خطوة امل

قصه منقوله من احدى طلاب السادس

" لَم يتبقى ألا 47 يوم "

مثل هيج يوم قبل سنتين شفت هاي الجملة بأحدى القنوات وانا جنت ضايع بوقتها وعندي تراكمات بگد التمن واكثر مادة قاري بيها 4 افصل والادب ما فاتحه  مثل ما مسولفلكم قبل ، صفنت وي روحي ساعة مو اكثر وگلت انت مو تريد تكون نفسك ! ، مو تريد تحقق حلمك ؟ ، ليش دتسخت ليش مدا تقرا ليش مدا تتعب ! شمنتظر بعد هاي بقلك 47 يوم ويخلص السادس ، گعدت باوعت الوقت ميسعفني انُ اخلص تراكماتي يلا ابلش مراجعة فسويت جدول مال مراجعة گبل والمادة الي عندي نقص بيها اقراها زين واحل وزارياتها مو اله مراجعتين وهيج شي ؛

" ثاني يوم الساعة ب 4 الفجر رحت للمقبرة وگفت گدام ابوي گتله انا هسه اجيتك و اوعدك ماجيك بعد ألا اجيب الطب "

رجعت للبيت بوجهي ع الكتاب ما ضليت شلون بيه ماالحك مبقالي وقت جانت ثقتي برب العالمين كُلش قوية ادري انُ انا راح اتعب وهو راح ينطيني ، وتذكرت الدفعات القبلي جانو كتاب كامل وعدهم 40 يوم بس ، وانا جنت واثق من نفسي وادري انُ انا اگدر بحيث وين ما امشي اكتب ع الحايط و ع الباب وع السبلت " سأصبح طبيباً “ اهم شي تكون واثق من نفسك لانُ اذا تخاف ودگول مراح اطلع فعلاً انت مراح اطلع لو مراجع عشر مرات بس خلي ثقتكم برب العالمين قوية ،

الشي الي صدگ اختصر وقت علية وفهمني شنو اقرا هي ( الثوابت الوزارية ) حرام انت طالب سادس ودتقرا وتعبان ومتعرف شنو الثوابت ، ذني اشياء ثابتة بالوزاري تقراهن بس هنه تضمن ال 100 ، فعليه قبل لتراجعون اي مادة طلعو ع اليوتيوب الثوابت وانصحكم بالاستاذ سجاد اللامي واكتبوهن بورقة وخلوهن گدامكم واعرفو من كُل فصل شنو يجي واقرو على هذا الاساس ؛
المُهم من رجعت من المقبرة ملخت الكتب جنت اتعب واموت من التعب واگول هاهية خلص بعد ما اگدر بس توگف بعيني انُ انا وعدت والدي شلون اروحله وانا خالف بالوعد ، ضليت اقرا هواي كُلش هواي اليوم الي اقرا بي 10 ساعات صافيةة اضل الوم بروحي واگول مقاري شي فَـ اي تدفع ثمن الاوقات الي جنت تسخت بيهن بهل طريقة بالتعب والساعات الهواي ، اجتي ايام جنت اقرا 22 ساعة !! اي اي والله لانُ الاكل مالتي والشرب من ضمن القراية جنت انام وانا گاعد هيج مادري تجي امي تندهني دگلي اعدل نومتك فـ كُلش تعبت بذيج الفترة ، اذكر موقف والله كملت اكل گمت افرش اسناني اخذت ملزمة الادب خليتها گبالي افرش اسناني واقرا القصة القصيرة بوكتها تتخيلون كمية الحرص الي جانت عندي واستغليت وقتي ابشع استغلال
مر الوقت وانا احارب …
رفعت راسي گلت للمراقب خلصت !
جان آخر امتحان امتحنه بحياتي وانا طالب مدرسة بس من گتله خلصت ماعرف شحسيت طلعت من القاعة جماعتي يحاجوني مااجاوبهم ممصدگ انُ خلصت امتحانات وانا كلهن مجاوب بيهن الحمدلله ، رجعت للبيت اريد انطي ردة فعل ماعرف متطلع حاولت انام ما گدرت طلعت گعدت بالحديقة استرجعت ذكريات المعهد من اول يوم دخلت سجلت وشلون جنت اسخت وما اقرا وبعدين صحيت ومن رحت للمقبرة وشكد تعبت وكُل هل تفاصيل حرفياً انعرضن گدامي ، اباوع كُلشي خلص شنو وشلون ماادري المهم خلص ، طبيت للغرفتي قفلتها كتلهم الي يگعدني اگطعه جان انام الساعة ب 5 العصر گعدت ثاني يوم بـ1 ع الغدة نمت 20 ساعة
ورا اسبوع بالضبط كالو حتطلع النتائج اليوم ما احجيلكم ع القلق والخوف وهذا الحجي انت تعبت وقريت وجاوبت زين الله يساعد الي مقارين ، المهم اليوم وباجر وعگبة عيشونا برعب ودمرو نفسيتنا
ورا خمس ايام جان يوم سبت كالو الضهر تنشر نتائج السادس الاعدادي وهم بلشت الهوسة والجذب مال القنوات والروابط بوكتها محد تغدة من اهلي كلها كاعدة بقلق وانا اطب على هل رابط واطلع من الثاني المهم وصلت للرابط الرسمي وبي الدرجات المدارس كلها حملت وبقت مدرستي وانا كاعد اشوف الرسوب الي بالمدارس كومة فحطتت خوف جان تحمل المدرسة مالتي كمت ما اشوف ضغطي صعد والسكر هبط والجو اشتعل اباوع على اسمي واشوف معدلي 100.17 وي الاضافة  امي گامت تصيح وتصفگ وتبجي وتهلهل وتسجد كلهن سوتهن يعني حرفياً ذاك اليوم ماتجي فرحة مثلة مستحيل هي فرحة وهي صدمة لانُ محد متوقعها ابد ولا حتى اهلي امي دگلي جنت اشجعك وهاي بس مخليه ابالي 80 اعلى شي لانُ اشوفك متقرا وغير عن هذا انُ ماكو احد بأقآربي مطلع هيج معدل فحرفياً شعور ما ينوصف ابد شدو حيلكم ولا تستهانوا برقت بقى تكدر تصنع كُلشي بيهم 💗.

طلاب التمهيدي
ضبطوا فقط هذه (5) محاضرات
واضمنوا بامتحان العربي (25) بالادب

من زمان كلنا طريق عطلة نصف السنة يكون طريقين 🛣️ ..

* مبدئيًا عطلة سعيدة ان شاء الله
مو مهم مجاوب او ما مجاوب
كلا الحالتين مو مهمة غير بشغلتين..
🟡الشغلة الاولى : الدخول
🟡الشغلة الثانية : تعرف نقاط ضعفك بالمادة

اكو فرصة نعوض ڪلشـي ❓
اي اكو فرصة جديدة نعوض ڪلشـي ونعوض الكورس الاول ونصف السنة وعدنا وقت بس يراد هدوء ويراد استرخاء نفسي!

⚠️نرجع ؏ طريق العطلة يكون طريقين:
- اما تدرس الكورس الاول وتعيد تضبيطك للمادة ونقاط ضعفك وتراكماتك بي وتدرسهن وتطيح حظهن بسبيل ما تفكر بي بعد .

- اما تترك ڪلشـي يخص الكورس الاول وتبدي بالكورس الثاني وتهكر منّه أشكد ما تكدر حتى تضمن دخولك او امتحانات الشهرية تكون مسيطر و تختبر نفسك بامتحانات حتى تسيطر بس شرط من تبدي بالكورس الثاني تنسى ڪلشـي بالماضي واشياء يخص الكورس الاول حتى يكون طريقنا صحيح .

مَن تَوكّل عَلىٰ ٱلله ‏تَسهّلت لَهُ الصِعاب،
‏اللهُمَّ تَوكلنا عَليك فِي جميعِ أُمُورنا،
‏فأُكتب لَنا الخَير أَينَمَا كَان 🌿🫀.
‏

المواضيع الثابتة وتجي بنص السنة نفسة بالوزاري
سؤال يحل بهيس او يحل بهيس، وسميشن  💯 % جاي
سؤال ربط بين المجموع سميشن وعلاقة كبس
تعاليل علاقة كبس، 💯 % جاي
سؤال ربط بين المسعر وقانون سميشن
تعاليل الانتروبي
الفصل الثاني
تعاليل مهمة جدا 💯 %جاي،
لو شاتلية وزيادة منتوج كلش مهم 💯جاي،
الفرضية نوع ثالث 💯 %جاي
وعلاقة kc وkp 💯 % جاي،
أهمية ثابت الاتزان وأسئلة حاصل تفاعل

الفصل الثالث
تعاليل الأملاح
بفر. 💯 % جاي،
الذوبانية 💯 % جاي
الفصل الرابع
فاراداي 💯 % جاي
حفظ مادة وجهد الخلية
نيرنست
اهم الشرحيات
قطب الهيدروجين القياسي
خلية دانيال والخلية الالكتروليتية والطلاء
وكل مدرس وطريقتة
بالأسئلة ويركز على بعض الأسئلة والمواضيع المختلفة عن غيرة من المدرسين لكن اكو ثوابت الكل يجيبة