزعه مريومه ))

فزعه نريد للكاضم المسموم
نشيله من الجسر ونشايعه اليوم
وتعازي فاطمه وحيدر الجيدوم

((نون عليه المات بضمه )))


ننون على الذي حطوه بسرداب
بعيد اهله عليه وبعيده الحباب
بني هاشم ولا حضرو بالمصاب

((العياله  ماحضرو  يومه ))

الساده مادرو مسموم ابو طلبه
وضلت حسرته جي وحده بكلبه
عمت عيني عليه وحالته صعبه


((مسموم يا ومحد تجابه))


الكيد شكد ثكيل وهدل امتوني
والسم مرد جلاي وعمه عيوني
انه الكاضم بسمكم مارحمتوني

((ضلمه وماشرفن بعيوني ))


لخادمة الحسين(( ع ))العلويه ام اياد لايجوز حذف الاسم


https://t.me/joinchat/-h0l4_B6FIg2ZjYy

نعي عن الامام الكاظم ((ع))
كئني بمعصومه ((ع ))جالسه مقابل جسر الرصافه وتقول


كعدنه على جسر الرصافه
وننشده على الحلوه اوصافه
غاب الابو عنه حسافه


حسافه الحد منك حرمني
فص عيني نشلع من رحت مني
بويه زاد عليك والله وكثر وني
الرفرمه طويه شيصبرني


انشد  واكول ابوي  وينه
شنهي العطله ومايرد لينه
كلبي نكطع جي ساجنينه
ومحد  سمع منه  ونينه


ياجسر وين  البيك  نايم
اشبع تره خلافه هضايم
ميت يوسفه بسجن ضالم


اعتب يبويه وعتبي هواي
خلافك تراني وين منواي
صكطت دمعتي وزاد مبجاي


بويه مبجاي مابطله ونيني
وعلى الجسر مشبوحه عيني
انه انتايه تمرني وتجيني


حنين الابو ويفي على بته
انه  ابعازته واليوم  ردته
على جلمت البويه انه تبعته


تبعت الضعن مالحكت بيه
طر الخرابه وشال راعيه
ماكال البنيه تنشد  عليه

انشد وريد الجان كوسر
نكعد بفيه من يمر حر
تردلي لو ضلن  تنطر

لخادمة الحسين(( ع ))العلويه ام اياد لا يجوز حذف الاسم

https://t.me/joinchat/-h0l4_B6FIg2ZjYy